Eldsneytisverð ekki verið hærra á Íslandi frá árinu 2014 Eiður Þór Árnason skrifar 13. október 2021 07:02 Runólfur Ólafsson, framkvæmdastjóri Félags íslenskra bifreiðaeiganda. Samsett Heimsmarkaðsverð á hráolíu hefur hækkað skarpt seinustu mánuði og hefur sú þróun skilað sér greinilega til íslenskra neytenda. Nokkuð hefur verið um verðhækkanir hjá íslensku olíufélögunum á síðustu vikum og nálgast verð á 95 oktana bensíni nú 270 krónur á flestum þjónustustöðvum. Á sama tíma kostar lítrinn af dísilolíu víðast hvar um 250 krónur. „Þetta er eiginlega hæsta útsöluverð í krónum síðan í október 2014 en að teknu tilliti til vísitölu þá hefur það ekki verið hærra síðan í febrúar 2013. Það kom svolítið langt tímabil með háu verði í kjölfar bankahrunsins en núna hefur heimsmarkaðsverð á bensíni í Norður-Evrópu ekki verið hærra síðan 2014,“ segir Runólfur Ólafsson, framkvæmdastjóri Félags íslenskra bifreiðaeiganda (FÍB). Hann bætir við að Íslendingar séu hér ekki einir á báti þar sem svipuð þróun hafi átt sér stað víðar í heiminum. FÍB hefur lengi fylgst með daglegri þróun olíuverðs hér á landi. Faraldurinn haft mikil áhrif á eftirspurn Verulegar sveiflur hafa verið á heimsmarkaðsverði á seinustu tveimur árum en hráolía lækkaði mikið í verði þegar eftirspurn eftir jarðefnaeldsneyti dróst víða saman í heimsfaraldrinum. Síðar tók verð að hækka verulega á ný þegar aukið líf færðist í efnahagskerfi heimsins. Að sögn Runólfs var meðalheildsöluverð á bensíni í Norður-Evrópu um 51 króna á lítrann í lok seinasta árs. Í september hafði sú tala hækkað um meira en 30 krónur þegar búið er að taka tillit til gengisþróunar. Nemur það um 60 prósent hækkun á innan við ári. „Núna í september voru miklar verðsveiflur á markaði og eldsneytisverð hækkaði ört en það var stöðugra í lok sumars,“ segir Runólfur. Tölur FÍB bendi til að olíufélögin hafi ekki nýtt tækifærið til að auka álagningu sína samhliða hækkunum. Þar hjálpi aukin verðsamkeppni á höfuðborgarsvæðinu og Akureyri þar sem verð hefur verið lækkað á einstaka stöðvum. Verðþróun Brent-hráolíutunnunni á seinustu tveimur árum.Macrotrends Tvöfaldast á einu ári Tunna af Brent-hráolíu, sem gefur vísbendingu um verðþróun á bensíni og dísilolíu, stóð í 83,64 bandaríkjadölum fyrir lok markaða í gær en kostaði 41 Bandaríkjadal fyrir ári síðan. Hefur verðið ekki verið hærra frá því í október 2018. Enn frekari sveiflur hafa verið á hinni bandarísku WTI-hráolíu (West Texas Intermediate) sem stóð í 80,68 Bandaríkjadölum í gær. Hefur verðið á olíutunnunni ekki verið hærra frá árinu 2014. Bensín og olía Neytendur Fjármál heimilisins Verðlag Mest lesið Fyrsta íslenska grænkera ostagerðin í hættu Viðskipti innlent Vilja minnka líkurnar á því að vinna í Lottóinu Viðskipti innlent Í fullkomnu frelsi: „Þar sem er heyskapur er ég“ Atvinnulíf Milljarður í afgang í Garðabæ Viðskipti innlent Plasttappamálið flaug í gegnum þingið Neytendur „Við bara tókum íslensku brjáluðu bjartsýnina á þetta“ Atvinnulíf Íhuga hærri tolla á alla Viðskipti erlent „Væri samt mjög til í að vera betri söngvari“ Atvinnulíf Hneykslaðist á „óútfærðum afkomubætandi aðgerðum“ Viðskipti innlent Útflutningur gefur eftir en einkaneyslan stígur fram á sviðið Viðskipti innlent Fleiri fréttir Plasttappamálið flaug í gegnum þingið Gerðu tungumálarassíu hjá reiðhjólaverslunum Svara Melabúðinni: „Verðtökufólki hefur sannarlega verið vísað á dyr“ Þrjú hundruð á biðlista og hækkuð áskriftargjöld Indó ríður aftur á vaðið Óskiljanlegt að ASÍ beini spjótum sínum að lítilli hverfisverslun Meina verðlagseftirlitsmönnum inngöngu Þröng á þingi og þriggja tíma ferð vegna þrjátíu prósenta afsláttar Margir gangi í gildru netsvindlara í óðagoti Sýndarverslanir spretta upp eins og gorkúlur Verð enn lægst í Prís Milljarðar Menntasjóðsins skrítnir þegar stúdentar sligist undan vöxtum Varað við svörtum eldhúsáhöldum IKEA innkallar útiljósaseríur og útiljós Neytendastofa sektar þrjár verslanir vegna nikótínauglýsinga Innkalla baunasúpu rétt í tæka tíð Rukkað því fólk hékk í rennunni Sjá meira
Nokkuð hefur verið um verðhækkanir hjá íslensku olíufélögunum á síðustu vikum og nálgast verð á 95 oktana bensíni nú 270 krónur á flestum þjónustustöðvum. Á sama tíma kostar lítrinn af dísilolíu víðast hvar um 250 krónur. „Þetta er eiginlega hæsta útsöluverð í krónum síðan í október 2014 en að teknu tilliti til vísitölu þá hefur það ekki verið hærra síðan í febrúar 2013. Það kom svolítið langt tímabil með háu verði í kjölfar bankahrunsins en núna hefur heimsmarkaðsverð á bensíni í Norður-Evrópu ekki verið hærra síðan 2014,“ segir Runólfur Ólafsson, framkvæmdastjóri Félags íslenskra bifreiðaeiganda (FÍB). Hann bætir við að Íslendingar séu hér ekki einir á báti þar sem svipuð þróun hafi átt sér stað víðar í heiminum. FÍB hefur lengi fylgst með daglegri þróun olíuverðs hér á landi. Faraldurinn haft mikil áhrif á eftirspurn Verulegar sveiflur hafa verið á heimsmarkaðsverði á seinustu tveimur árum en hráolía lækkaði mikið í verði þegar eftirspurn eftir jarðefnaeldsneyti dróst víða saman í heimsfaraldrinum. Síðar tók verð að hækka verulega á ný þegar aukið líf færðist í efnahagskerfi heimsins. Að sögn Runólfs var meðalheildsöluverð á bensíni í Norður-Evrópu um 51 króna á lítrann í lok seinasta árs. Í september hafði sú tala hækkað um meira en 30 krónur þegar búið er að taka tillit til gengisþróunar. Nemur það um 60 prósent hækkun á innan við ári. „Núna í september voru miklar verðsveiflur á markaði og eldsneytisverð hækkaði ört en það var stöðugra í lok sumars,“ segir Runólfur. Tölur FÍB bendi til að olíufélögin hafi ekki nýtt tækifærið til að auka álagningu sína samhliða hækkunum. Þar hjálpi aukin verðsamkeppni á höfuðborgarsvæðinu og Akureyri þar sem verð hefur verið lækkað á einstaka stöðvum. Verðþróun Brent-hráolíutunnunni á seinustu tveimur árum.Macrotrends Tvöfaldast á einu ári Tunna af Brent-hráolíu, sem gefur vísbendingu um verðþróun á bensíni og dísilolíu, stóð í 83,64 bandaríkjadölum fyrir lok markaða í gær en kostaði 41 Bandaríkjadal fyrir ári síðan. Hefur verðið ekki verið hærra frá því í október 2018. Enn frekari sveiflur hafa verið á hinni bandarísku WTI-hráolíu (West Texas Intermediate) sem stóð í 80,68 Bandaríkjadölum í gær. Hefur verðið á olíutunnunni ekki verið hærra frá árinu 2014.
Bensín og olía Neytendur Fjármál heimilisins Verðlag Mest lesið Fyrsta íslenska grænkera ostagerðin í hættu Viðskipti innlent Vilja minnka líkurnar á því að vinna í Lottóinu Viðskipti innlent Í fullkomnu frelsi: „Þar sem er heyskapur er ég“ Atvinnulíf Milljarður í afgang í Garðabæ Viðskipti innlent Plasttappamálið flaug í gegnum þingið Neytendur „Við bara tókum íslensku brjáluðu bjartsýnina á þetta“ Atvinnulíf Íhuga hærri tolla á alla Viðskipti erlent „Væri samt mjög til í að vera betri söngvari“ Atvinnulíf Hneykslaðist á „óútfærðum afkomubætandi aðgerðum“ Viðskipti innlent Útflutningur gefur eftir en einkaneyslan stígur fram á sviðið Viðskipti innlent Fleiri fréttir Plasttappamálið flaug í gegnum þingið Gerðu tungumálarassíu hjá reiðhjólaverslunum Svara Melabúðinni: „Verðtökufólki hefur sannarlega verið vísað á dyr“ Þrjú hundruð á biðlista og hækkuð áskriftargjöld Indó ríður aftur á vaðið Óskiljanlegt að ASÍ beini spjótum sínum að lítilli hverfisverslun Meina verðlagseftirlitsmönnum inngöngu Þröng á þingi og þriggja tíma ferð vegna þrjátíu prósenta afsláttar Margir gangi í gildru netsvindlara í óðagoti Sýndarverslanir spretta upp eins og gorkúlur Verð enn lægst í Prís Milljarðar Menntasjóðsins skrítnir þegar stúdentar sligist undan vöxtum Varað við svörtum eldhúsáhöldum IKEA innkallar útiljósaseríur og útiljós Neytendastofa sektar þrjár verslanir vegna nikótínauglýsinga Innkalla baunasúpu rétt í tæka tíð Rukkað því fólk hékk í rennunni Sjá meira