Breyta húsinu í fjölbýli í trássi við vilja íbúa í Furugrund Baldur Guðmundsson skrifar 22. desember 2017 07:00 Engin starfsemi hefur verið í stórum hluta hússins lengi. Íbúar í Furugrund segja bygginguna og og umhverfi hennar hverfinu til skammar. vísir/vilhelm „Það er ekki hægt að segja neinum að reka búð þarna. Á meðan Kópavogsbær vill ekki kaupa þessa eign, þá er þetta erfitt,“ segir Margrét Júlía Rafnsdóttir, bæjarfulltrúi í minnihluta í Kópavogi. Á síðasta fundi skipulagsráðs var lögð fram tillaga að breyttu aðalskipulagi vegna Furugrundar 3, verslunarhúsnæðis sem deilt hefur verið um árum saman. Tillagan miðar að því að reiturinn sem húsið stendur á, þar sem áður var meðal annars Snæland video og verslun Nóatúns, verði skilgreindur sem íbúðarsvæði en ekki verslunar- og þjónustusvæði. „Breyta á núverandi húsnæði að Furugrund 3 þannig að byggð verður hæð ofan á núverandi hús. Eftir breytinguna verður húsið að Furugrund 3 um 1.800 fermetrar að samanlögðum gólffleti með allt að 12 íbúðum,“ segir í tillögunni. Í kjallaranum, þriðjungi hússins, verður þó verslun- og þjónusta, ásamt geymslum.Fyrsta Snæland video-sjoppan var um langa hríð rekin í húsinu.vísir/vilhelmFram kemur að verslunarstarfsemi í húsinu hafi dregist saman á undanförnum árum og viðskiptin hafi færst á önnur verslunar- og þjónustusvæði, svo sem við Nýbýlaveg. Lóðin var seld árið 2014 og hugðust kaupendur byggja 32 íbúða hótel á henni. Þær fyrirætlanir féllu í grýttan jarðveg hjá íbúum hverfisins. Fréttablaðið hefur rætt við fjöldann allan af íbúum á svæðinu en þeir hafa undanfarin ár haldið á lofti háværum andmælum gegn því að verslunarhúsinu verði breytt í íbúðir. Á þeim mörgum má heyra að þá hafi brostið þrótt til að berjast í málinu. Meirihluti bæjarstjórnar hafi engan áhuga á að mæta óskum íbúa og við ofurefli væri að etja. Samráð við þá hafi verið til að sýnast. Þrír óskyldir viðmælendur höfðu með einum eða öðrum hætti á orði við blaðamann að íbúar á svæðinu litu á Furugrund 3 sem kosningamál næsta vor, þegar kosið verður til bæjarstjórnar. Fulltrúar meirihlutans gætu ekki vænst mikils stuðnings úr hverfinu.Margrét Júlía Rafnsdóttir, bæjarfulltrúi Vinstri grænna í Kópavogi, vill færri en stærri íbúðir.Helga Jónsdóttir er íbúi í Furugrund 62 en er jafnframt skólastjóri Leikskólans Furugrundar. Bílastæði leikskólans skilur húsnæði leikskólans og Furugrundar 3 að. Hún segir að bílastæðavandi sé viðvarandi umhverfis leikskólann og að 12 íbúðir væru síst til þess fallnar að greiða úr þeim vanda. Hún er á meðal þeirra íbúa í Furugrund 62 sem sendu athugasemd til skipulagsráðs vegna tillögu bæjarins um breytingu á aðalskipulagi. Í henni kemur fram að húsnæðið myndi þjóna íbúum hverfisins best sem verslunar- og þjónustuhúsnæði. Þá hafi breyting á húsnæðinu í för með sér grundvallarbreytingar á útsýni íbúa. Í athugasemdinni er bent á að 14 númerslausir og skemmdir bílar standi á lóðinni við Furugrund 3 og að umgengni eiganda hússins sé „fyrir neðan öll velsæmismörk“. Lóðin sé full af drasli hringinn í kring um bygginguna. Gróðri hafi ekki verið sinnt síðan 2008. „Byggingin og umhverfi hennar er hverfinu okkar til skammar og það útlit sem blasir þarna við bæði gestum og gangandi er ekki boðlegt.“ Lagt er til í athugasemdinni að byggðar verði færri og stærri íbúðir, til að mæta þeim skorti á stærri íbúðum sem viðvarandi er í hverfinu. Nánast ómögulegt sé fyrir stækkandi fjölskyldur að stækka við sig innan hverfis. Í sama streng tekur Margrét Júlía, sem lét á fundi skipulagsráðs bóka að mikil óánægja væri á meðal íbúa í nágrenninu vegna fyrirhugaðra breytinga. Fjöldi undirskrifta og athugasemda hefðu borist bænum. Hún leggur líka til að færri íbúðir verði í húsinu, en að þær verði þriggja til fjögurra herbergja. Þá verði húsið ekki hækkað. „Mikilvægt er að gefa fjölskyldum kost á að halda sig innan skólahverfa við flutning, til að raska sem minnst högum barnanna. Því legg ég til að í Furugrund 3 komi 4ra herbergja íbúðir,“ bókaði hún. Margrét segir að gera megi ráð fyrir að málið komi til kasta bæjarstjórnar í janúar. Birtist í Fréttablaðinu Húsnæðismál Skipulag Mest lesið „Þetta er orðið pínu þreytt, tveir bílar á sex dögum“ Innlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Nafn mannsins sem lést í Garðabæ Innlent Einhleypir karlmenn standa verst Innlent „Þeir voru fullir af hatri á meðan þeir lömdu mig“ Innlent „Stórtækir íbúðareigendur“ eiga 20 prósent íbúða í borginni Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Engin mygla í 200 húsum byggingameistara á Selfossi Innlent Segir gögn fyrir hendi sem sanni glæpsamlegt athæfi Erlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira
„Það er ekki hægt að segja neinum að reka búð þarna. Á meðan Kópavogsbær vill ekki kaupa þessa eign, þá er þetta erfitt,“ segir Margrét Júlía Rafnsdóttir, bæjarfulltrúi í minnihluta í Kópavogi. Á síðasta fundi skipulagsráðs var lögð fram tillaga að breyttu aðalskipulagi vegna Furugrundar 3, verslunarhúsnæðis sem deilt hefur verið um árum saman. Tillagan miðar að því að reiturinn sem húsið stendur á, þar sem áður var meðal annars Snæland video og verslun Nóatúns, verði skilgreindur sem íbúðarsvæði en ekki verslunar- og þjónustusvæði. „Breyta á núverandi húsnæði að Furugrund 3 þannig að byggð verður hæð ofan á núverandi hús. Eftir breytinguna verður húsið að Furugrund 3 um 1.800 fermetrar að samanlögðum gólffleti með allt að 12 íbúðum,“ segir í tillögunni. Í kjallaranum, þriðjungi hússins, verður þó verslun- og þjónusta, ásamt geymslum.Fyrsta Snæland video-sjoppan var um langa hríð rekin í húsinu.vísir/vilhelmFram kemur að verslunarstarfsemi í húsinu hafi dregist saman á undanförnum árum og viðskiptin hafi færst á önnur verslunar- og þjónustusvæði, svo sem við Nýbýlaveg. Lóðin var seld árið 2014 og hugðust kaupendur byggja 32 íbúða hótel á henni. Þær fyrirætlanir féllu í grýttan jarðveg hjá íbúum hverfisins. Fréttablaðið hefur rætt við fjöldann allan af íbúum á svæðinu en þeir hafa undanfarin ár haldið á lofti háværum andmælum gegn því að verslunarhúsinu verði breytt í íbúðir. Á þeim mörgum má heyra að þá hafi brostið þrótt til að berjast í málinu. Meirihluti bæjarstjórnar hafi engan áhuga á að mæta óskum íbúa og við ofurefli væri að etja. Samráð við þá hafi verið til að sýnast. Þrír óskyldir viðmælendur höfðu með einum eða öðrum hætti á orði við blaðamann að íbúar á svæðinu litu á Furugrund 3 sem kosningamál næsta vor, þegar kosið verður til bæjarstjórnar. Fulltrúar meirihlutans gætu ekki vænst mikils stuðnings úr hverfinu.Margrét Júlía Rafnsdóttir, bæjarfulltrúi Vinstri grænna í Kópavogi, vill færri en stærri íbúðir.Helga Jónsdóttir er íbúi í Furugrund 62 en er jafnframt skólastjóri Leikskólans Furugrundar. Bílastæði leikskólans skilur húsnæði leikskólans og Furugrundar 3 að. Hún segir að bílastæðavandi sé viðvarandi umhverfis leikskólann og að 12 íbúðir væru síst til þess fallnar að greiða úr þeim vanda. Hún er á meðal þeirra íbúa í Furugrund 62 sem sendu athugasemd til skipulagsráðs vegna tillögu bæjarins um breytingu á aðalskipulagi. Í henni kemur fram að húsnæðið myndi þjóna íbúum hverfisins best sem verslunar- og þjónustuhúsnæði. Þá hafi breyting á húsnæðinu í för með sér grundvallarbreytingar á útsýni íbúa. Í athugasemdinni er bent á að 14 númerslausir og skemmdir bílar standi á lóðinni við Furugrund 3 og að umgengni eiganda hússins sé „fyrir neðan öll velsæmismörk“. Lóðin sé full af drasli hringinn í kring um bygginguna. Gróðri hafi ekki verið sinnt síðan 2008. „Byggingin og umhverfi hennar er hverfinu okkar til skammar og það útlit sem blasir þarna við bæði gestum og gangandi er ekki boðlegt.“ Lagt er til í athugasemdinni að byggðar verði færri og stærri íbúðir, til að mæta þeim skorti á stærri íbúðum sem viðvarandi er í hverfinu. Nánast ómögulegt sé fyrir stækkandi fjölskyldur að stækka við sig innan hverfis. Í sama streng tekur Margrét Júlía, sem lét á fundi skipulagsráðs bóka að mikil óánægja væri á meðal íbúa í nágrenninu vegna fyrirhugaðra breytinga. Fjöldi undirskrifta og athugasemda hefðu borist bænum. Hún leggur líka til að færri íbúðir verði í húsinu, en að þær verði þriggja til fjögurra herbergja. Þá verði húsið ekki hækkað. „Mikilvægt er að gefa fjölskyldum kost á að halda sig innan skólahverfa við flutning, til að raska sem minnst högum barnanna. Því legg ég til að í Furugrund 3 komi 4ra herbergja íbúðir,“ bókaði hún. Margrét segir að gera megi ráð fyrir að málið komi til kasta bæjarstjórnar í janúar.
Birtist í Fréttablaðinu Húsnæðismál Skipulag Mest lesið „Þetta er orðið pínu þreytt, tveir bílar á sex dögum“ Innlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Nafn mannsins sem lést í Garðabæ Innlent Einhleypir karlmenn standa verst Innlent „Þeir voru fullir af hatri á meðan þeir lömdu mig“ Innlent „Stórtækir íbúðareigendur“ eiga 20 prósent íbúða í borginni Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Engin mygla í 200 húsum byggingameistara á Selfossi Innlent Segir gögn fyrir hendi sem sanni glæpsamlegt athæfi Erlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira