Kjósum sterkan leiðtoga Guðlaug Hrönn Jóhannsdóttir skrifar 23. maí 2024 23:00 Fyrir þó nokkrum árum síðan, árið sem ég varð stúdent var ég svo lánsöm að Halla Tómasdóttir var ein af útskriftarhópnum. Eins og gengur þurfti að skipuleggja dimmision, útskriftarferð og aðrar uppákomur og Halla varð fljótt sjálfskipaður leiðtogi hópsins. Þennan vetur voru ótrúlegustu hlutir framkvæmdir. Ekkert var ómögulegt, hvorki í fjáröflunum né viðburðum, sem leiddi okkur í virkilega eftirminnilega útskriftarferð til Flórída sem þurfti að breyta og endurskipuleggja nokkrum sinnum sökum mjög langs kennaraverkfalls um vorið. Bjartsýni Höllu, staðfestan í hindranir væru einungis til að leysa þær og hæfileikinn til að virkja allan hópinn og láta alla finnast þeir tilheyra var aðdáunarvert og mér, feimnu stelpunni að austan mikil hvatning og fyrirmynd. Eftir útskrift skildu leiðir því ég fór austur að vinna, en ég hef fylgst með Höllu í gegnum árin og virkilega dáðst að því sem hún hefur framkvæmt. Þegar við hittumst þá er eins og hún sé að hitta gamla bestu vinkonu, einlægnin geislar af henni og mér þykir alltaf jafn ljúft hvað hún sýnir innilegan áhuga og væntumþykju. Þessari hlýju er þjóðin nú að fá að kynnast í gegnum framboð Höllu. Mörgum virðist þykja það síðra að Halla komi úr viðskiptalífinu, en er einhvers staðar skrifað að forseti Íslands eigi að hafa bakgrunn hins opinbera starfsmanns? Þau fjögur sem voru efst í skoðanakönnunum framan af tengjast öll opinbera geiranum. Hefur það á einhvern hátt sjálfkrafa gert þau að hæfari forseta? Persónulega þykir mér það síðra að forseti hafi pólitískan bakgrunn eða hafi átt einhæfa starfsævi. Ferilskrá Höllu Tómasdóttur er mögnuð og hún er í senn frumkvöðull, fyrirlesari og forstjóri. Ferilinn spannar ábyrgðarstöður hjá bæði Mars og Pepsi Cola, aðkomu að stofnun og uppbyggingu Háskólans í Reykjavík og Opna Háskólans, verkefnið Auður í Krafti kvenna, sem valdefldi stóran hóp kvenna og hvatti til nýsköpunar, TED fyrirlestra, stofnun fjármálafyrirtækisins Auður Capital, sem kom öllum sínum skjólstæðingum tjónlaust í gegnum efnahagshrunið 2008 og jú, að vera fyrst kvenna til að gegna stöðu framkvæmdastjóra Viðskiptaráðs. Það starf yfirgaf Halla eftir árs setu, því hún fann að það samræmdist ekki gildum hennar um ábyrg viðskipti og stjórnunarhætti. Það að hafa hugrekki til að horfast í augu við sterk öfl, hvort sem eru í viðskiptum eða opinberri stjórnsýslu og skora á þau að breytast, er eitthvað sem fæstum okkar er gefið. Þetta hefur Halla margsinnis gert og ekki síst undanfarin ár sem forstjóri B Team. Ég veit að hún brennur fyrir málefnum sem naga íslenskt samfélag. Líðan unga fólksins sem og þeirra eldri, neikvæðni sem einkennir samfélagsumræðu nútímans og grefur undan góðum verkum, jafnréttismálum og ekki síst orku- og auðlindamálum á þann hátt að íslenska þjóðin auðgist öll á því hversu gjöfult landið okkar er. Ég hvet ykkur eindregið til að kynnast Höllu. Síðustu daga hefur fylgi hennar rokið upp og hún mælist nú í öðru sæti í skoðanakönnunum, enda búin að vera mjög dugleg að kynnast landi og þjóð bæði með heimsóknum og á ýmsum miðlum. Hvarvetna heillast fólk, enda er Halla Tómasdóttir með einstaklega fallega framkomu, góða nærveru, mjög vel máli farin og óhrædd við að tala tæpitungulaust. Ég treysti engri betur en Höllu Tómasdóttur til að láta ekki standa við orðin tóm, heldur hafa hugrekki til að sýna staðfestu, framkvæma, leiða og nýta krafta forsetaembættisins til góðra verka. Höfundur er eigandi hugbúnaðarfyrirtækisins GET Ráðgjafar. Viltu birta grein