Maðurinn sem fær Tottenham til að dreyma á ný Óskar Ófeigur Jónsson skrifar 25. október 2023 11:01 Ange Postecoglou þakkar stuðningsmönnum Tottenham Hotspur fyrir stuðninginn eftir sögulegan sigur á Fulham. AP/Kin Cheung Ange Postecoglou er nafn sem fáir knattspyrnuáhugamenn sáu örugglega fyrir sér sem einn af stóru stjórunum í ensku úrvalsdeildinni þegar síðasta tímabili lauk en aðeins á nokkrum mánuðum hefur ástralski Grikkinn heldur betur hoppað upp metorðalistann. Í fyrrakvöld varð hann einstakur í sögu ensku úrvalsdeildarinnar. Með því að ná í 23 stig af 27 mögulegum í fyrstu níu leikjum sínum sem stjóri í ensku úrvalsdeildinni var Postecoglou búinn að setja nýtt met í meira en þrjátíu ára sögu deildarinnar. Hinn 58 ára gamli Postecoglou fékk starfið hjá Tottenham í sumar eftir vonbrigði tímabilsins á undan þar sem liðið endaði í áttunda sæti og fór í gegnum stjóraskipti í mars. Útlitið var heldur ekki of bjart í norður London. Tottenham liðið virtist á niðurleið á meðan nágrannarnir í Arsenal höfðu náð vopnum sínum. Tottenham hefur vissulega verið skotspónn knattspyrnusérfræðinga undanfarin ár og ástæðan er einföld. Liðið hefur boðið upp á mjög frambærileg lið síðasta áratuginn og hafa gert gott tilkall í það að vera með besta leikmann deildarinnar í Harry Kane. Niðurstaðan er samt sem áður enginn titill í fimmtán ár og enginn stór titill í meira en þrjá áratugi. Guðni Bergs var með í síðasta stóra titli Guðni Bergsson var leikmaður Tottenham þegar félagið vann síðast annan af stóru titlinum, enska meistaratitilinn eða enska bikarinn. Guðni og félagar urðu bikarmeistarar á Wembley árið 1991 en það þarf að fara 62 ár aftur í tímann til að finna síðasta meistaratitil félagsins sem kom í hús tímabilið 1960-61. Guðni Bergsson og Gary Lineker fagna saman í leik með Tottenham árið 1990.Getty/Simon Bruty Postecoglou hefur heillað alla upp úr skónum, bæði með heiðarlegu og falslausu fasi sínu en einnig með leikstíl og árangri liðsins. Það er gaman að horfa á Tottenham og liðið er einnig að sanka að sér stigunum. Margir bjuggust örugglega við því að gráturinn yfir því að missa Kane myndi heyrast langt inn á þetta tímabil en það saknar enginn Kane þegar liðinu gengur svona vel. Lykilkaupin í sumar voru án vafa á James Maddison sem hefur stimplað sig inn í liðið með frábærri frammistöðu. Son Heung-min tók við fyrirliðabandinu af Kane og sem dæmi um hans framlag þá var hann kosinn besti leikmaður síðasta mánaðar í deildinni. Íslendingar keyrðu þá enn á vinstri akgrein Það er langt síðan að Tottenham var enskur meistari. Árið 1961 var John F. Kennedy forseti Bandaríkjanna, Elísabet drottning var 35 ára gömul og við Íslendingar keyrðum enn á vinstri akgrein. Jú, mjög langur tími. „Við viljum að stuðningsmennirnir okkar leyfi sér að dreyma en við ætlum að einbeita okkur að hverjum degi fyrir sig,“ sagði James Maddison. „Við viljum alveg að stuðningsmenn okkar missi sig aðeins. Það er það sem þetta snýst um hjá þeim en það er ekki okkar. Ef þú ferð að hugsa of mikið um langtímamarkmið þá getur þú misst fótanna,“ sagði Maddison. Ange Postecoglou hefur náð í 23 stig af 27 mögulegum í fyrstu níu leikjunum sínum sem stjóri Tottenham.Getty/Justin Setterfield Hafði gert góða hluti með Celtic Það er samt ekki eins og Postecoglou hafi ekki sýnt áður að það sé mikið varið í hann. Undanfarin tvö tímabil hafði hann gert Celtic að skoskum meisturum tvö ár í röð. Celtic vann þrennuna á síðasta tímabili - meistaratitilinn, bikarinn og deildabikarinn. Postecoglou hafði tekið við liðinu í júní 2021 og varð þar með fyrsti Ástralinn til að stýra stórum klúbb í Evrópu. Celtic hafði þá misst titilinn til erkifjendanna í Rangers og upplifað fyrsta titlalausa tímabil sitt í áratug. Hann var fljótur að breyta því. Það er ekki bara stigasöfnunin sem hefur heillað stuðningsmenn Tottenham heldur einnig leikstíllinn og ekki síst karakterinn Ange Postecoglou. Liðið spilar ekki lengur varnarsinnaðan bolta eins og undir stjórn Antonio Conte. Hugrakkir inn á vellinum Það er gaman að horfa á liðið spila undir stjórn Postecoglou. Þeir eru hugrakkir inn á vellinum og um leið samheldnir og beinskeyttir. Postecoglou hefur hreinsað til í liðinu og fundið réttar stöður fyrir nýju mennina. „Ég held að ég hafi setið hér í hverri viku og talað um það að við eigum langt ferðalag fyrir höndum. Það breytist ekki. Við erum bara búnir með níu leiki og við erum rétt að byrja á því að byggja eitthvað saman,“ sagði Ange Postecoglou. „Það væri miklu auðveldara fyrir mig að sitja hér og segja að við séum með frábært lið. Það sem ég ætla að segja er að við verðum að bæta okkur og það á minni ábyrgð að sjá til þess að við gerum það. Við getum verið betri, það er enginn vafi um það,“ sagði Postecoglou. James Maddison og Son Heung-min hafa verið frábærir á leiktíðinni.EPA-EFE/ISABEL INFANTES Talar hreint og beint „Ég var virkilega vonsvikinn með seinni hálfleikinn og þegar við vorum með boltann þá vorum við ekki nálægt því að spila okkar leik. Þetta eru líklega verstu 45 mínúturnar okkar á tímabilinu,“ sagði Postecoglou. Postecoglou fer ekkert í kringum hlutina heldur talar hreint og beint. Hann var fljótur að komast í mikið uppáhald hjá stuðningsmönnum félagsins og er ein af aðalástæðunum fyrir því að þeir geta leyft sér að dreyma. Í dag er liðið á toppnum og draumurinn um langþráðan titil á lífi. Manchester City er náttúrulega ekki langt undan og það eru fleiri mjög sterk lið í deildinni. Þessi byrjun lofar góðu og trúin er aftur til staðar hjá Tottenham ekki síst fyrir frábæra og sögulega innkomu Postecoglou. Enski boltinn Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Með tvær ferðatöskur af fíkniefnum Hafi snúist hugur og vilji nú fara til Liverpool Segir að hann myndi kýla netníðingana í nefið ef þeir stæðu fyrir framan hann Arteta með vondar fréttir af meiðslum Ødegaards Óviss um að hann sé velkominn á Oasis tónleikana Ten Hag rólegur þrátt fyrir fullkomið kvöld Lið Stefáns skoraði úr sextán vítum Auðvelt á Old Trafford gegn C-deildarliðinu Ten Hag aðvarar Antony: „Verður að vinna sér inn réttinn til að spila“ Liverpool birtir áður óséð efni frá Reykjavík: „Beið í sextíu ár eftir því að sjá þetta“ „Þú færð mikið borgað svo þú mátt ekki sýna tilfinningar“ Willum Þór og félagar lögðu Hollywood-lið Wrexham Höjlund enn fjarri góðu gamni en varnarþríeykið klárt í slaginn Englandsmeistarinn Ingle með slitið krossband Fannst mark Gabriels vera ólöglegt Kærir Richarlison og sakar hann um illa meðferð Segist eiga meiri möguleika á að vinna dansþátt en Spurs að vinna titil „Arsenal spilaði eins og meistaralið“ Arteta ánægður með þroskaða frammistöðu í fjarveru lykilmanna Tvö glæsimörk skoruð í endurkomusigri Newcastle Gabriel hetjan hjá vængbrotnu liði Arsenal í nágrannaslagnum Anthony Taylor dómari sló met í gær UEFA hótar því að reka enska landsliðið af þeirra eigin EM Will Ferrell fylgdist með Leeds í fyrsta sinn Enginn varamaður skorað jafn mörg sigurmörk: „Getur orðið einn besti framherji heims“ Aston Villa með ævintýralega endurkomu gegn Everton Nkunku tryggði sigur eftir stoðsendingu Sancho „Margir sem sýndu ekki sína bestu frammistöðu í dag“ Jason Daði lagði upp mark en það dugði ekki Haaland náði ekki þrennunni en tryggði sigurinn Sjá meira
Með því að ná í 23 stig af 27 mögulegum í fyrstu níu leikjum sínum sem stjóri í ensku úrvalsdeildinni var Postecoglou búinn að setja nýtt met í meira en þrjátíu ára sögu deildarinnar. Hinn 58 ára gamli Postecoglou fékk starfið hjá Tottenham í sumar eftir vonbrigði tímabilsins á undan þar sem liðið endaði í áttunda sæti og fór í gegnum stjóraskipti í mars. Útlitið var heldur ekki of bjart í norður London. Tottenham liðið virtist á niðurleið á meðan nágrannarnir í Arsenal höfðu náð vopnum sínum. Tottenham hefur vissulega verið skotspónn knattspyrnusérfræðinga undanfarin ár og ástæðan er einföld. Liðið hefur boðið upp á mjög frambærileg lið síðasta áratuginn og hafa gert gott tilkall í það að vera með besta leikmann deildarinnar í Harry Kane. Niðurstaðan er samt sem áður enginn titill í fimmtán ár og enginn stór titill í meira en þrjá áratugi. Guðni Bergs var með í síðasta stóra titli Guðni Bergsson var leikmaður Tottenham þegar félagið vann síðast annan af stóru titlinum, enska meistaratitilinn eða enska bikarinn. Guðni og félagar urðu bikarmeistarar á Wembley árið 1991 en það þarf að fara 62 ár aftur í tímann til að finna síðasta meistaratitil félagsins sem kom í hús tímabilið 1960-61. Guðni Bergsson og Gary Lineker fagna saman í leik með Tottenham árið 1990.Getty/Simon Bruty Postecoglou hefur heillað alla upp úr skónum, bæði með heiðarlegu og falslausu fasi sínu en einnig með leikstíl og árangri liðsins. Það er gaman að horfa á Tottenham og liðið er einnig að sanka að sér stigunum. Margir bjuggust örugglega við því að gráturinn yfir því að missa Kane myndi heyrast langt inn á þetta tímabil en það saknar enginn Kane þegar liðinu gengur svona vel. Lykilkaupin í sumar voru án vafa á James Maddison sem hefur stimplað sig inn í liðið með frábærri frammistöðu. Son Heung-min tók við fyrirliðabandinu af Kane og sem dæmi um hans framlag þá var hann kosinn besti leikmaður síðasta mánaðar í deildinni. Íslendingar keyrðu þá enn á vinstri akgrein Það er langt síðan að Tottenham var enskur meistari. Árið 1961 var John F. Kennedy forseti Bandaríkjanna, Elísabet drottning var 35 ára gömul og við Íslendingar keyrðum enn á vinstri akgrein. Jú, mjög langur tími. „Við viljum að stuðningsmennirnir okkar leyfi sér að dreyma en við ætlum að einbeita okkur að hverjum degi fyrir sig,“ sagði James Maddison. „Við viljum alveg að stuðningsmenn okkar missi sig aðeins. Það er það sem þetta snýst um hjá þeim en það er ekki okkar. Ef þú ferð að hugsa of mikið um langtímamarkmið þá getur þú misst fótanna,“ sagði Maddison. Ange Postecoglou hefur náð í 23 stig af 27 mögulegum í fyrstu níu leikjunum sínum sem stjóri Tottenham.Getty/Justin Setterfield Hafði gert góða hluti með Celtic Það er samt ekki eins og Postecoglou hafi ekki sýnt áður að það sé mikið varið í hann. Undanfarin tvö tímabil hafði hann gert Celtic að skoskum meisturum tvö ár í röð. Celtic vann þrennuna á síðasta tímabili - meistaratitilinn, bikarinn og deildabikarinn. Postecoglou hafði tekið við liðinu í júní 2021 og varð þar með fyrsti Ástralinn til að stýra stórum klúbb í Evrópu. Celtic hafði þá misst titilinn til erkifjendanna í Rangers og upplifað fyrsta titlalausa tímabil sitt í áratug. Hann var fljótur að breyta því. Það er ekki bara stigasöfnunin sem hefur heillað stuðningsmenn Tottenham heldur einnig leikstíllinn og ekki síst karakterinn Ange Postecoglou. Liðið spilar ekki lengur varnarsinnaðan bolta eins og undir stjórn Antonio Conte. Hugrakkir inn á vellinum Það er gaman að horfa á liðið spila undir stjórn Postecoglou. Þeir eru hugrakkir inn á vellinum og um leið samheldnir og beinskeyttir. Postecoglou hefur hreinsað til í liðinu og fundið réttar stöður fyrir nýju mennina. „Ég held að ég hafi setið hér í hverri viku og talað um það að við eigum langt ferðalag fyrir höndum. Það breytist ekki. Við erum bara búnir með níu leiki og við erum rétt að byrja á því að byggja eitthvað saman,“ sagði Ange Postecoglou. „Það væri miklu auðveldara fyrir mig að sitja hér og segja að við séum með frábært lið. Það sem ég ætla að segja er að við verðum að bæta okkur og það á minni ábyrgð að sjá til þess að við gerum það. Við getum verið betri, það er enginn vafi um það,“ sagði Postecoglou. James Maddison og Son Heung-min hafa verið frábærir á leiktíðinni.EPA-EFE/ISABEL INFANTES Talar hreint og beint „Ég var virkilega vonsvikinn með seinni hálfleikinn og þegar við vorum með boltann þá vorum við ekki nálægt því að spila okkar leik. Þetta eru líklega verstu 45 mínúturnar okkar á tímabilinu,“ sagði Postecoglou. Postecoglou fer ekkert í kringum hlutina heldur talar hreint og beint. Hann var fljótur að komast í mikið uppáhald hjá stuðningsmönnum félagsins og er ein af aðalástæðunum fyrir því að þeir geta leyft sér að dreyma. Í dag er liðið á toppnum og draumurinn um langþráðan titil á lífi. Manchester City er náttúrulega ekki langt undan og það eru fleiri mjög sterk lið í deildinni. Þessi byrjun lofar góðu og trúin er aftur til staðar hjá Tottenham ekki síst fyrir frábæra og sögulega innkomu Postecoglou.
Enski boltinn Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Með tvær ferðatöskur af fíkniefnum Hafi snúist hugur og vilji nú fara til Liverpool Segir að hann myndi kýla netníðingana í nefið ef þeir stæðu fyrir framan hann Arteta með vondar fréttir af meiðslum Ødegaards Óviss um að hann sé velkominn á Oasis tónleikana Ten Hag rólegur þrátt fyrir fullkomið kvöld Lið Stefáns skoraði úr sextán vítum Auðvelt á Old Trafford gegn C-deildarliðinu Ten Hag aðvarar Antony: „Verður að vinna sér inn réttinn til að spila“ Liverpool birtir áður óséð efni frá Reykjavík: „Beið í sextíu ár eftir því að sjá þetta“ „Þú færð mikið borgað svo þú mátt ekki sýna tilfinningar“ Willum Þór og félagar lögðu Hollywood-lið Wrexham Höjlund enn fjarri góðu gamni en varnarþríeykið klárt í slaginn Englandsmeistarinn Ingle með slitið krossband Fannst mark Gabriels vera ólöglegt Kærir Richarlison og sakar hann um illa meðferð Segist eiga meiri möguleika á að vinna dansþátt en Spurs að vinna titil „Arsenal spilaði eins og meistaralið“ Arteta ánægður með þroskaða frammistöðu í fjarveru lykilmanna Tvö glæsimörk skoruð í endurkomusigri Newcastle Gabriel hetjan hjá vængbrotnu liði Arsenal í nágrannaslagnum Anthony Taylor dómari sló met í gær UEFA hótar því að reka enska landsliðið af þeirra eigin EM Will Ferrell fylgdist með Leeds í fyrsta sinn Enginn varamaður skorað jafn mörg sigurmörk: „Getur orðið einn besti framherji heims“ Aston Villa með ævintýralega endurkomu gegn Everton Nkunku tryggði sigur eftir stoðsendingu Sancho „Margir sem sýndu ekki sína bestu frammistöðu í dag“ Jason Daði lagði upp mark en það dugði ekki Haaland náði ekki þrennunni en tryggði sigurinn Sjá meira