Tíska og hönnun

Segir sjálfsöryggið smita út frá sér

Dóra Júlía Agnarsdóttir skrifar
Fatahönnuðurinn Rubina Singh er viðmælandi vikunnar í Tískutali.
Fatahönnuðurinn Rubina Singh er viðmælandi vikunnar í Tískutali. Instagram @rubinasingh_

Fatahönnuðurinn Rubina Singh segir sjálfsöryggi og gleði vera það allra mikilvægasta þegar það kemur að tískunni. Rubina er alin upp á Akureyri en flutti í höfuðborgina fyrir nokkrum árum og segist hafa týnt sínum persónulega stíl um tíma, sem hún hefur þó blessunarlega endurheimt. Rubina er viðmælandi vikunnar í Tískutali.

Tískutal er fastur liður á Vísi þar sem rætt er við ólíka einstaklinga um þeirra persónulega stíl og hvernig tíska nýtist þeim í daglegu lífi. Klæðaburður er sannarlega fjölbreytt listform en við fáum að skyggnast inn í ólíka fataskápa og fræðast nánar um það merkilega tjáningarform sem tíska er fyrir hverjum og einum viðmælanda.

Rubina elskar tjáningafrelsið sem felst í tískunni.Instagram @rubinasingh_

Hvað finnst þér skemmtilegast við tískuna?

Það skemmtilegasta við tískuna er tjáningarfrelsið, það er svo gaman að sjá mismunandi týpur tjá sig á sinn hátt í gegnum tískuna.

Hver er uppáhalds flíkin þín og af hverju?

Uppáhalds flíkin mín er svarti oversizedbomber jakkinn minn. 

Ég er mikil pabba stelpa og pabbi var alltaf í svona jakka en þar sem hann býr hinum megin á landinu finnst mér einhver tenging og öryggi fylgja bombernum. 

Svo býður hann upp á svo marga möguleika og það er hægt að dressa hann upp og niður.

Bomber jakkinn er í miklu uppáhaldi hjá Rubinu.Aðsend

Eyðirðu miklum tíma í að velja föt hverju sinni?

Stíllinn minn er almennt afslappaður og kózý en þegar ég er að fara út þá sný ég öllu við, máta allan fataskápinn og þá getur allt gerst.

Rubina segist eiga það til að snúa fataskápnum sínum við þegar hún er að finna til föt.Aðsend

Hefur stíllinn þinn breyst mikið í gegnum tíðina og hvernig þá?

Þegar ég flutti fyrst suður týndi ég smá mínum persónulega stíl. 

Ég reyndi mikið að klæða mig eins og fólkið í kringum mig en fattaði svo að það er miklu skemmtilegra að klæða sig eftir sínu höfði. 

Fjölbreytileikinn er eitt að því sem ég elska við tísku.

Fjölbreytileiki tískunnar er í miklu uppáhaldi hjá Rubinu.Aðsend

Hvaðan sækirðu innblástur í tískunni?

Innblásturinn getur komið frá hverju sem er. Ég hugsa að ég fái þó mestan innblástur frá því að sjá manneskjur ánægðar og sjálfsöruggar í sínu fitti.

Rubina hefur sjálfsöryggið að leiðarljósi í tískunni.Aðsend

Ertu með einhver boð og bönn þegar það kemur að klæðaburði?

Það er ekkert bannað í tísku en ég hef rekið mig á að það fer mér sjálfri ekki vel að vera i hlutfallslega of litlum skóm við baggy buxur.

Hver er eftirminnilegasta flík sem þú hefur klæðst og af hverju?

Loðjakki sem ég fékk að láni fyrir löngu frá Melkorku bestu vinkonu minni. 

Ég man svo vel eftir því að hafa liðið ótrúlega vel í honum og eftir það fór ég að pæla meira í því að finna flíkur sem mér líður vel í. 

Pínu krúttleg origin story.

Rubina leitar í flíkur sem láta henni líða vel.Aðsend

Býrðu yfir einhverju góðu ráði þegar það kemur að tísku?

Mitt ráð er að vera sjálfsörugg, sama hverju þú klæðist. Það smitar svo út frá sér og gerir gott fit enn betra.

Hér er hægt að fylgjast með Rubinu á Instagram. 

Tískutal Tíska og hönnun

Tengdar fréttir

„Enn að kynnast nýjum líkama og því hvernig mér finnst best að klæða mig“

Samkvæmisdansarinn, raunveruleikastjarnan og ofur skvísan Ástrós Traustadóttir hefur farið í gegnum ýmis tímabil í tískunni. Í dag er hún nýbökuð móðir og sækir meira í jarðtóna liti en áður ásamt því að vanda vel valið á þeim flíkum sem hún fjárfestir í. Ástrós er viðmælandi vikunnar í Tískutali.

„Myndi ekki vilja láta finna mig dauða í ýmsum flíkum“

Búningahönnuðurinn og listamaðurinn Sylvía Dögg Halldórsdóttir, jafnan þekkt sem Sylvía Lovetank, hefur alla tíð verið samkvæm sjálfri sér í fatavali. Hún segir mikilvægast að hlusta á hjartað þegar það kemur að persónulegum stíl en tíska er órjúfanlegur hluti af lífi hennar og starfi. Sylvía Lovetank er viðmælandi vikunnar í Tískutali.

„Ætlaði sko ekki að falla inn í hópinn“

Tónlistarmaðurinn, stærðfræði séní-inn og lífskúnstnerinn Kjalar söng sig inn í hjörtu þjóðarinnar í Idolinu í vetur þar sem hann hafnaði öðru sæti. Kjalar hefur einnig vakið mikla athygli fyrir einstakan stíl sinn en hann elskar litríkar flíkur og er að eigin sögn duglegur að ögra sér í fatavali. Kjalar er viðmælandi vikunnar í Tískutali.

Labbaði á tískusýningu komin átta mánuði á leið

Stílistinn og tískuskvísan Karin Arnhildardóttir hefur brennandi áhuga á klæðaburði og reynir alltaf að kaupa flíkur sem endast lengi. Stíllinn hennar hefur breyst svolítið á síðustu árum þar sem hún sækir meira í þægindi, sem hún segir ekki alltaf hafa verið í forgangi hjá sér. Karin er viðmælandi vikunnar í Tískutali.

„Engin ein rétt leið til að vera smart“

Margrét Mist Tindsdóttir, jafnan þekkt sem Maja Mist, lifir og hrærist í tískuheiminum en hún starfar nú sem markaðsstjóri hjá Húrra Reykjavík eftir nokkur ár í tískubransanum í Kaupmannahöfn. Henni hefur alltaf þótt skemmtilegt að klæðast kjólum og pilsum og finnst fjölbreytileikinn það skemmtilegasta við tískuna. Maja Mist er viðmælandi vikunnar í Tískutali.

Reyndi áður fyrr að klæða kynhneigðina af sér

Lífskúnstnernum, tónlistarmanninum og förðunarfræðingnum Úlfari Viktori Björnssyni er margt til lista lagt. Á unglingsárunum var hann að eigin sögn að berjast við innri djöfla og þorði ekki að láta ljós sitt skína en í dag er hann óhræddur við að fara eigin leiðir og vera samkvæmur sjálfum sér. Úlfar Viktor er viðmælandi vikunnar í Tískutali.

„Alltaf smá sirkus í mér“

Elísabet Alma Svendsen, eigandi Listval og lífskúnstner mikill, hefur alla tíð haft áhuga á tísku og farið eigin leiðir í persónulegum og einstökum stíl. Meginregla hennar er að líða alltaf vel í því sem hún klæðist. Elísabet Alma er viðmælandi vikunnar í Tískutali.

Myndi frekar vera á tánum en að klæðast gönguskóm

Fyrirsætan Helen Óttarsdóttir hefur gert góða hluti í tískuheiminum og tekið að sér verkefni víða um heiminn. Tískan er órjúfanlegur hluti af starfi hennar og lífi en hún fær gjarnan að heyra að hún sé of fínt klædd fyrir tilefnið og hefur alla tíð neitað að fara í úlpu. Helen er viðmælandi vikunnar í Tískutali.

Segir tískuna geggjaða og ömurlega á sama tíma

Jóhann Kristófer Stefánsson, jafnan þekktur sem Joey Christ, er rappari, leikstjóri og lífskúnstner sem hefur vakið athygli fyrir persónulegan og einstakan stíl sinn. Hann sækir innblástur í hið sammannlega ástand og segir fátt hafa haft jafn mikil áhrif á sig og Fóstbræður. Jóhann Kristófer er viðmælandi vikunnar í Tískutali.

Alltaf haft þörf til að vera sýnileg og litrík

Förðunarfræðingurinn og tískuskvísan Kolbrún Anna Vignisdóttir á það til að kalla sig páfugl þar sem hún elskar litríkar flíkur og er sérstaklega hugfangin af yfirhöfnum. Hún er óhrædd við að fara eigin leiðir í tískunni og hefur alltaf haft þörf til að vera sýnileg þegar það kemur að klæðaburði. Kolbrún Anna er viðmælandi vikunnar í Tískutali.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.