„Það er og verður nóg til ef...“ Vilhjálmur Birgisson skrifar 27. ágúst 2021 12:30 Það þarf ekkert að fjölyrða um mikilvægi þess að íslenskt samfélag verður að eiga og tryggja öflugar gjaldeyrisskapandi atvinnugreinar. Við sem þjóð erum þess gæfu aðnjótandi að hafa nokkuð góðar gjaldeyrisskapandi atvinnugreinar hér á landi en þær greinar sem hafa skapað okkur mestar gjaldeyristekjur til þessa eru eins og flestir vita ferðaþjónustan, sjávarútvegurinn og orkusækinn iðnaður. Það eru aðallega þessar atvinnugreinar sem hafa gert það að verkum að við höfum getað haldið úti því velferðarkerfi sem við viljum búa við en án öflugra gjaldeyrisskapandi atvinnugreina væru okkar innviðir, heilbrigðiskerfi og öll opinber þjónusta mun lakari en við þekkjum í dag. Til að halda áfram að efla helbrigðisþjónustu, vegakerfið, almannatryggingarkerfið og innviði samfélagsins enn frekar þá verðum við að skapa og efla enn frekar gjaldeyrisskapandi atvinnutækifæri. Landið okkar býður upp á gríðarlega möguleika á að framleiða vistvæna græna orku til að skapa gjaldeyristekjur fyrir íslenskt samfélag. Við skulum öll muna að allar þjóðir öfunda okkur af þessari grænu orku sem gerir það að verkum að við erum að leggja gríðarlega mikið til umhverfismála með því að nota slíka orku. Það leikur enginn vafi á að eitt af okkar stærstu framlögum til umhverfismála er að við erum að nota vistvæna raforku. Það liggur t.d. fyrir að ál sem framleitt er hér á landi mengar tífalt minna er álver sem knúið er áfram með kolum. Gríðarleg tækifæri í byltingarkenndum orkuskiptum Rétt er að rifja upp að Landsvirkjun telur að framleiðsla vetnis gæti orðið risastórt tækifæri til að byggja upp nýja útflutningsgrein. Stefnt er að því að bensín og olía heyri sögunni til fyrir árið 2050. Vetnisvæðing stórra bíla, skipa og flugvéla gæti leikið stórt hlutverk í orkuskiptunum. Því er spáð að eftirspurn eftir vetni eigi eftir að aukast mikið á næstu árum og áratugum. Í ljósi þessara staðreynda sem Landsvirkjun bendir réttilega á þá liggur fyrir að fyrirtæki sem hefur skrifað undir viljayfirlýsingu við Faxaflóahafnir um land á Grundartanga hefur í hyggju að reisa vetnisverksmiðju á Grundartangasvæðinu. Svona byltingarkennd verksmiðja gengur út á að framleiða nýja byltingarkenndan orkugjafa til að skipta út mengandi orkugjöfum eins og kolum og öðrum mengandi orkugjöfum. Ef tekst að láta þetta verkefni verða að veruleika þá myndi þetta leiða til þess að framleiðsla þess yrði að öllum líkindum seld út til lands í Evrópu sem myndi spara losun gróðurhúsalofttegunda eins og nemur allri losun Íslands í því landi sem myndi kaupa umrætt vetni. Þessi umhverfisvæna vetnisverksmiðja þarf um 900 MW og hafa þeir sem standa að þessum hugmyndum í hyggju að nota vindorkuna til að knýja verksmiðjuna áfram. Til að framleiða slíka orku með vindi þyrfti rétt rúmlega 200 vindmyllur. Ávallt yrði um nokkra smærri vindmyllugarða að ræða sem rúmuðust á stöðum þar sem náttúru yrði ekki ógnað og ásýnd væri ásættanleg í samanburði við ábatann sem af slíkum görðum stafar. Þessi vetnisverksmiðja myndi skapa uppundir 300 manns atvinnu og skila tugum milljarða í útflutningstekjur og því ljóst að þjóðhagslegur ávinningur er gríðarlegur fyrir Ísland. En aðal ávinningur er þessi vistvæna og byltingarkenndu orkuskipti sem þessi verksmiðja framleiðir sem er vetnið og nemur sparnaðurinn hennar eins og losun Íslands af CO2 eins og áður hefur komið fram. Hvaða umhverfissinni getur verið á móti því að nota vindorkuna til að spara losun á gróðurhúsaáhrifum sem nemur 4 milljónum tonna á ári og um leið skapa 300 varanleg störf og milljarða tekjur fyrir íslenskt samfélag? Eitt er víst að hér er gríðarlegt tækifæri fyrir okkur Íslendinga til að leggja alvöru lóð á vogar skálarnar í baráttunni gegn loftlagsvánni. Bann við plaströrum í kókómjólk sem og plastpokum segir afar lítið í þeirri baráttu við loflagsvána þó með fullri virðingu fyrir slíkum tilraunum til að draga úr mengun. Það er mitt mat að um svona mál eiga komandi alþingiskosningar meðal annars að snúast um enda liggur fyrir að ef við ætlum að lagfæra heilbrigðiskerfið, vegakerfið sem og kjör aldraða og öryrkja þurfum við að skapa gjaldeyristekjur og ekki ónýtt að geta dregið úr losun á gróðurhúsáhrifum samhliða slíkri gjaldeyrisöflun. Það er og verður nóg til ef við nýtum svona dauðatækifæri til að auka gjaldeyristekjur þjóðarinnar með umhverfisvænum og vel launuðum störfum. Höfundur er formaður Verkalýðsfélags Akraness. Viltu birta grein á Vísi? Sendu okkur póst. Senda grein Vilhjálmur Birgisson Orkumál Vinnumarkaður Mest lesið Carbfix: Stærsta framlag Íslands í loftslagsmálum heimsins Sævar Freyr Þráinsson Skoðun Mengum meira Heiðar Guðjónsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Hvað verður um Kára? Helga Sigrún Harðardóttir Skoðun Sigmundi Davíð svarað Björn Bjarnason Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir Skoðun Ferðatryggingar og val á kreditkorti Svandís Edda Hólm Jónudóttir Skoðun Af hverju leka gluggar fyrr en áður? Böðvar Bjarnason Skoðun Halldór 05.07.2024 Halldór Að óttast blokkir Ásta Logadóttir Skoðun Skoðun Skoðun Carbfix: Stærsta framlag Íslands í loftslagsmálum heimsins Sævar Freyr Þráinsson skrifar Skoðun Sigmundi Davíð svarað Björn Bjarnason skrifar Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir skrifar Skoðun Líf og dauði leikur á hnífsegg Áslaug Arna Sigurbjörnsdóttir skrifar Skoðun Mengum meira Heiðar Guðjónsson skrifar Skoðun Hvað verður um Kára? Helga Sigrún Harðardóttir skrifar Skoðun Að eiga tertuna og borða hana líka – svar til formanns Hildur Sverrisdóttir skrifar Skoðun Hik er sama og tap Ingólfur Sverrisson skrifar Skoðun Af hverju leka gluggar fyrr en áður? Böðvar Bjarnason skrifar Skoðun Hluta þjóðarinnar hent út í kuldann – hinn baðar sig í sólinni Ole Anton Bieltvedt skrifar Skoðun Að óttast blokkir Ásta Logadóttir skrifar Skoðun Engin gúrka hjá Blaðamannafélaginu Sigríður Dögg Auðunsdóttir,Freyja Steingrímsdóttir skrifar Skoðun Stórnotendur eru kjölfestan í íslenska raforkukerfinu Guðríður Eldey Arnardóttir skrifar Skoðun Ert þú í góðu netsambandi? Áslaug Arna Sigurbjörnsdóttir skrifar Skoðun Evrópa og myrkrið framundan Hilmar Þór Hilmarsson skrifar Skoðun Heilræði fyrir Nýhaldið Sigmundur Davíð Gunnlaugsson skrifar Skoðun Glútenlaust gull á grillið Anna Gunndís Guðmundsdóttir skrifar Skoðun Kaupin á eyrinni Hjörtur J. Guðmundsson skrifar Skoðun Lokunaruppboð í Kauphöllinni Baldur Thorlacius skrifar Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson skrifar Skoðun Ferðatryggingar og val á kreditkorti Svandís Edda Hólm Jónudóttir skrifar Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir skrifar Skoðun Hljóð úr horni Ingólfur Sverrisson skrifar Skoðun ESB fyrir almenning Oddný G. Harðardóttir skrifar Skoðun Strámaðurinn mikli Kristján Hreinsson skrifar Skoðun Árið er 2024 Halla Signý Kristjánsdóttir skrifar Skoðun Samkeppni í nýju ljósi Páll Hermannsson skrifar Skoðun Það er verið að grafa dýpri fátæktargjá Rúnar Sigurjónsson skrifar Skoðun „Hæ ástin, þarf að millifæra, getur þú samþykkt beiðnina?“ Heiðrún Jónsdóttir skrifar Skoðun Algeng þvæla um Evrópusambandið Jón Frímann Jónsson skrifar Sjá meira
Það þarf ekkert að fjölyrða um mikilvægi þess að íslenskt samfélag verður að eiga og tryggja öflugar gjaldeyrisskapandi atvinnugreinar. Við sem þjóð erum þess gæfu aðnjótandi að hafa nokkuð góðar gjaldeyrisskapandi atvinnugreinar hér á landi en þær greinar sem hafa skapað okkur mestar gjaldeyristekjur til þessa eru eins og flestir vita ferðaþjónustan, sjávarútvegurinn og orkusækinn iðnaður. Það eru aðallega þessar atvinnugreinar sem hafa gert það að verkum að við höfum getað haldið úti því velferðarkerfi sem við viljum búa við en án öflugra gjaldeyrisskapandi atvinnugreina væru okkar innviðir, heilbrigðiskerfi og öll opinber þjónusta mun lakari en við þekkjum í dag. Til að halda áfram að efla helbrigðisþjónustu, vegakerfið, almannatryggingarkerfið og innviði samfélagsins enn frekar þá verðum við að skapa og efla enn frekar gjaldeyrisskapandi atvinnutækifæri. Landið okkar býður upp á gríðarlega möguleika á að framleiða vistvæna græna orku til að skapa gjaldeyristekjur fyrir íslenskt samfélag. Við skulum öll muna að allar þjóðir öfunda okkur af þessari grænu orku sem gerir það að verkum að við erum að leggja gríðarlega mikið til umhverfismála með því að nota slíka orku. Það leikur enginn vafi á að eitt af okkar stærstu framlögum til umhverfismála er að við erum að nota vistvæna raforku. Það liggur t.d. fyrir að ál sem framleitt er hér á landi mengar tífalt minna er álver sem knúið er áfram með kolum. Gríðarleg tækifæri í byltingarkenndum orkuskiptum Rétt er að rifja upp að Landsvirkjun telur að framleiðsla vetnis gæti orðið risastórt tækifæri til að byggja upp nýja útflutningsgrein. Stefnt er að því að bensín og olía heyri sögunni til fyrir árið 2050. Vetnisvæðing stórra bíla, skipa og flugvéla gæti leikið stórt hlutverk í orkuskiptunum. Því er spáð að eftirspurn eftir vetni eigi eftir að aukast mikið á næstu árum og áratugum. Í ljósi þessara staðreynda sem Landsvirkjun bendir réttilega á þá liggur fyrir að fyrirtæki sem hefur skrifað undir viljayfirlýsingu við Faxaflóahafnir um land á Grundartanga hefur í hyggju að reisa vetnisverksmiðju á Grundartangasvæðinu. Svona byltingarkennd verksmiðja gengur út á að framleiða nýja byltingarkenndan orkugjafa til að skipta út mengandi orkugjöfum eins og kolum og öðrum mengandi orkugjöfum. Ef tekst að láta þetta verkefni verða að veruleika þá myndi þetta leiða til þess að framleiðsla þess yrði að öllum líkindum seld út til lands í Evrópu sem myndi spara losun gróðurhúsalofttegunda eins og nemur allri losun Íslands í því landi sem myndi kaupa umrætt vetni. Þessi umhverfisvæna vetnisverksmiðja þarf um 900 MW og hafa þeir sem standa að þessum hugmyndum í hyggju að nota vindorkuna til að knýja verksmiðjuna áfram. Til að framleiða slíka orku með vindi þyrfti rétt rúmlega 200 vindmyllur. Ávallt yrði um nokkra smærri vindmyllugarða að ræða sem rúmuðust á stöðum þar sem náttúru yrði ekki ógnað og ásýnd væri ásættanleg í samanburði við ábatann sem af slíkum görðum stafar. Þessi vetnisverksmiðja myndi skapa uppundir 300 manns atvinnu og skila tugum milljarða í útflutningstekjur og því ljóst að þjóðhagslegur ávinningur er gríðarlegur fyrir Ísland. En aðal ávinningur er þessi vistvæna og byltingarkenndu orkuskipti sem þessi verksmiðja framleiðir sem er vetnið og nemur sparnaðurinn hennar eins og losun Íslands af CO2 eins og áður hefur komið fram. Hvaða umhverfissinni getur verið á móti því að nota vindorkuna til að spara losun á gróðurhúsaáhrifum sem nemur 4 milljónum tonna á ári og um leið skapa 300 varanleg störf og milljarða tekjur fyrir íslenskt samfélag? Eitt er víst að hér er gríðarlegt tækifæri fyrir okkur Íslendinga til að leggja alvöru lóð á vogar skálarnar í baráttunni gegn loftlagsvánni. Bann við plaströrum í kókómjólk sem og plastpokum segir afar lítið í þeirri baráttu við loflagsvána þó með fullri virðingu fyrir slíkum tilraunum til að draga úr mengun. Það er mitt mat að um svona mál eiga komandi alþingiskosningar meðal annars að snúast um enda liggur fyrir að ef við ætlum að lagfæra heilbrigðiskerfið, vegakerfið sem og kjör aldraða og öryrkja þurfum við að skapa gjaldeyristekjur og ekki ónýtt að geta dregið úr losun á gróðurhúsáhrifum samhliða slíkri gjaldeyrisöflun. Það er og verður nóg til ef við nýtum svona dauðatækifæri til að auka gjaldeyristekjur þjóðarinnar með umhverfisvænum og vel launuðum störfum. Höfundur er formaður Verkalýðsfélags Akraness.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir skrifar
Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun