Utan vallar: Þegar mektarfólk lætur sig kvennaíþróttir varða Valur Páll Eiríksson skrifar 2. ágúst 2024 11:46 Khelif hafði betur gegn Carini í stuttum bardaga í gær. Það ól af sér ótrúlega upplýsingaóreiðu. Getty Stórfurðulegt mál frá Ólympíuleikunum í París er skyndilega eitt það umtalaðasta er varðar íþróttir kvenna í áraraðir. Sjaldan hafa samfélagsmiðlar blásið eins mikið upp í kringum einvígi á íþróttavelli sem stóð í 46 sekúndur. Og umræðan að stóru leyti byggð á ranghugmyndum og ósannindum. Eðlilega hreyfði það við mörgum þegar hin ítalska Angela Carini fór grátandi úr hringnum eftir tap fyrir hinni alsírsku Imane Khelif í hnefaleikum á Ólympíuleikunum í gær. Líklega bjuggust þó fáir við umræðunni sem átti eftir að skapast í kjölfarið. Áhrifamiklir einstaklingar á við Elon Musk, J.K. Rowling, Logan Paul og Richard Dawkins fóru mikinn á samfélagsmiðlum og fordæmdu það að „karlmanninum“ Khelif hafi verið hleypt í hringinn í kvennaíþrótt á stærsta sviðinu. Tíst þeirra Musk og Rowling í gær.Skjáskot/Samsett Þær fullyrðingar eiga við engin rök að styðjast. Margur greip þær hins vegar á lofti og skyndilega var hálfur heimurinn orðinn sérfræðingur í litningafræðum og viss um að þarna væri karlmaður á ferðinni. Upplýsingaóreiðan algjör og degi seinna er enn um það rifist á samfélagsmiðlum hvort konan Imane Khelif sé trans kona eða hreinlega karlmaður. Kynjapróf sem enginn veit hvernig fór fram Umræðan byggir að stórum hluta á málflutningi hins umdeilda Umar Kremlev hjá Alþjóðahnefaleikasambandinu, IBA, sem setti hina alsírsku Khelif í bann á síðasta ári þar sem hún var ekki talin standast kröfur kynjaprófs. Leynd liggur yfir því kynjaprófi. IBA hefur staðfest að testósterón magn Khelif var ekki mælt. Heldur hafi hún gengist undir annarskonar próf. En í hverju það próf felst segir IBA trúnaðarmál. IBA var ekki heimilað að koma að skipulagningu hnefaleikakeppninnar á Ólympíuleikunum sökum slæmra stjórnarhátta, bæði þegar kemur að fjármálum og siðferðislegum álitamálum. Mikil kergja hefur verið í hnefaleikaheiminum undanfarin ár og var nýju alþjóðlegu sambandi, World Boxing, komið á laggirnar í apríl á þessu ári. Alþjóðaólympíunefndin, IOC, sá ástæðu til þess að senda frá sér yfirlýsingu í gær vegna málsins en þar er kýrskýrt að Imane Khelif standist öll próf til að mega taka þátt í leikunum í París. Þá var hnýtt hressilega í IBA í sömu yfirlýsingu. Tvíhyggjan veldur vandræðum IOC hefur áður sætt gagnrýni fyrir andstæða nálgun að kynjamálum. Mál hlaupakonunnar og Ólympíumeistarans Caster Semenya er alþekkt, en sú hefur ekki mátt keppa á alþjóðasviðinu um árabil vegna hás testósterónmagns. Íþróttahreyfingunni er að stærstum hluta skipt í karla- og kvennagreinar og sú tvíhyggja gerir því gjarnan erfitt fyrir að finna fólki sem fellur utan hefðbundinna kyneinkenna sinn stað. Flókin málefni intersex fólks, samspil litninga XX og XY og fjölbreytileiki samsetningar slíkra litninga sem ákvarða kyn verða ekki rakin hér. Ljóst er þó að tvíhyggja íþróttaheimsins (karlar og konur) skapar vandamál fyrir fólk sem fæðist utan þess sem kalla má hefðbundna skilgreiningu á karli og konu. Sú umræða á rétt á sér á grundvelli sanngirni, heilinda keppninnar og öryggis keppenda. Þegar lygin fer á flug Ljóst er þó að umræðan er á kolröngum stað þegar kona sem stenst öll viðurkennd próf er úthrópuð sem karlmaður og því varpað fram að karlmenn séu að berja konur á Ólympíuleikunum. Logan Paul kveðst hafa mögulega hlaupið á sig en hann stendur á sínu gagnvart trans fólki í íþróttum.Skjáskot/Twitter Nú, þegar áhrifafólk líkt og Musk og Rowling lét sig íþróttir kvenna loksins varða, voru það úthrópanir á fölskum grundvelli um jafnræði í keppni. Vegna meints óréttlætis sem var alls ekki til staðar. Logan Paul sá að sér og viðurkenndi í morgun að hann hefði dreift ósannindum. Kynjamál verða áfram þrætuepli í íþróttum en færa má rök fyrir því að stærri vandamál sem hafa töluvert meiri áhrif á íþróttir kvenna verðskuldi fremur athygli. Launamunur kynjanna, munur á æfingaaðstöðu, kynjamunur á sýnileika og munurinn á tækifærum til íþróttaiðkunar milli kynja sem sýnir sig víða um heim. Það má að minnsta kosti vona að það mektarfólk sem lætur sig nú varða ætlað misrétti innan íþrótta kvenna verði jafn ötulir talsmenn jafnréttis milli íþrótta karla og kvenna. Ólympíuleikar 2024 í París Utan vallar Box Mest lesið Eygló verður síðasti Evrópumeistarinn í sögunni Sport Gummi Ben fór hamförum yfir endurkomu United Fótbolti Fjögurra ára strákur gerði allt brjálað í höllinni Sport Brynjar Karl tekur slaginn og segist ætla að bjóða sig fram sem forseta ÍSÍ Körfubolti Bellingham í efsta sæti listans en Ísak Bergmann er áttundi Fótbolti Ætlar að nota krakka í síðustu leikjum Man. United í ensku deildinni Enski boltinn Hefði fengið 20 ára bann fyrir samskonar mál og Sinner Sport Max svaraði Marko fullum hálsi Formúla 1 „Maður er náttúrlega bara í pínu sjokki“ Sport Ítalíudvölin tók á andlegu hliðina: „Vil finna gleðina aftur“ Íslenski boltinn Fleiri fréttir Veðbankar vestanhafs halda með mótherjum Lakers Leeds og Burnley skrefi nær ensku úrvalsdeildinni Sara Björk skoraði tvö í stórsigri KR einum sigri frá því að komast upp í Bónus-deildina Stjarnan og Vestri áfram eftir fjölda marka og mikla dramatík Brynjar Karl tekur slaginn og segist ætla að bjóða sig fram sem forseta ÍSÍ Orri Freyr skaut Sporting í undanúrslitin Breiðablik ekki í vandræðum og mögnuð endurkoma Þróttar James missir af mikilvægum leikjum meðan Chelsea eltir fernuna „Því miður verðið þið að þola mig aðeins lengur“ Skagamenn og Selfyssingar í sextán liða úrslit Fjöldi stuðningsmanna Man. United fór of snemma af vellinum í gærkvöldi Fór holu í höggi á LPGA mótaröðinni Bellingham í efsta sæti listans en Ísak Bergmann er áttundi Bestu mörkin: Helena hélt að Þóra hefði allt aðra skoðun á þessu Arne Slot: Samningarnir við Van Dijk og Salah sýna okkar metnað Ætlar að nota krakka í síðustu leikjum Man. United í ensku deildinni Haiden Palmer kemur aftur til Íslands en nú sem þjálfari Heldur áfram að spila komin fimm mánuði á leið Garðabæjargrýla Grindvíkinga hefur stækkað og stækkað í 86 mánuði Ítalíudvölin tók á andlegu hliðina: „Vil finna gleðina aftur“ Fjögurra ára strákur gerði allt brjálað í höllinni Heilinn fer að „borða“ sjálfan sig í maraþonhlaupi Gummi Ben fór hamförum yfir endurkomu United Eygló verður síðasti Evrópumeistarinn í sögunni Max svaraði Marko fullum hálsi Hefði fengið 20 ára bann fyrir samskonar mál og Sinner Dagskráin í dag: Umspilið í NBA, 1. deild kvenna í körfubolta og margt fleira Lagði egóið til hliðar fyrir liðið „Hér er allt mögulegt“ Sjá meira
Eðlilega hreyfði það við mörgum þegar hin ítalska Angela Carini fór grátandi úr hringnum eftir tap fyrir hinni alsírsku Imane Khelif í hnefaleikum á Ólympíuleikunum í gær. Líklega bjuggust þó fáir við umræðunni sem átti eftir að skapast í kjölfarið. Áhrifamiklir einstaklingar á við Elon Musk, J.K. Rowling, Logan Paul og Richard Dawkins fóru mikinn á samfélagsmiðlum og fordæmdu það að „karlmanninum“ Khelif hafi verið hleypt í hringinn í kvennaíþrótt á stærsta sviðinu. Tíst þeirra Musk og Rowling í gær.Skjáskot/Samsett Þær fullyrðingar eiga við engin rök að styðjast. Margur greip þær hins vegar á lofti og skyndilega var hálfur heimurinn orðinn sérfræðingur í litningafræðum og viss um að þarna væri karlmaður á ferðinni. Upplýsingaóreiðan algjör og degi seinna er enn um það rifist á samfélagsmiðlum hvort konan Imane Khelif sé trans kona eða hreinlega karlmaður. Kynjapróf sem enginn veit hvernig fór fram Umræðan byggir að stórum hluta á málflutningi hins umdeilda Umar Kremlev hjá Alþjóðahnefaleikasambandinu, IBA, sem setti hina alsírsku Khelif í bann á síðasta ári þar sem hún var ekki talin standast kröfur kynjaprófs. Leynd liggur yfir því kynjaprófi. IBA hefur staðfest að testósterón magn Khelif var ekki mælt. Heldur hafi hún gengist undir annarskonar próf. En í hverju það próf felst segir IBA trúnaðarmál. IBA var ekki heimilað að koma að skipulagningu hnefaleikakeppninnar á Ólympíuleikunum sökum slæmra stjórnarhátta, bæði þegar kemur að fjármálum og siðferðislegum álitamálum. Mikil kergja hefur verið í hnefaleikaheiminum undanfarin ár og var nýju alþjóðlegu sambandi, World Boxing, komið á laggirnar í apríl á þessu ári. Alþjóðaólympíunefndin, IOC, sá ástæðu til þess að senda frá sér yfirlýsingu í gær vegna málsins en þar er kýrskýrt að Imane Khelif standist öll próf til að mega taka þátt í leikunum í París. Þá var hnýtt hressilega í IBA í sömu yfirlýsingu. Tvíhyggjan veldur vandræðum IOC hefur áður sætt gagnrýni fyrir andstæða nálgun að kynjamálum. Mál hlaupakonunnar og Ólympíumeistarans Caster Semenya er alþekkt, en sú hefur ekki mátt keppa á alþjóðasviðinu um árabil vegna hás testósterónmagns. Íþróttahreyfingunni er að stærstum hluta skipt í karla- og kvennagreinar og sú tvíhyggja gerir því gjarnan erfitt fyrir að finna fólki sem fellur utan hefðbundinna kyneinkenna sinn stað. Flókin málefni intersex fólks, samspil litninga XX og XY og fjölbreytileiki samsetningar slíkra litninga sem ákvarða kyn verða ekki rakin hér. Ljóst er þó að tvíhyggja íþróttaheimsins (karlar og konur) skapar vandamál fyrir fólk sem fæðist utan þess sem kalla má hefðbundna skilgreiningu á karli og konu. Sú umræða á rétt á sér á grundvelli sanngirni, heilinda keppninnar og öryggis keppenda. Þegar lygin fer á flug Ljóst er þó að umræðan er á kolröngum stað þegar kona sem stenst öll viðurkennd próf er úthrópuð sem karlmaður og því varpað fram að karlmenn séu að berja konur á Ólympíuleikunum. Logan Paul kveðst hafa mögulega hlaupið á sig en hann stendur á sínu gagnvart trans fólki í íþróttum.Skjáskot/Twitter Nú, þegar áhrifafólk líkt og Musk og Rowling lét sig íþróttir kvenna loksins varða, voru það úthrópanir á fölskum grundvelli um jafnræði í keppni. Vegna meints óréttlætis sem var alls ekki til staðar. Logan Paul sá að sér og viðurkenndi í morgun að hann hefði dreift ósannindum. Kynjamál verða áfram þrætuepli í íþróttum en færa má rök fyrir því að stærri vandamál sem hafa töluvert meiri áhrif á íþróttir kvenna verðskuldi fremur athygli. Launamunur kynjanna, munur á æfingaaðstöðu, kynjamunur á sýnileika og munurinn á tækifærum til íþróttaiðkunar milli kynja sem sýnir sig víða um heim. Það má að minnsta kosti vona að það mektarfólk sem lætur sig nú varða ætlað misrétti innan íþrótta kvenna verði jafn ötulir talsmenn jafnréttis milli íþrótta karla og kvenna.
Ólympíuleikar 2024 í París Utan vallar Box Mest lesið Eygló verður síðasti Evrópumeistarinn í sögunni Sport Gummi Ben fór hamförum yfir endurkomu United Fótbolti Fjögurra ára strákur gerði allt brjálað í höllinni Sport Brynjar Karl tekur slaginn og segist ætla að bjóða sig fram sem forseta ÍSÍ Körfubolti Bellingham í efsta sæti listans en Ísak Bergmann er áttundi Fótbolti Ætlar að nota krakka í síðustu leikjum Man. United í ensku deildinni Enski boltinn Hefði fengið 20 ára bann fyrir samskonar mál og Sinner Sport Max svaraði Marko fullum hálsi Formúla 1 „Maður er náttúrlega bara í pínu sjokki“ Sport Ítalíudvölin tók á andlegu hliðina: „Vil finna gleðina aftur“ Íslenski boltinn Fleiri fréttir Veðbankar vestanhafs halda með mótherjum Lakers Leeds og Burnley skrefi nær ensku úrvalsdeildinni Sara Björk skoraði tvö í stórsigri KR einum sigri frá því að komast upp í Bónus-deildina Stjarnan og Vestri áfram eftir fjölda marka og mikla dramatík Brynjar Karl tekur slaginn og segist ætla að bjóða sig fram sem forseta ÍSÍ Orri Freyr skaut Sporting í undanúrslitin Breiðablik ekki í vandræðum og mögnuð endurkoma Þróttar James missir af mikilvægum leikjum meðan Chelsea eltir fernuna „Því miður verðið þið að þola mig aðeins lengur“ Skagamenn og Selfyssingar í sextán liða úrslit Fjöldi stuðningsmanna Man. United fór of snemma af vellinum í gærkvöldi Fór holu í höggi á LPGA mótaröðinni Bellingham í efsta sæti listans en Ísak Bergmann er áttundi Bestu mörkin: Helena hélt að Þóra hefði allt aðra skoðun á þessu Arne Slot: Samningarnir við Van Dijk og Salah sýna okkar metnað Ætlar að nota krakka í síðustu leikjum Man. United í ensku deildinni Haiden Palmer kemur aftur til Íslands en nú sem þjálfari Heldur áfram að spila komin fimm mánuði á leið Garðabæjargrýla Grindvíkinga hefur stækkað og stækkað í 86 mánuði Ítalíudvölin tók á andlegu hliðina: „Vil finna gleðina aftur“ Fjögurra ára strákur gerði allt brjálað í höllinni Heilinn fer að „borða“ sjálfan sig í maraþonhlaupi Gummi Ben fór hamförum yfir endurkomu United Eygló verður síðasti Evrópumeistarinn í sögunni Max svaraði Marko fullum hálsi Hefði fengið 20 ára bann fyrir samskonar mál og Sinner Dagskráin í dag: Umspilið í NBA, 1. deild kvenna í körfubolta og margt fleira Lagði egóið til hliðar fyrir liðið „Hér er allt mögulegt“ Sjá meira