Er áfengisneysla maka vandamál í sambandinu?

Skilgreining SÁÁ á hóflegri drykkju má sjá hér. 

Hvað sem því líður, hóf eða óhóf, er áfengisneysla alltaf vandamál ef hún hefur neikvæð andleg og/eða líkamlega áhrif á þann sem neytir áfengis sem og aðstandendur.

Þegar kemur að ástarsamböndum eru traust og heiðarleiki óneitanlega eitt af mikilvægustu gildunum en þar getur áfengisneyslan vissulega verið ógn ef hún fer fram úr hófi. 

„Ástin brýnir ungra þrótt

en eldri svínin finna,

að eftir vín og vökunótt,

verður grínið minna.“

Stefán Sveinsson Æsustöðum

Spurningu vikunnar er að þessu sinni beint til allra þeirra sem eru í ástarsambandi. 

Er áfengisneysla maka vandamál í sambandinu? 

Áfengisvandamál geta verið mjög alvarleg og snerta marga sem standa nærri þeim sem á við vandamál að stríða. Hvort sem það eru neytendurnir sjálfir eða aðstandendur ætti alltaf að reyna að leita sér ráðgjafar eða aðstoðar hjá fagaðilum. Ásamt ráðgjöf hjá SÁÁ er einnig hægt að fá hjálp hjá sálfræðingum og fíkniráðgjöfum sem sérhæfa sig í vandamálum tengdum áfengi- og vímuefnaneyslu.