Malek sagður bjarga sótthreinsaðri Queen-mynd Birgir Olgeirsson skrifar 24. október 2018 11:00 Rami Malek í hlutverki Freddie Mercury. Aðdáendur bresku sveitarinnar Queen bíða vafalaust margir hverjir spenntir eftir myndinni Bohemian Rhapsody þar sem ferill sveitarinnar er rakinn. Sviðsljósinu er beint að aðalmanni Queen, söngvaranum og tónskáldinu Freddie Mercury, en gagnrýnendur hafa lagt mat sitt á myndina og segja hana fremur varfærnislega nálgun á líf Mercury en aðalleikarinn Rami Malek haldi myndinni uppi með stórkostlegri frammistöðu. Virðist það vera samdómaálit þeirra að tónlistaratriði myndarinnar séu mögnuð en frásögnin sjálf ekki nógu sterk, miðað við þá miklu sögu sem býr að baki þessarar sveitar og söngvaranum Freddie Mercury. Framleiðsla myndarinnar reyndist nokkuð erfið. Grínistinn Sacha Baron Cohen var ráðinn til að leika Mercury en hætti eftir að hafa lent í útistöðum við framleiðendur myndarinnar um efnistökin.Bryan Singer var ráðinn sem leikstjóri myndarinnar en hann hætti þegar framleiðsla hennar var langt kominn eftir að hafa lent saman við aðalleikara myndarinnar Rami Malek. Hafði Malek kvartað undan því að hve ófaglegur Singer hefði reynst við tökur, en Hollywood Reporter segir hann hafa látið það í ljós fyrir hönd leikara myndarinnar á fundi með stjórnendum myndversins 20th Century Fox. Hafði Singer til að mynda ekki mætt í tökur nokkrum sinnum án þess að láta vita en áður hafði myndverið gert hlé á framleiðslu myndarinnar til að veita Singer svigrúm til að ná fullri heilsu eftir veikindi. Gagnrýnendur eru flestir sammála um að stærsti kostur myndarinnar er frammistaða Rami Malek í hlutverki Mercury. Er leikur hans sagður lyfta myndinni upp úr flokki formúlukenndra ævisögumynda yfir í grípandi persónudrifið verk.Malek er sagður fanga anda hins þjáða Mercury.„Hann fangar anda hins litríka en oft þjáða tónlistarvitrings,“ skrifar Mara Reinstein fyrir Us Weekly. Tim Grierson hjá Screen Daily bendir á að hljómsveitin Queen hefði ekki orðið neitt án Mercury og það sama eigi við um myndina, hún væri ekkert án frammistöðu Malek. Myndin sjálf er sögð fremur varfærin, hún sökkvi sér ekki í stóra atburði sem tengjast meðlimum sveitarinnar og sé hálf hrædd við að fjalla um einkalíf Mercury af fullum þunga. Er það allavega mat gagnrýnanda IndieWire og Variety. Hún fær þó mikið lof fyrir tónlistaratriðin og skemmtanagildi hennar því talsvert. Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Býður Taylor barn Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Mætti á nærfötunum einum klæða Tíska og hönnun Halla á Hellisheiði með viðskiptakonum Lífið Listamenn skora á Samherja að falla frá málsókn gegn ODEE Lífið Tískan við þingsetningu: Hverjir voru í hverju? Tíska og hönnun Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Aðdáendur bresku sveitarinnar Queen bíða vafalaust margir hverjir spenntir eftir myndinni Bohemian Rhapsody þar sem ferill sveitarinnar er rakinn. Sviðsljósinu er beint að aðalmanni Queen, söngvaranum og tónskáldinu Freddie Mercury, en gagnrýnendur hafa lagt mat sitt á myndina og segja hana fremur varfærnislega nálgun á líf Mercury en aðalleikarinn Rami Malek haldi myndinni uppi með stórkostlegri frammistöðu. Virðist það vera samdómaálit þeirra að tónlistaratriði myndarinnar séu mögnuð en frásögnin sjálf ekki nógu sterk, miðað við þá miklu sögu sem býr að baki þessarar sveitar og söngvaranum Freddie Mercury. Framleiðsla myndarinnar reyndist nokkuð erfið. Grínistinn Sacha Baron Cohen var ráðinn til að leika Mercury en hætti eftir að hafa lent í útistöðum við framleiðendur myndarinnar um efnistökin.Bryan Singer var ráðinn sem leikstjóri myndarinnar en hann hætti þegar framleiðsla hennar var langt kominn eftir að hafa lent saman við aðalleikara myndarinnar Rami Malek. Hafði Malek kvartað undan því að hve ófaglegur Singer hefði reynst við tökur, en Hollywood Reporter segir hann hafa látið það í ljós fyrir hönd leikara myndarinnar á fundi með stjórnendum myndversins 20th Century Fox. Hafði Singer til að mynda ekki mætt í tökur nokkrum sinnum án þess að láta vita en áður hafði myndverið gert hlé á framleiðslu myndarinnar til að veita Singer svigrúm til að ná fullri heilsu eftir veikindi. Gagnrýnendur eru flestir sammála um að stærsti kostur myndarinnar er frammistaða Rami Malek í hlutverki Mercury. Er leikur hans sagður lyfta myndinni upp úr flokki formúlukenndra ævisögumynda yfir í grípandi persónudrifið verk.Malek er sagður fanga anda hins þjáða Mercury.„Hann fangar anda hins litríka en oft þjáða tónlistarvitrings,“ skrifar Mara Reinstein fyrir Us Weekly. Tim Grierson hjá Screen Daily bendir á að hljómsveitin Queen hefði ekki orðið neitt án Mercury og það sama eigi við um myndina, hún væri ekkert án frammistöðu Malek. Myndin sjálf er sögð fremur varfærin, hún sökkvi sér ekki í stóra atburði sem tengjast meðlimum sveitarinnar og sé hálf hrædd við að fjalla um einkalíf Mercury af fullum þunga. Er það allavega mat gagnrýnanda IndieWire og Variety. Hún fær þó mikið lof fyrir tónlistaratriðin og skemmtanagildi hennar því talsvert.
Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið „Háð því að gera hluti sem eru óþægilegir“ Lífið Býður Taylor barn Lífið Taylor Swift jafnaði met Beyoncé á VMA Tónlist Björk byrjar kvöldið og Blawan tekur svo við Lífið Mætti á nærfötunum einum klæða Tíska og hönnun Halla á Hellisheiði með viðskiptakonum Lífið Listamenn skora á Samherja að falla frá málsókn gegn ODEE Lífið Tískan við þingsetningu: Hverjir voru í hverju? Tíska og hönnun Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira