Fréttir

Fréttamynd

Hættir öllu samstarfi

Yfirvöld í írösku hafnarborginni Basra eru hætt samstarfi við breskar hersveitir eftir að hermenn leystu upp rannsóknardeild lögreglunnar í borginni og eyðilögðu höfuðstöðvar hennar. Vel á annan tug manna lét lífið í bílsprengjuárásum í Bagdad í morgun.

Erlent
Fréttamynd

Símkerfi Landsspítala-Háskólasjúkrahúss bilað

Símkerfi Landspítala Háskólasjúkrahúss er bilað sem stendur. Erfitt er að ná sambandi í aðalnúmer spítalans og er fólki bent á að prófa bæði heimasíma og farsíma ef ná þarf sambandi við sjúkrahúsið. Verið er að vinna að viðgerðum á símkerfi sjúkrahússins.

Innlent
Fréttamynd

Hundruð manna láta lífið í sprengingu í Nígeríu

Vitni segja að fleiri en 500 brunnin lík liggi við olíuleiðslu sem sprakk í Nígeríu í dag en gat hafði verið gert á hana í nótt. Þjófar höfðu ætlað sér að stela olíunni og fóru hundruð manna að olíuleiðslunni til þess að ná sér í olíu.

Erlent
Fréttamynd

Rætt um hugsanlegan arftaka Túrkmenbashi

Allsherjarþing var sett í Túrkmenistan í morgun og sækja það fleiri en 2.500 fulltrúar víðsvegar úr landinu. Þar á að ræða hvernig á að haga kosningum sem og hvaða frambjóðendur á að velja til verksins. Ákveðið var að halda kosningar þann 11. febrúar næstkomandi.

Erlent
Fréttamynd

25 farast í sprengjuárás í Bagdad

Að minnsta kosti 25 manns létust og 55 særðust þegar að þrjár bílasprengjur sprungu í suðvesturhluta Bagdad í morgun. Árásin átti sér stað á fjölfarinni verslunargötu og er talin alvarleg, jafnvel á íraskan mælikvarða. Ekki er ljóst hverjum var verið að reyna að ná sér niður á en næstum öll fórnarlömbin voru óbreyttir borgarar.

Erlent
Fréttamynd

Olíudælum komið fyrir í dag

Stefnt er að því að koma upp búnaði til að dæla olíu úr Wilson Muuga þegar birtir í dag en skipið strandaði við Hvalsnes í síðustu viku. Hávar Sigurjónsson, upplýsingafulltrúi Umhverfisstofnunar segir veður hafa hamlað því hingað til að hægt væri að koma búnaðnum fyrir en allt útlit er fyrir að hægt sé að hefjast handa í dag.

Innlent
Fréttamynd

Eþíópískir hermenn nálgast Mogadishu

Eþíópískar hersveitir eru farnar að nálgast höfuðborg Sómalíu, Mogadishu, og gætu náð henni á sitt vald á næstu 48 klukkustundum en þetta sagði talsmaður Sómalíustjórnar rétt í þessu. Sómalska stjórnin hefur einnig heitið að gefa leiðtogum uppreisnarmanna upp sakir gefist þeir friðsamlega upp.

Erlent
Fréttamynd

Tvö ár liðin frá flóðbylgjunni við Indlandshaf

Þess er minnst um gjörvalla heimsbyggðina í dag að tvö ár eru frá því að flóðbylgjan mikla skall á strandhéruðum við Indlandshaf og grandaði 250.000 manns. Í Taílandi lögðu ættingjar þeirra sem fórust blóm á hafflötinn til minningar um ástvini sína og á indónesísku eynni Balí var viðvörunarbúnaður prófaður og svæði rýmd í æfingaskyni.

Erlent
Fréttamynd

Árleg jólabrenna fór út um þúfur

Tilraun um tuttugu ungmenna í Grindavík til að halda jólabrennu í gærkvöldi fór út um þúfur þegar lögregla mætti á svæðið og leysti upp samkomuna. Fólkið hafði safnast saman við skrúðgarðinn Sólarvé skammt frá sundlauginni. Þar var hlaðið upp balkesti með spýtnabraki og ýmsu drasli, eldfimum vökva skvett á og síðan kveikt í.

Innlent
Fréttamynd

Yfirvöld í Basra slíta samstarfi við breska herinn

Yfirvöld í hafnarborginni Basra í Írak segjast hætt að starfa með breska hernum á svæðinu eftir að hermenn leystu upp rannsóknardeild lögreglunnar í borginni, frelsuðu 127 fanga og sprengdu svo í loft upp höfuðstöðvar hennar.

Erlent
Fréttamynd

Fjórir í Keflavík teknir með fíkniefni

Fjórir karlmenn voru handteknir í Keflavík um þrjúleytið í nótt vegna meints fíkniefnamisferlis en fíkniefni fundust í bíl sem þeir voru í. Þeir voru færðir í fangageymslur og verða teknir til yfirheyrslu með morgninum.

Innlent
Fréttamynd

Lögregla óskar upplýsinga um skemmdarverk

Bíll sem stóð í vegkantinum á Hafnavegi rétt utan við Hafnir á Suðurnesjum var skemmdur í nótt, rúður brotnar og hurðir og vélarhlíf dælduð. Bíllinn, sem er af gerðinni Toyota Corolla, hafði staðið þar bilaður frá því á Þorláksmessu. Lögreglan í Keflavík biður þá sem geta gefið upplýsingar um þetta skemmdarverk að hafa samband.

Innlent
Fréttamynd

Bílvelta á Garðsvegi

Ökumaður, sem grunaður er um ölvun, ók út af og velti bíl á Garðsvegi á Suðurnesjum í morgun á móts við golfvöllinn í Leiru. Lögreglu barst tilkynning um bílveltuna um áttaleytið.

Innlent
Fréttamynd

Gazprom krefst hærra verðs frá Hvít-Rússum

Rússneski gasrisinn Gazprom hefur komið sér upp varabirgðum af gasi í Þýskalandi til þess að bregðast við hugsanlegum niðurskurði á gasútflutningi til og í gegnum Hvíta-Rússland. Gazprom varaði Hvíta-Rússland við því á mánudaginn að það myndi þurfa að greiða hærra verð fyrir gas frá og með árinu 2007.

Viðskipti erlent
Fréttamynd

Umskurður lækkar líkur á HIV-smiti

Ný rannsókn hefur sýnt fram á að ef karlmenn eru umskornir eru um 60% minni líkur á því að þeir fái HIV. Rannsóknin benti einnig á að ef þessi aðferð yrði notuð í Afríku gætu hundruð milljarðara sparast sem væri þá hægt að nota til meðferðar fyrir þá sem þegar eru veikir.

Erlent
Fréttamynd

Norðurljós og snjór heilla

Hundruð erlendra ferðamanna, frá öllum heimshornum, koma árlega hingað til lands í þeim tilgangi að vera hér yfir jólin. Frekar dauft er yfir höfuðborginni jóladagana og lítið um að vera fyrir útlendinga. Þó geta hlutir eins og snjór og norðurljós, gert gæfumuninn fyrir margan ferðamanninn. Það var frekar tómlegt um að litast í höfuðborginni í dag og nánast öll verslun og þjónusta lokuð.

Innlent
Fréttamynd

Kirkjusókn með mesta móti

Kirkjusókn var með besta móti á landinu öllu í dag og í gær, enda veður með eindæmum gott og blakti varla logi á útikerti. Hjá Íslendingum er sterk hefð fyrir því að hefja jólahald með því að fara í aftansöng, en það færist í vöxt á tekið sé undir í sálmasöng. Almennt er kirkjusókn góð um land allt yfir jóladagana, en í gær er talið að veður hafi stuðlað að góðri aðsókn, en það var með eindæmum gott.

Innlent
Fréttamynd

Vatnsleki á Akureyri

Slökkvilið Akureyrar fékk tilkynningu um vatnsleka við Furuvelli um kl: 12:48 í dag. Allt vakthafandi lið slökkviliðsins var sent á staðinn til hreinsunar og dælingar. Við komuna á staðinn var ljóst að vatnlekinn var umtalsverður og hefur hreinsun staðið yfir í um fjórar stundir.

Innlent
Fréttamynd

Ísraelar fjarlægja 27 vegartálma á Vesturbakkanum

Ísraelski forsætisráðherrann, Ehud Olmert, og ríkisstjórn hans ákváðu í dag að fjarlæga 27 vegatálma sem Ísraelar höfðu sett upp í kringum Vesturbakkann. Ákvörðunin er hluti af loforði sem Olmert hafði gefið Mahmoud Abbas, forseta heimastjórnar Palestínumanna.

Erlent
Fréttamynd

Rússar kæra PWC

Rússnesk stjórnvöld hafa lagt fram kæru á hendur PricewaterhouseCoopers (PWC) í Rússlandi þar sem skattayfirvöld telja að fyrirtækið hafi tekið þátt í því að hylma yfir fjármálamisferli rússneska olíurisans Yukos en stjórnendur hans sitja nú í fangelsi vegna þess.

Viðskipti erlent
Fréttamynd

Búdda snúinn aftur?

Indversk sjónvarpsstöð skýrði frá því að dularfullur unglingur, sem sumir telja að sé endurholdgun Búdda, sé farinn að sjást á ný eftir að hafa horfið fyrir níu mánuðum.

Erlent
Fréttamynd

Átta ára atvinnumaður

Átta ára bandarískur drengur að nafni Victor De Leon virðist mjög venjulegur drengur þegar fyrst er á litið. En í raunveruleikanum lifir hann tvöföldu lífi því hann er líka „Lil Poison“, meistari í tölvuleiknum Halo og atvinnumaður í tölvuleikjaspilun.

Erlent
Fréttamynd

Drottningin vill brúa kynslóðabilið

Elísabet Englandsdrottning hélt í dag jólaávarp sitt og hvatti þar til aukinnar gagnkvæmrar virðingar á milli eldri og yngri kynslóða landsins sem og aukins umburðarlyndis í trúmálum. Sagði hún að álagið sem fylgdi nútímalífi leiddi oft til þess að fjölskyldutengsl trosnuðu og þar með myndi virðing og reynsla tapast sem gæti hugsanlega leitt til enn stærra bils milli kynslóða.

Erlent
Fréttamynd

Tvö umferðóhöpp við Grindavíkurafleggjara

Tveir bílar skullu á vegatálmum úr steypu með stuttu millibilli við Grindavíkurafleggjara í dag. Bílarnir skemmdust ekki mikið og engin slys urðu á fólki. Talið er að hálka á veginum hafi verið sökudólgurinn að þessu sinni.

Innlent
Fréttamynd

Bandaríkjamenn handtaka hóp Írana í Írak

Bandaríkjamenn handtóku í gær nokkra Írani sem grunaðir eru um að skipuleggja árásir í Írak. Tveir þeirra sem voru handteknir voru starfsmenn íranska sendiráðsins og voru í Írak í boði forseta landsins en þeim var fljótlega sleppt. Fjórum í viðbót var haldið eftir til frekari yfirheyrslu og voru þar á meðal háttsettir herforingjar í íranska hernum.

Erlent
Fréttamynd

Hópslagsmál í Kína

Allt að 100 þúsund manns söfnuðust saman í miðborg Chongqing í Kína í gær til þess að slást. Lögregla stöðvaði þó ekki leikinn þar sem fólkið var að skemmta sér að lúskra á hvoru með risastórum uppblásnum hömrum.

Erlent
Fréttamynd

Magn eiturefna hefur áhrif á stærð kynfæra

Kynfæri ísbjarna á Grænlandi fara minnkandi, að því er virðist í samhengi við hversu hátt hlutfall eiturefna er í líkama þeirra. Danskur vísindamaður hefur vakið heimsathygli vegna þessarar niðurstöðu, sem hann segist hafa komist að fyrir tilviljun.

Erlent
Fréttamynd

Mikið að gera á slysadeild í nótt

Óvenju mikið var að gera á slysadeild í nótt, en menn þar á bæ segja að kvöldið og nóttin hafi verið eins og meðal laugardagskvöld. Flest tilfelli voru vegna ölvunar, og þó nokkur tilfelli um ofurölvun þar sem fólk hafði dottið og legið einhvern tíma úti í kuldanum.

Innlent
Fréttamynd

Fáir pílagrímar í Betlehem um jólin

Drungi var yfir Betlehem í morgun, jóladag, og óvenju fáir kristnir pílagrímar þar á ferð. Yfirmaður rómversk kaþólsku kirkjunnar í Landinu helga, Michel Sabbah, fór fyrir hópi presta í fæðingarkirkjunni í gærkvöldi, en hann þurfti að aka í gegnum víggirðingar ísraelska hersins til að komast til Betlehem.

Erlent
Fréttamynd

Fjárframlög vegna flóðbylgjunnar rannsökuð

Bandaríkin og sex Evrópulönd hafa þrýst á Tælendinga að rannsaka hvort fjárframlög sem fara áttu til að bera kennsl á lík eftir flóðbylgjuna fyrir nær tveimur árum, hafi verið misnotuð, en um var að ræða framlög til viðamestu réttarlæknisrannsókn allra tíma. Fyrir utan fjárframlög frá Bandaríkjunum og Bretlandi er einnig um er að ræða framlög frá Finnlandi, Frakklandi Þýskalandi, Svíþjóð og Hollandi.

Erlent

Mest lesið