Þetta eru mest sjarmerandi Íslendingarnir

Lífið leitaði til fjölda álitsgjafa sem tilnefndu þekkta íslenska einstaklinga sem eiga það sameiginlegt að búa yfir miklum sjarma og persónutöfrum.

Listinn var langur og fjölbreyttur en hér fyrir neðan er hægt að sjá myndir og ummæli um þá tuttugu einstaklinga sem fengu flestar tilnefningar.

Fyrir neðan er svo hægt að sjá lista yfir einstaklinga sem einnig voru nefndir.

---

Edda Andrésdóttir - fjölmiðlakona

„Drottning ljósvakamiðlanna. Sjálfstraustið, reynslan og trúverðugleikinn leikur af henni og ég treysti hverju einasta orði sem hún segir. Svo er hún algjör straumbreytir þegar kemur að fata vali og tísku. Töffari fram í fingurgóma.“

„Edda hefur þann ótrúlega sjarma að nærvera hennar finnst áður en þú tekur eftir henni á svæðinu. Betri nærveru er erfitt að finna, hún er svo tignarleg og stórkostleg manneskja sem upphefur alla í kringum sig og gerir aðra betri.“

„Edda er ekki bara drottning hún er keisaraynja. Ber af hvar sem hún kemur, sjarmur fram í tær og fingurgóma.“

„Edda er mikil fyrirmynd sem hefur brotið nokkur glerþökin á löngum og farsælum ferli“

---

Ragnar Kjartansson - listamaður

„Það er eitthvað sjarmerandi við fólk sem fer ótroðnar slóðir og fylgir sannfæringu sinni og Ragnar gerir það svo sannarlega. Honum halda engin bönd og hann hefur með sjarmanum sínum náð að plata ótrúlegasta fólk til að gera hina ótrúlegustu hluti. Það er sennilega vegna þess að það er eitthvað svo hlýtt og gott við hann.“

„Það hreinlega sullast af manninum sjarminn. Hann virðist geta náð til flestra, meira segja fólks sem þolir ekki listaspírur. Hann er svo ekta eitthvað.“

„Fagurkeri listarinnar með mikinn húmor og sniðugheit að vopni, gerist varla meira sjarmerandi!“

---

Vigdís Finnbogadóttir - fyrrverandi forseti Íslands

„Vigdís á sérstakan stað í hjarta flestra Íslendinga og fyrirmynd margra. Einstaklega vönduð manneskja.“

„Það er eitthvað við brosið hennar og röddina sem fær mann til að trúa því að allt verði í lagi, sama hvað bjátar á.“

„Finnur varla meiri sjarmerandi konu enda mikill kvenskörungur og fyrirmynd!“

---

Ólafur Darri Ólafsson - leikari

„Í orðabókinni ætti í raun að vera mynd af Ólafi Darra þegar flett er upp orðinu Sjarmatröll“

„Það er eitthvað við þennan stóra mann með þessa stóru rödd. Ekki hægt annað en að heillast af honum.“

„Ólafur Darri gefur eitt besta faðmlag sem hægt er að fá. Hann er svo djúpgóð manneskja.“

---

Eva Laufey Kjaran - fjölmiðla- og markaðskona

„Hláturinn hennar einn og sér er nóg til þess að gera daginn betri“

„Löðrandi marglaga gleðisjarmasprengja í glasi á fæti.“

„Æj, bara þetta bros!“

---

Bogi Ágústsson - fjölmiðlamaður

„Bogi er andstæðan við hroka - hann er auðmjúkur, vitur og með fallega rödd“

„Þjóðargersemi“

„Það hlýnar öllum í hjartanu þegar Bogi kemur á skjáinn. Hann er með svona „þetta verður allt í lagi - áru“ yfir sér. 

---

Guðrún Ýr Eyfjörð - GDRN - söngkona

„Flauels mjúkur sjarmi eins og hann gerist bestur.“

„Það er einhver einlægni þarna sem er sjaldséð. Laus við alla tilgerð og bara falleg að innan sem utan.“

„Hún nær einhvern veginn að vera töffari og ljúf á sama tíma sem er sjaldséð blanda.“

---

Daníel Ágúst Haraldsson - tónlistarmaður

„Einfaldlega Maðurinn. Fótógenískasti maður landsins og svo er það þessi rödd.“

„Eldist eins og gott vín og er alltaf flottur til fara.“

„Þegar hann pírir augun og hallar höfðinu. Svo ótrúlega sjarmerandi og sexí á sama tíma.“ 

---

Ragnheiður Ósk Erlendsdóttir - framkvæmdarstjóri hjúkrunar

„Þetta bros og hlýja augnaráð þegar hún mætir í viðtal vegna bólusetninga - ég treysti held ég engri manneskju jafn mikið og Ragnheiði Ósk.“

„Bara ef fleiri væru eins og Ragnheiður væri lífið svo miklu betra.“

„Það hreinlega skín af henni góðmennskan og hún er með svo heiðarlegt og einlægt bros sem lætur fólki líða betur.“

---

Sigurður Þorri Gunnarsson - útvarpsmaður

„Sjarmerandi gömul sál. Alltaf glaður og gefandi, enda Akureyringur.“

„Þrátt fyrir að hafa verið lengi í fjölmiðlum finnst mér Siggi Gunnars hafa sprungið út á allra síðustu árum. Hann ber lífsgleðina utan á sér og við erum eflaust ófá sem værum til í að fara í matarboð til hans.“

„Hann er með sjarma sem nær meira að segja að drösla fólki sem hefur ekki farið í spinning í tuttugu ár aftur á hjólið“

---

Systur  - tónlistarkonur

„Þær eru allar svo rosalega geislandi. Það er einhver dulúð líka yfir þeim sem er rosalega heillandi.“

„Hrein unun að fylgjast með systrunum Siggu, Elínu og Betu. Þær eru stútfullar af gleði og sjarma eins og þær eiga vissulega ætt til.“

„Gæti reyndar tilnefnt alla fjölskylduna en Systur eru búnar að sýna það að sjarminn erfist greinilega í beinan legg.“

---

Einar Þorsteinsson - stjórnmálamaður

„Ég hugsa að hann hafi unnið kosningarnar með sjarmann einan að vopni.“ 

„Hann er svo sjarmerandi að ég dett yfirleitt út þegar hann byrjar að tala.“

„Mig langar ekki að líka vel við hann en ég get bara ekki annað.“

---

Sigríður Thorlacius - söngkona

„Mest sjarmerandi rödd landsins, ekki spurning. Það að hlusta á hana syngja er eins og að vera vafinn inn í teppi á köldum vetrardegi.“

„Hún er svo fögur. Það er eitthvað svona „extra“ við Siggu. Þegar hún syngur er eins og tíminn stoppi. Hún er manneskja sem ég hugsa að flesta langi til að hafa í lífinu sínu.“

„Hún ber sig svo vel, svo tignarleg og með fágaða og fallega framkomu og bros sem nær til augnanna.“

---

Jón og Friðrik Jónssynir - söngvarar

„Malt og appelsín íslensks sjarma“

„Það er ekki hægt að gera upp á milli þeirra bræðra þegar kemur að sjarma. Helvíti góð gen hér á ferð!“

„HVAR fær Jón alla þessa jákvæðni og lífsgleði? Hann er orkubomba sem hrífur fólk með sér.“

„Frikki Dór mætti syngja mig í svefn á hverju kvöldi.“

---

Ásta S. Fjeldsted - framkvæmdarstjóri Krónunar

„Ásta kemur einstaklega vel fyrir. Talar mannamál, er skýr og leggur sig fram við að skilja áhyggjur viðskiptavina sinna. Lætur aðra framkvæmdastjóra stórfyrirtækja líta illa út í samanburði.“

„Sterk og eldklár framakona sem er algjörlega laus við hroka eða yfirlæti. Skín af henni sjarminn.“

---

Páll Óskar Hjálmtýsson - tónlistarmaður

„Það þarf nú varla að taka það fram, Páll Óskar er bara sjarmi útí gegn.“

„Ekki bara diskó-kóngur heldur líka sjarma-kóngur. Hann heillar alla með þessari ofurútgeislun sinni sem væri líklega hægt að virkja á góðum degi.“

---

Sveindís Jane - landsliðskona í fótbolta

„Fyrir utan það hvað hún er sterkur leikmaður er hún alltaf svo glöð og geislandi“

„Keflvíkingar geta verið stoltir af Sveindísi, hæfileikarík, klár og sjarmerandi“

---

Bergur Ebbi Benediktsson - rithöfundur og uppistandari

„Fyndnasti maður Íslands. Sjarmerandi hugsuður og frábær rithöfundur.“

„Það er eitthvað ótrúlega sjarmerandi við Berg Ebba. Hefur þetta allt. Klár, fyndinn, vinalegur, myndarlegur og nær meira að segja að vera kynþokkafullur með þessa prins Valíant klippingu sína.“

---

Steinunn Ása Þorvaldsdóttir - sjónvarpsstjarna

„Eldklár og hugrökk ung baráttukona, sönn fyrirmynd.“

„Steinunn er ein af þeim sem er eins og sólin. Vill öllum vel og alltaf stutt í brosið eða knúsið góða.“

„Það er eitthvað svo ótrúlega einlægt og fallegt við Steinunni. Hún er svo hrein og bein og óspör á hrósin. Það mættu fleiri taka sér Stásu til fyrirmyndar.“

---

Gísli Marteinn Baldursson - fjölmiðlamaður

„Maðurinn sem tíminn gleymdi. Hefur ekki elst um einn sólarhring síðustu áratugina sem skýrir kannski hvers vegna hann er svona orkumikill í öllu sem hann tekur sér fyrir hendur. Einstaklega aðgengilegur og skemmtilegur fjölmiðlamaður, bæði í útvarpi og sjónvarpi og fyrir löngu orðin heimilsvinur landsmanna.“

„Gísli er svona sjarmi allra landsmanna. Einhverjir virðast þó geta pirrast á honum en ég hugsa að það fólk geti samt ekki neitað því hvað hann er sjarmerandi.“ 

„Ég dýrka Gísla og líka þessa pabbabrandara hans sem eru oft ekkert svo fyndnir. Hann nær samt yfirleitt að fá mig til að brosa. Það er líka sjarmerandi hvað hann liggur ekki á skoðunum sínum og brennur fyrir það sem hann trúir á.“

---

Aðrir sem voru nefndir: 

• Saga Sig, ljósmyndari.
• Steindi Jr., fjölmiðlamaður.
• Ragnhildur Steinunn, fjölmiðlakona.
• Erla Þórarinsdóttir, listakona.
• Unnur Ösp, leikkona.
• Bubbi Morthens, tónlistarmaður.
• Nökkvi Fjalar, frumkvöðull.
• Kjartan Hreinsson, ljósmyndari.
• Dröfn Ösp Snorradóttir, leikmyndahönnuður.
• Tinna Björg Kristinsdóttir.
• Jón Ólafsson, tónlistarmaður.
• Emilíana Torrini, tónlistarkona.
• Hálfdán Steinþórsson, eigandi Kjarval.
• Ragna Lóa Stefánsdóttir, fyrrverandi fótboltakona.
• Vala Matt, fjölmiðlakona.
• Gummi Ben, fjölmiðlamaður.
• Sóli Hólm, grínisti.
• Edda Börgvinsdóttir, leikkona.
• Ingvar E. Sigurðsson, leikari.
• Svandís Dóra Einarsdóttir, leikkona.
• Steinunn Sigurðardóttir, fatahönnuður.
• Kolfinna Nikulásdóttir.
• Svavar Örn, fjölmiðla- og hárgreiðslumaður.
• Katrín Tanja, íþróttakona.
• Salka Sól, söngkona.
• Flóni, söngvari.
• Inga Lind Karlsdóttir.
• Elín Metta, fótboltakona.
• Áslaug Arna Sigurbjörnsdóttir, ráðherra.
• María Ellingssen, leikkona.
• Íris Dögg Einarsdóttir, ljósmyndari.
• Rakel Sif Sigurðardóttir, næringarráðgjafi.
• Aron Mola, leikari.
• Anna Fríða Gísladóttir, markaðskona.
• Egill Ploder, fjölmiðlamaður.
• Nína Dögg, leikkona.
• Ninna Pálmadóttir, leikstjóri.
• Sólborg Guðbrandsdóttir, söngkona.
• Mars Proppé, fræðari Samtakanna '78.
• Már Gunnarsson, sundkappi.
• Emilíana Torrini, tónlistarkona.
• Birta Abiba.
• Júlía Grønvaldt, listakona.
• Gunni Hilmarsson, fatahönnuður og tónlistarmaður.
• Gugusar, tónlistarkona.
• Katrín Alda, fatahönnnuður.
• Halla Tómasdóttir, athafnakona.
• Ágúst Einþórsson (Gústi Bakari).
• Hildur Björnsdóttir, stjórnmálakona.
• Pálmar Ragnarsson, fyrirlesari.
• Bjarni Snæbjörnsson, leikari.
• Guðmundur Ingi Guðbrandsson, ráðherra.
• Diddú, söngkona.
• Elli Egils, myndlistarmaður.
• Björn Stefánsson, leikari.
• Ingileif Friðriksdóttir, fjölmiðlakona.
• Tinna Aðalbjörns hjá Eskimó.
• Gísli Örn, leikari.
• Viktoría Hermannsdóttir, fjölmiðlakona.
• Bragi Valdimar.
• Benedikt Brynleifsson, trommari.
• Katrín Oddsdóttir.
• Bríet, söngkona.
• Sveinn Rúnar Einarsson, veitingamaður.

Álitsgjafar:

Adda Soffía Ingvarsdóttir, Rósa María Árnadóttir, Þorsteinn J, Stefán Óli Jónsson, Elías Guðmundsson, Ingibjörg Finnbogadóttir, Hákon Sverrisson, Stefán Melsteð, Sigríður Þóra Ásgeirsdóttir, Bjartur Guðmundsson, Elfa Arnardóttir, Örn Johannsson, Dilja Ámundadóttir, Bergþór Másson, Salóme Þorkellsdóttir, Sigtryggur Magnason, Ásgrímur Geir Logason , Margrét Helga Erlingsdóttir, Egill Ástraðsson, Jakob E. Jakobsson, Helena Jónsdóttir, Egill Ástráðsson, Birgir Örn Stefánsson, Harpa Káradóttir, Jón Ingvi Ingimundarson, Samúel Karl Ólason, Erna Bergmann, Linda Björg Árnadóttir, Elísabet Hanna og Anika Laufey Baldursdóttir.