Drengirnir þurfa að sanna sig Henry Birgir Gunnarsson skrifar 2. nóvember 2016 06:00 Arnór Atlason á æfingu liðsins í Laugardalshöllinni í gær. vísir/anton „Við eigum ekkert rosalega góðar minningar frá því að spila á móti þeim,“ segir landsliðsmaðurinn Arnór Atlason en hann verður væntanlega í stóru hlutverki í kvöld er íslenska landsliðið tekur á móti Tékkum í fyrsta leik sínum í undankeppni HM. Þetta er fyrri leikurinn af tveimur hjá íslenska landsliðinu í þessari viku en þeir hendast svo beint upp í flugvél til Úkraínu. Þar tekur síðan við löng rútuferð á leikstað fyrir leik gegn heimamönnum á laugardag. „Við töpuðum ansi illa á móti þeim á HM í Katar. Við höfum ekki mætt þessu liði mjög oft en við þekkjum þá vel. Þetta er gott lið sem er búið að endurheimta Filip Jicha og Pavel Horak þannig að liðið er þrælöflugt. Þetta er mjög verðugt verkefni,“ segir Arnór og svo er Martin Galia í markinu en hann hefur oft reynst íslenska liðinu óþægur ljár í þúfu.Notum tapið sem áminningu „Hann er frábær markvörður og þetta eru allt saman hörkustrákar. Ég spilaði með tveimur af þessum strákum í Frakklandi í þrjú ár og þeir eru virkilega flottir handboltamenn.“ Leikurinn sem Arnór talar um í Katar fór 36-25 fyrir Tékka. Þá skoraði stórskyttan Jicha ellefu mörk fyrir Tékka og hann verður að stöðva í kvöld. „Við notum þann leik sem áminningu frekar en eitthvað annað. Það er mikilvægt að byrja þessa undankeppni vel enda bara sex leikir í riðlinum. Við setjum auðvitað þá kröfu á okkur að vinna líka heimaleikina,“ segir Arnór en það mun væntanlega mæða mikið á honum í leikstjórnandastöðunni þar sem Snorri Steinn Guðjónsson hefur lagt landsliðsskóna á hilluna.Arnór leikur sinn 183. landsleik í kvöld.vísir/antonBreytingar gerst hratt Þar að auki er Alexander Petersson líka hættur, Ásgeir Örn Hallgrímsson meiddur og þeir Róbert Gunnarsson og Vignir Svavarsson voru ekki valdir í liðið að þessu sinni. „Maður er allt í einu orðinn með þeim eldri í hópnum. Þetta gerðist fljótt. Ef við skoðum aftur á móti stöðuna frá því í sumar þá vantaði Alexander, Snorra, Guðjón Valur lék lítið, Vignir var meiddur þannig að breytingin frá því í sumar er ekkert svo mikil. Það sést samt að við vorum að missa risamenn en við höfum spilað án þeirra áður. Við höfum spilað saman áður og liðið er ekki alveg glænýtt þó svo við höfum verið að missa svona þúsund landsleiki út og það telur auðvitað þegar út í alvöruna er komið,“ segir Arnór og vill augljóslega einblína á hið jákvæða og horfa fram á veginn. „Við eldri mennirnir í hópnum tökum vel á móti ungu strákunum. Okkar verkefni er að halda þeirri hefð áfram sem hefur verið í landsliðinu. Það á að vera risamál fyrir þá að komast í íslenska landsliðið. Okkar eldri er að kenna þeim um hvað það snýst að spila fyrir íslenska landsliðið. Það á að vera það stærsta sem maður gerir. Þar gefur maður allt í þetta og hefur gaman af því. Maður þarf að spila af stolti. Við þurfum líka að kenna þeim hugarfarið sem hefur verið í liðinu. Ungu drengirnir þurfa núna að sanna sig. Það er ekkert komið með því að vera valinn í hópinn.“Sakna vina minna Það er auðvitað stórmál þegar lykilmenn úr gullkynslóð landsliðsins detta út hver á fætur öðrum og margar þjóðir hafa átt erfitt með að fóta sig þegar þarf að stokka upp sigursæl lið. „Það er engin spurning að við erum að missa burðarása úr liðinu. Það er eðlilegur gangur að menn detti út og nýir komi inn. Svo hefur Dagur sýnt með Þýskalandi hvað er hægt að gera. Margir hafa rekið upp stór augu yfir hans liðsvali en það hefur gengið ágætlega hjá honum. Ég vil fara rólega í að kalla þetta einhver kynslóðaskipti. Þetta er búið að vera í mótun. Auðvitað söknum við þessara stráka. Þetta eru allt vinir mínir sem ég hef spilað með í mörg ár en við vissum að það yrði ekki þannig að eilífu,“ segir Arnór en hefur hann eitthvað gert upp hug sinn um hvað hann ætlar að halda lengi áfram með landsliðinu? „Eins lengi og ég hef heilsu til og finnst það skemmtilegt. Ég væri ekki hérna ef mér fyndist þetta ekki rosalega skemmtilegt. Þetta tekur orku og tíma en ég hef aldrei fundið ástæðu til að mæta ekki. Þetta er það gaman og ég get gert þetta. Ég hef enn metnað fyrir landsliðinu.“ Íslenski handboltinn Handbolti Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn Í beinni: Fjölnir - Afturelding | Barist um farmiða í úrslitaleikinn Íslenski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
„Við eigum ekkert rosalega góðar minningar frá því að spila á móti þeim,“ segir landsliðsmaðurinn Arnór Atlason en hann verður væntanlega í stóru hlutverki í kvöld er íslenska landsliðið tekur á móti Tékkum í fyrsta leik sínum í undankeppni HM. Þetta er fyrri leikurinn af tveimur hjá íslenska landsliðinu í þessari viku en þeir hendast svo beint upp í flugvél til Úkraínu. Þar tekur síðan við löng rútuferð á leikstað fyrir leik gegn heimamönnum á laugardag. „Við töpuðum ansi illa á móti þeim á HM í Katar. Við höfum ekki mætt þessu liði mjög oft en við þekkjum þá vel. Þetta er gott lið sem er búið að endurheimta Filip Jicha og Pavel Horak þannig að liðið er þrælöflugt. Þetta er mjög verðugt verkefni,“ segir Arnór og svo er Martin Galia í markinu en hann hefur oft reynst íslenska liðinu óþægur ljár í þúfu.Notum tapið sem áminningu „Hann er frábær markvörður og þetta eru allt saman hörkustrákar. Ég spilaði með tveimur af þessum strákum í Frakklandi í þrjú ár og þeir eru virkilega flottir handboltamenn.“ Leikurinn sem Arnór talar um í Katar fór 36-25 fyrir Tékka. Þá skoraði stórskyttan Jicha ellefu mörk fyrir Tékka og hann verður að stöðva í kvöld. „Við notum þann leik sem áminningu frekar en eitthvað annað. Það er mikilvægt að byrja þessa undankeppni vel enda bara sex leikir í riðlinum. Við setjum auðvitað þá kröfu á okkur að vinna líka heimaleikina,“ segir Arnór en það mun væntanlega mæða mikið á honum í leikstjórnandastöðunni þar sem Snorri Steinn Guðjónsson hefur lagt landsliðsskóna á hilluna.Arnór leikur sinn 183. landsleik í kvöld.vísir/antonBreytingar gerst hratt Þar að auki er Alexander Petersson líka hættur, Ásgeir Örn Hallgrímsson meiddur og þeir Róbert Gunnarsson og Vignir Svavarsson voru ekki valdir í liðið að þessu sinni. „Maður er allt í einu orðinn með þeim eldri í hópnum. Þetta gerðist fljótt. Ef við skoðum aftur á móti stöðuna frá því í sumar þá vantaði Alexander, Snorra, Guðjón Valur lék lítið, Vignir var meiddur þannig að breytingin frá því í sumar er ekkert svo mikil. Það sést samt að við vorum að missa risamenn en við höfum spilað án þeirra áður. Við höfum spilað saman áður og liðið er ekki alveg glænýtt þó svo við höfum verið að missa svona þúsund landsleiki út og það telur auðvitað þegar út í alvöruna er komið,“ segir Arnór og vill augljóslega einblína á hið jákvæða og horfa fram á veginn. „Við eldri mennirnir í hópnum tökum vel á móti ungu strákunum. Okkar verkefni er að halda þeirri hefð áfram sem hefur verið í landsliðinu. Það á að vera risamál fyrir þá að komast í íslenska landsliðið. Okkar eldri er að kenna þeim um hvað það snýst að spila fyrir íslenska landsliðið. Það á að vera það stærsta sem maður gerir. Þar gefur maður allt í þetta og hefur gaman af því. Maður þarf að spila af stolti. Við þurfum líka að kenna þeim hugarfarið sem hefur verið í liðinu. Ungu drengirnir þurfa núna að sanna sig. Það er ekkert komið með því að vera valinn í hópinn.“Sakna vina minna Það er auðvitað stórmál þegar lykilmenn úr gullkynslóð landsliðsins detta út hver á fætur öðrum og margar þjóðir hafa átt erfitt með að fóta sig þegar þarf að stokka upp sigursæl lið. „Það er engin spurning að við erum að missa burðarása úr liðinu. Það er eðlilegur gangur að menn detti út og nýir komi inn. Svo hefur Dagur sýnt með Þýskalandi hvað er hægt að gera. Margir hafa rekið upp stór augu yfir hans liðsvali en það hefur gengið ágætlega hjá honum. Ég vil fara rólega í að kalla þetta einhver kynslóðaskipti. Þetta er búið að vera í mótun. Auðvitað söknum við þessara stráka. Þetta eru allt vinir mínir sem ég hef spilað með í mörg ár en við vissum að það yrði ekki þannig að eilífu,“ segir Arnór en hefur hann eitthvað gert upp hug sinn um hvað hann ætlar að halda lengi áfram með landsliðinu? „Eins lengi og ég hef heilsu til og finnst það skemmtilegt. Ég væri ekki hérna ef mér fyndist þetta ekki rosalega skemmtilegt. Þetta tekur orku og tíma en ég hef aldrei fundið ástæðu til að mæta ekki. Þetta er það gaman og ég get gert þetta. Ég hef enn metnað fyrir landsliðinu.“
Íslenski handboltinn Handbolti Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn Í beinni: Fjölnir - Afturelding | Barist um farmiða í úrslitaleikinn Íslenski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira