Óskarsverðlaunaflutningur Billie Eilish og Finneas O'Connell

Jake Gyllenhaal og Zoe Kravitz afhentu verðlaunin. Systkinin fluttu lagið saman á verðlaunahátíðinni í gær. Flutning þeirra má heyra í spilaranum hér fyrir neðan.

Önnur lög sem tilnefnd voru í þessum flokki í ár voru Be Alive úr King Richard eftir DIXSON og Beyoncé Knowles-Carter, Dos Orguitas úr Encanto eftir Lin-Manuel Miranda, Down to Joy úr Belfast eftir Van Morrison og Somehow You Do úr Four Good Days eftir Diane Warren. 

Í ræðu sinni þökkuðu Billie og Finneas foreldrum sínum sérstaklega fyrir stuðninginn.

Lagið We Don't Talk About Bruno úr Encanto var flutt á hátíðinni í gær í sérstakri Óskarsútgáfu. Megan Thee Stallion var svakaleg í því atriði.  We Don't Talk About Bruno er eitt vinsælasta Disney lag allra tíma. 

Lagið var ekki tilnefnt til Óskarsins þar sem það sló í gegn um allan heim eftir að fresturinn til að skila inn tilnefningum rann út. Aðstandendur myndarinnar höfðu þá tilnefnt lagið Dos Orguitas, sem einnig eftir Lin-Manuel Miranda. Það lag var einnig flutt í gær af Sebastián Yatra og má heyra það hér fyrir neðan.

Eins og kom fram á Vísi fyrr í dag þá heiðraði Beyoncé tennissysturnar Serenu og Venus Williams í flutningi sínum á Be Alive. Blue Ivy dóttir söngkonunnar tók þátt í atriðinu. 

Reba McEntire flutti lagið Somehow You Do úr Four Good Days. Lagið eftir Diane Warren. 

Down to Joy úr Belfast eftir Van Morrison var ekki flutt á hátíðinni.