Fjölda­hjálpar­stöð opnuð á Laugar­vatni vegna fjögurra ung­menna

Fjöldahjálparstöð var opnuð í Menntaskólanum á Laugarvatni um klukkan átta í kvöld fyrir fjögur ungmenni eftir að það drapst á bifreið þeirra á Lyngdalsheiði. 

Mikið óveður var á heiðinni og voru þau flutt þaðan af björgunarsveitarmönnum yfir í menntaskólann.

Að sögn Pálma Hilmarssonar, húsvarðar í Menntaskólanum á Laugarvatni, fengu þau þar mat og voru hýst stuttlega áður en ákveðið var að flytja þau í Efstadal þar sem þeim var útveguð gisting á gistiheimili.