Vef­verslunin parket.is sparar tíma og fyrir­höfn

Þegar búið er að mátað heima fyrir er svo hægt að leggja inn pöntun og í kjölfarið fær viðskiptavinur gólfefni, lista og nauðsynleg fylgiefni send heim frá parket.is.

Um er að ræða afar þægilega nýjung en gólfefnamarkaðurinn er einn af fáum mörkuðum sem hafa verið seinir að nýta sér kosti netsins. Þar spilar helst inn þörfin hjá viðskiptavinum til að snerta gólfefnin áður en ákvörðun er tekin enda gefa ljósmyndir á netinu ekki alltaf rétta mynd af vörunni.

Heimsending parket.is leysir þann vanda auk þess sem hún sparar bæði tíma og fyrirhöfn. Því má segja að viðskiptavinurinn fái nánast sýningarsalinn heim til sín en hægt er að panta allt að fimm sýnishorn í hverri pöntun. Inn á hverri vörutegund er hægt að velja ókeypis sýnishorn og seinna meir klára pöntun á sama stað.

Auðvelt og þægilegt ferli

Það er afar einfalt að skoða úrvalið inn á parket.is en þar má finna gott úrval af viðarparketi, harðparketi, vínilgólfefnum, gólfflísum, veggflísum, helluflísum og parketflísum. Í hverri viku bætast við nýjar vörur og uppfærslur og er því óhætt að segja að úrvalið breytist í hverri einustu viku.

Með sýnishornin í höndunum heima fyrir ásamt ýmsum upplýsingum á parket.is er eftirleikurinn auðveldur og þægilegur fyrir lokapöntunina sem er keyrð að dyrum gegn hóflegu gjaldi. Í pöntunarferlinu sjálfu sést lagerstaðan alltaf í rauntíma enda er vefurinn beintengdur við vöruhúsakerfið. Sendingar á höfuðborgarsvæðinu eru keyrðar heim til viðskiptavina en á landsbyggðinni er notast við þjónustu Flytjanda sem býður upp á fjölda afgreiðslustaða um allt land.

Fengið frábærar viðtökur

Úrvalið og fjölbreytnin er því mikil en ef nefna ætti eina vöru sem hefur notið meiri vinsælda en aðrar undanfarna mánuði er helst hægt að nefna vínilparketið sem er afar slitsterkt parket með áföstu undirlagi sem gerir það að verkum að auðvelt er að leggja það.

Óhætt er að segja að viðtökurnar hafi verið frábærar og er sent mikið magn af prufum í hverri viku. Landsbyggðin hefur tekið sérstaklega vel í þjónustu parket.is enda er langt í næsta sýningarsal fyrir marga á landsbyggðinni.

Verðlagningu er stillt í hóf hjá parket.is enda rekur fyrirtækið engan sýningarsal og hefur afar litla yfirbyggingu. Utan þess hefur parket.is ekkert símanúmer heldur þjónustar viðskiptavini eingöngu gegnum tölvupóst og Messenger. Fyrir vikið eru verð mjög samkeppnishæf og oft mun lægri en hjá samkeppnisaðilum.

Nánari upplýsingar á parket.is.