„Við erum ekki að fara að vinna“ Eiður Þór Árnason skrifar 23. júlí 2024 08:01 Björn Berg Gunnarsson fjármálaráðgjafi segir það geta verið vissan lottóvinning að greiða niður lán með háum vöxtum. Vísir/Sigurjón Fjármálaráðgjafi mælir eindregið gegn því að fólk kaupi lottómiða í von um að verða ríkari. „Ef markmiðið er fjárhagslegur ávinningur þá er happdrætti og lottó og fjárhættuspil og allt slíkt með því vitlausasta sem þú gerir,“ segir Björn Berg Gunnarsson. Það sé annað mál ef fólk taki þátt til að hafa gaman eða styrkja gott málefni. „Það er allt í lagi ef fólk er þá meðvitað um það hvað það er að gera,“ bætir Björn við og bendir á að líkurnar á því að vinna stóran vinning séu agnarsmáar. „Maður ætti að alhæfa það við sjálfan sig og segja: „Ég er ekki að fara að vinna í lottó.““ Algengt sé að lottóspilarar hafi miklu meiri þörf fyrir að nota peningana í eitthvað annað. Þá hafi erlendar rannsóknir sýnt að það sé nokkuð um það að fólk í viðkvæmri fjárhagslegri stöðu spili í lottó. „Sem er alls ekki gott og auðvitað sérstaklega í dag þegar vaxtastigið er eins og það er,“ bætir Björn við og hvetur fólk frekar til þess að nýta lottópeninginn í að greiða niður lán, einkum þau sem bera háa vexti. „Þá getur maður bara frekar litið á það sem lottóvinning í sjálfu sér að losna við þessa vexti.“ Lottó og fjárhættuspil njóta nokkurra vinsælda hér á landi en þau eru gjarnan notuð sem fjáröflunartæki fyrir félagasamtök og almannaheillafélög.Vísir/Vilhelm Þurfi ekki að heppni til að vinna 16,2 milljónir Vilji fólk bæta fjárhagslega stöðu sína er auk niðurgreiðslu skulda hægt að ávaxta lottópeninginn í hlutabréfasjóði. Einstaklingur sem kaupir miða í Lottó og Vikinglotto fjórum sinnum í mánuði greiðir fyrir það 12.200 krónur. Á sama tíma hefur bandaríska S&P500 hlutabréfavísitalan hækkað um 7,4 prósent að meðaltali á ári umfram verðbólgu síðustu 50 ár. Björn tók saman dæmi sem sýnir að ef einstaklingur myndi nota þessar sömu 12.200 krónur á mánuði til að fjárfesta í hlutabréfasjóði og fengi 7,4 prósent ávöxtun væri þessi fjárhæð orðin að 2,2 milljónum króna á tíu árum, 6,7 milljónum á 20 árum og 16,2 milljónum á 30 árum. Svona getur dæmið litið út ef fólk fjárfestir í vinsælum vísitölusjóði sem samanstendur af hlutabréfum stórra fyrirtækja í Bandaríkjunum.Björn Berg Flestir detti á rassinn Þegar fólk heyrir af eða les um lottóvinninga líkt og þann sem fór út síðasta laugardag eiga sumir til að rjúka út og kaupa miða í von um að vinna þann næsta. Þrátt fyrir að einhver sigri breytir það því ekki að líkurnar á því að fá þann stóra eru agnarsmáar. „Það eru eflaust einhver dæmi þess að einhver hafi runnið á bananahýði og grætt mjög mikið á því en ég held að flestir bara detti á rassinn,“ segir Björn. Líkurnar einn á móti 61.357.560 Líkurnar á því að fá allar fimm aðaltölur réttar í hinu íslenska Lottó urðu 1 á móti 850.668 eftir að kúlunum var fjölgað úr 40 í 42 árið 2022. Líkurnar á því að fá sex réttar aðaltölur auk Víkingatölu í Vikinglotto eru einn á móti 61.357.560 og líkurnar á því að fá fimm réttar aðaltölur og tvær stjörnutölur í EuroJackpot eru einn á móti 139.838.160. Þetta má lesa úr reglugerð fyrir talnagetraunir Íslenskrar getspár sem reka áðurnefnda getraunaleiki. Margir hugsa sér gott til glóðarinnar þegar fregnir berast af því að lottóspilarar hafi verið með allar tölur réttar.Getty Björn segir að rekstraraðilar fjárhættuspila séu að höfða til vissra mannlegra hvata og kveikja vonarneista til þess að hafa af fólki peninga. „Þetta er gylliboð sem þú ert ekki að fara að græða á. Ef það væri ekki ágóði af þessu þá væri þessu ekki haldið úti. Ef fólk væri að vinna þá væri þetta ekkert rekið.“ Að borga niður yfirdráttinn lottóvinningur í sjálfu sér „Þegar við erum að koma peningum fyrir þá erum við alltaf að hugsa um tvennt: Þá ávöxtun sem við fáum, vænta ávöxtun, og við erum að hugsa um áhættuna sem fylgir því að sækja þessa væntu ávöxtun. Í dag til dæmis þegar yfirdráttarvextir eru 17 prósent og dreifing á kreditkorti kostar 17 prósent, þá er verið að bjóða okkur 17 prósent ávöxtun með engri áhættu ef við setjum þessa peninga inn á lánin,“ segir Björn og heldur áfram. „Yfir langan tíma, sérstaklega á landi eins og Íslandi þar sem vextir eru háir þá er reglulegur sparnaður, regluleg umframgreiðsla inn á lán að fara að skila okkur verulegum fjárhæðum sem ég hugsa að margir myndu bara kalla lottóvinning. En munurinn á því og að spila í alvöru lottó er áhættan. Það er mjög lítil áhætta í fyrra dæminu, en í lottóinu þá ertu nokkuð viss um að græða ekki neitt. Þú tapar pening.“ Björn ítrekar í lokin að hann telji í góðu lagi að taka þátt í lottó til að styðja gott málefni eða vegna skemmtanagildis. „Það er ýmislegt sem maður gerir sem kostar peninga og eyðir í af því það er skemmtilegt. Þá er það bara besta mál, en við erum ekki að fara að vinna.“ View this post on Instagram A post shared by Björn Berg Gunnarsson (@bjornbergg) Fjárhættuspil Tengdar fréttir Lottóröðin verður dýrari og vinningslíkur minnka Lottóröðin mun hækka um tuttugu krónur og þá verður kúlum fjölgað um tvær nái tillaga Íslenskrar getspár um breytingar á Lottóinu fram að ganga. 11. maí 2022 23:35 Mest lesið Arion banki hækkar vexti hressilega Neytendur Með ólíkindum og merki um taumlausa græðgi Neytendur Þungur róður hjá Samstöðinni Viðskipti innlent Draumar rætast: „Lengi skammaðist ég mín ...“ Atvinnulíf Greiðslubyrði gæti farið hríðlækkandi á næsta ári Neytendur Skaut samstundis niður tillögur um efnahagslega björgun Evrópu Viðskipti erlent Snúa við dómnum og dæma Bonnesen í fangelsi Viðskipti erlent Gera Apple að greiða tvær billjónir í skatta Viðskipti erlent Hætta steðjar að lífsgæðum Evrópubúa Viðskipti erlent Bein útsending: Apple kynnir nýjustu græjurnar Viðskipti erlent Fleiri fréttir Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
Það sé annað mál ef fólk taki þátt til að hafa gaman eða styrkja gott málefni. „Það er allt í lagi ef fólk er þá meðvitað um það hvað það er að gera,“ bætir Björn við og bendir á að líkurnar á því að vinna stóran vinning séu agnarsmáar. „Maður ætti að alhæfa það við sjálfan sig og segja: „Ég er ekki að fara að vinna í lottó.““ Algengt sé að lottóspilarar hafi miklu meiri þörf fyrir að nota peningana í eitthvað annað. Þá hafi erlendar rannsóknir sýnt að það sé nokkuð um það að fólk í viðkvæmri fjárhagslegri stöðu spili í lottó. „Sem er alls ekki gott og auðvitað sérstaklega í dag þegar vaxtastigið er eins og það er,“ bætir Björn við og hvetur fólk frekar til þess að nýta lottópeninginn í að greiða niður lán, einkum þau sem bera háa vexti. „Þá getur maður bara frekar litið á það sem lottóvinning í sjálfu sér að losna við þessa vexti.“ Lottó og fjárhættuspil njóta nokkurra vinsælda hér á landi en þau eru gjarnan notuð sem fjáröflunartæki fyrir félagasamtök og almannaheillafélög.Vísir/Vilhelm Þurfi ekki að heppni til að vinna 16,2 milljónir Vilji fólk bæta fjárhagslega stöðu sína er auk niðurgreiðslu skulda hægt að ávaxta lottópeninginn í hlutabréfasjóði. Einstaklingur sem kaupir miða í Lottó og Vikinglotto fjórum sinnum í mánuði greiðir fyrir það 12.200 krónur. Á sama tíma hefur bandaríska S&P500 hlutabréfavísitalan hækkað um 7,4 prósent að meðaltali á ári umfram verðbólgu síðustu 50 ár. Björn tók saman dæmi sem sýnir að ef einstaklingur myndi nota þessar sömu 12.200 krónur á mánuði til að fjárfesta í hlutabréfasjóði og fengi 7,4 prósent ávöxtun væri þessi fjárhæð orðin að 2,2 milljónum króna á tíu árum, 6,7 milljónum á 20 árum og 16,2 milljónum á 30 árum. Svona getur dæmið litið út ef fólk fjárfestir í vinsælum vísitölusjóði sem samanstendur af hlutabréfum stórra fyrirtækja í Bandaríkjunum.Björn Berg Flestir detti á rassinn Þegar fólk heyrir af eða les um lottóvinninga líkt og þann sem fór út síðasta laugardag eiga sumir til að rjúka út og kaupa miða í von um að vinna þann næsta. Þrátt fyrir að einhver sigri breytir það því ekki að líkurnar á því að fá þann stóra eru agnarsmáar. „Það eru eflaust einhver dæmi þess að einhver hafi runnið á bananahýði og grætt mjög mikið á því en ég held að flestir bara detti á rassinn,“ segir Björn. Líkurnar einn á móti 61.357.560 Líkurnar á því að fá allar fimm aðaltölur réttar í hinu íslenska Lottó urðu 1 á móti 850.668 eftir að kúlunum var fjölgað úr 40 í 42 árið 2022. Líkurnar á því að fá sex réttar aðaltölur auk Víkingatölu í Vikinglotto eru einn á móti 61.357.560 og líkurnar á því að fá fimm réttar aðaltölur og tvær stjörnutölur í EuroJackpot eru einn á móti 139.838.160. Þetta má lesa úr reglugerð fyrir talnagetraunir Íslenskrar getspár sem reka áðurnefnda getraunaleiki. Margir hugsa sér gott til glóðarinnar þegar fregnir berast af því að lottóspilarar hafi verið með allar tölur réttar.Getty Björn segir að rekstraraðilar fjárhættuspila séu að höfða til vissra mannlegra hvata og kveikja vonarneista til þess að hafa af fólki peninga. „Þetta er gylliboð sem þú ert ekki að fara að græða á. Ef það væri ekki ágóði af þessu þá væri þessu ekki haldið úti. Ef fólk væri að vinna þá væri þetta ekkert rekið.“ Að borga niður yfirdráttinn lottóvinningur í sjálfu sér „Þegar við erum að koma peningum fyrir þá erum við alltaf að hugsa um tvennt: Þá ávöxtun sem við fáum, vænta ávöxtun, og við erum að hugsa um áhættuna sem fylgir því að sækja þessa væntu ávöxtun. Í dag til dæmis þegar yfirdráttarvextir eru 17 prósent og dreifing á kreditkorti kostar 17 prósent, þá er verið að bjóða okkur 17 prósent ávöxtun með engri áhættu ef við setjum þessa peninga inn á lánin,“ segir Björn og heldur áfram. „Yfir langan tíma, sérstaklega á landi eins og Íslandi þar sem vextir eru háir þá er reglulegur sparnaður, regluleg umframgreiðsla inn á lán að fara að skila okkur verulegum fjárhæðum sem ég hugsa að margir myndu bara kalla lottóvinning. En munurinn á því og að spila í alvöru lottó er áhættan. Það er mjög lítil áhætta í fyrra dæminu, en í lottóinu þá ertu nokkuð viss um að græða ekki neitt. Þú tapar pening.“ Björn ítrekar í lokin að hann telji í góðu lagi að taka þátt í lottó til að styðja gott málefni eða vegna skemmtanagildis. „Það er ýmislegt sem maður gerir sem kostar peninga og eyðir í af því það er skemmtilegt. Þá er það bara besta mál, en við erum ekki að fara að vinna.“ View this post on Instagram A post shared by Björn Berg Gunnarsson (@bjornbergg)
Fjárhættuspil Tengdar fréttir Lottóröðin verður dýrari og vinningslíkur minnka Lottóröðin mun hækka um tuttugu krónur og þá verður kúlum fjölgað um tvær nái tillaga Íslenskrar getspár um breytingar á Lottóinu fram að ganga. 11. maí 2022 23:35 Mest lesið Arion banki hækkar vexti hressilega Neytendur Með ólíkindum og merki um taumlausa græðgi Neytendur Þungur róður hjá Samstöðinni Viðskipti innlent Draumar rætast: „Lengi skammaðist ég mín ...“ Atvinnulíf Greiðslubyrði gæti farið hríðlækkandi á næsta ári Neytendur Skaut samstundis niður tillögur um efnahagslega björgun Evrópu Viðskipti erlent Snúa við dómnum og dæma Bonnesen í fangelsi Viðskipti erlent Gera Apple að greiða tvær billjónir í skatta Viðskipti erlent Hætta steðjar að lífsgæðum Evrópubúa Viðskipti erlent Bein útsending: Apple kynnir nýjustu græjurnar Viðskipti erlent Fleiri fréttir Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
Lottóröðin verður dýrari og vinningslíkur minnka Lottóröðin mun hækka um tuttugu krónur og þá verður kúlum fjölgað um tvær nái tillaga Íslenskrar getspár um breytingar á Lottóinu fram að ganga. 11. maí 2022 23:35