á Vísi? Sendu okkur póst. Senda grein Skoðun: Forsetakosningar 2024 Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Halldór 29.06.2024 Halldór Bestun Seðlabankastjóra Karl Guðlaugsson Skoðun Árið er 1990 Rebekka Hilmarsdóttir Skoðun Flug frá Keflavík til Köben tekur styttri tíma en meðaltími nauðgunar Guðný S. Bjarnadóttir Skoðun Hvað getum við tekið á móti mörgum? Gísli Rafn Ólafsson Skoðun Að mála sig út í horn Ingólfur Sverrisson Skoðun Létt Borgarlína og bráðavandi umferðar Elías B. Elíasson,Þórarinn Hjaltason Skoðun Hvers vegna getur ein greiðsla á ári frá TR verið góður kostur? Sigurjón Skúlason Skoðun Þetta er tómarúmið ykkar Eva Dögg Jón Kaldal Skoðun Skoðun Skoðun Árið er 1990 Rebekka Hilmarsdóttir skrifar Skoðun Létt Borgarlína og bráðavandi umferðar Elías B. Elíasson,Þórarinn Hjaltason skrifar Skoðun Bestun Seðlabankastjóra Karl Guðlaugsson skrifar Skoðun Nýr tækniskóli rís við Flensborgarhöfn í Hafnarfirði Ágúst Bjarni Garðarsson skrifar Skoðun Úr samkeppni í einokun? Sigríður Margrét Oddsdóttir,Anna Hrefna Ingimundarsdóttir skrifar Skoðun Að mála sig út í horn Ingólfur Sverrisson skrifar Skoðun Verst fyrir fámennustu ríkin Hjörtur J. Guðmundsson skrifar Skoðun Hvað getum við tekið á móti mörgum? Gísli Rafn Ólafsson skrifar Skoðun Yazan, Kant og siðleg breytni á Íslandi Gunnar Hersveinn skrifar Skoðun Dauðinn og skattarnir skrifar Skoðun Áskorun ÖBÍ og Þroskahjálpar til ráðherra og þingmanna Alma Ýr Ingólfsdóttir,Unnur Helga Óttarsdóttir skrifar Skoðun Flug frá Keflavík til Köben tekur styttri tíma en meðaltími nauðgunar Guðný S. Bjarnadóttir skrifar Skoðun Hvers vegna getur ein greiðsla á ári frá TR verið góður kostur? Sigurjón Skúlason skrifar Skoðun Í gíslingu Ríkislögmanns, samtryggingar og spillingar Ásthildur Lóa Þórsdóttir skrifar Skoðun Þegar andi Mussolini svífur yfir vötnunum og titlar verða langir Ole Anton Bieltvedt skrifar Skoðun Af málathöfnum Gauti Kristmannsson skrifar Skoðun Etanól í glansumbúðum Ingibjörg Rósa Björnsdóttir skrifar Skoðun Kæri Jón Kaldal Eva Dögg Davíðsdóttir skrifar Skoðun Fölsk vernd fæðingarorlofslaga fyrir verðandi feður? Erna Guðmundsdóttir skrifar Skoðun Gaza - hvað getum við gert? Guðrún María Jónsdóttir,Hulda María Einarsdóttir,Sunna Snædal,Theódór Skúli Sigurðsson skrifar Skoðun Palestína og Vestur-Sahara – Tvær vonlausar aðskilnaðarhreyfingar Finnur Thorlacius Eiríksson skrifar Skoðun Græn svæði Rúna Sif Stefánsdóttir skrifar Skoðun HSÍ er okkur öllum til skammar Björn B. Björnsson skrifar Skoðun Stór skref í átt að réttlæti Alma Ýr Ingólfsdóttir skrifar Skoðun Ógreindir víkingar Hólmfríður Jennýjar Árnadóttir,Álfhildur Leifsdóttir skrifar Skoðun Húsnæðisátak Reykjavíkur á fullu skriði Dóra Björt Guðjónsdóttir skrifar Skoðun Opið bréf til Ásmundar Einars barnamálaráðherra Brynjar Bragi Einarsson skrifar Skoðun Sjókvíeldi: aðför gegn náttúrunni Daníel Þröstur Pálsson skrifar Skoðun Þarf heppni til að fæðingarorlof með fjölbura gangi upp? Margrét Finney Jónsdóttir skrifar Skoðun Árangursríkur þingvetur skilar samfélaginu í rétta átt Ágúst Bjarni Garðarsson skrifar Sjá meira
Fyrir þó nokkrum árum síðan, árið sem ég varð stúdent var ég svo lánsöm að Halla Tómasdóttir var ein af útskriftarhópnum. Eins og gengur þurfti að skipuleggja dimmision, útskriftarferð og aðrar uppákomur og Halla varð fljótt sjálfskipaður leiðtogi hópsins. Þennan vetur voru ótrúlegustu hlutir framkvæmdir. Ekkert var ómögulegt, hvorki í fjáröflunum né viðburðum, sem leiddi okkur í virkilega eftirminnilega útskriftarferð til Flórída sem þurfti að breyta og endurskipuleggja nokkrum sinnum sökum mjög langs kennaraverkfalls um vorið. Bjartsýni Höllu, staðfestan í hindranir væru einungis til að leysa þær og hæfileikinn til að virkja allan hópinn og láta alla finnast þeir tilheyra var aðdáunarvert og mér, feimnu stelpunni að austan mikil hvatning og fyrirmynd. Eftir útskrift skildu leiðir því ég fór austur að vinna, en ég hef fylgst með Höllu í gegnum árin og virkilega dáðst að því sem hún hefur framkvæmt. Þegar við hittumst þá er eins og hún sé að hitta gamla bestu vinkonu, einlægnin geislar af henni og mér þykir alltaf jafn ljúft hvað hún sýnir innilegan áhuga og væntumþykju. Þessari hlýju er þjóðin nú að fá að kynnast í gegnum framboð Höllu. Mörgum virðist þykja það síðra að Halla komi úr viðskiptalífinu, en er einhvers staðar skrifað að forseti Íslands eigi að hafa bakgrunn hins opinbera starfsmanns? Þau fjögur sem voru efst í skoðanakönnunum framan af tengjast öll opinbera geiranum. Hefur það á einhvern hátt sjálfkrafa gert þau að hæfari forseta? Persónulega þykir mér það síðra að forseti hafi pólitískan bakgrunn eða hafi átt einhæfa starfsævi. Ferilskrá Höllu Tómasdóttur er mögnuð og hún er í senn frumkvöðull, fyrirlesari og forstjóri. Ferilinn spannar ábyrgðarstöður hjá bæði Mars og Pepsi Cola, aðkomu að stofnun og uppbyggingu Háskólans í Reykjavík og Opna Háskólans, verkefnið Auður í Krafti kvenna, sem valdefldi stóran hóp kvenna og hvatti til nýsköpunar, TED fyrirlestra, stofnun fjármálafyrirtækisins Auður Capital, sem kom öllum sínum skjólstæðingum tjónlaust í gegnum efnahagshrunið 2008 og jú, að vera fyrst kvenna til að gegna stöðu framkvæmdastjóra Viðskiptaráðs. Það starf yfirgaf Halla eftir árs setu, því hún fann að það samræmdist ekki gildum hennar um ábyrg viðskipti og stjórnunarhætti. Það að hafa hugrekki til að horfast í augu við sterk öfl, hvort sem eru í viðskiptum eða opinberri stjórnsýslu og skora á þau að breytast, er eitthvað sem fæstum okkar er gefið. Þetta hefur Halla margsinnis gert og ekki síst undanfarin ár sem forstjóri B Team. Ég veit að hún brennur fyrir málefnum sem naga íslenskt samfélag. Líðan unga fólksins sem og þeirra eldri, neikvæðni sem einkennir samfélagsumræðu nútímans og grefur undan góðum verkum, jafnréttismálum og ekki síst orku- og auðlindamálum á þann hátt að íslenska þjóðin auðgist öll á því hversu gjöfult landið okkar er. Ég hvet ykkur eindregið til að kynnast Höllu. Síðustu daga hefur fylgi hennar rokið upp og hún mælist nú í öðru sæti í skoðanakönnunum, enda búin að vera mjög dugleg að kynnast landi og þjóð bæði með heimsóknum og á ýmsum miðlum. Hvarvetna heillast fólk, enda er Halla Tómasdóttir með einstaklega fallega framkomu, góða nærveru, mjög vel máli farin og óhrædd við að tala tæpitungulaust. Ég treysti engri betur en Höllu Tómasdóttur til að láta ekki standa við orðin tóm, heldur hafa hugrekki til að sýna staðfestu, framkvæma, leiða og nýta krafta forsetaembættisins til góðra verka. Höfundur er eigandi hugbúnaðarfyrirtækisins GET Ráðgjafar.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Áskorun ÖBÍ og Þroskahjálpar til ráðherra og þingmanna Alma Ýr Ingólfsdóttir,Unnur Helga Óttarsdóttir skrifar
Skoðun Flug frá Keflavík til Köben tekur styttri tíma en meðaltími nauðgunar Guðný S. Bjarnadóttir skrifar
Skoðun Gaza - hvað getum við gert? Guðrún María Jónsdóttir,Hulda María Einarsdóttir,Sunna Snædal,Theódór Skúli Sigurðsson skrifar
Skoðun Palestína og Vestur-Sahara – Tvær vonlausar aðskilnaðarhreyfingar Finnur Thorlacius Eiríksson skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun