Sama hlutverk í Sölku Völku 10 árum seinna Guðrún Jóna Stefánsdóttir skrifar 23. desember 2016 10:00 Halldóra Geirharðsdóttir fer með hlutverk Sigurínu móðir Sölku Völku aftir. vísir/Valli Mig grunaði að það yrði skrítið að leika sama hlutverk aftur en ég sjálf er bara allt önnur og tíðarandinn annar. Þá á ég við að umræða um ofbeldi og afleiðingar þess er á allt öðrum stað núna en fyrir tíu árum. Þess vegna finnst mér ég í raun ekki vera að leika sama hlutverk því aðkoma mín er önnur,“ segir Halldóra Geirharðsdóttir leikkona, spurð að því hvernig henni finnist að leika sama hlutverk og hún lék í Sölku Völku fyrir tíu árum. Salka Valka, sem er ein af þekktustu sögum Halldórs Laxness, er sú sem ruddi braut hans til alþjóðlegra vinsælda. Hún er hetjusaga ungrar stúlku sem brýst úr fátækt og fáfræði og nær að verða mikils metinn þjóðfélagsþegn af eigin rammleik með seiglu og einbeittum vilja. En hvað finnst þér um sögur Halldórs? „Þær bækur sem ég hef lesið eftir Halldór Laxness finnst mér magnaðar,“ segir Halldóra. Halldóra leikur móður Sölku en samband þeirra er ansi erfitt og margt sem mætti fara betur. „Það má kannski segja að Sigurlína sé aldrei raunveruleg móðir Sölku. Hún mætir dóttur sinni eins og jafnöldru en tekur ekki ábyrgð fullorðinnar manneskju, krefur barnið jafnvel um að vera fullorðnu manneskjuna í sambandinu,“ útskýrir Halldóra.„Svo er spurning hvernig manneskja verður til úr Sölku Völku úr aðstæðum sem þessum. Þegar ég les Laxness, velti ég því oft fyrir mér hvað hann hafði mikið innsæi hvað varðar mannleg samskipti og hvað hann sýnir okkur vel það viðkvæmasta og grimmasta í manneskjunni,“ segir Halldóra og bætir við að hann hafi verið virkilega hugrakkur að taka okkur með sér á svona mikið dýpi. Æfingar standa sem hæst þessa dagana og er leikhópurinn í óðaönn að æfa verkið sem leikstýrt er af Yönu Ross, en hún leikstýrði einnig Mávinum eftir Anton Tsjekov á síðasta leikári, við góðan orðstír. „Æfingarnar hafa gengið mjög vel og hópurinn allur mjög spenntur fyrir frumsýningunni. Það er frábært að vinna með Yönu, það er mjög gott að fá manneskju sem hefur enga helgislepju gagnvart verkinu og ber ekki í sér áratuga fyrirfram þekkingu um þetta íkon sem Salka Valka er. Við lásum söguna sem börn, en hún mætir henni í fyrsta sinn sem fullorðin kona,“ segir Halldóra. Á nýju ári fer Halldóra meðal annars í farsann Úti að aka í leikstjórn Magnúsar Geirs Þórðarsonar, þar sem gleðin verður allsráðandi. „Það verður alveg frábært, þar þarf ég að læra að opna dyr á réttum tíma og fæ að vera smá fyndin, það er mjög gott að fara í svona léttmeti inn á milli. Svo er ég að leika í þáttunum Fangar, sem frumsýndir verða á RÚV á nýársdag. Svo er ég að leika síðustu sýninguna af Jesú litla á annan í jólum, það er lítill gullmoli á jólahátíðinni, sem minnir okkur á að þó allt virðist vonlaust þá er það samt þess virði,“ segir Halldóra létt að lokum. Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Mig grunaði að það yrði skrítið að leika sama hlutverk aftur en ég sjálf er bara allt önnur og tíðarandinn annar. Þá á ég við að umræða um ofbeldi og afleiðingar þess er á allt öðrum stað núna en fyrir tíu árum. Þess vegna finnst mér ég í raun ekki vera að leika sama hlutverk því aðkoma mín er önnur,“ segir Halldóra Geirharðsdóttir leikkona, spurð að því hvernig henni finnist að leika sama hlutverk og hún lék í Sölku Völku fyrir tíu árum. Salka Valka, sem er ein af þekktustu sögum Halldórs Laxness, er sú sem ruddi braut hans til alþjóðlegra vinsælda. Hún er hetjusaga ungrar stúlku sem brýst úr fátækt og fáfræði og nær að verða mikils metinn þjóðfélagsþegn af eigin rammleik með seiglu og einbeittum vilja. En hvað finnst þér um sögur Halldórs? „Þær bækur sem ég hef lesið eftir Halldór Laxness finnst mér magnaðar,“ segir Halldóra. Halldóra leikur móður Sölku en samband þeirra er ansi erfitt og margt sem mætti fara betur. „Það má kannski segja að Sigurlína sé aldrei raunveruleg móðir Sölku. Hún mætir dóttur sinni eins og jafnöldru en tekur ekki ábyrgð fullorðinnar manneskju, krefur barnið jafnvel um að vera fullorðnu manneskjuna í sambandinu,“ útskýrir Halldóra.„Svo er spurning hvernig manneskja verður til úr Sölku Völku úr aðstæðum sem þessum. Þegar ég les Laxness, velti ég því oft fyrir mér hvað hann hafði mikið innsæi hvað varðar mannleg samskipti og hvað hann sýnir okkur vel það viðkvæmasta og grimmasta í manneskjunni,“ segir Halldóra og bætir við að hann hafi verið virkilega hugrakkur að taka okkur með sér á svona mikið dýpi. Æfingar standa sem hæst þessa dagana og er leikhópurinn í óðaönn að æfa verkið sem leikstýrt er af Yönu Ross, en hún leikstýrði einnig Mávinum eftir Anton Tsjekov á síðasta leikári, við góðan orðstír. „Æfingarnar hafa gengið mjög vel og hópurinn allur mjög spenntur fyrir frumsýningunni. Það er frábært að vinna með Yönu, það er mjög gott að fá manneskju sem hefur enga helgislepju gagnvart verkinu og ber ekki í sér áratuga fyrirfram þekkingu um þetta íkon sem Salka Valka er. Við lásum söguna sem börn, en hún mætir henni í fyrsta sinn sem fullorðin kona,“ segir Halldóra. Á nýju ári fer Halldóra meðal annars í farsann Úti að aka í leikstjórn Magnúsar Geirs Þórðarsonar, þar sem gleðin verður allsráðandi. „Það verður alveg frábært, þar þarf ég að læra að opna dyr á réttum tíma og fæ að vera smá fyndin, það er mjög gott að fara í svona léttmeti inn á milli. Svo er ég að leika í þáttunum Fangar, sem frumsýndir verða á RÚV á nýársdag. Svo er ég að leika síðustu sýninguna af Jesú litla á annan í jólum, það er lítill gullmoli á jólahátíðinni, sem minnir okkur á að þó allt virðist vonlaust þá er það samt þess virði,“ segir Halldóra létt að lokum.
Menning Mest lesið Með húsaflutninga á heilanum Lífið Covidsmitaður Al Pacino var nær dauða en lífi Lífið Sigmundur og hvolpurinn gleðjast yfir fylgi Miðflokksins Lífið Dolly gefur 135 milljónir vegna Helenu Lífið Krakkatían: Ber, forsetar og prinsessur Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það braut ísinn að við hefðum deitað sama gaurinn“ Lífið „Það er önnur hver gella með í vörunum“ Lífið „Ég var heppinn. En ekki hann“ Lífið Ólafur Ragnar skellti sér á sæþotu eftir langan dag Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira