Með stjörnur í útilínunni og sakamann í þjálfarastólnum Ingvi Þór Sæmundsson skrifar 25. október 2022 14:01 István Pásztor í leik með ungverska landsliðinu. getty/Mike Hewitt Snorri Steinn Guðjónsson átti mjög auðvelt með að telja upp styrkleika Ferencváros sem er andstæðingur Vals í 1. umferð Evrópudeildarinnar í handbolta í kvöld. Ferencváros endaði í 4. sæti ungversku úrvalsdeildarinnar á síðasta tímabili og tryggði sér þar með sæti í forkeppni Evrópudeildarinnar. Þar vann liðið Steaua Búkarest frá Rúmeníu, 66-64 samanlagt. „Ég held að þeir séu bara dúndursterkir og ég átti samt alveg von á því þegar drátturinn kom að þetta væri sterkt lið. Þeir eru stórir, sterkir, þungir og eru með breidd,“ sagði Snorri í samtali við Vísi í gær, er hann var spurður út í andstæðinga kvöldsins. Lið Ferencváros er mun sterkara en á síðasta tímabili og munar þar mestu um tvo ungverska landsliðsmenn sem það fékk í sumar. Annars vegar er það örvhenta skyttan Zsolt Balogh sem kom frá Tatabánya. Og hins vegar er það leikstjórnandinn Máté Lékai sem kom frá Veszprém. Vondar minningar frá síðasta Íslandsleik Hinn 34 ára Lékai hefur verið einn besti leikstjórnandi heims undanfarin áratug eða svo. Hann varð fjórum sinnum ungverskur meistari með Veszprém og lenti þrisvar sinnum í 2. sæti Meistaradeildar Evrópu. Lékai var líka í ungverska landsliðinu sem lenti í 4. sæti á Ólympíuleikunum í London og skoraði jöfnunarmarkið í leiknum sem má ekki fjalla um. Balogh og Lékai voru báðir í ungverska landsliðinu sem mætti því íslenska á EM í Ungverjalandi og Slóvakíu í janúar. Ísland tryggði sér sigur í sínum riðli með því að vinna Ungverjaland, 31-30, í lokaumferð riðlakeppninnar. Björgvin Páll Gústavsson, markvörður Vals, tryggði Íslendingum sigurinn með því að verja frá Lékai í lokasókn Ungverjanna. „Ég held að hann komi pirraður til Íslands, því ég varði síðasta skotið frá honum á síðasta stórmóti, þegar við hentum þeim út úr mótinu. Honum líkar því kannski ekkert voðalega vel við Ísland akkúrat núna,“ sagði Björgvin í samtali við Guðjón Guðmundsson í Sportpakkanum. Snorri segir að lið Ferencváros sé þó meira en bara Lékai og Balogh. „Lékai er stærstur og kannski Balogh en mér finnst vera góð blanda í þessu liði. Ungir og eldri saman. Í þeim leikjum sem ég hef séð þá hafa þeir verið að nota breiddina vel og rúllað á liðinu. Það á ekki að vera vesen hjá þeim. Þetta er heilsteypt lið sem spilar þétta 6-0 vörn og er með góða markmenn,“ sagði Snorri. Allir í leikmannahópi Ferencváros eru Ungverjar fyrir utan rétthentu skyttuna Jakub Mikita sem er Slóvaki. Þjálfari Ferencváros er handboltaáhugafólki að góðu kunnur, István Pásztor. Hann lék lengst af með Veszprém og á yfir tvö hundruð landsleiki fyrir Ungverjaland á ferilskránni. Varð manni að bana Árið 2010 varð Pásztor áttræðum manni að bana þegar hann keyrði á hann á mótorhjóli sínu. Hann fékk upphaflega átta mánaða fangelsisdóm og háa sekt en hann áfrýjaði og dómnum var snúið við. Honum var svo aftur breytt og Pásztor missti einnig bílprófið í fimm ár og þurfti að greiða allan dómskostnað. Pásztor var meðal annars í liði Veszprém sem tapaði fyrir Ólafi Stefánssyni, Alfreð Gíslasyni og félögum í Magdeburg í úrslitaleik Meistaradeildar Evrópu 2002. Pásztor varð tólf sinnum ungverskur meistari og var þrisvar valinn handknattleiksmaður ársins í Ungverjalandi. Í 7. sæti Ferencváros hefur farið nokkuð rólega af stað í ungversku úrvalsdeildinni í vetur. Liðið hefur unnið þrjá af fimm leikjum sínum og er í 7. sæti með sex stig, fjórum stigum frá toppnum. Valur hefur hins vegar unnið sex af fyrstu sjö leikjum sínum í Olís-deildinni og er á toppi hennar. „Við erum með gott lið líka og ég hef alveg trú á því að við getum náð í úrslit á morgun [í kvöld]. Við gerum okkur grein fyrir því að í allri þessari keppni þá þurfum við alltaf góðan leik til að gera eitthvað,“ sagði Snorri. Leikur Vals og Ferencváros hefst klukkan 18:45 og verður sýndur beint á Stöð 2 Sport. Upphitun fyrir leikinn hefst klukkan 18:15. Evrópudeild karla í handbolta Ungverski handboltinn Mest lesið Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Þurfti að leita til tannlæknis eftir vænan olnboga Körfubolti Eiður Smári sá son sinn leggja upp mark á móti Chelsea Fótbolti Schumacher sást meðal fólks í fyrsta sinn í ellefu ár Formúla 1 Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn Uppgjörið: Stjarnan - Valur 95-81 | Sigur gegn meisturunum í fyrsta leik Körfubolti Liverpool með fjögurra stiga forskot á toppnum Enski boltinn Schmeichel lofsamar Landin: „Hugrakkasta fólk sem ég hef séð“ Fótbolti Sigurður sótti silfur fyrstur Íslendinga til Makaó: „Rosalega stoltur“ Golf „Þá er ég mjög heimskur þjálfari“ Enski boltinn Fleiri fréttir Óðinn Þór öflugur ÍBV sótti sigur í Garðabæinn Risasigrar hjá Val og Haukum Selfoss komið á blað Fjölnir með frábæran sigur á Stjörnunni Uppgjörið: FH - Valur 23-30 | Valur á flugi og FH ekki eins án Arons Sigursteinn Arndal: FH liðið langt frá sínu besta Grótta tyllti sér á toppinn og KA fékk fyrstu stigin Magdeburg missti heimsmeistaratitilinn „Slúðrað og talað um mig í öllum hornum“ Haukar og HK sættust á stig eftir æsispennandi leik Nítján marka stórsigur hjá Haukum Elliði markahæstur, öruggt hjá Andra og Andreu Óðinn markahæstur í toppslagnum Uppgjörið: Fram - Valur 25-29 | Valur vann stórveldaslag Íslendingaliðið með fullt hús stiga eftir fimm umferðir Þórir sáttur með eftirmanninn: „Hann er sá rétti“ Magdeburg í úrslit fjórða árið í röð Bjarki Már í úrslit á kostnað Barcelona Arftaki Þóris fundinn: „Þetta eru stórir skór að fylla í“ Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Sjá meira
Ferencváros endaði í 4. sæti ungversku úrvalsdeildarinnar á síðasta tímabili og tryggði sér þar með sæti í forkeppni Evrópudeildarinnar. Þar vann liðið Steaua Búkarest frá Rúmeníu, 66-64 samanlagt. „Ég held að þeir séu bara dúndursterkir og ég átti samt alveg von á því þegar drátturinn kom að þetta væri sterkt lið. Þeir eru stórir, sterkir, þungir og eru með breidd,“ sagði Snorri í samtali við Vísi í gær, er hann var spurður út í andstæðinga kvöldsins. Lið Ferencváros er mun sterkara en á síðasta tímabili og munar þar mestu um tvo ungverska landsliðsmenn sem það fékk í sumar. Annars vegar er það örvhenta skyttan Zsolt Balogh sem kom frá Tatabánya. Og hins vegar er það leikstjórnandinn Máté Lékai sem kom frá Veszprém. Vondar minningar frá síðasta Íslandsleik Hinn 34 ára Lékai hefur verið einn besti leikstjórnandi heims undanfarin áratug eða svo. Hann varð fjórum sinnum ungverskur meistari með Veszprém og lenti þrisvar sinnum í 2. sæti Meistaradeildar Evrópu. Lékai var líka í ungverska landsliðinu sem lenti í 4. sæti á Ólympíuleikunum í London og skoraði jöfnunarmarkið í leiknum sem má ekki fjalla um. Balogh og Lékai voru báðir í ungverska landsliðinu sem mætti því íslenska á EM í Ungverjalandi og Slóvakíu í janúar. Ísland tryggði sér sigur í sínum riðli með því að vinna Ungverjaland, 31-30, í lokaumferð riðlakeppninnar. Björgvin Páll Gústavsson, markvörður Vals, tryggði Íslendingum sigurinn með því að verja frá Lékai í lokasókn Ungverjanna. „Ég held að hann komi pirraður til Íslands, því ég varði síðasta skotið frá honum á síðasta stórmóti, þegar við hentum þeim út úr mótinu. Honum líkar því kannski ekkert voðalega vel við Ísland akkúrat núna,“ sagði Björgvin í samtali við Guðjón Guðmundsson í Sportpakkanum. Snorri segir að lið Ferencváros sé þó meira en bara Lékai og Balogh. „Lékai er stærstur og kannski Balogh en mér finnst vera góð blanda í þessu liði. Ungir og eldri saman. Í þeim leikjum sem ég hef séð þá hafa þeir verið að nota breiddina vel og rúllað á liðinu. Það á ekki að vera vesen hjá þeim. Þetta er heilsteypt lið sem spilar þétta 6-0 vörn og er með góða markmenn,“ sagði Snorri. Allir í leikmannahópi Ferencváros eru Ungverjar fyrir utan rétthentu skyttuna Jakub Mikita sem er Slóvaki. Þjálfari Ferencváros er handboltaáhugafólki að góðu kunnur, István Pásztor. Hann lék lengst af með Veszprém og á yfir tvö hundruð landsleiki fyrir Ungverjaland á ferilskránni. Varð manni að bana Árið 2010 varð Pásztor áttræðum manni að bana þegar hann keyrði á hann á mótorhjóli sínu. Hann fékk upphaflega átta mánaða fangelsisdóm og háa sekt en hann áfrýjaði og dómnum var snúið við. Honum var svo aftur breytt og Pásztor missti einnig bílprófið í fimm ár og þurfti að greiða allan dómskostnað. Pásztor var meðal annars í liði Veszprém sem tapaði fyrir Ólafi Stefánssyni, Alfreð Gíslasyni og félögum í Magdeburg í úrslitaleik Meistaradeildar Evrópu 2002. Pásztor varð tólf sinnum ungverskur meistari og var þrisvar valinn handknattleiksmaður ársins í Ungverjalandi. Í 7. sæti Ferencváros hefur farið nokkuð rólega af stað í ungversku úrvalsdeildinni í vetur. Liðið hefur unnið þrjá af fimm leikjum sínum og er í 7. sæti með sex stig, fjórum stigum frá toppnum. Valur hefur hins vegar unnið sex af fyrstu sjö leikjum sínum í Olís-deildinni og er á toppi hennar. „Við erum með gott lið líka og ég hef alveg trú á því að við getum náð í úrslit á morgun [í kvöld]. Við gerum okkur grein fyrir því að í allri þessari keppni þá þurfum við alltaf góðan leik til að gera eitthvað,“ sagði Snorri. Leikur Vals og Ferencváros hefst klukkan 18:45 og verður sýndur beint á Stöð 2 Sport. Upphitun fyrir leikinn hefst klukkan 18:15.
Evrópudeild karla í handbolta Ungverski handboltinn Mest lesið Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn Þurfti að leita til tannlæknis eftir vænan olnboga Körfubolti Eiður Smári sá son sinn leggja upp mark á móti Chelsea Fótbolti Schumacher sást meðal fólks í fyrsta sinn í ellefu ár Formúla 1 Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn Uppgjörið: Stjarnan - Valur 95-81 | Sigur gegn meisturunum í fyrsta leik Körfubolti Liverpool með fjögurra stiga forskot á toppnum Enski boltinn Schmeichel lofsamar Landin: „Hugrakkasta fólk sem ég hef séð“ Fótbolti Sigurður sótti silfur fyrstur Íslendinga til Makaó: „Rosalega stoltur“ Golf „Þá er ég mjög heimskur þjálfari“ Enski boltinn Fleiri fréttir Óðinn Þór öflugur ÍBV sótti sigur í Garðabæinn Risasigrar hjá Val og Haukum Selfoss komið á blað Fjölnir með frábæran sigur á Stjörnunni Uppgjörið: FH - Valur 23-30 | Valur á flugi og FH ekki eins án Arons Sigursteinn Arndal: FH liðið langt frá sínu besta Grótta tyllti sér á toppinn og KA fékk fyrstu stigin Magdeburg missti heimsmeistaratitilinn „Slúðrað og talað um mig í öllum hornum“ Haukar og HK sættust á stig eftir æsispennandi leik Nítján marka stórsigur hjá Haukum Elliði markahæstur, öruggt hjá Andra og Andreu Óðinn markahæstur í toppslagnum Uppgjörið: Fram - Valur 25-29 | Valur vann stórveldaslag Íslendingaliðið með fullt hús stiga eftir fimm umferðir Þórir sáttur með eftirmanninn: „Hann er sá rétti“ Magdeburg í úrslit fjórða árið í röð Bjarki Már í úrslit á kostnað Barcelona Arftaki Þóris fundinn: „Þetta eru stórir skór að fylla í“ Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Sjá meira
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn
Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn
Uppgjörið: Valur - Breiðablik 0-0 | Breiðablik Íslandsmeistari eftir spennutrylli Íslenski boltinn
Uppgjörið,viðtöl og myndir: Fram - Vestri 2-4 | Andri Rúnar með sýningu í sigri Vestra Íslenski boltinn