Trump krafðist hollustu Comey og vildi fella niður rannsókn Kjartan Kjartansson skrifar 7. júní 2017 18:45 James Comey, fv. forstjóri FBI. Vísir/AFP Donald Trump, forseti Bandaríkjanna, bað James Comey, þáverandi forstjóra alríkislögreglunnar FBI, um að „létta þoku“ rannsóknarinnar á tengslum forsetaframboðs hans við Rússa og krafðist hollustu hans. Þetta kemur fram í framburði Comey fyrir þingnefnd sem hefur verið birtur í heild sinni. Comey kemur fyrir leyniþjónustunefnd öldungadeildar Bandaríkjaþings á morgun. Það verður í fyrsta skipti sem hann tjáir sig opinberlega eftir að Trump rak hann 9. maí. Trump sagði sjálfur að hann hefði rekið Comey vegna rannsóknar FBI á meintum tengslum framboðs hans við Rússa. Bandarískir fjölmiðlar hafa nú birt skriflegan framburð Comey í heild sinni sem hann sendi inn til nefndarinnar í dag. Comey mun meðal annars staðfesta fyrir nefndinni að Trump hafi krafist hollustu hans yfir kvöldverði þeirra í janúar.Sjá einnig:Söguleg stund þegar Comey ber vitni fyrir opnum tjöldum „Nokkrum augnablikum síðar sagði forsetinn: „Ég þarfnast hollustu, ég geri ráð fyrir hollustu.““ Ég hreyfði mig ekki, talaði ekki eða breytti um svip á neinn hátt í vandræðalegu þögninni sem fylgdi. Við horfðum einfaldlega hvor á annan í þögn. Samtalið hélt síðan áfram en hann kom aftur að þessu máli við lok kvöldverðarins,“ mun Comey segja. FBI-maðurinn segist ennfremur hafa svarað Trump að hann gæti boðið honum hreinskilni. Trump hafi þá beðið hann um „hreinskilna hollustu“. Comey sagðist geta veitt honum hana samkvæmt frétt AP-fréttastofunnar.Vildi vita hvernig væri hægt að „létta þoku“ rannsóknarinnarEnnfremur mun Comey greina frá því að Trump hafi beðið hann um að láta rannsóknina á Michael Flynn, fyrrverandi þjóðaröryggisráðgjafa Trump , falla niður. Flynn sagði af sér eftir að hann varð margsaga um samskipti sín við rússneska embættismenn innan við mánuði eftir að hann tók við sem þjóðaröryggisráðgjafi. Þá mun Comey segja frá því að Trump hafi ítrekað þrýst á hann um að gefa út opinbera yfirlýsingu um að hann væri sjálfur ekki til rannsóknar vegna tengsla við Rússland. Forsetinn spurði Comey einnig um hvað væri hægt að gera til að „létta þokunni“ yfir Trump vegna rannsóknarinnar í símtali 30. mars samkvæmt frétt New York Times. Samkvæmt því sem kemur fram í skriflega framburðinum mun Comey staðfesta að hann hafi sagt Trump að hann væri ekki persónulega til rannsóknar. Trump þakkaði Comey í uppsagnarbréfinu fyrir að hafa í þrígang fullvissað hann um að hann væri ekki sjálfur til rannsóknar.Harðneitaði safaríkum sögum frá breskum njósnara Fyrsti fundur Comey og Trump átti sér stað 6. janúar þegar yfirmenn leyniþjónstustofnana upplýstu þáverandi verðandi forsetann um tilvist leyniþjónustuskjala með safaríkum sögum af meintu framferði Trump í Rússlandi. Trump bað Comey um að ræða við hann í einrúmi eftir þann fund. Comey segist hafa byrjað að halda minnisblöð um samskipti sín við Trump eftir þann fund. Bandarískir fjölmiðlar hafa vitnað í þau minnisblöð undanfarnar vikur.Sjá einnig: Ólíkar útskýringar Hvíta hússins á brottrekstri Comey Fundurinn þar sem Trump óskaði hollustu Comey fór fram yfir kvöldverði viku eftir embættistöku Trump. Comey segir að hann hafi haft miklar áhyggjur af því að Trump væri að reyna að ná einhvers konar taki á sér með fundinum. Yfir kvöldverðinum ræddi Trump einnig um framandlegar ásakanirnar sem komu fram í skjölum bresks njósnara sem þeir Comey höfðu rætt um 6. janúar. Harðneitaði Trump að þær sögur ættu við rök að styðjast.Vildi ræða um Flynn Eftir annan fund með fulltrúum leyniþjónustustofnana í Hvíta húsinu 14. febrúar vildi Trump aftur ræða við Comey undir fjögur augu. Samkvæmt frásögn Comey vildi forsetinn ræða um Michael Flynn. Sagði hann Flynn ekki hafa gert neitt rangt með að eiga samskipti við Rússa. „Hann er góður gaur og hann hefur mátt þola margt,“ á Trump að hafa sagt. „Ég vona að þú sjáir þér fært að láta þetta vera, að láta Flynn í friði. Hann er góður gaur. Ég vona að þú getir látið þetta vera,“ sagði Trump að sögn Comey sem segir bón forsetans hafa valdið sér áhyggjum. Hann hafi túlkað hana sem svo að hann ætti að láta rannsóknina á Flynn falla niður. Í kjölfar þessa fundar óskaði Comey eftir því við Jeff Sessions, dómsmálaráðherra, að hann sæi til þess að forsetinn hefði ekki framar bein samskipti við forstjóra FBI.Rússarannsóknin eins og þoka yfir forsetaembættinuTrump hringdi í Comey 30. mars en bandarískir fjölmiðlar segja að ekki hafi verið greint frá því símtali áður. Í því segir Comey að Trump hafi lýst rannsókninni á tengslunum við Rússland sem „þoku“ sem væri að gera honum erfiðara fyrir að stjórna landinu. Hann hefði ekki haft neitt að gera með Rússa og hann hefði ekki átt neitt saman að sælda við vændiskonur í Rússlandi.Sjá einnig:Ætlaði sér alltaf að reka Comey Spurði forsetinn Comey hvað væri hægt að gera til að „létta þokunni“. Comey svaraði að rannsóknin færi fram eins hratt og hægt væri. Trump ítrekað hins vegar vandræðin sem hún ylli sér. Vildi forsetinn aftur að Comey tjáði sig opinberlega um að hann væri ekki til rannsóknar sjálfur.Síðasta símtalið Trump endurtók ummæli sín um þoku rannsóknarinnar við Comey í símtali sem átti sér stað 11. apríl. Þar spurði hann ennfremur hvað Comey hefði gert til þess að koma því á framfæri að forsetinn væri ekki til rannsóknar. Vísaði Comey honum á Sessions dómsmálaráðherra sem Trump sagðist myndu hafa samband við í kjölfarið. „Það var síðasta skiptið sem ég ræddi við Trump forseta,“ ætlar Comey sér að segja. Donald Trump Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Neyddist til að aflífa 125 krókódíla í útrýmingarhættu Erlent Mennirnir tveir fundnir Innlent Ávaxtakarfan frumsýnd í Hveragerði Innlent Fleiri fréttir Segir Harris veika á geði Segir Ísrael í fullum rétti á að verja sig frá Hezbollah Minnst 66 látnir eftir flóð í Nepal Kallar eftir stuðningi allra múslima við Hezbollah Neyddist til að aflífa 125 krókódíla í útrýmingarhættu Öllum flugferðum til Beirút aflýst Drakk beint úr könnunni og svelgdist á Leiðtogi Hezbollah allur Loftárásir á meint vopnabúr Hezbollah í Beirút Orbán ber til baka ummæli ráðgjafa um uppgjöf fyrir Rússum Tugir látnir í fjórum ríkjum af völdum Helenar Borgarstjóri New York lýsir yfir sakleysi sínu Netanjahú sagðist mættur til að svara „lygum“ annarra þjóða Gerðu umfangsmikla atlögu að leiðtoga Hezbollah Selenskí fundaði með Trump Sjö hundruð liggja í valnum eftir vikuna Nýjasti kafbátur Kínverja sökk við bryggju Einn stærsti fellibylur síðustu hundrað ára veldur usla í Flórída Vísbending um að jörðin gæti lifað áfram sem niflheimur Ishiba verður næsti forsætisráðherra Japans Ítalía tekur aftur upp agaviðurlög frá tíma Mussolini Netanyahu hafnar tillögum um vopnahlé milli Ísrael og Hezbollah Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Sjá meira
Donald Trump, forseti Bandaríkjanna, bað James Comey, þáverandi forstjóra alríkislögreglunnar FBI, um að „létta þoku“ rannsóknarinnar á tengslum forsetaframboðs hans við Rússa og krafðist hollustu hans. Þetta kemur fram í framburði Comey fyrir þingnefnd sem hefur verið birtur í heild sinni. Comey kemur fyrir leyniþjónustunefnd öldungadeildar Bandaríkjaþings á morgun. Það verður í fyrsta skipti sem hann tjáir sig opinberlega eftir að Trump rak hann 9. maí. Trump sagði sjálfur að hann hefði rekið Comey vegna rannsóknar FBI á meintum tengslum framboðs hans við Rússa. Bandarískir fjölmiðlar hafa nú birt skriflegan framburð Comey í heild sinni sem hann sendi inn til nefndarinnar í dag. Comey mun meðal annars staðfesta fyrir nefndinni að Trump hafi krafist hollustu hans yfir kvöldverði þeirra í janúar.Sjá einnig:Söguleg stund þegar Comey ber vitni fyrir opnum tjöldum „Nokkrum augnablikum síðar sagði forsetinn: „Ég þarfnast hollustu, ég geri ráð fyrir hollustu.““ Ég hreyfði mig ekki, talaði ekki eða breytti um svip á neinn hátt í vandræðalegu þögninni sem fylgdi. Við horfðum einfaldlega hvor á annan í þögn. Samtalið hélt síðan áfram en hann kom aftur að þessu máli við lok kvöldverðarins,“ mun Comey segja. FBI-maðurinn segist ennfremur hafa svarað Trump að hann gæti boðið honum hreinskilni. Trump hafi þá beðið hann um „hreinskilna hollustu“. Comey sagðist geta veitt honum hana samkvæmt frétt AP-fréttastofunnar.Vildi vita hvernig væri hægt að „létta þoku“ rannsóknarinnarEnnfremur mun Comey greina frá því að Trump hafi beðið hann um að láta rannsóknina á Michael Flynn, fyrrverandi þjóðaröryggisráðgjafa Trump , falla niður. Flynn sagði af sér eftir að hann varð margsaga um samskipti sín við rússneska embættismenn innan við mánuði eftir að hann tók við sem þjóðaröryggisráðgjafi. Þá mun Comey segja frá því að Trump hafi ítrekað þrýst á hann um að gefa út opinbera yfirlýsingu um að hann væri sjálfur ekki til rannsóknar vegna tengsla við Rússland. Forsetinn spurði Comey einnig um hvað væri hægt að gera til að „létta þokunni“ yfir Trump vegna rannsóknarinnar í símtali 30. mars samkvæmt frétt New York Times. Samkvæmt því sem kemur fram í skriflega framburðinum mun Comey staðfesta að hann hafi sagt Trump að hann væri ekki persónulega til rannsóknar. Trump þakkaði Comey í uppsagnarbréfinu fyrir að hafa í þrígang fullvissað hann um að hann væri ekki sjálfur til rannsóknar.Harðneitaði safaríkum sögum frá breskum njósnara Fyrsti fundur Comey og Trump átti sér stað 6. janúar þegar yfirmenn leyniþjónstustofnana upplýstu þáverandi verðandi forsetann um tilvist leyniþjónustuskjala með safaríkum sögum af meintu framferði Trump í Rússlandi. Trump bað Comey um að ræða við hann í einrúmi eftir þann fund. Comey segist hafa byrjað að halda minnisblöð um samskipti sín við Trump eftir þann fund. Bandarískir fjölmiðlar hafa vitnað í þau minnisblöð undanfarnar vikur.Sjá einnig: Ólíkar útskýringar Hvíta hússins á brottrekstri Comey Fundurinn þar sem Trump óskaði hollustu Comey fór fram yfir kvöldverði viku eftir embættistöku Trump. Comey segir að hann hafi haft miklar áhyggjur af því að Trump væri að reyna að ná einhvers konar taki á sér með fundinum. Yfir kvöldverðinum ræddi Trump einnig um framandlegar ásakanirnar sem komu fram í skjölum bresks njósnara sem þeir Comey höfðu rætt um 6. janúar. Harðneitaði Trump að þær sögur ættu við rök að styðjast.Vildi ræða um Flynn Eftir annan fund með fulltrúum leyniþjónustustofnana í Hvíta húsinu 14. febrúar vildi Trump aftur ræða við Comey undir fjögur augu. Samkvæmt frásögn Comey vildi forsetinn ræða um Michael Flynn. Sagði hann Flynn ekki hafa gert neitt rangt með að eiga samskipti við Rússa. „Hann er góður gaur og hann hefur mátt þola margt,“ á Trump að hafa sagt. „Ég vona að þú sjáir þér fært að láta þetta vera, að láta Flynn í friði. Hann er góður gaur. Ég vona að þú getir látið þetta vera,“ sagði Trump að sögn Comey sem segir bón forsetans hafa valdið sér áhyggjum. Hann hafi túlkað hana sem svo að hann ætti að láta rannsóknina á Flynn falla niður. Í kjölfar þessa fundar óskaði Comey eftir því við Jeff Sessions, dómsmálaráðherra, að hann sæi til þess að forsetinn hefði ekki framar bein samskipti við forstjóra FBI.Rússarannsóknin eins og þoka yfir forsetaembættinuTrump hringdi í Comey 30. mars en bandarískir fjölmiðlar segja að ekki hafi verið greint frá því símtali áður. Í því segir Comey að Trump hafi lýst rannsókninni á tengslunum við Rússland sem „þoku“ sem væri að gera honum erfiðara fyrir að stjórna landinu. Hann hefði ekki haft neitt að gera með Rússa og hann hefði ekki átt neitt saman að sælda við vændiskonur í Rússlandi.Sjá einnig:Ætlaði sér alltaf að reka Comey Spurði forsetinn Comey hvað væri hægt að gera til að „létta þokunni“. Comey svaraði að rannsóknin færi fram eins hratt og hægt væri. Trump ítrekað hins vegar vandræðin sem hún ylli sér. Vildi forsetinn aftur að Comey tjáði sig opinberlega um að hann væri ekki til rannsóknar sjálfur.Síðasta símtalið Trump endurtók ummæli sín um þoku rannsóknarinnar við Comey í símtali sem átti sér stað 11. apríl. Þar spurði hann ennfremur hvað Comey hefði gert til þess að koma því á framfæri að forsetinn væri ekki til rannsóknar. Vísaði Comey honum á Sessions dómsmálaráðherra sem Trump sagðist myndu hafa samband við í kjölfarið. „Það var síðasta skiptið sem ég ræddi við Trump forseta,“ ætlar Comey sér að segja.
Donald Trump Mest lesið „Við vitum ekki neitt og höldum bara áfram að bíða“ Innlent Segir Harris veika á geði Erlent Ótrúlegt myndband af gæsaflokki á flugi Innlent Uppgjör á hægri vængnum: „Ægishjálmur Sjálfstæðisflokksins“ ekki lengur veruleikinn Innlent Drakk beint úr könnunni og svelgdist á Erlent „Óþekku börnin frá Grindavík“ vakti úlfúð Innlent Segir Ísrael í fullum rétti á að verja sig frá Hezbollah Erlent Neyddist til að aflífa 125 krókódíla í útrýmingarhættu Erlent Mennirnir tveir fundnir Innlent Ávaxtakarfan frumsýnd í Hveragerði Innlent Fleiri fréttir Segir Harris veika á geði Segir Ísrael í fullum rétti á að verja sig frá Hezbollah Minnst 66 látnir eftir flóð í Nepal Kallar eftir stuðningi allra múslima við Hezbollah Neyddist til að aflífa 125 krókódíla í útrýmingarhættu Öllum flugferðum til Beirút aflýst Drakk beint úr könnunni og svelgdist á Leiðtogi Hezbollah allur Loftárásir á meint vopnabúr Hezbollah í Beirút Orbán ber til baka ummæli ráðgjafa um uppgjöf fyrir Rússum Tugir látnir í fjórum ríkjum af völdum Helenar Borgarstjóri New York lýsir yfir sakleysi sínu Netanjahú sagðist mættur til að svara „lygum“ annarra þjóða Gerðu umfangsmikla atlögu að leiðtoga Hezbollah Selenskí fundaði með Trump Sjö hundruð liggja í valnum eftir vikuna Nýjasti kafbátur Kínverja sökk við bryggju Einn stærsti fellibylur síðustu hundrað ára veldur usla í Flórída Vísbending um að jörðin gæti lifað áfram sem niflheimur Ishiba verður næsti forsætisráðherra Japans Ítalía tekur aftur upp agaviðurlög frá tíma Mussolini Netanyahu hafnar tillögum um vopnahlé milli Ísrael og Hezbollah Vísar á bug tillögum um frið í skiptum fyrir úkraínskt land Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Sjá meira