Polestar 4 kominn í Polestar Reykjavík – umhverfisvænasti bíll Polestar

Brimborg 13. maí 2024 16:51

Það er vel þess virði að líta við í Polestar Reykjavík og sjá Polestar 2, Polestar 3 og Polestar 4 saman í salnum.

Nú er Polestar 4 kominn í Polestar Reykjavík. Haldin var sérstök forsýning fyrir Polestar eigendur og áhugafólk um leið og færi gafst enda búið að bíða hans með talsverðri eftirvæntingu. Stutt er síðan Polestar sendi frá sér fréttatilkynningu um að Polestar 4 væri umhverfisvænasti bíll þeirra til þessa, með lægra kolefnisspor en Polestar 2, þegar sá bíll kom fyrst á markað.

Það má segja að Polestar brúi bilið milli hlaðbaksins Polestar 2 og jeppans Polestar 3. Með drægni upp á 580 km, 544 hestöfl og 686 Nm í tog. Hann er fjórhjóladrifinn, sem hljómar vel í eyrum Íslendinga. Hann er 3.8 sekúndur upp í 100 og getur dregið á eftir sér tvö tonn og veghæðin er 16.6 sm.

Stór plús að ekki tekur nema 30 mínútur að hlaða úr 10% upp í 80%, eða rétta á meðan fólk stekkur inn og drekkur einn kaffibolla.

Rennilegar línur og mikið pláss

Polestar 4 er rúmgóður að innan og er mitt á milli Polestar 2 og 3 í stærð. Athygli vekur að enginn afturgluggi er í Polestar 4 heldur koma myndavélar í stað hans. Þessi hönnun eykur á innanrýmið og farangursrýmið í bílnum. Þakglugginn léttir einnig verulega á innanrýminu og vel fer um farþegana aftur í.

Þrír bílar komnir út á árinu

Þetta eru mikil tímamót hjá Polestar þar sem vöruúrvalið stækkar úr einum bíl upp í þrjá á þessu ári. Það er vel þess virði að líta við í Polestar Reykjavík og sjá Polestar 2, Polestar 3 og Polestar 4 saman í salnum.

Bílar Vistvænir bílar Orkumál Umhverfismál

Mest lesið

Fleiri fréttir