Íbúar í Háaleiti dauðþreyttir á vandræðum með kalda vatnið Oddur Ævar Gunnarsson skrifar 6. september 2023 06:45 Hólmfríður segist sakna betri upplýsingaflæðis frá Veitum vegna vandans. Vísir Íbúi í Háaleitishverfi í Reykjavík sem hefur átt í vandræðum með þrýsting á kalda vatninu heima hjá sér eftir viðgerðir Veitna í hverfinu í byrjun ágúst er ósáttur við skort á upplýsingum frá Veitum vegna málsins. Þó nokkrar skýringar hafi verið gefnar á vandræðunum. Veitur segja þrýsting á köldu vatni í lagi. „Þetta hefur ekkert breyst hjá mér,“ segir Hólmfríður Bára Bjarnadóttir, íbúi í Háaleitishverfi sem hefur þurft að lifa við lítinn þrýsting á kalda vatninu heima hjá sér síðan þann 8. ágúst. Hún lýsir vandanum þannig að einungis komi sjóðandi heitt vatn úr sturtunni og að til þess að fá volgt vatn úr krana þurfi að stilla á næstum því kalt. Vatnið sé sjóðandi heitt þar til komið sé að bláa hlutanum á krananum. Áður hafi verið nóg að stilla kranann á miðjuna. Þó nokkrar umræður hafa skapast undanfarnar vikur um vandræðin í íbúahópi Háaleitishverfis á samfélagsmiðlinum Facebook. Þar segjast nokkrir íbúar vera í vandræðum vegna málsins og sögðust einhverjir einungis fá heitt vatn úr sínum sturtuhausum. Einhverjir segjast hafa gefist upp og einfaldlega skipt um blöndunartæki heima hjá sér til að bregðast við vandanum. Í lok ágúst lagði einn íbúa til að efnt yrði til gjörnings hjá Veitum, þar sem íbúar myndu afhenda gömul blöndunartæki og reikninga vegna skiptanna. Síðastliðinn föstudag birti Hólmfríður þar færslu þar sem hún lýsir því hvernig hún hafi fengið pípulagningarmann á vegum Veitna til að skoða ástandið hjá sér. Hann hafi gefið sér þá skýringu að ný kaldavatnsrör sem Veitur hefðu lagt væru breiðari að þvermáli en þau gömlu. Í nýrri húsum væri þrýstijafnari sem kæmi í veg fyrir að þetta yrði vandamál en ekki í gömlu blokkum. Kaldavatnslögn grafin í sundur í byrjun ágúst Í svörum frá Veitum til Vísis kemur fram að íbúar í hverfinu hafi orðið varir við minnkandi þrýsting á kalda vatninu eftir tímabundnar breytingar á tengingum og síðan aftur þegar kaldavatnslögn hafi verið grafin í sundur. Íbúar hafi fengið upplýsingapóst um málið og tilkynning sett á íbúasíðu. Starfsfólk Veitna hafi farið í þó nokkur hús þann 8. ágúst og mælt þrýsting á kalda vatninu, sem hafi verið í lagi. Við lokanir á dreifikerfi geti það komið upp að síur og blöndunartæki stíflist, sérstaklega í eldri húsum. Íbúum var þá bent á að hafa samband við pípulagningamann sem fyrst hafi þeir orðið varir við óeðlilegt hitastig og/eða þrýsting. Veitur segja í skriflegu svari til Vísis að ekki hafi borist margar tilkynningar frá íbúum úr hverfinu vegna málsins undanfarna daga. Þær séu þrjár í heildina. Mikið var um vandræði með kaldavatnslagnir í ágúst. Þannig fór lögn í sundur á Hafnarfjarðarvegi við Kringlumýrarbraut þann 22. ágúst síðastliðinn. Þá varð kaldavatnslaust á stóru svæði í Fossvogi. Vísir/Vilhelm Fékk misvísandi svör frá Veitum „Mér finnst ágætt að það sé vakin athygli á þessu, vegna þess að það er eitt að gera mistök en svo er annað að viðurkenna þau,“ segir Hólmfríður. Hún lýsir því hvernig hún hafi hringt í Veitur tvisvar sinnum sem svo hafi sent pípara til hennar. „Sá sagði mér að þetta væri bara innanhúsvandamál, líklega væri þetta vegna þess að einhver fyrir neðan mig væri með gömul blöndunartæki. Ég sagði honum að þetta væri nú vegna þess að það væri ekki sami þrýstingur á kalda vatninu og þá dró hann í land og sagði að þetta yrði komið í lag eftir helgi. Svo lagaðist ekki neitt.“ Viku seinna, eftir að Hólmfríður hringdi í annað sinn í Veitur, hafi annar pípari frá Veitum mætt í hús, sá sem gaf Hólmfríði ofangreindar upplýsingar, um að það væri þvermál kaldavatnspípna hjá Veitum sem væru vandamálið. Mögulega væri hægt að finna á því lausn en það væri erfitt í tilviki eldri baðblöndunartækja. „Ég sakna þess mjög að hafa fengið réttar upplýsingar frá upphafi. Þess vegna deildi ég því sem píparinn sagði mér með hinum íbúunum. Það er nefnilega verst af öllu að fá ekki að vita neitt um það hvort þetta muni lagast eða ekki. Við fengum engar upplýsingar frá þeim, en þau hefðu getað sagt okkur þetta strax. Að þarna væru á ferðinni breytingar, mögulega mistök en í staðinn reyndu þeir að vera með útúrsnúninga eða segja að þetta myndi lagast, sem var ekki rétt. Mér hefði fundist lágmark að þau hefði boðist til að koma í þessar íbúðir og aðstoða fólk við að jafna þrýstinginn með því að fikta í krönum undir vöskum, því það eru ekki allir handlagnir eða treysta sér til að krukka í pípulögnum.“ Reykjavík Vatn Mest lesið Frans páfi er látinn Erlent Vildu ekki til Íslands þegar loks bauðst að snúa heim Innlent Vanþekking ráðherra sé áhyggjuefni Innlent Lögmaður þurfi ekki að hafa áhyggjur af þekkingu ráðherra Innlent Dæmi um að fyrirtæki tapi tugum milljóna í „forstjórasvindli“ Innlent Ásthildur Lóa setur húsið umdeilda á sölu Innlent Gripu innbrotsþjófa glóðvolga Innlent „Stjórnvöldum er að takast að loka Kvikmyndaskóla Íslands“ Innlent Hvernig er nýr páfi valinn? Erlent Deildi hernaðarupplýsingum í öðru spjalli með konu sinni og bróður Erlent Fleiri fréttir Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Ökumaður undir aldri í bílaeltingarleik við lögreglu Mótmæla brottvísun Oscars Gagnrýnir brattar hækkanir: „Þetta er bara dapurlegt“ Eitthvað búi að baki „meira en þrá hans eftir friði“ Engin tengsl milli þolenda og gerenda Tortryggni í garð Rússa og ungmennaráð sem fékk ekkert að segja Sjá meira
„Þetta hefur ekkert breyst hjá mér,“ segir Hólmfríður Bára Bjarnadóttir, íbúi í Háaleitishverfi sem hefur þurft að lifa við lítinn þrýsting á kalda vatninu heima hjá sér síðan þann 8. ágúst. Hún lýsir vandanum þannig að einungis komi sjóðandi heitt vatn úr sturtunni og að til þess að fá volgt vatn úr krana þurfi að stilla á næstum því kalt. Vatnið sé sjóðandi heitt þar til komið sé að bláa hlutanum á krananum. Áður hafi verið nóg að stilla kranann á miðjuna. Þó nokkrar umræður hafa skapast undanfarnar vikur um vandræðin í íbúahópi Háaleitishverfis á samfélagsmiðlinum Facebook. Þar segjast nokkrir íbúar vera í vandræðum vegna málsins og sögðust einhverjir einungis fá heitt vatn úr sínum sturtuhausum. Einhverjir segjast hafa gefist upp og einfaldlega skipt um blöndunartæki heima hjá sér til að bregðast við vandanum. Í lok ágúst lagði einn íbúa til að efnt yrði til gjörnings hjá Veitum, þar sem íbúar myndu afhenda gömul blöndunartæki og reikninga vegna skiptanna. Síðastliðinn föstudag birti Hólmfríður þar færslu þar sem hún lýsir því hvernig hún hafi fengið pípulagningarmann á vegum Veitna til að skoða ástandið hjá sér. Hann hafi gefið sér þá skýringu að ný kaldavatnsrör sem Veitur hefðu lagt væru breiðari að þvermáli en þau gömlu. Í nýrri húsum væri þrýstijafnari sem kæmi í veg fyrir að þetta yrði vandamál en ekki í gömlu blokkum. Kaldavatnslögn grafin í sundur í byrjun ágúst Í svörum frá Veitum til Vísis kemur fram að íbúar í hverfinu hafi orðið varir við minnkandi þrýsting á kalda vatninu eftir tímabundnar breytingar á tengingum og síðan aftur þegar kaldavatnslögn hafi verið grafin í sundur. Íbúar hafi fengið upplýsingapóst um málið og tilkynning sett á íbúasíðu. Starfsfólk Veitna hafi farið í þó nokkur hús þann 8. ágúst og mælt þrýsting á kalda vatninu, sem hafi verið í lagi. Við lokanir á dreifikerfi geti það komið upp að síur og blöndunartæki stíflist, sérstaklega í eldri húsum. Íbúum var þá bent á að hafa samband við pípulagningamann sem fyrst hafi þeir orðið varir við óeðlilegt hitastig og/eða þrýsting. Veitur segja í skriflegu svari til Vísis að ekki hafi borist margar tilkynningar frá íbúum úr hverfinu vegna málsins undanfarna daga. Þær séu þrjár í heildina. Mikið var um vandræði með kaldavatnslagnir í ágúst. Þannig fór lögn í sundur á Hafnarfjarðarvegi við Kringlumýrarbraut þann 22. ágúst síðastliðinn. Þá varð kaldavatnslaust á stóru svæði í Fossvogi. Vísir/Vilhelm Fékk misvísandi svör frá Veitum „Mér finnst ágætt að það sé vakin athygli á þessu, vegna þess að það er eitt að gera mistök en svo er annað að viðurkenna þau,“ segir Hólmfríður. Hún lýsir því hvernig hún hafi hringt í Veitur tvisvar sinnum sem svo hafi sent pípara til hennar. „Sá sagði mér að þetta væri bara innanhúsvandamál, líklega væri þetta vegna þess að einhver fyrir neðan mig væri með gömul blöndunartæki. Ég sagði honum að þetta væri nú vegna þess að það væri ekki sami þrýstingur á kalda vatninu og þá dró hann í land og sagði að þetta yrði komið í lag eftir helgi. Svo lagaðist ekki neitt.“ Viku seinna, eftir að Hólmfríður hringdi í annað sinn í Veitur, hafi annar pípari frá Veitum mætt í hús, sá sem gaf Hólmfríði ofangreindar upplýsingar, um að það væri þvermál kaldavatnspípna hjá Veitum sem væru vandamálið. Mögulega væri hægt að finna á því lausn en það væri erfitt í tilviki eldri baðblöndunartækja. „Ég sakna þess mjög að hafa fengið réttar upplýsingar frá upphafi. Þess vegna deildi ég því sem píparinn sagði mér með hinum íbúunum. Það er nefnilega verst af öllu að fá ekki að vita neitt um það hvort þetta muni lagast eða ekki. Við fengum engar upplýsingar frá þeim, en þau hefðu getað sagt okkur þetta strax. Að þarna væru á ferðinni breytingar, mögulega mistök en í staðinn reyndu þeir að vera með útúrsnúninga eða segja að þetta myndi lagast, sem var ekki rétt. Mér hefði fundist lágmark að þau hefði boðist til að koma í þessar íbúðir og aðstoða fólk við að jafna þrýstinginn með því að fikta í krönum undir vöskum, því það eru ekki allir handlagnir eða treysta sér til að krukka í pípulögnum.“
Reykjavík Vatn Mest lesið Frans páfi er látinn Erlent Vildu ekki til Íslands þegar loks bauðst að snúa heim Innlent Vanþekking ráðherra sé áhyggjuefni Innlent Lögmaður þurfi ekki að hafa áhyggjur af þekkingu ráðherra Innlent Dæmi um að fyrirtæki tapi tugum milljóna í „forstjórasvindli“ Innlent Ásthildur Lóa setur húsið umdeilda á sölu Innlent Gripu innbrotsþjófa glóðvolga Innlent „Stjórnvöldum er að takast að loka Kvikmyndaskóla Íslands“ Innlent Hvernig er nýr páfi valinn? Erlent Deildi hernaðarupplýsingum í öðru spjalli með konu sinni og bróður Erlent Fleiri fréttir Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Ferill fyrrum forsætisráðherra og verðlaunaður sagnfræðingur í Sprengisandi Rólegheitaveður á páskadag Ökumaður undir aldri í bílaeltingarleik við lögreglu Mótmæla brottvísun Oscars Gagnrýnir brattar hækkanir: „Þetta er bara dapurlegt“ Eitthvað búi að baki „meira en þrá hans eftir friði“ Engin tengsl milli þolenda og gerenda Tortryggni í garð Rússa og ungmennaráð sem fékk ekkert að segja Sjá meira