Kenin endaði draum heimastúlkunnar á Opna ástralska

21 árs gömul bandarísk tenniskona er komin alla leið í úrslitin á opna ástralska risamótinu í tennis en Sofia Kenin vann heimakonuna Ashleigh Barty í undanúrslitunum í nótt.

Sofia Kenin vann Ashleigh Barty í tveimur settum eða 7-6 (8-6) og 7-5 en þær þurftu að spila leikinn í miklum hita.

Sofia Kenin is into the #AusOpen final!

the 14th seed beats world number one and top seed, Ash Barty.

7-6 7-5.

Wow.

Follow the #AusOpen

https://t.co/YEmlFo20Uu#bbctennispic.twitter.com/sAcz5f2pYx

— BBC Sport (@BBCSport) January 30, 2020

Kenin mætir annaðhvort Simona Halep eða Garbine Muguruza í úrslitaleiknum.

Ashleigh Barty var að reyna að verða fyrsta ástralska konan í 40 ár til að komast í úrslit á heimavelli.

„Ég er orðlaus. Ég trúi þessu varla. Ég hef látið mig dreyma um þetta síðan að ég var fimm ára gömul. Ég hef lagt svo mikið á mig til að komast hingað,“ sagði Sofia Kenin eftir leikinn. Um leið og sigurinn var í höfn þá sleppti hún spaðanum og tók um andlit sitt.

"I'm just so speechless. I've dreamed about this moment since I was five years old."

Sofia Kenin is living her dream, but she's ended Ash Barty's dream of becoming the first home woman to reach the #AusOpen final in 40 years.

Report  https://t.co/pZm11u4OoHpic.twitter.com/H92VCqEYNp

— BBC Sport (@BBCSport) January 30, 2020

Hún er fyrsta bandaríska tenniskonan, fyrir utan Williams systurnar, sem kemst í úrslitaleikinn á Opna ástralska mótinu síðan  Lindsay Davenport náði því árið 2005. Þetta er fyrsti úrslitaleikur Sofiu Kenin á risamóti.  

Væntingarnar og spenningurinn í Ástralíu vegna möguleikans á að Ashleigh Barty spilaði til úrslita á heimavelli hafði greinilega sín áhrif á Ashleigh Barty. Hún sagði svo ekki vera en það var samt frekar augljóst á leik hennar. Hún leit út fyrir að vera taugaóstyrk og óþolinmóð.