Þrýstingur frá íþróttafélögum klauf Bjarta framtíð Aðalheiður Ámundadóttir skrifar 13. apríl 2018 06:00 Íþróttafélög Hafnarfjarðar eru stöðug upptök pólitískra átaka. Vísir/Daníel Undanfarin ár hafa áform um byggingu nýs knatthúss verið ítrekað til umræðu hjá bæjaryfirvöldum í Hafnarfirði og forsvarsmenn félaganna FH og Hauka verið gestir á bæjarskrifstofunum. Málið hefur oft valdið ágreiningi í meirihlutasamstarfinu og flokkur Bjartrar framtíðar í Hafnarfirði er rústir einar eftir að bæjarfulltrúar flokksins sögðu sig úr honum og viku fulltrúum flokksins úr nefndum og ráðum bæjarins. Tvö knatthús eru í Hafnarfirði, bæði á athafnasvæði FH, þar á meðal Risinn í Kaplakrika sem bærinn leigir af félaginu fyrir tugi milljóna á ári. Haukar eiga ekkert yfirbyggt knatthús og vilja fá sams konar samning og gerður var við FH en meirihlutinn í Hafnarfirði hefur ákveðið að FH fái þriðja knatthús bæjarins. Síðastliðið sumar gerði Sjálfstæðisflokkurinn tillögu um að byggð yrðu tvö knatthús; eitt fyrir hvort íþróttafélag. Á hitafundi í bæjarstjórn klofnaði meirihlutinn í málinu og fulltrúar Bjartrar framtíðar snerust á sveif með minnihlutanum í málinu og gegn samstarfsflokki sínum, enda þótti tillagan ótækt bruðl. Í kjölfar þessa skells var samþykkt fjárhagsáætlun sem gerir ráð fyrir 720 milljóna framlagi á árunum 2018 og 2019 til byggingar eins knatthúss á FH-svæðinu í Kaplakrika. Ekki voru Haukamenn sáttir við þetta enda hafi krakkarnir á Völlunum enga aðstöðu innandyra til iðkunar á veturna og þótt fleiri iðkendur séu hjá FH skýrist sá fjöldi ekki síst af aðstöðumun félaganna tveggja.Hinir fornu fjendur Haukar og FH takast hér á í handboltaleik árið 2014.Vísir/VilhelmEnn spruttu deilur upp í bæjarstjórn vegna málsins skömmu eftir áramót þegar verkið fór í alútboð. Vinna við útboðsgögn var gagnrýnd, meðal annars af bæjarfulltrúum Bjartrar framtíðar, og þótti sumum útboðsgögn sniðin að tilteknum aðila, formanni knattspyrnudeildar FH, sem reyndist svo sá eini sem sendi inn tilboð fyrir hönd finnsks fyrirtækis sem hann er umboðsaðili fyrir. Lægsta tilboðið er rúmlega 50 prósentum hærra en gert er ráð fyrir í fjárhagsáætlun. Ekki hefur verið tekin afstaða til tilboðanna. Nokkur óvissa ríkir því um framhald málsins. Nú í aðdraganda kosninga halda íþróttafélögin enn uppteknum hætti. Í nýlegri færslu í lokuðum Facebook-hóp iðkenda á unglingsaldri í Haukum, vakti þjálfari athygli á prófkjöri Sjálfstæðisflokksins og benti iðkendunum á hvernig mætti skrá sig í flokkinn og veita þeim brautargengi sem helst væru stuðningsmenn knatthúss fyrir Hauka. Þrátt fyrir að fjárhagsáætlun bæjarins geri eingöngu ráð fyrir bygginu knatthúss í Kaplakrika, segir á Facebook-síðu Hauka frá skoðunarferð fulltrúa félagsins með lykilstjórnendum bæjarins í nokkur nýleg knatthús. Deiliskipulagsvinna sé hafin fyrir Ásvelli þar sem ljóst sé að stórt upphitað knatthús muni rísa á næstu misserum. Aðspurður segir Haraldur L. Haraldsson, bæjarstjóri í Hafnarfirði, að ekki sé gert ráð fyrir fjármagni til slíkrar byggingar á Ásvöllum í fjárhagsáætlun en í greinargerð með henni segi að ganga eigi til samninga við félagið á þessu ári um undirbúning og hönnun knatthúss að Ásvöllum.Borghildur Sturludóttir, varabæjarfulltrúi Bjartrar framtíðar í Hafnarfirði, þurfti að taka pokann sinn í skipulags- og byggingaráði eftir átakafund í bæjarstjórn í fyrradag, meðal annars vegna afstöðu til knatthúsaVísir/ernirEkki sér fyrir endann á átökunum „Ég er ekki kosin til að vera sammála Sjálfstæðisflokknum og mér finnst alveg sjálfsagt að það sé tekist á um mál og aðferðafræði, en ég er engin átakakona,“ segir Borghildur Sturludóttir sem var látin taka pokann sinn í skipulags- og byggingaráði Hafnarfjarðar eftir hitafund í bæjarstjórn í fyrradag. Þrýstingur íþróttafélaganna FH og Hauka í Hafnarfirði um byggingu knatthúsa er stöðug uppspretta átaka í bæjarpólitíkinni þar. Á kjörtímabilinu hefur reglulega hrikt í stoðum meirihlutasamstarfs Sjálfstæðisflokks og Bjartrar framtíðar vegna knatthúsamálsins sem er svo heitt að Björt framtíð í Hafnarfirði hefur liðast í sundur, bæjarfulltrúarnir hafa sagt sig úr flokknum og hreinsað þá fulltrúa sem enn eru í flokknum úr nefndum og ráðum bæjarins. Borghildur hefur verið á öndverðum meiði við meirihlutann í knatthúsamálinu og hefur meðal annars lagt áherslu á óháða staðarvalsgreiningu fyrir nýtt knatthús. „Við höfum verið að tækla fullt af erfiðum málum og iðulega verið samhugur um að gera vel. Nema þarna, þarna er alger klofningur,“ segir Borghildur um knatthúsin og bætir við: „Annaðhvort er fólk að fylgja hagsmunum FH og setja þá ofar hagsmunum bæjarbúa, eða það er bara að hugsa um prófkjör og atkvæði.“ Borghildur hefur ásamt Pétri Óskarssyni varabæjarfulltrúa sent erindi á ráðuneyti sveitarstjórnarmála og óskað eftir að verklag á fyrrnefndum bæjarstjórnarfundi verði tekið til skoðunar og boðað stjórnsýslukæru að öðrum kosti. Þá hafa þau farið þess á leit við dómsmálaráðuneytið að það taki kjörgengi Einars Birkis Einarssonar bæjarfulltrúa til athugunar en eins og Fréttablaðið greindi frá fyrir skömmu er Einar búsettur í Kópavogi en hefur lögheimili sitt skráð á heimili systur sinnar í Hafnarfirði. Birtist í Fréttablaðinu Sveitarstjórnarmál Tengdar fréttir Ráku menn BF úr öllum ráðum Meirihluti bæjarstjórnar Hafnarfjarðar samþykkti í gær á hitafundi að víkja Borghildi Sturludóttur og Pétri Óskarssyni úr nefndum og ráðum sem þau hafa setið í fyrir hönd Bjartrar framtíðar 12. apríl 2018 06:00 Viðreisn með sérframboð í Hafnarfirði vegna átaka innan Bjartrar framtíðar Hætt hefur verið við sameiginlegt framboð Viðreisnar og Bjartrar framtíðar í Hafnarfirði fyrir sveitarstjórnarkosningarnar í vor. 12. apríl 2018 19:09 Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Tveir reyndust í skotti bíls Innlent Fagna löngu tímabærri breytingu Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Undanfarin ár hafa áform um byggingu nýs knatthúss verið ítrekað til umræðu hjá bæjaryfirvöldum í Hafnarfirði og forsvarsmenn félaganna FH og Hauka verið gestir á bæjarskrifstofunum. Málið hefur oft valdið ágreiningi í meirihlutasamstarfinu og flokkur Bjartrar framtíðar í Hafnarfirði er rústir einar eftir að bæjarfulltrúar flokksins sögðu sig úr honum og viku fulltrúum flokksins úr nefndum og ráðum bæjarins. Tvö knatthús eru í Hafnarfirði, bæði á athafnasvæði FH, þar á meðal Risinn í Kaplakrika sem bærinn leigir af félaginu fyrir tugi milljóna á ári. Haukar eiga ekkert yfirbyggt knatthús og vilja fá sams konar samning og gerður var við FH en meirihlutinn í Hafnarfirði hefur ákveðið að FH fái þriðja knatthús bæjarins. Síðastliðið sumar gerði Sjálfstæðisflokkurinn tillögu um að byggð yrðu tvö knatthús; eitt fyrir hvort íþróttafélag. Á hitafundi í bæjarstjórn klofnaði meirihlutinn í málinu og fulltrúar Bjartrar framtíðar snerust á sveif með minnihlutanum í málinu og gegn samstarfsflokki sínum, enda þótti tillagan ótækt bruðl. Í kjölfar þessa skells var samþykkt fjárhagsáætlun sem gerir ráð fyrir 720 milljóna framlagi á árunum 2018 og 2019 til byggingar eins knatthúss á FH-svæðinu í Kaplakrika. Ekki voru Haukamenn sáttir við þetta enda hafi krakkarnir á Völlunum enga aðstöðu innandyra til iðkunar á veturna og þótt fleiri iðkendur séu hjá FH skýrist sá fjöldi ekki síst af aðstöðumun félaganna tveggja.Hinir fornu fjendur Haukar og FH takast hér á í handboltaleik árið 2014.Vísir/VilhelmEnn spruttu deilur upp í bæjarstjórn vegna málsins skömmu eftir áramót þegar verkið fór í alútboð. Vinna við útboðsgögn var gagnrýnd, meðal annars af bæjarfulltrúum Bjartrar framtíðar, og þótti sumum útboðsgögn sniðin að tilteknum aðila, formanni knattspyrnudeildar FH, sem reyndist svo sá eini sem sendi inn tilboð fyrir hönd finnsks fyrirtækis sem hann er umboðsaðili fyrir. Lægsta tilboðið er rúmlega 50 prósentum hærra en gert er ráð fyrir í fjárhagsáætlun. Ekki hefur verið tekin afstaða til tilboðanna. Nokkur óvissa ríkir því um framhald málsins. Nú í aðdraganda kosninga halda íþróttafélögin enn uppteknum hætti. Í nýlegri færslu í lokuðum Facebook-hóp iðkenda á unglingsaldri í Haukum, vakti þjálfari athygli á prófkjöri Sjálfstæðisflokksins og benti iðkendunum á hvernig mætti skrá sig í flokkinn og veita þeim brautargengi sem helst væru stuðningsmenn knatthúss fyrir Hauka. Þrátt fyrir að fjárhagsáætlun bæjarins geri eingöngu ráð fyrir bygginu knatthúss í Kaplakrika, segir á Facebook-síðu Hauka frá skoðunarferð fulltrúa félagsins með lykilstjórnendum bæjarins í nokkur nýleg knatthús. Deiliskipulagsvinna sé hafin fyrir Ásvelli þar sem ljóst sé að stórt upphitað knatthús muni rísa á næstu misserum. Aðspurður segir Haraldur L. Haraldsson, bæjarstjóri í Hafnarfirði, að ekki sé gert ráð fyrir fjármagni til slíkrar byggingar á Ásvöllum í fjárhagsáætlun en í greinargerð með henni segi að ganga eigi til samninga við félagið á þessu ári um undirbúning og hönnun knatthúss að Ásvöllum.Borghildur Sturludóttir, varabæjarfulltrúi Bjartrar framtíðar í Hafnarfirði, þurfti að taka pokann sinn í skipulags- og byggingaráði eftir átakafund í bæjarstjórn í fyrradag, meðal annars vegna afstöðu til knatthúsaVísir/ernirEkki sér fyrir endann á átökunum „Ég er ekki kosin til að vera sammála Sjálfstæðisflokknum og mér finnst alveg sjálfsagt að það sé tekist á um mál og aðferðafræði, en ég er engin átakakona,“ segir Borghildur Sturludóttir sem var látin taka pokann sinn í skipulags- og byggingaráði Hafnarfjarðar eftir hitafund í bæjarstjórn í fyrradag. Þrýstingur íþróttafélaganna FH og Hauka í Hafnarfirði um byggingu knatthúsa er stöðug uppspretta átaka í bæjarpólitíkinni þar. Á kjörtímabilinu hefur reglulega hrikt í stoðum meirihlutasamstarfs Sjálfstæðisflokks og Bjartrar framtíðar vegna knatthúsamálsins sem er svo heitt að Björt framtíð í Hafnarfirði hefur liðast í sundur, bæjarfulltrúarnir hafa sagt sig úr flokknum og hreinsað þá fulltrúa sem enn eru í flokknum úr nefndum og ráðum bæjarins. Borghildur hefur verið á öndverðum meiði við meirihlutann í knatthúsamálinu og hefur meðal annars lagt áherslu á óháða staðarvalsgreiningu fyrir nýtt knatthús. „Við höfum verið að tækla fullt af erfiðum málum og iðulega verið samhugur um að gera vel. Nema þarna, þarna er alger klofningur,“ segir Borghildur um knatthúsin og bætir við: „Annaðhvort er fólk að fylgja hagsmunum FH og setja þá ofar hagsmunum bæjarbúa, eða það er bara að hugsa um prófkjör og atkvæði.“ Borghildur hefur ásamt Pétri Óskarssyni varabæjarfulltrúa sent erindi á ráðuneyti sveitarstjórnarmála og óskað eftir að verklag á fyrrnefndum bæjarstjórnarfundi verði tekið til skoðunar og boðað stjórnsýslukæru að öðrum kosti. Þá hafa þau farið þess á leit við dómsmálaráðuneytið að það taki kjörgengi Einars Birkis Einarssonar bæjarfulltrúa til athugunar en eins og Fréttablaðið greindi frá fyrir skömmu er Einar búsettur í Kópavogi en hefur lögheimili sitt skráð á heimili systur sinnar í Hafnarfirði.
Birtist í Fréttablaðinu Sveitarstjórnarmál Tengdar fréttir Ráku menn BF úr öllum ráðum Meirihluti bæjarstjórnar Hafnarfjarðar samþykkti í gær á hitafundi að víkja Borghildi Sturludóttur og Pétri Óskarssyni úr nefndum og ráðum sem þau hafa setið í fyrir hönd Bjartrar framtíðar 12. apríl 2018 06:00 Viðreisn með sérframboð í Hafnarfirði vegna átaka innan Bjartrar framtíðar Hætt hefur verið við sameiginlegt framboð Viðreisnar og Bjartrar framtíðar í Hafnarfirði fyrir sveitarstjórnarkosningarnar í vor. 12. apríl 2018 19:09 Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Tveir reyndust í skotti bíls Innlent Fagna löngu tímabærri breytingu Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Ráku menn BF úr öllum ráðum Meirihluti bæjarstjórnar Hafnarfjarðar samþykkti í gær á hitafundi að víkja Borghildi Sturludóttur og Pétri Óskarssyni úr nefndum og ráðum sem þau hafa setið í fyrir hönd Bjartrar framtíðar 12. apríl 2018 06:00
Viðreisn með sérframboð í Hafnarfirði vegna átaka innan Bjartrar framtíðar Hætt hefur verið við sameiginlegt framboð Viðreisnar og Bjartrar framtíðar í Hafnarfirði fyrir sveitarstjórnarkosningarnar í vor. 12. apríl 2018 19:09