Tónlist

Fara yfirleitt ekki á svið nema þeir séu búnir að setja krem á tásurnar

Dóra Júlía Agnarsdóttir skrifar
Hljómsveitin Bandmenn spila á Þjóðhátíð í ár.
Hljómsveitin Bandmenn spila á Þjóðhátíð í ár. Aðsend

Hljómsveitin Bandmenn hefur verið starfrækt í nokkur ár og notið mikilla vinsælda á ýmsum viðburðum hérlendis. Meðlimir sveitarinnar eru góðir vinir sem elska að koma fram saman en þeir verða á stóra sviðinu í Herjólfsdal um Verslunarmannahelgina.

Þjóðhátíð 2022 fer fram með pompi og prakt í Heimaey í lok júlí í ár. Fjölbreytt flóra íslensks tónlistarfólks mun stíga á svið og skemmta gestum en hátíðin er nú haldin í fyrsta skipti frá árinu 2019. Lífið á Vísi tekur hér púlsinn á tónlistarfólkinu og fær nánari innsýn í atriðið þeirra á Þjóðhátíð.

Hvenær fóruð þið fyrst á Þjóðhátíð?

Við vorum fyrst bókaðir sem hljómsveit 2019 þar sem við stóðum vaktina á litla sviðinu öll kvöldin. 

Það er alltaf ólýsanleg orka á litla sviðinu en í ár verðum við líka á stóra sviðinu.

Hvað finnst ykkur skemmtilegast við þessa hátíð?

Stemningin og veðrið. Það skapast alltaf ótrúleg stemning þessa helgi óháð veðrum og vindum. Fólk er mætt til að skemmta sér sama hvort það sé sinningur í barðinu eða sól og 17 gráður.

Við hverju mega hátíðargestir búast þegar þið stígið á svið?

Pásulausri stemningu frá upphafi til enda og dansi inn í rauða nóttina.

Hvað er uppáhalds Þjóðhátíðarlagið ykkar?

Þau eru mörg góð en við höldum alltaf sérstaklega upp á stuðningsmannalag ÍBV, Komum fagnandi, þó það sé nú ekki eitt af þessum formlegu Þjóðhátíðarlögum.

Hvernig ætlið þið að undirbúa ykkur fyrir stóru stundina?

Við förum yfirleitt ekki á svið nema vera búnir að gufa alla sviðsjakkana og setja krem á tásurnar.
Þjóðhátíð í Eyjum Tónlist

Tengdar fréttir

Enn bætist í dagskrána á Þjóðhátíð

Tónlistarfólkið Jóhanna Guðrún, Ragga Gísla, Hreimur, Aldamótatónleikarnir og Herbert Guðmundsson bætast á sívaxandi lista þeirra sem munu koma fram á Þjóðhátíð í ár. Þetta verður frumraun Herberts í dalnum. 

„Hún kann að halda mér niðri á jörðinni ef hausinn fer á eitthvað flug“

Magnús Kjartan Eyjólfsson, forsöngvari og gítarleikari Stuðlabandsins, sér um brekkusönginn í ár. Hann stóð vaktina í síðasta brekkusöng þar sem engir áhorfendur voru í dalnum en söng sig inn í hjörtu margra landsmanna á skjánum heima. Blaðamaður tók púlsinn á Magnúsi Kjartani, sem fór á sína fyrstu Þjóðhátíð fyrir rúmum tveimur áratugum.

„Svo ræski ég mig, set upp sólgleraugun og negli á svið“

Hljómsveitin Hipsumphaps gerði garðinn frægan með fyrsta laginu sínu Lífið sem mig langar í sem kom út árið 2019. Sveitin hefur síðan þá verið vinsæl víða um landið og spilað á ýmsum hátíðum. Blaðamaður tók púlsinn á Fannari Inga, söngvara sveitarinnar.

„Við bjuggum eitthvað til og nú kunna aðrir það“

Hljómsveitin FLOTT er skipuð fimm tónlistarkonum úr ólíkum áttum tónlistarheimsins, þeim Ragnhildi, Sylvíu, Sólrúnu Mjöll, Eyrúnu og Vigdísi. FLOTT hefur vakið athygli undanfarin misseri, voru sem dæmi með lag í Áramótaskaupinu og skrifuðu í vetur undir samning við Sony. Stelpurnar koma fram á Þjóðhátíð í ár en þetta er í fyrsta skipti sem þær sækja hátíðina.

Allir að verða tilbúnir fyrir sögulega Þjóðhátíð: „Þetta er svo töfrandi staður“

Mikil eftirvænting er í Eyjamönnum fyrir Þjóðhátíð þetta árið eftir vonbrigði síðustu tvö ár. Í annað sinn í sögunni er Þjóðhátíðarlagið samið og flutt af konu og í fyrsta sinn verða aðeins konur á sviðinu þar sem Kvennakór Vestmannaeyja verður með Klöru Elias að flytja lagið Eyjanótt. Fyrsta æfingin fór fram á dögunum og er óhætt að segja að einhverjir verði með gæsahúð eftir tvær vikur.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.