Star Wars VIII frestað til jóla 2017

Framleiðendur Star Wars myndanna hafa ákveðið að fresta Star Wars: Episode VIII um nokkra mánuði. Til stóð að sýna myndina þann 7. júlí 2017 en frumsýningin hefur nú verið færð til 15. desember.

Tökur hefjast í London í næsta mánuði. Leikstjórinn Rian Johnson mun taka við af J.J. Abrams og skrifa og leikstýra myndinni.

Við getum þó huggað okkur við það að á meðan við bíðum eftir Episode VIII verður Rouge One: A Star Wars Story frumsýnd þann 16. desember á næsta ári.

Samkvæmt frétt Variety var frumsýningu Disney myndarinnar Pirates of the Caribbean: Dead Men Tell No Tales flýtt frá júlí 2017 til maí.