Varði helginni í golf, móðganir og morðásakanir Samúel Karl Ólason skrifar 25. maí 2020 12:05 Donald Trump, forseti Bandaríkjanna. AP/Alex Brandon Donald Trump varði helginni í að spila golf, í fyrsta sinn um nokkurt skeið, og að tísta móðgunum, lygum og alls konar dylgjum um andstæðinga sína. Meðal annars dreifði hann tístum þar sem Hillary Clinton var kölluð „gæra“, gert var grín að þyngd stjórnmálakonu frá Georgíu og gert var grín að útliti Nancy Pelosi, forseta fulltrúadeildarinnar. Þá tísti hann ítrekað ásökunum um að fyrrverandi þingmaður og núverandi þáttastjórnandi sem honum er illa við, hafi framið morð á árum áður. Í gær sagði Trump að þeim fækkaði um allt landið sem hefðu smitast af Covid-19. Það er ekki rétt. Nýjum tilfellum fer fækkandi víða, á stöðum eins og New York, þar sem faraldurinn hófst snemma, og vegna þessarar fækkunar hefur tilfellum heilt yfir fækkað á landsvísu. Víða um Bandaríkin fer smituðum þó fjölgandi og þá sérstaklega á strjálbýlum svæðum þar sem dauðsföllum hefur sömuleiðis fjölgað verulega. Cases, numbers and deaths are going down all over the Country!— Donald J. Trump (@realDonaldTrump) May 24, 2020 Trump endurbirti mörg tíst stuðningsmanns síns á tiltölulega skömmum tíma í gær. Þar fór John K. Stahl, sem gerði misheppnaða tilraun til að komast á þing fyrir Repúblikanaflokkinn árið 2012, hörðum orðum um ýmsa andstæðinga Trump og laug um póstatkvæði. Hann hæddist einnig að útlit Nancy Pelosi, forseta fulltrúadeildar Bandaríkjaþings og hæddist að þyngd stjórnmálakonunnar Stacey Abrams, sem er meðal þeirra sem Joe Biden er að íhuga sem varaforsetaframbjóðendur. Hann endurtísti einnig tísti þar sem Hillary Clinton, mótframbjóðandi Trump árið 2016, var kölluð gæra en það virðist hafa verið fjarlægt. Þá tísti Trump aftur ásökunum um að þáttastjórnandinn Joe Scarborough hafi framið morð. Hann hefur reyndar gert það áður, árið 2017, en ekkert er til í þeim ásökunum. A lot of interest in this story about Psycho Joe Scarborough. So a young marathon runner just happened to faint in his office, hit her head on his desk, & die? I would think there is a lot more to this story than that? An affair? What about the so-called investigator? Read story! https://t.co/CjBXBXxoNS— Donald J. Trump (@realDonaldTrump) May 24, 2020 Aðstoðarkona Scarsborough fannst látin á skrifstofu hans árið 2001. Rannsókn leiddi í ljós að hún var með óeðlilegan hjartslátt og hafði misst meðvitund. Þegar hún féll sló hún höfðinu í borð og dó þess vegna. Trump hefur einnig verið gagnrýndur fyrir að sýna föllnum hermönnum ekki virðingu um helgina en í dag er svokallaður minningardagur þar sem Bandaríkjamenn hylla fallna hermönnum landsins. Trump mun þó taka þátt í minningarathöfn Í Baltimore í dag, gegn vilja borgarstjóra borgarinnar. Golfspilun Trump á bæði laugardag og sunnudag hefur vakið þónokkra athygli og sérstaklega með tilliti til þess að hann gagnrýndi Barack Obama, forvera sinn, harðlega fyrir að spila golf þegar tveir Bandaríkjamenn höfðu greinst með ebólu árið 2014. Nú hafa nærri því minnst hundrað þúsund manns dáið vegna Covid-19 og faraldur nýju kórónuveirunnar hefur leikið Bandaríkin grátt. Framboð Joe Biden gaf út auglýsingu í gær þar sem Trump var gagnrýndur fyrir að spila golf um helgina og brást hann reiður við. Trump sagði þetta í fyrsta sinn sem hann spilaði golf í tæpa þrjá mánuði og sagði það vera líkamsrækt. Því næst gagnrýndi hann Biden, sem var varaforseti Obama, og Obama sjálfan. Sagði hann forvera sinn hafa alltaf verið að spila golf og ferðast oft til Hawaii til að spila golf, með tilheyrandi mengun. Trump hefur varið fleiri dögum á golfvöllum sínum á rúmum þremur árum en Obama gerði á sama tíma. Alls hefur Trump varið 251 degi á einhverjum af golfvöllum sínum og hefur verið staðfest að hann hafi spilað golf minnst 119 sinnum, samkvæmt Trumpgolfcount.com, sem byggir á fréttum af ferðum forsetans frá þeim blaðamönnum sem fylgja honum. Þá hafa fregnir borist af því að Trump hafi reynt að forðast það að blaðamenn kæmust að því að hann væri að spila golf. Obama spilaði golf rúmlega 330 sinnum á átta árum. Meirihluta hringa spilaði hann á völlum á herstöðvum í grennd við Washington DC sem hann ferðaðist til með þyrlu. Trump hefur ávallt ferðast til eigin golfvalla og jafnval langar leiðir, eins og til Flórída. ...vacationing, relaxing & making shady deals with other countries, & that Barack was always playing golf, doing much of his traveling in a fume spewing 747 to play golf in Hawaii - Once even teeing off immediately after announcing the gruesome death of a great young man by ISIS!— Donald J. Trump (@realDonaldTrump) May 25, 2020 Bandaríkin Forsetakosningar í Bandaríkjunum Donald Trump Mest lesið Albert mættur í dómsal Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent „Það var mikil geðshræring á heimilinu“ Innlent Helgi í Góu og fyrrverandi borguðu brúsann Innlent Fleiri fréttir Bon Jovi lofaður fyrir að bjarga konu í sjálfsvígshugleiðingum Fyrsta geimganga óbreyttra borgara Fujimori er látinn „Lærisveinn“ Pélicot sagður hafa beitt sömu aðferðum á eigin konu 171 handtekinn og 402 börnum bjargað í aðgerðum í Malasíu Sex starfsmenn UNRWA sagðir hafa verið drepnir í árás Ísraelshers Gerði sér mat úr kattaráti andlega veikrar konu Sprengdu yfirgefinn skýjakljúf í Lousiana Daunill þróun í metanlosun mannkynsins Baráttan um Bandaríkin: Sögulegar kappræður gerðar upp Gætu leyft Úkraínu að nota langdræg flugskeyti gegn Rússlandi Krefjast þess að Ísraelsher bæti ráð sitt eftir dráp á Bandaríkjamanni Brú yfir Saxelfi hrundi í Dresden Trump í mikilli vörn en lýsir yfir sigri 1,4 milljarðar króna fyrir að mæta ekki fyrir rétt Bein útsending: Harris og Trump takast á í fyrsta sinn Sveik 1,3 milljarða úr streymisveitum með gervispilunum Trump verði áfram Trump en meira í húfi fyrir Harris Verður næsti utanríkisráðherra Svíþjóðar Hafa fengið skotflaugar frá Íran Reglur kvöldsins: Engir áhorfendur og slökkt á meðan hinn talar Siðblindur raðlygari sem sýndi aðra hlið út á við Ætla í fyrstu borgaralegu geimgönguna Handtekinn í Dubaí Rannsókn hafin en efasemdir uppi um sekt Letby Auglýsa eftir upplýsingum um 28 ára gamalt morðmál Brú hrundi eftir gríðarlegan fellibyl Weinstein fluttur í flýti í bráðaaðgerð Þjóðverjar herða tökin á landamærum Meintir nauðgarar kvarta undan birtingu mynda og nafna Sjá meira
Donald Trump varði helginni í að spila golf, í fyrsta sinn um nokkurt skeið, og að tísta móðgunum, lygum og alls konar dylgjum um andstæðinga sína. Meðal annars dreifði hann tístum þar sem Hillary Clinton var kölluð „gæra“, gert var grín að þyngd stjórnmálakonu frá Georgíu og gert var grín að útliti Nancy Pelosi, forseta fulltrúadeildarinnar. Þá tísti hann ítrekað ásökunum um að fyrrverandi þingmaður og núverandi þáttastjórnandi sem honum er illa við, hafi framið morð á árum áður. Í gær sagði Trump að þeim fækkaði um allt landið sem hefðu smitast af Covid-19. Það er ekki rétt. Nýjum tilfellum fer fækkandi víða, á stöðum eins og New York, þar sem faraldurinn hófst snemma, og vegna þessarar fækkunar hefur tilfellum heilt yfir fækkað á landsvísu. Víða um Bandaríkin fer smituðum þó fjölgandi og þá sérstaklega á strjálbýlum svæðum þar sem dauðsföllum hefur sömuleiðis fjölgað verulega. Cases, numbers and deaths are going down all over the Country!— Donald J. Trump (@realDonaldTrump) May 24, 2020 Trump endurbirti mörg tíst stuðningsmanns síns á tiltölulega skömmum tíma í gær. Þar fór John K. Stahl, sem gerði misheppnaða tilraun til að komast á þing fyrir Repúblikanaflokkinn árið 2012, hörðum orðum um ýmsa andstæðinga Trump og laug um póstatkvæði. Hann hæddist einnig að útlit Nancy Pelosi, forseta fulltrúadeildar Bandaríkjaþings og hæddist að þyngd stjórnmálakonunnar Stacey Abrams, sem er meðal þeirra sem Joe Biden er að íhuga sem varaforsetaframbjóðendur. Hann endurtísti einnig tísti þar sem Hillary Clinton, mótframbjóðandi Trump árið 2016, var kölluð gæra en það virðist hafa verið fjarlægt. Þá tísti Trump aftur ásökunum um að þáttastjórnandinn Joe Scarborough hafi framið morð. Hann hefur reyndar gert það áður, árið 2017, en ekkert er til í þeim ásökunum. A lot of interest in this story about Psycho Joe Scarborough. So a young marathon runner just happened to faint in his office, hit her head on his desk, & die? I would think there is a lot more to this story than that? An affair? What about the so-called investigator? Read story! https://t.co/CjBXBXxoNS— Donald J. Trump (@realDonaldTrump) May 24, 2020 Aðstoðarkona Scarsborough fannst látin á skrifstofu hans árið 2001. Rannsókn leiddi í ljós að hún var með óeðlilegan hjartslátt og hafði misst meðvitund. Þegar hún féll sló hún höfðinu í borð og dó þess vegna. Trump hefur einnig verið gagnrýndur fyrir að sýna föllnum hermönnum ekki virðingu um helgina en í dag er svokallaður minningardagur þar sem Bandaríkjamenn hylla fallna hermönnum landsins. Trump mun þó taka þátt í minningarathöfn Í Baltimore í dag, gegn vilja borgarstjóra borgarinnar. Golfspilun Trump á bæði laugardag og sunnudag hefur vakið þónokkra athygli og sérstaklega með tilliti til þess að hann gagnrýndi Barack Obama, forvera sinn, harðlega fyrir að spila golf þegar tveir Bandaríkjamenn höfðu greinst með ebólu árið 2014. Nú hafa nærri því minnst hundrað þúsund manns dáið vegna Covid-19 og faraldur nýju kórónuveirunnar hefur leikið Bandaríkin grátt. Framboð Joe Biden gaf út auglýsingu í gær þar sem Trump var gagnrýndur fyrir að spila golf um helgina og brást hann reiður við. Trump sagði þetta í fyrsta sinn sem hann spilaði golf í tæpa þrjá mánuði og sagði það vera líkamsrækt. Því næst gagnrýndi hann Biden, sem var varaforseti Obama, og Obama sjálfan. Sagði hann forvera sinn hafa alltaf verið að spila golf og ferðast oft til Hawaii til að spila golf, með tilheyrandi mengun. Trump hefur varið fleiri dögum á golfvöllum sínum á rúmum þremur árum en Obama gerði á sama tíma. Alls hefur Trump varið 251 degi á einhverjum af golfvöllum sínum og hefur verið staðfest að hann hafi spilað golf minnst 119 sinnum, samkvæmt Trumpgolfcount.com, sem byggir á fréttum af ferðum forsetans frá þeim blaðamönnum sem fylgja honum. Þá hafa fregnir borist af því að Trump hafi reynt að forðast það að blaðamenn kæmust að því að hann væri að spila golf. Obama spilaði golf rúmlega 330 sinnum á átta árum. Meirihluta hringa spilaði hann á völlum á herstöðvum í grennd við Washington DC sem hann ferðaðist til með þyrlu. Trump hefur ávallt ferðast til eigin golfvalla og jafnval langar leiðir, eins og til Flórída. ...vacationing, relaxing & making shady deals with other countries, & that Barack was always playing golf, doing much of his traveling in a fume spewing 747 to play golf in Hawaii - Once even teeing off immediately after announcing the gruesome death of a great young man by ISIS!— Donald J. Trump (@realDonaldTrump) May 25, 2020
Bandaríkin Forsetakosningar í Bandaríkjunum Donald Trump Mest lesið Albert mættur í dómsal Innlent Skilur ekkert í niðurstöðu Guðrúnar Innlent Svarar fyrir að hafa banað syni sínum í Kópavogi Innlent Talinn hafa svipt barn frelsi sem hann grunaði um að stela veipi Innlent Gerði sér mat úr kattaráti andlega veikrar konu Erlent „Lærisveinn“ Pélicot sagður hafa beitt sömu aðferðum á eigin konu Erlent „Fólk fer hreinlega grátandi frá mér“ Innlent Sigurður Helgi Guðjónsson látinn Innlent „Það var mikil geðshræring á heimilinu“ Innlent Helgi í Góu og fyrrverandi borguðu brúsann Innlent Fleiri fréttir Bon Jovi lofaður fyrir að bjarga konu í sjálfsvígshugleiðingum Fyrsta geimganga óbreyttra borgara Fujimori er látinn „Lærisveinn“ Pélicot sagður hafa beitt sömu aðferðum á eigin konu 171 handtekinn og 402 börnum bjargað í aðgerðum í Malasíu Sex starfsmenn UNRWA sagðir hafa verið drepnir í árás Ísraelshers Gerði sér mat úr kattaráti andlega veikrar konu Sprengdu yfirgefinn skýjakljúf í Lousiana Daunill þróun í metanlosun mannkynsins Baráttan um Bandaríkin: Sögulegar kappræður gerðar upp Gætu leyft Úkraínu að nota langdræg flugskeyti gegn Rússlandi Krefjast þess að Ísraelsher bæti ráð sitt eftir dráp á Bandaríkjamanni Brú yfir Saxelfi hrundi í Dresden Trump í mikilli vörn en lýsir yfir sigri 1,4 milljarðar króna fyrir að mæta ekki fyrir rétt Bein útsending: Harris og Trump takast á í fyrsta sinn Sveik 1,3 milljarða úr streymisveitum með gervispilunum Trump verði áfram Trump en meira í húfi fyrir Harris Verður næsti utanríkisráðherra Svíþjóðar Hafa fengið skotflaugar frá Íran Reglur kvöldsins: Engir áhorfendur og slökkt á meðan hinn talar Siðblindur raðlygari sem sýndi aðra hlið út á við Ætla í fyrstu borgaralegu geimgönguna Handtekinn í Dubaí Rannsókn hafin en efasemdir uppi um sekt Letby Auglýsa eftir upplýsingum um 28 ára gamalt morðmál Brú hrundi eftir gríðarlegan fellibyl Weinstein fluttur í flýti í bráðaaðgerð Þjóðverjar herða tökin á landamærum Meintir nauðgarar kvarta undan birtingu mynda og nafna Sjá meira