Guðmundur tekur við af Ólafi Páli

Guðmundur Steinarsson hefur verið ráðinn aðstoðarþjálfari Fjölnis í Pepsi-deild karla.

Guðmundur tekur við starfinu af Ólafi Páli Snorrasyni sem fór til FH að síðasta tímabili loknu.

Guðmundur lék lengst af með Keflavík á sínum leikmannaferli en hann er markahæsti leikmaður félagsins í efstu deild. Á árunum 2014-16 þjálfaði Guðmundur lið Njarðvíkur í 2. deild.

Fjölnir náði sínum besta árangri í sögu félagsins þegar það endaði í 4. sæti Pepsi-deildarinnar í sumar.