Skýrsla Sindra: Hvenær kviknar á liðinu hans Snorra? Sindri Sverrisson skrifar 14. janúar 2024 22:31 Elliði Snær Viðarsson sýnir svipuð viðbrögð og hátt í 5.000 Íslendingar í München í kvöld, eftir sigurinn dísæta á Svartfellingum. VÍSIR/VILHELM Síðbúin jólagjöf frá Svartfellingum kom í veg fyrir algjöra martraðarniðurstöðu fyrir íslenska landsliðið á EM í handbolta í kvöld. Strákarnir okkar höfnuðu öllum tækifærum til að hrista mótherjana af sér en lönduðu samt að lokum eins tæpum sigri og hugsast gæti, 31-30. Allt í lagi. Ísland er þá enn taplaust á mótinu, komið með þrjú stig og á leið í lokaslag við Ungverjaland á þriðjudagskvöld upp á að komast í milliriðilinn. Og það er enn séns á að fara þangað með tvö stig í farteskinu. Það er ekki hægt að kvarta mikið yfir þessari stöðu. En mikið svakalega finnst manni íslenska liðið eiga mikið inni. Um tíma í fyrri hálfleik í kvöld hélt maður að verkefnið yrði bara nokkuð þægilegt. Fljótt þriggja marka forskot eins og gegn Serbum, og svo fimm marka forskot, en það hvarf allt of fljótt. Fleiri tækifæri gáfust til að drepa laxinn en alltaf var honum sleppt. Ég skil frábæran markvörð Svartfellinga, Nebojsa Simic, vel að hafa tekið æðiskast undir lok leiksins. Hann var búinn að verja mörg dauðafæri, og loka sérstaklega á hornamenn Íslands, en félagar hans klúðruðu málunum gjörsamlega á ögurstundu. Annan leikinn í röð fékk Ísland hjálparhönd frá mótherjunum í lokin og nýtti sér það. Barði í skilti og blótaði félögunum Í þetta sinn gerðu mótherjarnir vitlausa skiptingu þegar áttatíu sekúndur voru eftir. Hefðu ekki allir brjálast? Simic barði alla vega í skilti og öskraði svo mikið á samherja sína að einn þeirra hunskaðist inn í klefa. Staðan var þá 30-30 og Svartfjallaland á leið í sókn, en í staðinn var boltinn dæmdur af þeim og Íslendingar manni fleiri út leikinn. Það verður að hrósa okkar mönnum fyrir að nýta sér þetta til fulls. Gísli, sem hefur haft svo hægt um sig á mótinu, skoraði sigurmarkið þegar enn var mínúta eftir og með frábærri vörn og markvörslum Björgvins Páls tókst að landa sigrinum. Ég veit ekki hvort hann vill verða forseti en hann tryggði sér örugglega 5.000 atkvæði viðstaddra í München þetta kvöld. Simic var kallaður Súpermann í heimalandinu eftir frammistöðu sína á EM fyrir tveimur árum. Hann er einn besti markvörður þýsku deildarinnar og er ásamt Gísla maðurinn sem Þjóðverjar nota á auglýsingaskilti mótsins hér í München. Ekki að ástæðulausu. Og Simic fór illa með Óðin Þór Ríkharðsson sem kom inn í hópinn og beint í byrjunarliðið í kvöld, því þessi mikli markaskorari klikkaði á þremur skotum snemma leiks. En Simic fór reyndar illa með alla hornamenn íslenska liðsins og á heiðurinn að mun fleiri misheppnuðum skotum Íslands en fjöldi markvarsla segir til um. Samt náði Ísland frumkvæðinu, og komst til dæmis í 7-4 og 10-5. Vel gekk að finna úthvíldan Elliða Snæ á línunni og hann nýtti færin vel í fyrri hálfleik. Snorri reyndi að dreifa álaginu vel á menn, eins og hann verður að gera ef Ísland ætlar langt á þessu móti. Hvort það skipti svona miklu að vera með A-liðið á bekknum, seinni hluta fyrri hálfleiks, veit ég ekki en Svartfellingar átu alla vega fljótt upp forskotið, allt of fljótt. En þeir klúðruðu lokaskoti fyrri hálfleiks og Ísland var 17-15 yfir. Þúsundir Íslendinga studdu frábærlega við liðið þegar mest á reyndi í kvöld.VÍSIR/VILHELM Gísli skoraði sitt fyrsta mark á mótinu snemma í seinni hálfleik, og kom Íslandi í 19-16. Auðvitað eru allir þakklátir fyrir að Gísli skuli yfir höfuð geta verið með, eftir langt og strangt bataferli, en að sama skapi bíður maður eftir meiru frá manninum sem Handball Planet var að útnefna næstbesta leikmann heims á eftir Mathias Gidsel. Gísli skoraði þó tvö af síðustu þremur mörkum Íslands í leiknum og það veitir vonandi á gott fyrir framhaldið. Félagi hans Ómar Ingi komst hins vegar í algjöran ham, sérstaklega í seinni hálfleiknum, og sá meðal annars til þess að þó að Svartfellingar jöfnuðu næði Ísland fljótt aftur þriggja marka forskoti, 25-22. Þarna var mættur sá Ómar sem við þekkjum. Samt tókst stóru og skotföstu skyttunum í liði Svartfjallalands alltaf að hleypa spennu í leikinn á ný, og komast yfir 29-28 þegar skammt var eftir. En þetta reddaðist. Aftur. Vörnin stóðst álagið í lokin og Björgvin Páll tryggði Íslandi ótrúlega sætan sigur. Maður finnur samt ekki fyrir mikilli bjartsýni fyrir framhaldið. Ungverjar eru alltaf leiðinlegir við Íslendinga, og það þarf fleira að ganga upp í spilamennskunni á þriðjudagskvöldið ef partýið á að halda áfram alla leið til Kölnar. Hvenær kviknar á liðinu hans Snorra? Landslið karla í handbolta EM 2024 í handbolta Tengdar fréttir Umfjöllun: Ísland - Svartfjallaland 31-30 | Björgvin Páll tryggði dramatískan sigur Ísland ætlar ekki að spila neina rólega leiki á Evrópmóti karla í handbolta sem nú fer fram í Þýskalandi. Annan leikinn í röð var boðið upp á háspennuleik en að þessu sinni hafði Ísland betur, með minnsta mun. Lokatölur í Munchen 31-30 Íslandi í vil. 14. janúar 2024 18:35 „Andlega sterkt að vinna leikinn“ „Tvö stig í pokann en aftur, eins og í fyrsta leik, var þetta ekki alveg nægilega gott. Erfitt að setja puttann á hvað það er svona strax eftir leik,“ sagði hornamaðurinn Bjarki Már Elísson eftir sigur Íslands á Svartfjallalandi á EM í handbolta sem fram fer í Þýskalandi. 14. janúar 2024 19:30 Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Búast við gullregni með sölu á Stefáni til Englands Fótbolti Tækling Toni Kroos eyðilagði Evrópumótið fyrir Pedri Fótbolti Donny van de Beek snýr við blaðinu og fer til Spánar Enski boltinn Mótmælti sama brotinu tvisvar og var rekinn af velli Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn „Klikkaðir“ FH-ingar á grasi reyna að þyngja það með lóðum Íslenski boltinn „Líður eins og ég hafi svikið þjóð mína“ Fótbolti Fleiri fréttir Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Sjá meira
Allt í lagi. Ísland er þá enn taplaust á mótinu, komið með þrjú stig og á leið í lokaslag við Ungverjaland á þriðjudagskvöld upp á að komast í milliriðilinn. Og það er enn séns á að fara þangað með tvö stig í farteskinu. Það er ekki hægt að kvarta mikið yfir þessari stöðu. En mikið svakalega finnst manni íslenska liðið eiga mikið inni. Um tíma í fyrri hálfleik í kvöld hélt maður að verkefnið yrði bara nokkuð þægilegt. Fljótt þriggja marka forskot eins og gegn Serbum, og svo fimm marka forskot, en það hvarf allt of fljótt. Fleiri tækifæri gáfust til að drepa laxinn en alltaf var honum sleppt. Ég skil frábæran markvörð Svartfellinga, Nebojsa Simic, vel að hafa tekið æðiskast undir lok leiksins. Hann var búinn að verja mörg dauðafæri, og loka sérstaklega á hornamenn Íslands, en félagar hans klúðruðu málunum gjörsamlega á ögurstundu. Annan leikinn í röð fékk Ísland hjálparhönd frá mótherjunum í lokin og nýtti sér það. Barði í skilti og blótaði félögunum Í þetta sinn gerðu mótherjarnir vitlausa skiptingu þegar áttatíu sekúndur voru eftir. Hefðu ekki allir brjálast? Simic barði alla vega í skilti og öskraði svo mikið á samherja sína að einn þeirra hunskaðist inn í klefa. Staðan var þá 30-30 og Svartfjallaland á leið í sókn, en í staðinn var boltinn dæmdur af þeim og Íslendingar manni fleiri út leikinn. Það verður að hrósa okkar mönnum fyrir að nýta sér þetta til fulls. Gísli, sem hefur haft svo hægt um sig á mótinu, skoraði sigurmarkið þegar enn var mínúta eftir og með frábærri vörn og markvörslum Björgvins Páls tókst að landa sigrinum. Ég veit ekki hvort hann vill verða forseti en hann tryggði sér örugglega 5.000 atkvæði viðstaddra í München þetta kvöld. Simic var kallaður Súpermann í heimalandinu eftir frammistöðu sína á EM fyrir tveimur árum. Hann er einn besti markvörður þýsku deildarinnar og er ásamt Gísla maðurinn sem Þjóðverjar nota á auglýsingaskilti mótsins hér í München. Ekki að ástæðulausu. Og Simic fór illa með Óðin Þór Ríkharðsson sem kom inn í hópinn og beint í byrjunarliðið í kvöld, því þessi mikli markaskorari klikkaði á þremur skotum snemma leiks. En Simic fór reyndar illa með alla hornamenn íslenska liðsins og á heiðurinn að mun fleiri misheppnuðum skotum Íslands en fjöldi markvarsla segir til um. Samt náði Ísland frumkvæðinu, og komst til dæmis í 7-4 og 10-5. Vel gekk að finna úthvíldan Elliða Snæ á línunni og hann nýtti færin vel í fyrri hálfleik. Snorri reyndi að dreifa álaginu vel á menn, eins og hann verður að gera ef Ísland ætlar langt á þessu móti. Hvort það skipti svona miklu að vera með A-liðið á bekknum, seinni hluta fyrri hálfleiks, veit ég ekki en Svartfellingar átu alla vega fljótt upp forskotið, allt of fljótt. En þeir klúðruðu lokaskoti fyrri hálfleiks og Ísland var 17-15 yfir. Þúsundir Íslendinga studdu frábærlega við liðið þegar mest á reyndi í kvöld.VÍSIR/VILHELM Gísli skoraði sitt fyrsta mark á mótinu snemma í seinni hálfleik, og kom Íslandi í 19-16. Auðvitað eru allir þakklátir fyrir að Gísli skuli yfir höfuð geta verið með, eftir langt og strangt bataferli, en að sama skapi bíður maður eftir meiru frá manninum sem Handball Planet var að útnefna næstbesta leikmann heims á eftir Mathias Gidsel. Gísli skoraði þó tvö af síðustu þremur mörkum Íslands í leiknum og það veitir vonandi á gott fyrir framhaldið. Félagi hans Ómar Ingi komst hins vegar í algjöran ham, sérstaklega í seinni hálfleiknum, og sá meðal annars til þess að þó að Svartfellingar jöfnuðu næði Ísland fljótt aftur þriggja marka forskoti, 25-22. Þarna var mættur sá Ómar sem við þekkjum. Samt tókst stóru og skotföstu skyttunum í liði Svartfjallalands alltaf að hleypa spennu í leikinn á ný, og komast yfir 29-28 þegar skammt var eftir. En þetta reddaðist. Aftur. Vörnin stóðst álagið í lokin og Björgvin Páll tryggði Íslandi ótrúlega sætan sigur. Maður finnur samt ekki fyrir mikilli bjartsýni fyrir framhaldið. Ungverjar eru alltaf leiðinlegir við Íslendinga, og það þarf fleira að ganga upp í spilamennskunni á þriðjudagskvöldið ef partýið á að halda áfram alla leið til Kölnar. Hvenær kviknar á liðinu hans Snorra?
Landslið karla í handbolta EM 2024 í handbolta Tengdar fréttir Umfjöllun: Ísland - Svartfjallaland 31-30 | Björgvin Páll tryggði dramatískan sigur Ísland ætlar ekki að spila neina rólega leiki á Evrópmóti karla í handbolta sem nú fer fram í Þýskalandi. Annan leikinn í röð var boðið upp á háspennuleik en að þessu sinni hafði Ísland betur, með minnsta mun. Lokatölur í Munchen 31-30 Íslandi í vil. 14. janúar 2024 18:35 „Andlega sterkt að vinna leikinn“ „Tvö stig í pokann en aftur, eins og í fyrsta leik, var þetta ekki alveg nægilega gott. Erfitt að setja puttann á hvað það er svona strax eftir leik,“ sagði hornamaðurinn Bjarki Már Elísson eftir sigur Íslands á Svartfjallalandi á EM í handbolta sem fram fer í Þýskalandi. 14. janúar 2024 19:30 Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Búast við gullregni með sölu á Stefáni til Englands Fótbolti Tækling Toni Kroos eyðilagði Evrópumótið fyrir Pedri Fótbolti Donny van de Beek snýr við blaðinu og fer til Spánar Enski boltinn Mótmælti sama brotinu tvisvar og var rekinn af velli Fótbolti Sjáðu fernu og dans Viktors, Valsara í stuði og tæpt jöfnunarmark KR Íslenski boltinn „Klikkaðir“ FH-ingar á grasi reyna að þyngja það með lóðum Íslenski boltinn „Líður eins og ég hafi svikið þjóð mína“ Fótbolti Fleiri fréttir Töpuðu rétt eftir risasigurinn „Fannst ég ekki bæta mig nægilega mikið á þessum tveimur árum“ Stelpurnar hans Þóris völtuðu yfir ólympíumeistarana Úlfurinn snýr aftur til Kiel „Miklar tilfinningasveiflur sem tóku við“ Íslendingar mættu stundum hugsa sinn gang Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Sjá meira
Umfjöllun: Ísland - Svartfjallaland 31-30 | Björgvin Páll tryggði dramatískan sigur Ísland ætlar ekki að spila neina rólega leiki á Evrópmóti karla í handbolta sem nú fer fram í Þýskalandi. Annan leikinn í röð var boðið upp á háspennuleik en að þessu sinni hafði Ísland betur, með minnsta mun. Lokatölur í Munchen 31-30 Íslandi í vil. 14. janúar 2024 18:35
„Andlega sterkt að vinna leikinn“ „Tvö stig í pokann en aftur, eins og í fyrsta leik, var þetta ekki alveg nægilega gott. Erfitt að setja puttann á hvað það er svona strax eftir leik,“ sagði hornamaðurinn Bjarki Már Elísson eftir sigur Íslands á Svartfjallalandi á EM í handbolta sem fram fer í Þýskalandi. 14. janúar 2024 19:30