Ekki tilefni til aðgerða vegna deilu um auðkennið Norðurhús Atli Ísleifsson skrifar 22. október 2021 08:46 Ákvörðun Neytendastofu í málinu var birt á síðasta ári. Vísir/Vilhelm Áfrýjunarnefnd neytendamála hefur staðfest ákvörðun Neytendastofu í deilu tveggja félaga um notkun á auðkenninu Norðurhús á vefsíðunni nordurhus.is og á Facebook-síðunni facebook.com/nordurhus. Þrátt fyrir líkindi telur nefndin ekki vera ástæðu til aðgerða af hálfu yfirvalda, en auðkennið í notkun kæranda sé nú einkum notað í tengslum við innflutning smásöluvara, meðal annars vara tengdum rafrettunotkun. Starfsemi „Norður Húss“ lýtur á hinn bóginn að sölu færanlegra timburklæddra sumarhúsa. Kvörtun barst á sínum tíma Neytendastofu vegna notkunar á auðkenninu þar sem fram kom að Norðurhús hafi átt skráð og notað firmaheitið frá árinu 1999. Auðkennið væri hins vegar ítrekað notað á vefsíðunni nordurhus.is og umræddri facebook síðu án þess að nokkuð komi fram sem aðgreini það frá firmanafni Norðurhús. Vildi kærandi meina að notkunin fæli í sér rugling eða möguleika á ruglingi þar sem að um orðrétta nýtingu á firmaheitinu væri að ræða. Afar lík, en tvö orð Áfrýjunarnefndin, og áður Neytendastofa, var hins vegar ekki á því. Þó sé hægt að fallast á að auðkennin „Norðurhús“ og „Norður Hús“, líkt og birtist á Facebook-síðunni, séu afar lík. „Má í því samhengi nefna að auðkennin væru því allt að því eins ef þau væru notuð í auglýsingum á ljósvakamiðlum og þá sérstaklega í útvarpi. Þá er ljóst, að lénið www.nordurhus.is, sem áður var notað í starfsemi Norður Húss, var í þeim búningi í reynd sama auðkenni og auðkenni kæranda. Á hinn bóginn lýtur mál þetta að notkun auðkennisins „Norður Hús“ á samnefndri Facebook síðu. Við samanburð á auðkenninu í þeim búningi og auðkenni kæranda eru myndlíkindi afar takmörkuð, en auðkenni kæranda er ýmist ritað „Norðurhús“ eða „NORÐURHÚS“ en auðkennið, sem kvartað er undan sem fyrr segir „Norður Hús“. Er þannig um tvö orð að ræða með bili á milli en ekki eitt samsett orð eins og í auðkenni kæranda,“ segir í útskurði nefndarinnar. Líkindi með starfsemi félaganna afar lítil eða engin Þar að auki telur nefndin að ekki verði framhjá því litið að líkindi með starfsemi aðilanna sé afar lítil eða engin. „Þótt takmarkaðra gagna njóti við um starfsemi kæranda frá skráningu firmaheitisins verður ekki annað ráðið en að auðkennið sé nú einkum notað í tengslum við innflutning smásöluvara, m.a. vara tengdum rafrettunotkun. Starfsemi Norður Húss lýtur á hinn bóginn að sölu færanlegra timburklæddra sumarhúsa. Aðilar starfa þannig á ólíkum mörkuðum og beina vöru og þjónustu að ólíkum markhópum. Verður því að teljast afar ólíklegt að hinn almenni neytandi rugli saman starfsemi kæranda og þeirri starfsemi sem fer fram undir merkinu Norður Hús.“ Í ljósi þessa og og einkum þeirra takmörkuðu notkunar á auðkenninu „Norður Hús“ sem um ræðir, verði áfrýjunarnefndin að fallast á þá niðurstöðu hinnar kærðu ákvörðunar að ekki sé ástæða til aðgerða í tilefni af kvörtun kæranda. Höfundarréttur Neytendur Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira
Þrátt fyrir líkindi telur nefndin ekki vera ástæðu til aðgerða af hálfu yfirvalda, en auðkennið í notkun kæranda sé nú einkum notað í tengslum við innflutning smásöluvara, meðal annars vara tengdum rafrettunotkun. Starfsemi „Norður Húss“ lýtur á hinn bóginn að sölu færanlegra timburklæddra sumarhúsa. Kvörtun barst á sínum tíma Neytendastofu vegna notkunar á auðkenninu þar sem fram kom að Norðurhús hafi átt skráð og notað firmaheitið frá árinu 1999. Auðkennið væri hins vegar ítrekað notað á vefsíðunni nordurhus.is og umræddri facebook síðu án þess að nokkuð komi fram sem aðgreini það frá firmanafni Norðurhús. Vildi kærandi meina að notkunin fæli í sér rugling eða möguleika á ruglingi þar sem að um orðrétta nýtingu á firmaheitinu væri að ræða. Afar lík, en tvö orð Áfrýjunarnefndin, og áður Neytendastofa, var hins vegar ekki á því. Þó sé hægt að fallast á að auðkennin „Norðurhús“ og „Norður Hús“, líkt og birtist á Facebook-síðunni, séu afar lík. „Má í því samhengi nefna að auðkennin væru því allt að því eins ef þau væru notuð í auglýsingum á ljósvakamiðlum og þá sérstaklega í útvarpi. Þá er ljóst, að lénið www.nordurhus.is, sem áður var notað í starfsemi Norður Húss, var í þeim búningi í reynd sama auðkenni og auðkenni kæranda. Á hinn bóginn lýtur mál þetta að notkun auðkennisins „Norður Hús“ á samnefndri Facebook síðu. Við samanburð á auðkenninu í þeim búningi og auðkenni kæranda eru myndlíkindi afar takmörkuð, en auðkenni kæranda er ýmist ritað „Norðurhús“ eða „NORÐURHÚS“ en auðkennið, sem kvartað er undan sem fyrr segir „Norður Hús“. Er þannig um tvö orð að ræða með bili á milli en ekki eitt samsett orð eins og í auðkenni kæranda,“ segir í útskurði nefndarinnar. Líkindi með starfsemi félaganna afar lítil eða engin Þar að auki telur nefndin að ekki verði framhjá því litið að líkindi með starfsemi aðilanna sé afar lítil eða engin. „Þótt takmarkaðra gagna njóti við um starfsemi kæranda frá skráningu firmaheitisins verður ekki annað ráðið en að auðkennið sé nú einkum notað í tengslum við innflutning smásöluvara, m.a. vara tengdum rafrettunotkun. Starfsemi Norður Húss lýtur á hinn bóginn að sölu færanlegra timburklæddra sumarhúsa. Aðilar starfa þannig á ólíkum mörkuðum og beina vöru og þjónustu að ólíkum markhópum. Verður því að teljast afar ólíklegt að hinn almenni neytandi rugli saman starfsemi kæranda og þeirri starfsemi sem fer fram undir merkinu Norður Hús.“ Í ljósi þessa og og einkum þeirra takmörkuðu notkunar á auðkenninu „Norður Hús“ sem um ræðir, verði áfrýjunarnefndin að fallast á þá niðurstöðu hinnar kærðu ákvörðunar að ekki sé ástæða til aðgerða í tilefni af kvörtun kæranda.
Höfundarréttur Neytendur Mest lesið „Frekar kvöldsvæfur heldur en morgunfúll“ Atvinnulíf Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Þótti baðherbergið ógeðslegt og fór frá Íslandi Neytendur Loks opnað fyrir umsóknir um hlutdeildarlán Viðskipti innlent Atvinnumissir: „Það var rosa skrýtið að lenda í þessu“ Atvinnulíf Misbauð meðferð á hundunum og mátti hætta á námskeiði Neytendur Samþykktu allt að 45 prósent toll á kínverska rafbíla Viðskipti erlent Bankarnir verði að lækka vexti jafnhratt og þeir hækkuðu Viðskipti innlent „En það hefur líka margt fallegt komið út úr þessu“ Atvinnulíf Fleiri fréttir Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira