Umfjöllun, viðtöl og myndir: Breiðablik - Jelgava 2-3 | Flautumark Olivers gaf Blikum von Ingvi Þór Sæmundsson á Kópavogsvelli skrifar 30. júní 2016 22:00 Oliver hélt Breiðablik inn í leiknum. vísir/eyþór Breiðablik beið lægri hlut fyrir lettneska liðinu Jelgava, 2-3, í fyrri leik liðanna í 1. umferð forkeppni Evrópudeildarinnar á Kópavogsvelli í kvöld. Gestirnir leiddu 1-3 í hálfleik og allt fram á sjöttu mínútu í uppbótartíma seinni hálfleiks þegar Oliver Sigurjónsson skoraði með þrumuskoti og gaf sínum mönnum von fyrir seinni leikinn sem fer fram í Lettlandi eftir viku. Blikar byrjuðu leikinn illa og Glebs Kluskins kom gestunum yfir strax á 10. mínútu. Jelgava hélt forystunni þó aðeins í þrjár mínútur því Daniel Bamberg jafnaði metin á 13. mínútu þegar hann fylgdi eftir skoti Jonathans Glenn sem fór í stöng. Blikum mistókst að fylgja jöfnunarmarkinu eftir og gestirnir komust aftur yfir á 33. mínútu og aftur kom markið eftir hornspyrnu. Hinn eldsnöggi Mindaugas Grigaravicius, sem lagði upp fyrstu tvö mörkin, skoraði svo þriðja mark Jelgava mínútu fyrir hálfleik. Leikur Blika skánaði mikið í seinni hálfleik þótt mörkin hafi látið á sér standa. En það kom eitt á endanum og það gæti reynst heldur betur dýrmætt.Af hverju vann Jelgava? Gestirnir mættu tilbúnari til leiks og nýttu sér óöryggið í varnarleik Breiðabliks. Þeir voru stórhættulegir í hornspyrnum og skoruðu eftir tvær slíkar í fyrri hálfleik. Mindaugas Grigaravicius var með eitraðar spyrnur en auk þess olli hann Blikum sífelldum vandræðum með ótrúlegum hraða sínum. Hann skoraði svo þriðja markið á 44. mínútu og kom sínum mönnum í frábæra stöðu. Í seinni hálfleik lögðust Jelgava-menn aftar á völlinn, voru agaðir og skipulagðir og hársbreidd frá því að fara með tveggja marka forystu í seinni leikinn.Þessir stóðu upp úr Grigaravicius var frábær í fyrri hálfleik og gerði Blikum lífið leitt. Annars spilaði allt Jelgava-liðið vel í fyrri hálfleik þar sem það var miklu sterkari aðilinn. Oliver var langbestur í liði Breiðabliks, skilaði boltanum oftast vel frá sér og skoraði svo markið mikilvæga. Ellert Hreinsson átti einnig fínan leik og Alfons Sampsted gerði flotta hluti í sókninni en var í vandræðum í vörninni. Þá áttu varamenn Blika fína innkomu.Hvað gekk illa? Blikar hafa líklega aldrei spilað jafn illa undir stjórn Arnars Grétarssonar og þeir gerðu í fyrri hálfleik. Það var allt í hers höndum aftast og óöryggið gríðarlegt. Strax á 2. mínútu fengu gestirnir dauðafæri eftir að Gunnleifur Gunnleifsson missti boltann klaufalega frá sér og það gaf tóninn fyrir framhaldið. Það var enginn taktur í Blikaliðinu, mikið um lélegar sendingar, slæmar ákvarðanatökur og svo áttu heimamenn ekkert svar við hornspyrnum Jelgava. Í þriðja markinu tapaði Glenn boltanum á miðjunni og Grigaravicius brunaði upp og skoraði. Það var lýsandi fyrir leik Glenn í kvöld, og kannski í sumar, en hann var ekki sjálfum sér líkur. Það sama má reyndar segja um allt Blikaliðið í fyrri hálfleik.Hvað gerist næst? Blikar eiga leik við ÍBV í 8-liða úrslitum Borgunarbikarsins á sunnudaginn. Þeir fara svo til Lettlands og mæta Jelgava öðru sinni á fimmtudaginn og þurfa að vinna með tveimur mörkum til að komast áfram.Blikar voru ólíkir sjálfum sér í fyrri hálfleik.vísir/eyþórArnar: Urðum okkur svolítið til skammar Arnar Grétarsson, þjálfari Breiðabliks, var vægast sagt ósáttur með frammistöðu sinna manna í fyrri hálfleik gegn lettneska liðinu Jelgava í kvöld. Blikar voru á hælunum í fyrri hálfleik og voru 1-3 undir að honum loknum. En flautumark Olivers Sigurjónssonar á 96. mínútu gaf Breiðabliki von fyrir seinni leikinn í Lettlandi eftir viku. „Það gefur okkur smá líflínu. Við mættum ekki til leiks í fyrri hálfleik og urðum okkur svolítið til skammar,“ sagði Arnar eftir leik. „Við vorum engan veginn tilbúnir í leikinn og ég hef í raun engar skýringar á því. En við áttum seinni hálfleikinn frá A til Ö en það var erfitt að fá annað markið. Ég hefði viljað fá það fyrr. Við fengum nokkur ákjósanleg færi til að koma boltanum í netið en það virðist vera svolítið erfitt.“ Blikar hafa vanalega spilað sterkan varnarleik síðan Arnar tók við liðinu en sú var ekki raunin í kvöld. „Ég hef ekki séð okkur svona slaka í fyrri hálfleik. Þetta er einhver mesta hörmung sem ég hef séð, enda var ég ekki par sáttur þegar ég kom inn í hálfleik. Hefði ég haft 11 skiptingar hefði ég notað þær allar,“ sagði Arnar sem var þó ánægður með hvernig hans menn svöruðu fyrir sig í seinni hálfleik. „Menn tóku sig saman í andlitinu, mættu grimmir og unnu fyrsta og annan bolta og réðum gangi leiksins. En við þurfum að mæta frá fyrstu mínútu í seinni leiknum og þá held ég að þetta sé alveg möguleiki,“ sagði Arnar sem segir að Jegvala hafi ekki verið með sterkara lið en hann bjóst við. „Alls ekki. Ég átti alveg von á þessum styrkleika hjá þeim en ekki þessum styrkleika hjá Breiðabliki.“Oliver var besti maður Blika í leiknum.vísir/eyþórOliver: Menn þurfa að einbeita sér að hlutum sem skipta máli Oliver Sigurjónsson sagði að það hafi skort karakter í lið Breiðabliks í fyrri hálfleiknum gegn Jelgava í kvöld. „Við sýndum engan karakter í fyrri hálfleik en þetta var örlítið betra í seinni hálfleik. En það þarf miklu meiri karakter og við þurfum að spila alvöru fótbolta, vera grimmari í teignum og öllum einvígjum,“ sagði Oliver sem kastaði líflínu til Breiðabliks þegar hann minnkaði muninn í 2-3 á 96. mínútu. „Þetta var mjög slakur leikur hjá okkur og þótt að tvö mörk hafi komið eftir föst leikatriði í fyrri hálfleik voru þeir miklu betri. Fyrri hálfleikurinn er líklegasta það lélegasta sem við höfum sýnt síðan ég byrjaði að æfa með Breiðabliki. „Menn þurfa að hugsa sinn gang og byrja að einbeita sér að þeim hlutum sem skipta máli; fókusa á Breiðablik í staðinn fyrir árangur landsliðsins eða eitthvað þannig,“ sagði Oliver. En telur hann að allt EM-fárið hafi haft áhrif á leikmenn hérna heima? „Ég veit það ekki, örugglega á einhverja. Við Íslendingar höfum kannski rosalega mikla trú á okkur núna eftir árangurinn á EM en það breytir engu fyrir leikmennina hérna heima. Við þurfum bara að fara aftur í grunnatriðin og nýta okkar styrkleika,“ sagði Oliver að endingu.Vísir Evrópudeild UEFA Mest lesið Liverpool birtir áður óséð efni frá Reykjavík: „Beið í sextíu ár eftir því að sjá þetta“ Enski boltinn Í beinni: AC Milan - Liverpool | Stórleikur í Mílanó Fótbolti Lárus Orri ekki enn búinn að fyrirgefa Graham Potter: „Hann var svolítið linur“ Íslenski boltinn „Þú færð mikið borgað svo þú mátt ekki sýna tilfinningar“ Enski boltinn Chiles áfrýjar til Hæstaréttar vegna bronsins sem var tekið af henni Sport Í beinni: Man. Utd - Barnsley | Nær C-deildarlið að fella United? Enski boltinn Svona raðast leikirnir í Bestu deild karla Íslenski boltinn Sjáðu heimsókn Nabblans á Meistaravelli: Lék eftir samtal á skrifstofu Óskars Hrafns Íslenski boltinn Eiginkona Dybala snyrtir lík Fótbolti Skutlaði syni sínum til dagmömmu en hefur ekki sést síðan Sport Fleiri fréttir Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Glæsilegt opnunarmark í öruggum sigri Juventus Tvö mörk tekin af í þægilegum þriggja marka sigri Í beinni: AC Milan - Liverpool | Stórleikur í Mílanó Í beinni: Real Madrid - Stuttgart | Snúið próf þegar titilvörnin hefst Í beinni: Man. Utd - Barnsley | Nær C-deildarlið að fella United? Leitinni lokið hjá Rabiot sem skrifaði undir hjá Marseille Stöngin inn í opnunarmarki Meistaradeildarinnar Rodri hótar verkfalli ef ekkert lagast Castro rekinn og Ronaldo fær fjórða þjálfarann Ten Hag aðvarar Antony: „Verður að vinna sér inn réttinn til að spila“ Eiginkona Dybala snyrtir lík Flestir mæta á heimaleiki Blika Sjáðu heimsókn Nabblans á Meistaravelli: Lék eftir samtal á skrifstofu Óskars Hrafns Liverpool birtir áður óséð efni frá Reykjavík: „Beið í sextíu ár eftir því að sjá þetta“ Svona raðast leikirnir í Bestu deild karla Segir að Van Persie sé eins og yngri flokka þjálfari Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Alisson ósáttur við aukið leikjaálag: „Kannski skiptir skoðun okkar ekki máli“ Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ „Þú færð mikið borgað svo þú mátt ekki sýna tilfinningar“ Fylgist með þessum í Meistaradeildinni: Stór nöfn á nýjum stöðum „Það er erfitt að loka mótum strákar“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Willum Þór og félagar lögðu Hollywood-lið Wrexham Sjá meira
Breiðablik beið lægri hlut fyrir lettneska liðinu Jelgava, 2-3, í fyrri leik liðanna í 1. umferð forkeppni Evrópudeildarinnar á Kópavogsvelli í kvöld. Gestirnir leiddu 1-3 í hálfleik og allt fram á sjöttu mínútu í uppbótartíma seinni hálfleiks þegar Oliver Sigurjónsson skoraði með þrumuskoti og gaf sínum mönnum von fyrir seinni leikinn sem fer fram í Lettlandi eftir viku. Blikar byrjuðu leikinn illa og Glebs Kluskins kom gestunum yfir strax á 10. mínútu. Jelgava hélt forystunni þó aðeins í þrjár mínútur því Daniel Bamberg jafnaði metin á 13. mínútu þegar hann fylgdi eftir skoti Jonathans Glenn sem fór í stöng. Blikum mistókst að fylgja jöfnunarmarkinu eftir og gestirnir komust aftur yfir á 33. mínútu og aftur kom markið eftir hornspyrnu. Hinn eldsnöggi Mindaugas Grigaravicius, sem lagði upp fyrstu tvö mörkin, skoraði svo þriðja mark Jelgava mínútu fyrir hálfleik. Leikur Blika skánaði mikið í seinni hálfleik þótt mörkin hafi látið á sér standa. En það kom eitt á endanum og það gæti reynst heldur betur dýrmætt.Af hverju vann Jelgava? Gestirnir mættu tilbúnari til leiks og nýttu sér óöryggið í varnarleik Breiðabliks. Þeir voru stórhættulegir í hornspyrnum og skoruðu eftir tvær slíkar í fyrri hálfleik. Mindaugas Grigaravicius var með eitraðar spyrnur en auk þess olli hann Blikum sífelldum vandræðum með ótrúlegum hraða sínum. Hann skoraði svo þriðja markið á 44. mínútu og kom sínum mönnum í frábæra stöðu. Í seinni hálfleik lögðust Jelgava-menn aftar á völlinn, voru agaðir og skipulagðir og hársbreidd frá því að fara með tveggja marka forystu í seinni leikinn.Þessir stóðu upp úr Grigaravicius var frábær í fyrri hálfleik og gerði Blikum lífið leitt. Annars spilaði allt Jelgava-liðið vel í fyrri hálfleik þar sem það var miklu sterkari aðilinn. Oliver var langbestur í liði Breiðabliks, skilaði boltanum oftast vel frá sér og skoraði svo markið mikilvæga. Ellert Hreinsson átti einnig fínan leik og Alfons Sampsted gerði flotta hluti í sókninni en var í vandræðum í vörninni. Þá áttu varamenn Blika fína innkomu.Hvað gekk illa? Blikar hafa líklega aldrei spilað jafn illa undir stjórn Arnars Grétarssonar og þeir gerðu í fyrri hálfleik. Það var allt í hers höndum aftast og óöryggið gríðarlegt. Strax á 2. mínútu fengu gestirnir dauðafæri eftir að Gunnleifur Gunnleifsson missti boltann klaufalega frá sér og það gaf tóninn fyrir framhaldið. Það var enginn taktur í Blikaliðinu, mikið um lélegar sendingar, slæmar ákvarðanatökur og svo áttu heimamenn ekkert svar við hornspyrnum Jelgava. Í þriðja markinu tapaði Glenn boltanum á miðjunni og Grigaravicius brunaði upp og skoraði. Það var lýsandi fyrir leik Glenn í kvöld, og kannski í sumar, en hann var ekki sjálfum sér líkur. Það sama má reyndar segja um allt Blikaliðið í fyrri hálfleik.Hvað gerist næst? Blikar eiga leik við ÍBV í 8-liða úrslitum Borgunarbikarsins á sunnudaginn. Þeir fara svo til Lettlands og mæta Jelgava öðru sinni á fimmtudaginn og þurfa að vinna með tveimur mörkum til að komast áfram.Blikar voru ólíkir sjálfum sér í fyrri hálfleik.vísir/eyþórArnar: Urðum okkur svolítið til skammar Arnar Grétarsson, þjálfari Breiðabliks, var vægast sagt ósáttur með frammistöðu sinna manna í fyrri hálfleik gegn lettneska liðinu Jelgava í kvöld. Blikar voru á hælunum í fyrri hálfleik og voru 1-3 undir að honum loknum. En flautumark Olivers Sigurjónssonar á 96. mínútu gaf Breiðabliki von fyrir seinni leikinn í Lettlandi eftir viku. „Það gefur okkur smá líflínu. Við mættum ekki til leiks í fyrri hálfleik og urðum okkur svolítið til skammar,“ sagði Arnar eftir leik. „Við vorum engan veginn tilbúnir í leikinn og ég hef í raun engar skýringar á því. En við áttum seinni hálfleikinn frá A til Ö en það var erfitt að fá annað markið. Ég hefði viljað fá það fyrr. Við fengum nokkur ákjósanleg færi til að koma boltanum í netið en það virðist vera svolítið erfitt.“ Blikar hafa vanalega spilað sterkan varnarleik síðan Arnar tók við liðinu en sú var ekki raunin í kvöld. „Ég hef ekki séð okkur svona slaka í fyrri hálfleik. Þetta er einhver mesta hörmung sem ég hef séð, enda var ég ekki par sáttur þegar ég kom inn í hálfleik. Hefði ég haft 11 skiptingar hefði ég notað þær allar,“ sagði Arnar sem var þó ánægður með hvernig hans menn svöruðu fyrir sig í seinni hálfleik. „Menn tóku sig saman í andlitinu, mættu grimmir og unnu fyrsta og annan bolta og réðum gangi leiksins. En við þurfum að mæta frá fyrstu mínútu í seinni leiknum og þá held ég að þetta sé alveg möguleiki,“ sagði Arnar sem segir að Jegvala hafi ekki verið með sterkara lið en hann bjóst við. „Alls ekki. Ég átti alveg von á þessum styrkleika hjá þeim en ekki þessum styrkleika hjá Breiðabliki.“Oliver var besti maður Blika í leiknum.vísir/eyþórOliver: Menn þurfa að einbeita sér að hlutum sem skipta máli Oliver Sigurjónsson sagði að það hafi skort karakter í lið Breiðabliks í fyrri hálfleiknum gegn Jelgava í kvöld. „Við sýndum engan karakter í fyrri hálfleik en þetta var örlítið betra í seinni hálfleik. En það þarf miklu meiri karakter og við þurfum að spila alvöru fótbolta, vera grimmari í teignum og öllum einvígjum,“ sagði Oliver sem kastaði líflínu til Breiðabliks þegar hann minnkaði muninn í 2-3 á 96. mínútu. „Þetta var mjög slakur leikur hjá okkur og þótt að tvö mörk hafi komið eftir föst leikatriði í fyrri hálfleik voru þeir miklu betri. Fyrri hálfleikurinn er líklegasta það lélegasta sem við höfum sýnt síðan ég byrjaði að æfa með Breiðabliki. „Menn þurfa að hugsa sinn gang og byrja að einbeita sér að þeim hlutum sem skipta máli; fókusa á Breiðablik í staðinn fyrir árangur landsliðsins eða eitthvað þannig,“ sagði Oliver. En telur hann að allt EM-fárið hafi haft áhrif á leikmenn hérna heima? „Ég veit það ekki, örugglega á einhverja. Við Íslendingar höfum kannski rosalega mikla trú á okkur núna eftir árangurinn á EM en það breytir engu fyrir leikmennina hérna heima. Við þurfum bara að fara aftur í grunnatriðin og nýta okkar styrkleika,“ sagði Oliver að endingu.Vísir
Evrópudeild UEFA Mest lesið Liverpool birtir áður óséð efni frá Reykjavík: „Beið í sextíu ár eftir því að sjá þetta“ Enski boltinn Í beinni: AC Milan - Liverpool | Stórleikur í Mílanó Fótbolti Lárus Orri ekki enn búinn að fyrirgefa Graham Potter: „Hann var svolítið linur“ Íslenski boltinn „Þú færð mikið borgað svo þú mátt ekki sýna tilfinningar“ Enski boltinn Chiles áfrýjar til Hæstaréttar vegna bronsins sem var tekið af henni Sport Í beinni: Man. Utd - Barnsley | Nær C-deildarlið að fella United? Enski boltinn Svona raðast leikirnir í Bestu deild karla Íslenski boltinn Sjáðu heimsókn Nabblans á Meistaravelli: Lék eftir samtal á skrifstofu Óskars Hrafns Íslenski boltinn Eiginkona Dybala snyrtir lík Fótbolti Skutlaði syni sínum til dagmömmu en hefur ekki sést síðan Sport Fleiri fréttir Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Glæsilegt opnunarmark í öruggum sigri Juventus Tvö mörk tekin af í þægilegum þriggja marka sigri Í beinni: AC Milan - Liverpool | Stórleikur í Mílanó Í beinni: Real Madrid - Stuttgart | Snúið próf þegar titilvörnin hefst Í beinni: Man. Utd - Barnsley | Nær C-deildarlið að fella United? Leitinni lokið hjá Rabiot sem skrifaði undir hjá Marseille Stöngin inn í opnunarmarki Meistaradeildarinnar Rodri hótar verkfalli ef ekkert lagast Castro rekinn og Ronaldo fær fjórða þjálfarann Ten Hag aðvarar Antony: „Verður að vinna sér inn réttinn til að spila“ Eiginkona Dybala snyrtir lík Flestir mæta á heimaleiki Blika Sjáðu heimsókn Nabblans á Meistaravelli: Lék eftir samtal á skrifstofu Óskars Hrafns Liverpool birtir áður óséð efni frá Reykjavík: „Beið í sextíu ár eftir því að sjá þetta“ Svona raðast leikirnir í Bestu deild karla Segir að Van Persie sé eins og yngri flokka þjálfari Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Alisson ósáttur við aukið leikjaálag: „Kannski skiptir skoðun okkar ekki máli“ Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ „Þú færð mikið borgað svo þú mátt ekki sýna tilfinningar“ Fylgist með þessum í Meistaradeildinni: Stór nöfn á nýjum stöðum „Það er erfitt að loka mótum strákar“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Willum Þór og félagar lögðu Hollywood-lið Wrexham Sjá meira
Liverpool birtir áður óséð efni frá Reykjavík: „Beið í sextíu ár eftir því að sjá þetta“ Enski boltinn
Sjáðu heimsókn Nabblans á Meistaravelli: Lék eftir samtal á skrifstofu Óskars Hrafns Íslenski boltinn
Liverpool birtir áður óséð efni frá Reykjavík: „Beið í sextíu ár eftir því að sjá þetta“ Enski boltinn
Sjáðu heimsókn Nabblans á Meistaravelli: Lék eftir samtal á skrifstofu Óskars Hrafns Íslenski boltinn