Kópavogsbúar bálreiðir vegna hugmynda um endurvinnslu við kirkjugarð Jakob Bjarnar skrifar 19. maí 2023 15:32 Ásdís Kristjánsdóttir bæjarstjóri í Kópavogi sá sig knúna til að senda frá sér yfirlýsingu vegna málsins, að það væri ekki búið að ákveða að endurvinnslan verði við kirkjugarðinn. vísir/vilhelm Hugmyndir um að byggja nýja endurvinnslustöð við kirkjugarð í Kópavogi hefur kallað fram mikla reiði og mótmæli sem birtast á netinu. Ásdís Kristjánsdóttir bæjarstjóri hefur séð ástæðu til að stíga fram og vekja athygli á því að þau í meirihluta bæjarstjórnar telji aðra staði heppilegri. Ríkisútvarpið greindi frá því í vikunni að gangi hugmyndir stýrishóps eftir verði kirkjugarðurinn við Lindakirkju í Kópavogi minnkaður um sem nemur einum hektara og að þar verði komið fyrir nýrri endurvinnslustöð Sorpu. Ljóst er að þessar hugmyndir falla í afar grýtta jörð meðal Kópavogsbúa sem telja þær hreina svívirðu. Þannig hefur verið stofnaður sérstakur Facebook-hópur fyrir þá sem bera ábyrgð á leiðum í Kópavogskirkjugarði eða leiðishafa/rétthafa, gagngert til að mótmæla þessum áformum. Kópavogskirkjugarður við Lindakirkju. Mjög mörgum Kópavogsbúum hugnast það afar illa að þarna eigi að reisa nýja endurvinnslustöð Sorpu og telja að föllnum ástvinum sé sýnd lítilsvirðing með því. vísir/vilhelm Sá hópur ætlar sér að mótmæla tillögunum í „krafti fjöldans“ og vill standa vörð um „hvíldarstaði ástvina okkar“. Hópurinn heitir Kópavogskirkjugarður, leiðishafar / rétthafar og ástvinir. Málið hefur verið til umræðu á Facebook-síðunni „Kársnesið okkar“ „Ég er rosalega reið eftir að systir mín sem á unga dóttir í kirkjugarðinum við Kindarkirkju sagði mér frá áformum Kópavogsbæjar og Sorpu að setja upp stöð rétt við kirkjugarðinn,“ segir málshefjandi sem er Heiða Kristín Líndal Harðardóttir. Telja þetta óhæfu og lítilsvirðingu við syrgjendur og fallna ástvini Heiða Kristín vísar til fréttar RÚV og spyr hvort einhverjum sem misst hefur ástvini sem hvíla í garðinum finnist í lagi að hafa endurvinnslu í bakgrunni? Þá greinir Heiða Kristín frá því að systir hennar, sem nú syrgir hafi sent erindi til yfirvalda í Kópavogi þar sem hún telur að með þessu sé verið að sverta helgi staðarins ef þessi áform verða að veruleika. Ásdís Kristjánsdóttir bæjarstjóri vill benda reiðum bæjarbúum á að ekkert sé ákveðið í þessum efnum enn.vísir/vilhelm Fjöldi fólks tekur undir og lýsir yfir vanþóknun sinni á þessum áformum. Þeim er mörgum hreinlega misboðið og telja þetta algjört rugl. Syrgjendur stíga fram og lýsa því yfir að börn þeirra hvíli í garðinum og þeir eiga vart orð í eigu sinni til að lýsa því hversu mjög þeim mislíka þessi áform. Önnur sem leggur orð í belg bendir á að móðir sín hvíli þarna og ljóst sé að hún eigi ekki eftir að vitja leiðisins í rólegheitunum. Staðsetningin á endurvinnslunni sé út í hött. Margir fleiri telja þetta lítilsvirðingu við minningu fallinna ástvina og hvetja til þess að efnt verði til sérstakrar undirskriftasöfnunar til að mótmæla þessum hugmyndum. Ruslið verður að fara eitthvað Sigvaldi Egill Lárusson sem var í framboði fyrir Sjálfstæðisflokkinn í síðustu sveitarstjórnarkosningum drepur niður penna í hópinn Kársnesið okkar að því er virðist til að lægja öldur. Hann deilir þar færslu Ásar Kristjánsdóttur sem gerði frétt RÚV af þessum hugmyndum að umtalsefni á Facebooksíðu sinni. Endurvinnslustöð Sorpu við Dalsveg í Kópavogi. Samkvæmt greiningu er þetta sú endurvinnsla sem Kópavogsbúar vilja helst nota en til stendur að loka henni 1. september á næsta ári.vísir/vilhelm Ásdís segir mikilvægt að hafa eftirfarandi í huga: „Í fyrsta lagi er hér verið að fjalla um tillögu starfshóps Sorpu en ekki tillögu bæjarstjórnar Kópavogs!“ Og: „Í öðru lagi teljum við í meirihluta bæjarstjórnar Kópavogs að aðrir staðir séu ákjósanlegri fyrir starfsemi Sorpu, til dæmis í öðrum nágrannasveitarfélögum.“ Í samantekt starfshópsins og niðurstöðum segir hins vegar að í október síðastliðnum hafi bæjaryfirvöld í Kópavogi tilkynnt að endurvinnslustöð Sorpu við Dalveg myndi lokað 1. september á næsta ári. Gallupkönnun leiði í ljós að 86 prósent Kópavogsbúa velji þá endurvinnslustöð umfram aðrar stöðvar. Nýrri stöð verði því að finna stað sem er innan tiltekins radíuss: „Eftir að hópurinn hafði velt upp og skoðað margar staðsetningar er sú hugmynd efst á blaði að minnka kirkjugarðinn við Lindakirkju um 1 hektara til að koma fyrir nýrri endurvinnslustöð við Arnarnesveg. Jafnframt að Garðabær leggi til a.m.k. jafnmikla stækkun á væntanlegum kirkjugarði í Rjúpnadal til að vega upp á móti minnkun garðsins við Lindakirkju.“ Kópavogur Sorphirða Sorpa Skipulag Kirkjugarðar Mest lesið „Þetta er orðið pínu þreytt, tveir bílar á sex dögum“ Innlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Nafn mannsins sem lést í Garðabæ Innlent Einhleypir karlmenn standa verst Innlent „Þeir voru fullir af hatri á meðan þeir lömdu mig“ Innlent „Stórtækir íbúðareigendur“ eiga 20 prósent íbúða í borginni Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Engin mygla í 200 húsum byggingameistara á Selfossi Innlent Segir gögn fyrir hendi sem sanni glæpsamlegt athæfi Erlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira
Ríkisútvarpið greindi frá því í vikunni að gangi hugmyndir stýrishóps eftir verði kirkjugarðurinn við Lindakirkju í Kópavogi minnkaður um sem nemur einum hektara og að þar verði komið fyrir nýrri endurvinnslustöð Sorpu. Ljóst er að þessar hugmyndir falla í afar grýtta jörð meðal Kópavogsbúa sem telja þær hreina svívirðu. Þannig hefur verið stofnaður sérstakur Facebook-hópur fyrir þá sem bera ábyrgð á leiðum í Kópavogskirkjugarði eða leiðishafa/rétthafa, gagngert til að mótmæla þessum áformum. Kópavogskirkjugarður við Lindakirkju. Mjög mörgum Kópavogsbúum hugnast það afar illa að þarna eigi að reisa nýja endurvinnslustöð Sorpu og telja að föllnum ástvinum sé sýnd lítilsvirðing með því. vísir/vilhelm Sá hópur ætlar sér að mótmæla tillögunum í „krafti fjöldans“ og vill standa vörð um „hvíldarstaði ástvina okkar“. Hópurinn heitir Kópavogskirkjugarður, leiðishafar / rétthafar og ástvinir. Málið hefur verið til umræðu á Facebook-síðunni „Kársnesið okkar“ „Ég er rosalega reið eftir að systir mín sem á unga dóttir í kirkjugarðinum við Kindarkirkju sagði mér frá áformum Kópavogsbæjar og Sorpu að setja upp stöð rétt við kirkjugarðinn,“ segir málshefjandi sem er Heiða Kristín Líndal Harðardóttir. Telja þetta óhæfu og lítilsvirðingu við syrgjendur og fallna ástvini Heiða Kristín vísar til fréttar RÚV og spyr hvort einhverjum sem misst hefur ástvini sem hvíla í garðinum finnist í lagi að hafa endurvinnslu í bakgrunni? Þá greinir Heiða Kristín frá því að systir hennar, sem nú syrgir hafi sent erindi til yfirvalda í Kópavogi þar sem hún telur að með þessu sé verið að sverta helgi staðarins ef þessi áform verða að veruleika. Ásdís Kristjánsdóttir bæjarstjóri vill benda reiðum bæjarbúum á að ekkert sé ákveðið í þessum efnum enn.vísir/vilhelm Fjöldi fólks tekur undir og lýsir yfir vanþóknun sinni á þessum áformum. Þeim er mörgum hreinlega misboðið og telja þetta algjört rugl. Syrgjendur stíga fram og lýsa því yfir að börn þeirra hvíli í garðinum og þeir eiga vart orð í eigu sinni til að lýsa því hversu mjög þeim mislíka þessi áform. Önnur sem leggur orð í belg bendir á að móðir sín hvíli þarna og ljóst sé að hún eigi ekki eftir að vitja leiðisins í rólegheitunum. Staðsetningin á endurvinnslunni sé út í hött. Margir fleiri telja þetta lítilsvirðingu við minningu fallinna ástvina og hvetja til þess að efnt verði til sérstakrar undirskriftasöfnunar til að mótmæla þessum hugmyndum. Ruslið verður að fara eitthvað Sigvaldi Egill Lárusson sem var í framboði fyrir Sjálfstæðisflokkinn í síðustu sveitarstjórnarkosningum drepur niður penna í hópinn Kársnesið okkar að því er virðist til að lægja öldur. Hann deilir þar færslu Ásar Kristjánsdóttur sem gerði frétt RÚV af þessum hugmyndum að umtalsefni á Facebooksíðu sinni. Endurvinnslustöð Sorpu við Dalsveg í Kópavogi. Samkvæmt greiningu er þetta sú endurvinnsla sem Kópavogsbúar vilja helst nota en til stendur að loka henni 1. september á næsta ári.vísir/vilhelm Ásdís segir mikilvægt að hafa eftirfarandi í huga: „Í fyrsta lagi er hér verið að fjalla um tillögu starfshóps Sorpu en ekki tillögu bæjarstjórnar Kópavogs!“ Og: „Í öðru lagi teljum við í meirihluta bæjarstjórnar Kópavogs að aðrir staðir séu ákjósanlegri fyrir starfsemi Sorpu, til dæmis í öðrum nágrannasveitarfélögum.“ Í samantekt starfshópsins og niðurstöðum segir hins vegar að í október síðastliðnum hafi bæjaryfirvöld í Kópavogi tilkynnt að endurvinnslustöð Sorpu við Dalveg myndi lokað 1. september á næsta ári. Gallupkönnun leiði í ljós að 86 prósent Kópavogsbúa velji þá endurvinnslustöð umfram aðrar stöðvar. Nýrri stöð verði því að finna stað sem er innan tiltekins radíuss: „Eftir að hópurinn hafði velt upp og skoðað margar staðsetningar er sú hugmynd efst á blaði að minnka kirkjugarðinn við Lindakirkju um 1 hektara til að koma fyrir nýrri endurvinnslustöð við Arnarnesveg. Jafnframt að Garðabær leggi til a.m.k. jafnmikla stækkun á væntanlegum kirkjugarði í Rjúpnadal til að vega upp á móti minnkun garðsins við Lindakirkju.“
Kópavogur Sorphirða Sorpa Skipulag Kirkjugarðar Mest lesið „Þetta er orðið pínu þreytt, tveir bílar á sex dögum“ Innlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Nafn mannsins sem lést í Garðabæ Innlent Einhleypir karlmenn standa verst Innlent „Þeir voru fullir af hatri á meðan þeir lömdu mig“ Innlent „Stórtækir íbúðareigendur“ eiga 20 prósent íbúða í borginni Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Engin mygla í 200 húsum byggingameistara á Selfossi Innlent Segir gögn fyrir hendi sem sanni glæpsamlegt athæfi Erlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira