Munar um Miðflokkinn á nýju ári? Tómas Ellert Tómasson skrifar 1. janúar 2022 07:00 Miðflokkurinn var stofnaður á fjölmennum fundi þann 8. október 2017 í Rúgbrauðsgerðinni. Flokkurinn var stofnaður til að fylla upp í sístækkandi gap í íslenskum stjórnmálum sem aðrir flokkar höfðu ekki sinnt og gera reyndar ekki enn, nema þá helst í hátíðarræðum og í fagurgölum stundarfjórðungi fyrir kosningar. Miðflokkurinn var aftur á móti stofnaður til að vinna að og veita íslenskri þjóð stöðugleika og einnig standa vörð um hefðbundin grunngildi s.s. að verja fullveldið og innlenda framleiðslu fyrir ágangi erlendra þjóða og íslenskra gróðapunga, en um leið vera flokkur hugmyndaauðgi og framfara. Stefnan var nefnd skynsemishyggja, sem skyldi gilda fyrir Ísland allt. Áhersla yrði lögð á byggða- og landbúnaðarmál í anda stefnu skandinavískra miðflokka. Miðflokkurinn var sem sagt stofnaður fyrir skynsamt fólk með skýra sýn á grundvallarmál samfélagsins sem styður góðar hugmyndir sama hvaðan þær koma. Stefnan var því einföld og skýr sem lögð var upp með fyrir alþingiskosningarnar 2017. Uppskeran var mesti kosningasigur sem nýr flokkur hefur fengið í sínum fyrstu kosningum hér á landi. Niðurstaðan 10,9% á landsvísu og 7 þingmenn - Íslandsmet takk fyrir! Sigurganga Miðflokksins hélt svo áfram í sveitarstjórnarkosningunum um vorið 2018 og fékk þá alls 9 sveitarstjórnamenn kjörna á landinu öllu í sínu nafni, fleiri en Viðreisn (6), Píratar (3), VG (8) og Flokkur fólksins (1) fengu. Ratatoskur reiðir til sverðs Það er óhætt að segja að Miðflokkurinn hafi farið vel af stað í upphafi og náð eyrum fólks sem samsinnti sér með stefnu og málflutningi flokksins, enda stefna flokksins einföld, skynsöm og skýr. Fulltrúar kerfisins og varðhundar þess, hér eftir nefndir Ratatoskar, sáu ógnina sem stóð af þessum nýja flokki, hófu fljótt varnarbaráttu og reiddu til sverðs í þeirri von að brjóta á bak aftur Miðflokkinn. Þeim stóð ógn af því að þarna var kominn fram stjórnmálaflokkur sem ræddi málin af skynsemi og lagði til skynsamar lausnir sem höfðaði til almennings og kjósenda, á kostnað kerfisræðisins. Varnarbarátta og aðferðir Ratatoskanna eru bæði grófar og ofbeldiskenndar. Birtingarmyndir ofbeldisins eru margar, bæði duldar og sýnilegar. Einelti og hundsun kemur til dæmis upp í hugann þegar ýmsir nafntogaðir fjölmiðlamenn eiga í hlut og „fréttaflutningur“ þeirra. Einnig má nefna að Ratatoskarnir hafa sent særandi einkaskilaboð til flokksmanna, haft um þá niðrandi ummæli á samfélagsmiðlum, borið á borð lygasögur og hafa svo í ofanálag birt og fjallað um í þúsundum pistla um vandræðalega kráarferð nokkurra þingmanna flokksins og óábyrgt tal þeirra um annað fólk og ætlaðar vegtyllur. Óábyrgt og ósmekklegt fyllerísraus sem þingmennirnir hafa beðist afsökunar á, en Ratatoskarnir ekki fyrirgefið. Það hentar þeim ekki, Miðflokkurinn ógnar kerfinu og skal allur - íslensk stjórnmál 101? Þó það bæti ekki böl að benda á annað verra, en er fólk búið að gleyma grænu baununum, bankagjöfunum, umframakstrinum, tæknilegu mistökunum, sjóði 9, kláminu, vafningunum, rauða kjólnum, fiðrildamálinu, káfkörlunum og síðast en ekki síst barnaníðingsmálinu sem felldi heila ríkisstjórn og þeim ummælum og vörnum sem þar áttu sér stað? - Það virðist allt fyrirgefið og fallið í gleymskunnar dá. Er það vegna þess að þar átti í hlut fólk sem eru samþykktir Ratatoskar og eru partur af kerfinu eða á sterka fjárhagslega bakhjarla sem geta leyft sér þann munað að halda úti óhróðri og áróðri á bæði ríkis- og einkareknum fréttastöðvum, í nafni „frjálslyndis“, sem nýttir eru til að níða skóinn af öðrum og komast upp með það? – Leikhús fáranleikans segi ég nú bara. Það munar um Miðflokkinn á nýju ári Innanborðs í Miðflokknum er fjöldi fólks sem stóð að stofnun flokksins og ákvað að fylkja sér á bakvið stefnu hans, breiða út boðskapinn og iðka hann. Þingmenn Miðflokksins hafa staðið vörð um dýrmæta fullveldið okkar og talað fyrir bættri byggð og landbúnaði fyrir Ísland allt. Á sveitarstjórnarstiginu hefur borgarfulltrúinn okkar staðið í ströngu við að rétta kúrsinn hjá Reykjavíkurborg í anda stefnu Miðflokksins og fengið mikið bágt fyrir hjá Ratatoskunum. Annars staðar á landinu hafa svo sveitarstjórnarfulltrúar Miðflokksins staðið sína vakt vel í takti við stefnu flokksins, hvort sem að þeir eru hluti af meiri- eða minnihlutum í sínum sveitarfélögum. Formaður Miðflokksins, Sigmundur Davíð Gunnlaugsson hefur nú gefið tóninn fyrir það sem koma skal á nýju ári. Hann hefur gefið sér það heit að leita til uppruna síns, þangað sem Miðflokkurinn var stofnaður til og vera meira afdráttarlaus á komandi ári. Það er vel. Engar flækjur, bara einföld og skýr skilaboð sem Ratatoskarnir munu eiga í vandræðum með að snúa útúr. Þegar það raungerist, mun muna um Miðflokkinn á nýju ári - fyrir Ísland allt. Höfundur er bæjarfulltrúi Miðflokksins í Svf. Árborg. Viltu birta grein á Vísi? Sendu okkur póst. Senda grein Tómas Ellert Tómasson Miðflokkurinn Mest lesið Lægjum öldurnar Halla Hrund Logadóttir Skoðun Að hata einhvern sem þú þarft á að halda? Katrín Pétursdóttir Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun Frans páfi kvaddur eða meðtekinn? Bjarni Karlsson Skoðun SFS, Exit og norska leiðin þeirra Jón Kaldal Skoðun Mega bara íslenskir karlmenn nauðga konum á Íslandi? Guðný S. Bjarnadóttir Skoðun Til hamingju blaðamenn! Hjálmar Jónsson Skoðun Friður - í framsöguhætti eða viðtengingarhætti? Bryndís Schram Skoðun Það er ekki hægt að loka augunum fyrir þessum veruleika Davíð Bergmann Skoðun „Þessu er alltaf lofað fyrir kosningar en alltaf svikið“ Jóhann Páll Jóhannsson Skoðun Skoðun Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Skoðun Hvernig gerum við Grundarhverfi enn betra? Ævar Harðarson skrifar Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Skoðun Lausnin liggur fyrir – Landspítali þarf að stíga skrefið Sandra B. Franks skrifar Skoðun Auðbeldi SFS Örn Bárður Jónsson skrifar Skoðun Skjárinn og börnin Daðey Albertsdóttir,Silja Björk Egilsdóttir,Skúli Bragi Geirdal skrifar Skoðun „Er stjúpmamma þín vond eins og í Öskubusku?“ Hafdís Bára Ólafsdóttir skrifar Skoðun Af hverju er Framsóknarfólk hamingjusamast? Árelía Eydís Guðmundsdóttir skrifar Skoðun Norska leiðin hefur gefist vel – í Póllandi Heiðrún Lind Marteinsdóttir skrifar Skoðun Opið hús fyrir útvalda Björn Brynjúlfur Björnsson skrifar Skoðun Af hverju hræðist fólk kynjafræði? Eydís Ásbjörnsdóttir skrifar Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar Skoðun Hópnauðganir/svartheimar! Davíð Bergmann skrifar Sjá meira
Miðflokkurinn var stofnaður á fjölmennum fundi þann 8. október 2017 í Rúgbrauðsgerðinni. Flokkurinn var stofnaður til að fylla upp í sístækkandi gap í íslenskum stjórnmálum sem aðrir flokkar höfðu ekki sinnt og gera reyndar ekki enn, nema þá helst í hátíðarræðum og í fagurgölum stundarfjórðungi fyrir kosningar. Miðflokkurinn var aftur á móti stofnaður til að vinna að og veita íslenskri þjóð stöðugleika og einnig standa vörð um hefðbundin grunngildi s.s. að verja fullveldið og innlenda framleiðslu fyrir ágangi erlendra þjóða og íslenskra gróðapunga, en um leið vera flokkur hugmyndaauðgi og framfara. Stefnan var nefnd skynsemishyggja, sem skyldi gilda fyrir Ísland allt. Áhersla yrði lögð á byggða- og landbúnaðarmál í anda stefnu skandinavískra miðflokka. Miðflokkurinn var sem sagt stofnaður fyrir skynsamt fólk með skýra sýn á grundvallarmál samfélagsins sem styður góðar hugmyndir sama hvaðan þær koma. Stefnan var því einföld og skýr sem lögð var upp með fyrir alþingiskosningarnar 2017. Uppskeran var mesti kosningasigur sem nýr flokkur hefur fengið í sínum fyrstu kosningum hér á landi. Niðurstaðan 10,9% á landsvísu og 7 þingmenn - Íslandsmet takk fyrir! Sigurganga Miðflokksins hélt svo áfram í sveitarstjórnarkosningunum um vorið 2018 og fékk þá alls 9 sveitarstjórnamenn kjörna á landinu öllu í sínu nafni, fleiri en Viðreisn (6), Píratar (3), VG (8) og Flokkur fólksins (1) fengu. Ratatoskur reiðir til sverðs Það er óhætt að segja að Miðflokkurinn hafi farið vel af stað í upphafi og náð eyrum fólks sem samsinnti sér með stefnu og málflutningi flokksins, enda stefna flokksins einföld, skynsöm og skýr. Fulltrúar kerfisins og varðhundar þess, hér eftir nefndir Ratatoskar, sáu ógnina sem stóð af þessum nýja flokki, hófu fljótt varnarbaráttu og reiddu til sverðs í þeirri von að brjóta á bak aftur Miðflokkinn. Þeim stóð ógn af því að þarna var kominn fram stjórnmálaflokkur sem ræddi málin af skynsemi og lagði til skynsamar lausnir sem höfðaði til almennings og kjósenda, á kostnað kerfisræðisins. Varnarbarátta og aðferðir Ratatoskanna eru bæði grófar og ofbeldiskenndar. Birtingarmyndir ofbeldisins eru margar, bæði duldar og sýnilegar. Einelti og hundsun kemur til dæmis upp í hugann þegar ýmsir nafntogaðir fjölmiðlamenn eiga í hlut og „fréttaflutningur“ þeirra. Einnig má nefna að Ratatoskarnir hafa sent særandi einkaskilaboð til flokksmanna, haft um þá niðrandi ummæli á samfélagsmiðlum, borið á borð lygasögur og hafa svo í ofanálag birt og fjallað um í þúsundum pistla um vandræðalega kráarferð nokkurra þingmanna flokksins og óábyrgt tal þeirra um annað fólk og ætlaðar vegtyllur. Óábyrgt og ósmekklegt fyllerísraus sem þingmennirnir hafa beðist afsökunar á, en Ratatoskarnir ekki fyrirgefið. Það hentar þeim ekki, Miðflokkurinn ógnar kerfinu og skal allur - íslensk stjórnmál 101? Þó það bæti ekki böl að benda á annað verra, en er fólk búið að gleyma grænu baununum, bankagjöfunum, umframakstrinum, tæknilegu mistökunum, sjóði 9, kláminu, vafningunum, rauða kjólnum, fiðrildamálinu, káfkörlunum og síðast en ekki síst barnaníðingsmálinu sem felldi heila ríkisstjórn og þeim ummælum og vörnum sem þar áttu sér stað? - Það virðist allt fyrirgefið og fallið í gleymskunnar dá. Er það vegna þess að þar átti í hlut fólk sem eru samþykktir Ratatoskar og eru partur af kerfinu eða á sterka fjárhagslega bakhjarla sem geta leyft sér þann munað að halda úti óhróðri og áróðri á bæði ríkis- og einkareknum fréttastöðvum, í nafni „frjálslyndis“, sem nýttir eru til að níða skóinn af öðrum og komast upp með það? – Leikhús fáranleikans segi ég nú bara. Það munar um Miðflokkinn á nýju ári Innanborðs í Miðflokknum er fjöldi fólks sem stóð að stofnun flokksins og ákvað að fylkja sér á bakvið stefnu hans, breiða út boðskapinn og iðka hann. Þingmenn Miðflokksins hafa staðið vörð um dýrmæta fullveldið okkar og talað fyrir bættri byggð og landbúnaði fyrir Ísland allt. Á sveitarstjórnarstiginu hefur borgarfulltrúinn okkar staðið í ströngu við að rétta kúrsinn hjá Reykjavíkurborg í anda stefnu Miðflokksins og fengið mikið bágt fyrir hjá Ratatoskunum. Annars staðar á landinu hafa svo sveitarstjórnarfulltrúar Miðflokksins staðið sína vakt vel í takti við stefnu flokksins, hvort sem að þeir eru hluti af meiri- eða minnihlutum í sínum sveitarfélögum. Formaður Miðflokksins, Sigmundur Davíð Gunnlaugsson hefur nú gefið tóninn fyrir það sem koma skal á nýju ári. Hann hefur gefið sér það heit að leita til uppruna síns, þangað sem Miðflokkurinn var stofnaður til og vera meira afdráttarlaus á komandi ári. Það er vel. Engar flækjur, bara einföld og skýr skilaboð sem Ratatoskarnir munu eiga í vandræðum með að snúa útúr. Þegar það raungerist, mun muna um Miðflokkinn á nýju ári - fyrir Ísland allt. Höfundur er bæjarfulltrúi Miðflokksins í Svf. Árborg.
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar
Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir Skoðun