Léttist um 25 kíló á einu ári: Mikil hvatning í myndunum Lilja Katrín Gunnarsdóttir skrifar 13. nóvember 2017 19:30 „Það er kannski klisja en mér hefur aldrei liðið betur, ég er öruggari með sjálfa mig og hef gaman af því sem ég er að gera,“ segir hin 23ja ára Hekla Skjaldardóttir. Hún ákvað að breyta um lífsstíl fyrir nokkrum árum og sér ekki eftir því í dag.Skrópaði í íþróttum og vissi ekkert um næringu „Ég get nú ekki sagt að það hafi verið einhver ein dramatísk stund þar sem ég ákvað það að breyta um lífsstíl. Ég hef aldrei verið einhver íþróttatýpa, þannig að hreyfing var bara ekki á minni dagskrá þegar ég var unglingur. Ég hef akkúrat ekkert keppnisskap og áhuginn var af skornum skammti. Ég var líka alveg týpan sem var dugleg að skrópa í íþróttum, einfaldlega af því að ég nennti ekki að standa í þessu. Mér fannst vesen að svitna og þurfa að fara í sturtu eftir tímana,“ segir Hekla og bætir við að hún hafi lítið sem ekkert spáð í holla næringu. „Mataræðið var nokkurn veginn í takt við þetta. Ég segi nú ekki að það hafi verið alslæmt en ég bara pældi ekkert í því. Ég borðaði í raun bara það sem ég vildi þegar ég vildi og áttaði mig engan veginn á því hvaða næring væri nauðsynlegt fyrir mig að fá og hvenær.“Heklu hefur aldrei liðið betur með sig sjálfa.Mynd / Úr einkasafniByrjaði allt í Zumba Hekla er að norðan en flutti til Reykjavíkur til að næla sér í BA gráðu í mannfræði í Háskóla Íslands. Þá breyttist margt. „Eftir að ég flutti til Reykjavíkur var vinkona mín alltaf að tuða í mér í að koma með sér í Zumba. Ég hélt nú ekki, enda í engu formi og hafði engan áhuga á að gera mig að fífli með því að fara í Zumba tíma og dansa fyrir framan ókunnugt fólk,“ segir Hekla og brosir þegar hún rifjar þetta upp. Vinkonan var þrjósk og á endanum gaf Hekla sig. „Suðið skilaði sér og ég fór reglulega í Zumba í sirka tvö ár. Eftir það langaði mig að bæta við mig aukahreyfingu. Ég fann að mér leið vel á því að hreyfa mig og vildi gera meira af því.“25 kíló fuku á einu ári Hekla skráði sig í einkaþjálfun í tvo mánuði sumarið 2016. „Það er víst ekki mjög hengugt fyrir fátæka námsmenn að vera í einkaþjálfun í langan tíma þannig að ég fór að velta fyrir mér hvað væri í boði og leist svona vel á fjarþjálfunina frá FitSuccess. Ég sló til og skráði mig og ætli það hafði ekki verið sú ákvörðun sem hafði hvað mest að segja í því að ég breytti um lífsstíl,“ segir Hekla, sem náði frábærum árangri á aðeins einu ári. „Í þjálfuninni hjá FitSuccess lærði ég líka nauðsynlega hluti um mataræðið, sem er nefnilega stærsti parturinn í því að bæta líkamlegt form. Ég sinnti þjálfuninni mjög samvisksamlega og það hentaði mér mjög vel að borða eftir matarplani. Það gerði ég í næstum því eitt ár ásamt því að ég mætti fimm til sex sinnum í viku í ræktina, tók lyftingaræfingar og svo Zumba einu sinni til tvisvar sinnum í viku. Ég fann það fljótt að ég varð „háð“ því að borða hollt og að hreyfa mig því að ég veit hversu vel mér líður af því. Á sirka einu ári léttist ég um 25 kíló.“Heklu líður best þegar hún er að hreyfa sig og hugsa vel um sig sjálfa.Mynd / Úr einkasafniVar nokkuð þung á sér andlega Hekla er 23ja ára í dag og er mjög þakklát fyri rað hafa tekið þá ákvörðun að breyta lífi sínu. Henni gekk reyndar svo vel í sinni sjálfskoðun að hún er nú starfsmaður hjá fyrrnefndu FitSuccess. „Ég veit að ég var svo sem aldrei í mjög mikilli ofþyngd en ég er frekar hávaxin þannig að ég var nokkuð þung og þess vegna finnst mér kílóatalan ekki skipta það miklu máli. Það voru alveg tímar þegar ég var í mínu versta líkamlega formi að ég var nokkuð þung á mér andlega. Ég finn það líka að ég er mun léttari bæði á líkama og sál þegar ég hreyfi mig reglulega og borða vel. Ég get sagt það að ég náði að koma mér á þann stað sem mér líður best og nú er markmiðið bara að halda mér þar,“ segir Hekla. Henni finnst myndir hvetja sig áfram. „Mér finnst skemmtilegt að fylgjast með myndum, en í fjarþjálfuninni þurfti ég að taka myndir mánaðarlega ásamt því að skila inn ummálsmælingum. Það var mjög gaman að fylgjast með þeirri þróun hjá mér, það var virkilega mikil hvatning.“En hvað vill Hekla segja við fólk sem vill breyta um lífsstíl en kemur sér ekki af stað? „Ef að fólk er að hugsa um það að breyta venjunum sínum þá þarf fyrst og fremst að setja sér raunhæf markmið, ekki ætla sér of stóra hluti til að byrja með heldur er bara um að gera að bæta hægt og rólega í. Það geta allir náð árangri, það tekur bara sinn tíma og það er nauðsynlegt að hafa gott skipulag í þessu öllu saman. Svo verður maður að sjálfsögðu að muna að hafa gaman í leiðinni.“ Heilsa Mest lesið Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Dolly gefur 135 milljónir vegna Helenu Lífið „Ég var heppinn. En ekki hann“ Lífið Karlmennskuhlaðvarpið heyrir sögunni til Lífið „Það braut ísinn að við hefðum deitað sama gaurinn“ Lífið Sigmundur og hvolpurinn gleðjast yfir fylgi Miðflokksins Lífið Skrúfaði titrarann í sundur til að forða nágrönnum frá ónæði Lífið Fleiri fréttir Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Sjá meira
„Það er kannski klisja en mér hefur aldrei liðið betur, ég er öruggari með sjálfa mig og hef gaman af því sem ég er að gera,“ segir hin 23ja ára Hekla Skjaldardóttir. Hún ákvað að breyta um lífsstíl fyrir nokkrum árum og sér ekki eftir því í dag.Skrópaði í íþróttum og vissi ekkert um næringu „Ég get nú ekki sagt að það hafi verið einhver ein dramatísk stund þar sem ég ákvað það að breyta um lífsstíl. Ég hef aldrei verið einhver íþróttatýpa, þannig að hreyfing var bara ekki á minni dagskrá þegar ég var unglingur. Ég hef akkúrat ekkert keppnisskap og áhuginn var af skornum skammti. Ég var líka alveg týpan sem var dugleg að skrópa í íþróttum, einfaldlega af því að ég nennti ekki að standa í þessu. Mér fannst vesen að svitna og þurfa að fara í sturtu eftir tímana,“ segir Hekla og bætir við að hún hafi lítið sem ekkert spáð í holla næringu. „Mataræðið var nokkurn veginn í takt við þetta. Ég segi nú ekki að það hafi verið alslæmt en ég bara pældi ekkert í því. Ég borðaði í raun bara það sem ég vildi þegar ég vildi og áttaði mig engan veginn á því hvaða næring væri nauðsynlegt fyrir mig að fá og hvenær.“Heklu hefur aldrei liðið betur með sig sjálfa.Mynd / Úr einkasafniByrjaði allt í Zumba Hekla er að norðan en flutti til Reykjavíkur til að næla sér í BA gráðu í mannfræði í Háskóla Íslands. Þá breyttist margt. „Eftir að ég flutti til Reykjavíkur var vinkona mín alltaf að tuða í mér í að koma með sér í Zumba. Ég hélt nú ekki, enda í engu formi og hafði engan áhuga á að gera mig að fífli með því að fara í Zumba tíma og dansa fyrir framan ókunnugt fólk,“ segir Hekla og brosir þegar hún rifjar þetta upp. Vinkonan var þrjósk og á endanum gaf Hekla sig. „Suðið skilaði sér og ég fór reglulega í Zumba í sirka tvö ár. Eftir það langaði mig að bæta við mig aukahreyfingu. Ég fann að mér leið vel á því að hreyfa mig og vildi gera meira af því.“25 kíló fuku á einu ári Hekla skráði sig í einkaþjálfun í tvo mánuði sumarið 2016. „Það er víst ekki mjög hengugt fyrir fátæka námsmenn að vera í einkaþjálfun í langan tíma þannig að ég fór að velta fyrir mér hvað væri í boði og leist svona vel á fjarþjálfunina frá FitSuccess. Ég sló til og skráði mig og ætli það hafði ekki verið sú ákvörðun sem hafði hvað mest að segja í því að ég breytti um lífsstíl,“ segir Hekla, sem náði frábærum árangri á aðeins einu ári. „Í þjálfuninni hjá FitSuccess lærði ég líka nauðsynlega hluti um mataræðið, sem er nefnilega stærsti parturinn í því að bæta líkamlegt form. Ég sinnti þjálfuninni mjög samvisksamlega og það hentaði mér mjög vel að borða eftir matarplani. Það gerði ég í næstum því eitt ár ásamt því að ég mætti fimm til sex sinnum í viku í ræktina, tók lyftingaræfingar og svo Zumba einu sinni til tvisvar sinnum í viku. Ég fann það fljótt að ég varð „háð“ því að borða hollt og að hreyfa mig því að ég veit hversu vel mér líður af því. Á sirka einu ári léttist ég um 25 kíló.“Heklu líður best þegar hún er að hreyfa sig og hugsa vel um sig sjálfa.Mynd / Úr einkasafniVar nokkuð þung á sér andlega Hekla er 23ja ára í dag og er mjög þakklát fyri rað hafa tekið þá ákvörðun að breyta lífi sínu. Henni gekk reyndar svo vel í sinni sjálfskoðun að hún er nú starfsmaður hjá fyrrnefndu FitSuccess. „Ég veit að ég var svo sem aldrei í mjög mikilli ofþyngd en ég er frekar hávaxin þannig að ég var nokkuð þung og þess vegna finnst mér kílóatalan ekki skipta það miklu máli. Það voru alveg tímar þegar ég var í mínu versta líkamlega formi að ég var nokkuð þung á mér andlega. Ég finn það líka að ég er mun léttari bæði á líkama og sál þegar ég hreyfi mig reglulega og borða vel. Ég get sagt það að ég náði að koma mér á þann stað sem mér líður best og nú er markmiðið bara að halda mér þar,“ segir Hekla. Henni finnst myndir hvetja sig áfram. „Mér finnst skemmtilegt að fylgjast með myndum, en í fjarþjálfuninni þurfti ég að taka myndir mánaðarlega ásamt því að skila inn ummálsmælingum. Það var mjög gaman að fylgjast með þeirri þróun hjá mér, það var virkilega mikil hvatning.“En hvað vill Hekla segja við fólk sem vill breyta um lífsstíl en kemur sér ekki af stað? „Ef að fólk er að hugsa um það að breyta venjunum sínum þá þarf fyrst og fremst að setja sér raunhæf markmið, ekki ætla sér of stóra hluti til að byrja með heldur er bara um að gera að bæta hægt og rólega í. Það geta allir náð árangri, það tekur bara sinn tíma og það er nauðsynlegt að hafa gott skipulag í þessu öllu saman. Svo verður maður að sjálfsögðu að muna að hafa gaman í leiðinni.“
Heilsa Mest lesið Covidsmitaður Al Pacino var nær dauða en lífi Lífið „Það er önnur hver gella með í vörunum“ Lífið Myndaveisla: Eliza Reid og Ásdís Spanó létu sig ekki vanta í Núllið Lífið Með húsaflutninga á heilanum Lífið Dolly gefur 135 milljónir vegna Helenu Lífið „Ég var heppinn. En ekki hann“ Lífið Karlmennskuhlaðvarpið heyrir sögunni til Lífið „Það braut ísinn að við hefðum deitað sama gaurinn“ Lífið Sigmundur og hvolpurinn gleðjast yfir fylgi Miðflokksins Lífið Skrúfaði titrarann í sundur til að forða nágrönnum frá ónæði Lífið Fleiri fréttir Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Sjá meira