City í úr­slit þriðja árið í röð

Manchester City er komið í úrslitaleik enska bikarsins þriðja árið í röð eftir 2-0 sigur gegn Nottingham Forest á Wembley í dag.

Eftir að hafa unnið enska meistaratitilinn fjögur ár í röð hefur tímabilið hjá Manchester City ekki verið upp á marga fiska, í það minnsta ekki á þeirra mælikvarða.

Liðið á þó enn góðan möguleika á því að fagna einum titli á tímabilinu eftir sterkan sigur gegn Nottingham Forest í undanúrslitum enska bikarsins í dag. 

Rico Lewis kom liðinu í forystu strax á annarri mínútu eftir stoðsendingu frá Mateo Kovacic áður en Josko Gvardiol tvöfaldaði forystuna á 51. mínútu eftir undirbúning Omars Marmoush.

Niðurstaðan því 2-0 sigur Manchester City sem mætir Crystal Palac í úrslitum enska bikarsins, en Nottingham Forest situr eftir með sárt ennið.