Stuðningsmenn Áslaugar virkastir á Facebook Jakob Bjarnar skrifar 26. janúar 2018 11:12 Ef einhverjar vísbendingar má finna í fjölda stuðningsmanna á Facebook, þá stendur slagurinn um leiðtogasætið milli þeirra Áslaugar og Eyþórs. Kosið verður í leiðtogakjöri Sjálfstæðismanna í borginni á morgun milli klukkan 10 og 18. Mikill hiti hefur færst í leikinn og virðist slagurinn einkum standa á milli Áslaugar Friðriksdóttur og Eyþórs Arnalds. Eins og sjá mátti til að mynda á þessari frétt Vísis frá í gær. Ekki liggja fyrir neinar skoðanakannanir á fylgi svo vitað sé en það eru leiðir til að geta sér til um hvernig landið liggur. Vísbendingar. Langt er síðan stjórnmálamenn tóku að nýta sér samfélagsmiðla í auglýsingaskyni. Þá er gjarnan sá háttur hafður á að stofnuð er sérstök „læk-síða“, sem er frábrugðin persónulegum Facebook-síðum og kallast samfélagssíður. Allir þeir sem bjóða sig fram í leiðtogaprófkjörinu hafa sett upp slíka síðu. Eða, næstum því allir. Vilhjálmur Bjarnason, fyrrverandi þingmaður, stendur ekki í slíku.Áslaug og hennar fólk er virkast á Facebook. Spurning hvort það gefur vísbendingu um hvernig fer á morgun.Slíkar síður eru alla jafnan settar upp til að halda utan um eitthvað tiltekið efni, allt það sem snýr að viðkomandi, stjórnmálamanni í þessu tilviki. Þetta eru ekki persónulegar síður heldur er tilteknum afmörkuðum skilaboðum komið á framfæri, þar má gjarnan finna tilkynningar um viðburði og eða myndbönd frá stjórnmálamönnunum þar sem þeir hnykkja á helstu stefnumálum sínum og áherslum. En, ef þessar síður eru skoðaðar kemur á daginn að Áslaug Friðriksdóttir borgarfulltrúi nýtur mests fylgis á Facebook. Þegar Vísir fór á stúfana í morgun til að skoða hvernig landið liggur á þessum mikla og umdeilda samfélagsmiðli þá höfðu 2.152 manns „lækað“ stjórnmálasíðuna Áslaug María Friðriksdóttir.Sérstakar samfélagssíður nota stjórnmálamenn til að koma á framfæri tilkynningum á borð við kosningakaffi.Eyþór Arnalds athafnamaður er í öðru sætinu í þessum efnum. 1,744 hafa sett læk við kosningasíðu hans og ljóst að hann má herða sig, samkvæmt þessu.Síða Eyþórs er þó lífleg vel og virk vel. Þar má til að mynda finna vel unnið myndband þar sem rætt er við félaga hans í Tappa Tíkarass, Jakob Magnússon bassaleikara, sem talar vel um sinn mann og Eyþór sjálfur lýsir því yfir að pönkið sé frelsi. Þau Áslaug og Eyþór hafa mikla yfirburði á þessu sviði og sé litið til þess má ljóst vera að slagurinn er milli þeirra. Vert er þó að setja hér alla fyrirvara á, vitaskuld eru ýmis önnur atriði sem munu ráða úrslitum en virkni á Facebook.Erfitt er að gera greinarmun á persónulegri síðu Kjartans Magnússonar og svo samfélagssíðunni stjórnmálamaðurinn Kjartan Magnússon.Kjartan Magnússon borgarfulltrúi er aftarlega á merinni í þessum efnum. Það verður bara að segjast alveg eins og er. Ef við viljum lesa einhverjar vísbendingar í virkni á þessum pólitísku síðum frambjóðenda þá mun hann ekki ríða feitum hesti frá kosningunum á morgun. En, þess ber þó að geta að varhugavert gæti reynst að afskrifa Kjartan sem hefur starfað með flokknum frá blautu barnsbeini og er heimagangur í Valhöll sem mun eflaust gagnast honum vel í þessum slag. En, einungis 113 manns hafa smellt á þar til gerðan hnapp til marks um að þeim líki vel þetta tiltekna framtak hans. Kjartan leggur ekki mikið í samfélagssíðuna Kjartan Magnússon stjórnmálamaður og reyndar er erfitt að gera greinarmun á henni og svo persónulegri Facebooksíðu Kjartans.Ábúðarfullur er titillinn á síðu Viðars. Þar er mynd af Ali og á síðunni má finna nokkur myndbandsbrot þar sem hann lýsir grjóthörðum sjónarmiðum sínum. Viðar er mikill talsmaður eignarréttar en hefur þó fengið höfundarréttarvarða mynd Vísis lánaða í prófílinn.Viðar Guðjohnsen er án nokkurs vafa sá maður sem hefur valdið mestum usla í tengslum við leiðtogaslaginn. Hann hefur vakið mikla athygli fyrir grjóthörð harðlínuhægri-sjónarmið, hreinan og kláran Darwinisma sem gengur út á að þeir sterkustu lifi af. En, þó Viðar sé vaskur júdógarpur þá á hann lítið í þau Áslaugu og Eyþór á þessum vettvangi. En, hann leggur Kjartan: 394 hafa klikkað á læk-hnappinn á samfélagssíðu hans. Vilhjálmur Bjarnason hefur hins vegar ekki haft fyrir því að setja upp sérstaka síðu vegna leiðtogakjörsins eða það að halda utan um allt það sem snýr að stjórnmálamanninum Vilhjálmi. Við erum því að tala um 0 þegar hann er annars vegar í því samhengi. Vilhjálmur notar hins vegar sína persónulegu Facebooksíðu til að koma á framfæri athugasemdum bjóði honum svo við að horfa.Vilhjálmur Bjarnason notar bara sína prívat Facebooksíðu til að koma á framfæri skilaboðum til stuðningsmanna sinna, til að mynda með að vitna í skopmyndateiknara Moggans. Sveitarstjórnarkosningar Tengdar fréttir Bönnuðu framsögu Áslaugar á síðustu stundu Áslaug Friðriksdóttir borgarfulltrúi er svekkt yfir því að kjörstjórn hafi komið í veg fyrir erindi hennar í Valhöll í dag og telur að ástæðan hafi verið kvörtun frá mótframbjóðanda. 25. janúar 2018 15:45 Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Eiginmaður íslenskrar konu lét sig hverfa rétt eftir brúðkaupið Innlent Kona réðst að sjö ára dreng við Smáraskóla Innlent Vörpuðu líkum fram af húsþaki á Vesturbakkanum Erlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira
Kosið verður í leiðtogakjöri Sjálfstæðismanna í borginni á morgun milli klukkan 10 og 18. Mikill hiti hefur færst í leikinn og virðist slagurinn einkum standa á milli Áslaugar Friðriksdóttur og Eyþórs Arnalds. Eins og sjá mátti til að mynda á þessari frétt Vísis frá í gær. Ekki liggja fyrir neinar skoðanakannanir á fylgi svo vitað sé en það eru leiðir til að geta sér til um hvernig landið liggur. Vísbendingar. Langt er síðan stjórnmálamenn tóku að nýta sér samfélagsmiðla í auglýsingaskyni. Þá er gjarnan sá háttur hafður á að stofnuð er sérstök „læk-síða“, sem er frábrugðin persónulegum Facebook-síðum og kallast samfélagssíður. Allir þeir sem bjóða sig fram í leiðtogaprófkjörinu hafa sett upp slíka síðu. Eða, næstum því allir. Vilhjálmur Bjarnason, fyrrverandi þingmaður, stendur ekki í slíku.Áslaug og hennar fólk er virkast á Facebook. Spurning hvort það gefur vísbendingu um hvernig fer á morgun.Slíkar síður eru alla jafnan settar upp til að halda utan um eitthvað tiltekið efni, allt það sem snýr að viðkomandi, stjórnmálamanni í þessu tilviki. Þetta eru ekki persónulegar síður heldur er tilteknum afmörkuðum skilaboðum komið á framfæri, þar má gjarnan finna tilkynningar um viðburði og eða myndbönd frá stjórnmálamönnunum þar sem þeir hnykkja á helstu stefnumálum sínum og áherslum. En, ef þessar síður eru skoðaðar kemur á daginn að Áslaug Friðriksdóttir borgarfulltrúi nýtur mests fylgis á Facebook. Þegar Vísir fór á stúfana í morgun til að skoða hvernig landið liggur á þessum mikla og umdeilda samfélagsmiðli þá höfðu 2.152 manns „lækað“ stjórnmálasíðuna Áslaug María Friðriksdóttir.Sérstakar samfélagssíður nota stjórnmálamenn til að koma á framfæri tilkynningum á borð við kosningakaffi.Eyþór Arnalds athafnamaður er í öðru sætinu í þessum efnum. 1,744 hafa sett læk við kosningasíðu hans og ljóst að hann má herða sig, samkvæmt þessu.Síða Eyþórs er þó lífleg vel og virk vel. Þar má til að mynda finna vel unnið myndband þar sem rætt er við félaga hans í Tappa Tíkarass, Jakob Magnússon bassaleikara, sem talar vel um sinn mann og Eyþór sjálfur lýsir því yfir að pönkið sé frelsi. Þau Áslaug og Eyþór hafa mikla yfirburði á þessu sviði og sé litið til þess má ljóst vera að slagurinn er milli þeirra. Vert er þó að setja hér alla fyrirvara á, vitaskuld eru ýmis önnur atriði sem munu ráða úrslitum en virkni á Facebook.Erfitt er að gera greinarmun á persónulegri síðu Kjartans Magnússonar og svo samfélagssíðunni stjórnmálamaðurinn Kjartan Magnússon.Kjartan Magnússon borgarfulltrúi er aftarlega á merinni í þessum efnum. Það verður bara að segjast alveg eins og er. Ef við viljum lesa einhverjar vísbendingar í virkni á þessum pólitísku síðum frambjóðenda þá mun hann ekki ríða feitum hesti frá kosningunum á morgun. En, þess ber þó að geta að varhugavert gæti reynst að afskrifa Kjartan sem hefur starfað með flokknum frá blautu barnsbeini og er heimagangur í Valhöll sem mun eflaust gagnast honum vel í þessum slag. En, einungis 113 manns hafa smellt á þar til gerðan hnapp til marks um að þeim líki vel þetta tiltekna framtak hans. Kjartan leggur ekki mikið í samfélagssíðuna Kjartan Magnússon stjórnmálamaður og reyndar er erfitt að gera greinarmun á henni og svo persónulegri Facebooksíðu Kjartans.Ábúðarfullur er titillinn á síðu Viðars. Þar er mynd af Ali og á síðunni má finna nokkur myndbandsbrot þar sem hann lýsir grjóthörðum sjónarmiðum sínum. Viðar er mikill talsmaður eignarréttar en hefur þó fengið höfundarréttarvarða mynd Vísis lánaða í prófílinn.Viðar Guðjohnsen er án nokkurs vafa sá maður sem hefur valdið mestum usla í tengslum við leiðtogaslaginn. Hann hefur vakið mikla athygli fyrir grjóthörð harðlínuhægri-sjónarmið, hreinan og kláran Darwinisma sem gengur út á að þeir sterkustu lifi af. En, þó Viðar sé vaskur júdógarpur þá á hann lítið í þau Áslaugu og Eyþór á þessum vettvangi. En, hann leggur Kjartan: 394 hafa klikkað á læk-hnappinn á samfélagssíðu hans. Vilhjálmur Bjarnason hefur hins vegar ekki haft fyrir því að setja upp sérstaka síðu vegna leiðtogakjörsins eða það að halda utan um allt það sem snýr að stjórnmálamanninum Vilhjálmi. Við erum því að tala um 0 þegar hann er annars vegar í því samhengi. Vilhjálmur notar hins vegar sína persónulegu Facebooksíðu til að koma á framfæri athugasemdum bjóði honum svo við að horfa.Vilhjálmur Bjarnason notar bara sína prívat Facebooksíðu til að koma á framfæri skilaboðum til stuðningsmanna sinna, til að mynda með að vitna í skopmyndateiknara Moggans.
Sveitarstjórnarkosningar Tengdar fréttir Bönnuðu framsögu Áslaugar á síðustu stundu Áslaug Friðriksdóttir borgarfulltrúi er svekkt yfir því að kjörstjórn hafi komið í veg fyrir erindi hennar í Valhöll í dag og telur að ástæðan hafi verið kvörtun frá mótframbjóðanda. 25. janúar 2018 15:45 Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Eiginmaður íslenskrar konu lét sig hverfa rétt eftir brúðkaupið Innlent Kona réðst að sjö ára dreng við Smáraskóla Innlent Vörpuðu líkum fram af húsþaki á Vesturbakkanum Erlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira
Bönnuðu framsögu Áslaugar á síðustu stundu Áslaug Friðriksdóttir borgarfulltrúi er svekkt yfir því að kjörstjórn hafi komið í veg fyrir erindi hennar í Valhöll í dag og telur að ástæðan hafi verið kvörtun frá mótframbjóðanda. 25. janúar 2018 15:45