Grunaði aldrei að nokkur annar byggi í íbúðinni Kristín Ólafsdóttir skrifar 2. desember 2020 18:05 Lögregla að störfum við fjölbýlishúsið þar sem konan býr í bænum Haninge suður af Stokkhólmi í gær. Fötin í glugganum lengst til vinstri eru í eigu konunnar. Claudio Bresciani/EPA-EFE Kona sem grunuð er um að hafa haldið syni sínum föngnum í íbúð sinni í grennd við Stokkhólm var sleppt úr haldi lögreglu eftir að sonur hennar var yfirheyrður í dag. Konan liggur þó enn undir grun í málinu. Nágranni konunnar segir að hann hafi aldrei grunað að nokkuð misjafnt væri á seyði í íbúðinni. Systir mannsins sem fann hann í íbúðinni lýsir því að þau systkinin hafi búið við slæman aðbúnað sem börn en enginn hafi hlustað á hana þegar hún sagði frá því. Haft er eftir Emmu Olsson saksóknara í frétt SVT að ekki hafi þótt ástæða til að fara fram á gæsluvarðhald yfir konunni og hún því látin laus. Einnig er haft eftir Olsson að sonur konunnar hafi verið yfirheyrður í dag og grunsemdir lögreglu í garð konunnar veikst í kjölfarið. Konan er þó enn grunuð um frelsissviptingu og ofbeldi gegn syninum. Maðurinn, sem er 41 árs, fannst í íbúðinni nú í vikunni. Fjölmiðlar hafa greint frá því að systir mannsins hafi komið að honum þar sem hann lá vannærður á gólfinu í íbúðinni sem full var af sorpi og úrgangi. Hann hafi verið með sár um allan líkamann, tannlaus og varla getað talað. Móðir hans hafi verið lögð inn á sjúkrahús fyrir nokkrum vikum og skilið soninn eftir. Hún er grunuð um að hafa haldið honum föngnum í íbúðinni í 28 ár, síðan hann var tólf ára. Í algjöru áfalli Norska dagblaðið VG ræðir í dag við Lars Österdahl, nágranna konunnar til hálfs árs. Hann segir málið hafa komið sér í opna skjöldu og kveðst aldrei hafa grunað að nokkur annar en konan byggi í íbúðinni. „Maður er í algjöru losti yfir því að svona nokkuð geti gerst. Ég hef að sjálfsögðu velt því fyrir mér hvort við hefðum átt að taka eftir þessu. Hugsa sér að eitthvað svona ómannúðlegt hafi átt sér stað aðeins nokkra metra frá útidyrahurðinni hjá okkur,“ segir Österdahl, sem var að fagna aðventunni með fjölskyldu sinni og vinum þegar maðurinn fannst í íbúðinni. Þá lýsir Östardahl því að konan hafi verið viðkunnanleg og lagt sig fram við að heilsa honum þegar þau mættust á gangi fjölbýlishússins. Hún hafi þó ætíð klæðst gamaldags fötum og verið með sérkennilega hárgreiðslu. Látni bróðirinn endurfæddur Systir mannsins sem fann hann í íbúðinni hefur sagt í viðtölum við Expressen og SVT að þau systkinin séu þrjú. Fjórði bróðirinn hafi látist þegar hann var þriggja ára. Systirin segir að móðir þeirra hafi haldið því fram að bróðir hennar sem fannst í íbúðinni væri látni bróðirinn endurfæddur. Hann hafi jafnframt verið skírður sama nafni og bróðirinn sem lést. Systirin segir að hún hafi margsinnis reynt að gera yfirvöldum viðvart um slæman aðbúnað á heimilinu frá því að þau systkinin voru börn. Enginn hafi hlustað á hana. Það sé því mikill léttir að leyndarmálinu hafi verið uppljóstrað. Uppfært 2.12.2020: Konan er ekki lengur grunuð um saknæmt athæfi. Ekkert þykir benda til þess að manninum hafi verið haldið föngnum í íbúðinni. Sjá nánar hér. Svíþjóð Mest lesið „Ef hann hefði verið einn þá hefði þetta getað farið miklu verr“ Innlent Íslensk flugáhöfn horfði á ljónaárás rétt við hótelið Innlent Af hverju er barnið mitt alltaf að segja Skibidi toilet? Innlent Handtekinn eftir hliðarkeyrslu á talsverðum hraða Innlent „Þegar hægrið fær að ráða ferðinni óheft og án alls taumhalds fer illa“ Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira
Nágranni konunnar segir að hann hafi aldrei grunað að nokkuð misjafnt væri á seyði í íbúðinni. Systir mannsins sem fann hann í íbúðinni lýsir því að þau systkinin hafi búið við slæman aðbúnað sem börn en enginn hafi hlustað á hana þegar hún sagði frá því. Haft er eftir Emmu Olsson saksóknara í frétt SVT að ekki hafi þótt ástæða til að fara fram á gæsluvarðhald yfir konunni og hún því látin laus. Einnig er haft eftir Olsson að sonur konunnar hafi verið yfirheyrður í dag og grunsemdir lögreglu í garð konunnar veikst í kjölfarið. Konan er þó enn grunuð um frelsissviptingu og ofbeldi gegn syninum. Maðurinn, sem er 41 árs, fannst í íbúðinni nú í vikunni. Fjölmiðlar hafa greint frá því að systir mannsins hafi komið að honum þar sem hann lá vannærður á gólfinu í íbúðinni sem full var af sorpi og úrgangi. Hann hafi verið með sár um allan líkamann, tannlaus og varla getað talað. Móðir hans hafi verið lögð inn á sjúkrahús fyrir nokkrum vikum og skilið soninn eftir. Hún er grunuð um að hafa haldið honum föngnum í íbúðinni í 28 ár, síðan hann var tólf ára. Í algjöru áfalli Norska dagblaðið VG ræðir í dag við Lars Österdahl, nágranna konunnar til hálfs árs. Hann segir málið hafa komið sér í opna skjöldu og kveðst aldrei hafa grunað að nokkur annar en konan byggi í íbúðinni. „Maður er í algjöru losti yfir því að svona nokkuð geti gerst. Ég hef að sjálfsögðu velt því fyrir mér hvort við hefðum átt að taka eftir þessu. Hugsa sér að eitthvað svona ómannúðlegt hafi átt sér stað aðeins nokkra metra frá útidyrahurðinni hjá okkur,“ segir Österdahl, sem var að fagna aðventunni með fjölskyldu sinni og vinum þegar maðurinn fannst í íbúðinni. Þá lýsir Östardahl því að konan hafi verið viðkunnanleg og lagt sig fram við að heilsa honum þegar þau mættust á gangi fjölbýlishússins. Hún hafi þó ætíð klæðst gamaldags fötum og verið með sérkennilega hárgreiðslu. Látni bróðirinn endurfæddur Systir mannsins sem fann hann í íbúðinni hefur sagt í viðtölum við Expressen og SVT að þau systkinin séu þrjú. Fjórði bróðirinn hafi látist þegar hann var þriggja ára. Systirin segir að móðir þeirra hafi haldið því fram að bróðir hennar sem fannst í íbúðinni væri látni bróðirinn endurfæddur. Hann hafi jafnframt verið skírður sama nafni og bróðirinn sem lést. Systirin segir að hún hafi margsinnis reynt að gera yfirvöldum viðvart um slæman aðbúnað á heimilinu frá því að þau systkinin voru börn. Enginn hafi hlustað á hana. Það sé því mikill léttir að leyndarmálinu hafi verið uppljóstrað. Uppfært 2.12.2020: Konan er ekki lengur grunuð um saknæmt athæfi. Ekkert þykir benda til þess að manninum hafi verið haldið föngnum í íbúðinni. Sjá nánar hér.
Svíþjóð Mest lesið „Ef hann hefði verið einn þá hefði þetta getað farið miklu verr“ Innlent Íslensk flugáhöfn horfði á ljónaárás rétt við hótelið Innlent Af hverju er barnið mitt alltaf að segja Skibidi toilet? Innlent Handtekinn eftir hliðarkeyrslu á talsverðum hraða Innlent „Þegar hægrið fær að ráða ferðinni óheft og án alls taumhalds fer illa“ Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira