Pjúra lúxus í öllum atriðum

Polestar 2, rafknúni hlaðbakurinn kom á markað 2019. Polestar 3, jeppinn fyrir rafmagnsöldina, var kynntur í lok árs 2022 og er væntanlegur í Polestar Reykjavík nú í nóvember. Polestar 4 er ný tegund af coupe jeppa sem kemur á markað í Evrópu árið 2024. Polestar 5, rafknúinn fjögurra dyra GT og Polestar 6, rafknúinn roadster koma á markað fljótlega.

Dagskrárgerðarmennirnir Tommi Steindórs og Ingimar Helgi Finnsson óku Polestar 2 LRDM Performance hringinn í kringum landið nýlega en þeir skipuðu keppnislið X977 í einvígi útvarpsstöðvanna Bylgjunnar, FM957 og X977 í þrautabrautinni Leikið um landið. Þeir voru sammála um að aksturinn hafi verið draumi líkastur.

„Það var í einu orði sagt stórfenglegt. Okkur leið vel allan tímann í þessum bíl og það góða er að hann gerir þetta nánast fyrir mann. Ég yrði ekki hissa ef að ég yrði búinn að fjárfesta í Polestar 2 innan skamms, slík voru gæðin,“ segir Ingimar, sem hefur reyndar þegar stokkið á rafbílavagninn.

„Sjálfur keyri ég um á rafmagnsbíl sem er einnig frá Brimborg og ég mun ekki fara aftur til baka í bensínið eða díselið. Rafmagnið er nútíðin og framtíðin. Rafmagnið er allt önnur upplifun, þetta er allt svo átakalaust. Til að mynda að keyra upp Öxi fyrir austan, var allt verulega áreynslulaust,“ segir hann.

Hágæða kraftmikill rafbíll

Polestar 2 er uppfærður reglulega með hugbúnaðaruppfærslum yfir netið. Polestar 2LRDM Performance er fjórhjóladrifinn, hágæða rafbíll með afburða aksturseiginleika. Hann er 476 hestöfl, afl mótors er 350 kw og DC hleðslustýring 155 kw. Bíllinn er með drægni upp á allt að 468 km og búinn 78 kw drifrafhlöðu. Þeir Ingimar og Tommi lentu ekki í neinum vandræðum við að hlaða bílinn á hringferðinni. 

„Það var auðvelt að hlaða og það tekur enga stund í góðri stöð. Drægnin er líka slík að þetta voru ekki mörg skipti sem við þurftum að stoppa og hlaða,“ segir Ingimar.

Range Assistant appið í Polestar geri ökumönnum einnig kleift að fylgjast með orkunotkun sinni síðustu 20, 40 eða 100 km. Appið gefur rauntímaupplýsingar sem gera ökumanni kleift að fínpússa akstursstíl og auka skilvirkni í akstri. Reikniforrit fyrir áætlaða drægni sem appið sýnir tekur til greina breytingar á umhverfisþáttum og öðrum atriðum sem hafa áhrif á skilvirkni í akstri.

Þægilegur í alla staði

„Þetta er auðvitað bara pjúra lúxus í öllum atriðum. Til að mynda að keyra hann, sætin halda þétt um mann og ég myndi segja að skjárinn og hvernig maður stýrir öllu á honum sé algerlega framúrskarandi. Það var einnig feyki nóg pláss fyrir mig og meira að segja Tómas minn, sem að er tæpir tveir metrar undi sér vel í honum,“ segir Ingimar.

Ekkert Bluetooth vesen 

Polestar 2 var fyrsti bíllinn með Android Automotive OS frá Google með innbyggt Google þegar hann kom á markað árið 2019. Hann er meðal annars með YouTube og Prime Video til að streyma efni þegar bílnum hefur verið lagt í stæði eða þegar hann er í hleðslu.

Var einhver nýr eiginleiki við bílinn sem kom ykkur skemmtilega á óvart? „Ég held að ég verði að fá að nefna Andriod Auto kerfið þeirra. Það er fáránlega einfalt í notkun og hraðvirkt. Það er ekkert sem fer hraðara í skapið á manni en bluetooth vesen. Þetta var það besta hingað til.“