Fjárhagurinn eigi að ganga fyrir ferðum til Tenerife Magnús Jochum Pálsson skrifar 11. apríl 2024 00:23 Theodór Francis Birgisson, klínískur félagsráðgjafi hjá Lausninni, segir sífellt fleiri pör leita ráðgjafar vegna ágreinings um fjármál. Snjalltækjanotkun sé einnig stórt vandamál. Bylgjan/Getty Theodór Francis Birgisson, klínískur félagsráðgjafi, segir mjög algengt að pör séu ekki á sömu blaðsíðu þegar kemur að fjármálum og að rannsóknir sýni að fleiri sambönd fari á hliðina út af fjármálum en framhjáhaldi. Einnig séu ofnotkun snjalltækja og tengslaleysi milli fjölskyldumeðlima vaxandi vandamál. Theodór Francis svarar reglulega spurningum lesenda Smartlands um vandræði í parasamböndum. Ein slík vakti athygli nýverið en um var að ræða hjón á barmi skilnaðar af því konan þráir Tenerife en maðurinn vill borga inn á lán. Af því tilefni kom Theodór í Reykjavík síðdegis í dag til að ræða um fjármál para. „Hvað getum við og hvað er skynsamlegt?“ Theodór segir það oft koma upp í viðtölum hjá sér að fólk sé ekki á sömu blaðsíðu þegar kemur að fjármálum. Maðurinn sem sendi inn spurninguna á Smartlandi spurði „Hefur þú heyrt að fólk skilji vegna verðbólgu og hárra stýrivaxta?“ en Theodór segist sjaldan hafa fengið svo drastíska spurningu. Samtalið skipti þá máli. „Það þarf bara að setjast niður og tala um málin og reyna að finna út „Hvað getum við og hvað er skynsamlegt?“ Það sem við getum ekki eða það sem er óskynsamlegt væri mjög skynsamlegt að sleppa. En þá þarf parið að vera sammála um það,“ segir Theodór. „Svo er ekkert víst að parið sjái það alveg eins, kannski finnst einhverjum miklu mikilvægara að komast í frí en að borga inn á lán,“ segir hann. Ráðleggur fólki að leika sér nema það hafi ekki efni á því Theodór segir snjallt að ferðast og hafa gaman en fólk verði að láta skuldbindingar ganga fyrir. Hvað ráðleggur þú fólki? Hvort á að fara til Tenerife eða borga inn á lán? „Það segir kannski ýmislegt að ég hef ekki farið til Tenerife í nokkuð mörg ár en ég hef alveg ferðast. Ég ráðlegg fólki að ferðast og leika sér en ráðlegg fólki að gera ekkert sem það hefur ekki efni á að gera. Ef fólk þarf að velja á milli þess að standa í skilum með lánin sín eða fara í ferðalög er alveg augljóst að fólk á að láta skuldbindingar ganga fyrir,“ segir Theodór. „Í sumum tilfellum getur verið mjög snjallt að taka frá pening sem þú sannarlega átt og getur ráðstafað og gera eitthvað skemmtilegt með fjölskyldunni og maka sínum. Það er ekkert alltaf það snjallasta að kreista sig alveg út í hið óendanlega peningalega til þess að geta borgað lánin. En þetta snýst í öllum tilfellum um „Ráðum við við þetta, getum við þetta og erum við sammála um það?“ Þannig ég hvet fólk til þess að tala þangað til það er orðið sammála,“ segir hann. Fjármálin meira til vandræða en framhjáhald Er algengt að fjármál setji strik í reikninginn hjá pörum? „Erlendar rannsóknir sýna okkur að það eru fleiri parsambönd sem fara á hliðina og lenda í alvarlegum vandræðum út af fjármálum heldur en framhjáhaldi. Þannig fjármál er eitt af stóru málunum sem nánast öll pör þurfa að geta talað sig í gegnum,“ segir hann. Er það að færast í vöxt í seinni tíð? „Núna í þessu vaxtaumhverfi sem við búum í þá eykst þessi vandi og fjármál eru actual vandamál hjá mörgum í dag. Svo koma samfélagsmiðlarnir og segja „Ef þú ferð ekki til útlanda þá ertu grand loser“ og þar eru ótrúlega margir sem missa fæturna og láta væntingar annarra draga sig langt út fyrir þolmörkin sín. Það fólk mun lenda í vandræðum,“ segir Theodór. Lífsgæðakapphlaupið er að fara með samböndin? „Alltof mikið, því miður,“ segir hann og bætir við „Þá er ég ekki að segja að við eigum ekki að njóta þeirra fjármuna sem við höfum. Ég leik mér heilmikið og ég ætla ekki að hætta því. En ég vel í hvað set ég þá peninga sem ég vil leika mér með.“ Fyrirtækið Lausnin sem Theodór vinnur hjá varð til eftir hrun. Hann segir að þá hafi verið mjög mikið rætt um fjármál og rifjar hann upp þegar kreppubílar komust í tísku. „Þá voru menn að leggja Range Rover og kalla það Game Over og Land Cruiser var kallaður Grand Loser. Menn kappkostuðu að reyna að eiga bílana sem þeir keyrðu. Það var kallað kreppubíll. Ég hef sennilega fests í þessum fasa því minn bíll er 21 árs gamall Grand Loser þannig ég er enn á kreppubílnum,“ segir hann. Samtalið erfitt og þess vegna sleppi fólk því Pör sem tala ekki um fjármálin sín. Er algengt að þau bíði með það þar til er komið í óefni? „Ef við venjulega fólkið, við sem þurfum að hugsa um það sem við höfum, tölum ekki um það þá lendum við í vandræðum. Í fjármálum eins og svo mörgu er þetta spurning um „Næ ég að uppfylla væntingar mínar?“ og „Eru væntingar maka míns uppfylltar?“ Til að ég geti uppfyllt væntingar maka míns þarf ég að þekkja væntingarnar,“ segir Theodór. Þetta er ekkert rosalega auðvelt samtal. „Nei, þetta er ótrúlega erfitt og þess vegna sleppir fólk því,“ segir hann. „Stundum getur maki verið með væntingar til okkar sem við náum ekki að uppfylla. Mín heittelskaða hefur verið með væntingu til mín sem mér finnst mjög góð hugmynd en ég hef ekki náð að uppfylla hana. Það er að þéna meira en vinna minna. Það er rosagóð hugmynd, ég hef bara ekki fundið uppskriftina. Þetta er erfitt samtal og þess vegna sleppir fólk því,“ segir Theodór. Ofnotkun á snjalltækjum og tengslaleysi vandamál Er eitthvað fleira að færast í vöxt sem ástæða fyrir vandræðum? „Mér finnst núna mest vera vandamál hjá pörum snjalltæki og notkun fjölskyldumeðlima á snjalltækjum. Þá erum við náttúrulega að tala um ofnotkun á þeim,“ segir Theodór. Er fólk þá frekar í símanum en að eyða tíma með sínum heittelskuðu? „Þá er tíminn sem við höfum til að tengjast ekki notaður. Það er því miður mjög algengt að pör eru illa tengd hvort öðru og fjölskyldur eru mjög illa tengdar hvor annarri. Ég er alls ekki að segja að þetta sé algilt en þetta er alltof algengt,“ segir hann. „Að mínu mati er þetta viðvarandi vandamál sem við þurfum að þora að takast á við,“ segir Theodór að lokum. Ástin og lífið Fjölskyldumál Fjármál heimilisins Reykjavík síðdegis Ferðalög Mest lesið Leiðtogi Hezbollah allur Erlent „Óþekku börnin frá Grindavík“ vakti úlfúð Innlent Drakk beint úr könnunni og svelgdist á Erlent Brotthvarf Katrínar hafði mikil áhrif Innlent Þyrlan kölluð út vegna fjórhjólaslyss Innlent „Ég hitti ungt fjölskyldufólk sem er gjörsamlega að kikna“ Innlent Verkfall á hjúkrunarheimilum ef lausn næst ekki á mánudag Innlent „Verðmæti fólgin í því að halda Reykjanesbraut opinni“ Innlent Neyddist til að aflífa 125 krókódíla í útrýmingarhættu Erlent Draumurinn að fríbúðir skjóti upp kollinum um alla borg Innlent Fleiri fréttir Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Sjá meira
Theodór Francis svarar reglulega spurningum lesenda Smartlands um vandræði í parasamböndum. Ein slík vakti athygli nýverið en um var að ræða hjón á barmi skilnaðar af því konan þráir Tenerife en maðurinn vill borga inn á lán. Af því tilefni kom Theodór í Reykjavík síðdegis í dag til að ræða um fjármál para. „Hvað getum við og hvað er skynsamlegt?“ Theodór segir það oft koma upp í viðtölum hjá sér að fólk sé ekki á sömu blaðsíðu þegar kemur að fjármálum. Maðurinn sem sendi inn spurninguna á Smartlandi spurði „Hefur þú heyrt að fólk skilji vegna verðbólgu og hárra stýrivaxta?“ en Theodór segist sjaldan hafa fengið svo drastíska spurningu. Samtalið skipti þá máli. „Það þarf bara að setjast niður og tala um málin og reyna að finna út „Hvað getum við og hvað er skynsamlegt?“ Það sem við getum ekki eða það sem er óskynsamlegt væri mjög skynsamlegt að sleppa. En þá þarf parið að vera sammála um það,“ segir Theodór. „Svo er ekkert víst að parið sjái það alveg eins, kannski finnst einhverjum miklu mikilvægara að komast í frí en að borga inn á lán,“ segir hann. Ráðleggur fólki að leika sér nema það hafi ekki efni á því Theodór segir snjallt að ferðast og hafa gaman en fólk verði að láta skuldbindingar ganga fyrir. Hvað ráðleggur þú fólki? Hvort á að fara til Tenerife eða borga inn á lán? „Það segir kannski ýmislegt að ég hef ekki farið til Tenerife í nokkuð mörg ár en ég hef alveg ferðast. Ég ráðlegg fólki að ferðast og leika sér en ráðlegg fólki að gera ekkert sem það hefur ekki efni á að gera. Ef fólk þarf að velja á milli þess að standa í skilum með lánin sín eða fara í ferðalög er alveg augljóst að fólk á að láta skuldbindingar ganga fyrir,“ segir Theodór. „Í sumum tilfellum getur verið mjög snjallt að taka frá pening sem þú sannarlega átt og getur ráðstafað og gera eitthvað skemmtilegt með fjölskyldunni og maka sínum. Það er ekkert alltaf það snjallasta að kreista sig alveg út í hið óendanlega peningalega til þess að geta borgað lánin. En þetta snýst í öllum tilfellum um „Ráðum við við þetta, getum við þetta og erum við sammála um það?“ Þannig ég hvet fólk til þess að tala þangað til það er orðið sammála,“ segir hann. Fjármálin meira til vandræða en framhjáhald Er algengt að fjármál setji strik í reikninginn hjá pörum? „Erlendar rannsóknir sýna okkur að það eru fleiri parsambönd sem fara á hliðina og lenda í alvarlegum vandræðum út af fjármálum heldur en framhjáhaldi. Þannig fjármál er eitt af stóru málunum sem nánast öll pör þurfa að geta talað sig í gegnum,“ segir hann. Er það að færast í vöxt í seinni tíð? „Núna í þessu vaxtaumhverfi sem við búum í þá eykst þessi vandi og fjármál eru actual vandamál hjá mörgum í dag. Svo koma samfélagsmiðlarnir og segja „Ef þú ferð ekki til útlanda þá ertu grand loser“ og þar eru ótrúlega margir sem missa fæturna og láta væntingar annarra draga sig langt út fyrir þolmörkin sín. Það fólk mun lenda í vandræðum,“ segir Theodór. Lífsgæðakapphlaupið er að fara með samböndin? „Alltof mikið, því miður,“ segir hann og bætir við „Þá er ég ekki að segja að við eigum ekki að njóta þeirra fjármuna sem við höfum. Ég leik mér heilmikið og ég ætla ekki að hætta því. En ég vel í hvað set ég þá peninga sem ég vil leika mér með.“ Fyrirtækið Lausnin sem Theodór vinnur hjá varð til eftir hrun. Hann segir að þá hafi verið mjög mikið rætt um fjármál og rifjar hann upp þegar kreppubílar komust í tísku. „Þá voru menn að leggja Range Rover og kalla það Game Over og Land Cruiser var kallaður Grand Loser. Menn kappkostuðu að reyna að eiga bílana sem þeir keyrðu. Það var kallað kreppubíll. Ég hef sennilega fests í þessum fasa því minn bíll er 21 árs gamall Grand Loser þannig ég er enn á kreppubílnum,“ segir hann. Samtalið erfitt og þess vegna sleppi fólk því Pör sem tala ekki um fjármálin sín. Er algengt að þau bíði með það þar til er komið í óefni? „Ef við venjulega fólkið, við sem þurfum að hugsa um það sem við höfum, tölum ekki um það þá lendum við í vandræðum. Í fjármálum eins og svo mörgu er þetta spurning um „Næ ég að uppfylla væntingar mínar?“ og „Eru væntingar maka míns uppfylltar?“ Til að ég geti uppfyllt væntingar maka míns þarf ég að þekkja væntingarnar,“ segir Theodór. Þetta er ekkert rosalega auðvelt samtal. „Nei, þetta er ótrúlega erfitt og þess vegna sleppir fólk því,“ segir hann. „Stundum getur maki verið með væntingar til okkar sem við náum ekki að uppfylla. Mín heittelskaða hefur verið með væntingu til mín sem mér finnst mjög góð hugmynd en ég hef ekki náð að uppfylla hana. Það er að þéna meira en vinna minna. Það er rosagóð hugmynd, ég hef bara ekki fundið uppskriftina. Þetta er erfitt samtal og þess vegna sleppir fólk því,“ segir Theodór. Ofnotkun á snjalltækjum og tengslaleysi vandamál Er eitthvað fleira að færast í vöxt sem ástæða fyrir vandræðum? „Mér finnst núna mest vera vandamál hjá pörum snjalltæki og notkun fjölskyldumeðlima á snjalltækjum. Þá erum við náttúrulega að tala um ofnotkun á þeim,“ segir Theodór. Er fólk þá frekar í símanum en að eyða tíma með sínum heittelskuðu? „Þá er tíminn sem við höfum til að tengjast ekki notaður. Það er því miður mjög algengt að pör eru illa tengd hvort öðru og fjölskyldur eru mjög illa tengdar hvor annarri. Ég er alls ekki að segja að þetta sé algilt en þetta er alltof algengt,“ segir hann. „Að mínu mati er þetta viðvarandi vandamál sem við þurfum að þora að takast á við,“ segir Theodór að lokum.
Ástin og lífið Fjölskyldumál Fjármál heimilisins Reykjavík síðdegis Ferðalög Mest lesið Leiðtogi Hezbollah allur Erlent „Óþekku börnin frá Grindavík“ vakti úlfúð Innlent Drakk beint úr könnunni og svelgdist á Erlent Brotthvarf Katrínar hafði mikil áhrif Innlent Þyrlan kölluð út vegna fjórhjólaslyss Innlent „Ég hitti ungt fjölskyldufólk sem er gjörsamlega að kikna“ Innlent Verkfall á hjúkrunarheimilum ef lausn næst ekki á mánudag Innlent „Verðmæti fólgin í því að halda Reykjanesbraut opinni“ Innlent Neyddist til að aflífa 125 krókódíla í útrýmingarhættu Erlent Draumurinn að fríbúðir skjóti upp kollinum um alla borg Innlent Fleiri fréttir Sundrun á hægri vængnum og örvænting meðal fyrstu kaupenda Verslaði fyrir háar upphæðir með stolnu kreditkorti „Ég hitti ungt fjölskyldufólk sem er gjörsamlega að kikna“ Þyrlan kölluð út vegna fjórhjólaslyss Ullarvika til heiðurs íslensku sauðkindinni „Óþekku börnin frá Grindavík“ vakti úlfúð Verkfall á hjúkrunarheimilum ef lausn næst ekki á mánudag „Verðmæti fólgin í því að halda Reykjanesbraut opinni“ Úrbætur á gæsluvarðhaldsúrræði fyrir unglinga og upphaf körfuboltatímabilsins Skoða betri úrræði fyrir unglinga í gæsluvarðhaldi Brotthvarf Katrínar hafði mikil áhrif Hafði „útdraganlega kylfu“ meðferðis Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Sjá meira