Umfjöllun og viðtöl: Haukar - Víkingur 31-19 | Magnaður seinni hálfleikur Hauka Ingvi Þór Sæmundsson skrifar 22. október 2015 20:45 Morkunas var frábær í kvöld. Vísir/Stefán Haukar komust upp í 2. sæti Olís-deildar karla í handbolta eftir 31-19 stórsigur á nýliðum Víkings í kvöld. Framan af leik benti fátt til þess að Íslandsmeistararnir myndu vinna jafn öruggan sigur og raun bar vitni en þegar 20 mínútur voru eftir var staðan 16-17, Víkingum í vil. Þá skellti Giedrius Morkunas í lás í marki Hauka og dró vígtennurnar, endajaxlana og barnatennurnar úr sóknarmönnum gestanna sem skoruðu aðeins tvö mörk það sem eftir lifði leiks. Á meðan gerðu Haukar 15 mörk, mörg hver eftir hraðaupphlaup, og sigldu sigrinum örugglega í höfn. Morkunas varði alls 20 skot í kvöld, eða 69% þeirra skota sem hann fékk á sig. Og Litháinn náði þessum ótrúlegu tölum þrátt fyrir að hafa bara spilað í 45 mínútur. Adam Haukur Baumruk og Janus Daði Smárason voru í aðalhlutverkum í sóknarleik Hauka. Adam var heitur í kvöld og skoraði 10 mörk úr aðeins 12 skotum og Janus var með átta mörk, þar af tvö af vítalínunni. Víkingar, sem sitja í botnsæti deildarinnar, spiluðu fyrri hálfleikinn ljómandi vel, þá sérstaklega fyrstu 20 mínúturnar. Daníel Ingi Guðmundsson gaf tóninn í Víkingssókninni og skoraði fjögur af fyrstu fimm mörkum gestanna sem áttu auðvelt með að leysa vörn Hauka lengst af fyrri hálfleiks. Grétar Ari Guðjónsson byrjaði í marki Hauka en fann sig ekki. Sömu sögu var að segja af Magnúsi Erlendssyni í marki Víkinga en hann lifnaði heldur betur til lífsins um miðjan fyrri hálfleik og varði alls 11 skot (44%) í honum. Annars var það Karolis Stropus, Lithái í liði Víkingi, sem átti sviðið í fyrri hálfleik. Hann leit vel út gegn Val í síðustu umferð, í sínum fyrsta leik með Fossvogsliðinu, og hann var hreinlega óstöðvandi í kvöld. Stropus skoraði átta af 14 mörkum Víkinga í fyrri hálfleik, úr aðeins 11 skotum. Víkingar breyttu stöðunni úr 9-8 í 9-11 og náðu svo aftur tveggja marka forystu, 10-12, þegar Bjartur Guðmundsson skoraði fyrsta og eina mark í kvöld. En þá þéttu Haukar vörnina, Giedrius tók nokkur skot í markinu og þeir luku fyrri hálfleiknum á 4-2 spretti. Sóknarleikur Víkings gekk verr eftir því sem leið á fyrri hálfleikinn en Stropus virtist þó alltaf getað galdrað mörk fram úr erminni. Hann skoraði t.a.m. tvö síðustu mörk Víkinga í fyrri hálfleik, bæði eftir að sóknir liðsins voru komnar í öngstræti. Staðan var jöfn í hálfleik, 14-14. Víkingar héldu uppteknum hætti frá því í fyrri hálfleik og spiluðu áfram vel. En í stöðunni 16-17 hlupu þeir á vegg. Giedrius varði allt sem á markið kom og fyrir vikið fengu Haukar fullt af hraðaupphlaupum. Níu af 15 síðustu mörkum Hafnfirðinga komu eftir hraðaupphlaup, en hægri hornamaðurinn Brynjólfur Snær Brynjólfsson skoraði fimm þeirra. Haukar tóku Stropus fastari tökum í vörninni og neyddu örvhentu skyttur Víkings frekar til að skjóta með góðum árangri. Atli Karl Bachmann og Einar Gauti Ólafsson, hægri skyttur Víkings, voru aðeins með eitt mark í kvöld úr samtals 12 skotum. Eftir því sem lengra leið á seinni hálfleikinn urðu Víkingar örvæntingafyllri, hættu að horfa á markið og gátu litla björg sér veitt. Á endanum munaði 12 mörkum á liðunum, 31-19, en Haukar unnu seinni hálfleikinn 17-5.Adam Haukur: Þetta var keppni Litháanna Adam Haukur Baumruk brosti breitt eftir 12 marka sigur Hauka, 31-19, á Víkingum í kvöld. Fátt benti til stórsigurs Hafnfirðinga framan af leik en þegar 20 mínútur voru eftir að leiknum var staðan 16-17, Víkingum í vil. "Þetta leit ekki vel út í byrjun. Við vorum aftarlega í vörninni og nýi Litháinn hjá þeim (Karolis Stropus) komst alltof nálægt markinu og skoraði léttilega," sagði Adam en það var síðan annar Lithái, Giedrius Morkunas, markvörður Hauka, sem skellti í lás í seinni hálfleik og lagði grunninn að sigri Íslandsmeistaranna. "Við getum sagt að þetta hafi verið keppni Litháanna í dag," sagði Adam í léttum dúr. "Goggi kom sterkur inn, ég er sáttur með hann. Vörnin var betri í seinni hálfleik og þá fengum við hraðaupphlaupin," sagði Adam. Haukar spiluðu tvo Evrópuleiki um helgina og Adam sagðist hafa fundið fyrir þreytu undir lok leiksins í kvöld. "Ég fann ekki fyrir mikilli þreytu en lappirnar byrjuðu aðeins að þyngjast þegar það voru komnar 50 mínútur á klukkuna," sagði Adam sem átti flottan leik í kvöld og skoraði 10 mörk úr aðeins 12 skotum. "Ég fann mig ágætlega í sókninni en vörnin hefði getað verið betri á köflum. Þeir voru aftarlega í vörninni og ég fékk flugbrautina mína og náði að setja nokkur mörk," sagði Adam sem er að komast aftur á fulla ferð eftir meiðsli í upphafi tímabils. "Þetta er búið að ganga ágætlega, svona upp og niður, en ég er allur að koma til," sagði Adam að endingu.Ágúst: Alltof fáir að skora í kvöld "Við vorum virkilega góðir í 40 mínútur og þá sérstaklega í sókninni en svo hættum við að skora og varnarleikurinn var ekki nógu góður. Við töpuðum stöðunni maður á mann og vorum ekki nógu snöggir til baka. "Botninn datt bara úr þessu," sagði Ágúst Jóhannsson, þjálfari Víkings, eftir 12 marka tap fyrir Íslandsmeisturum Hauka í kvöld. Nýliðarnir spiluðum lengstum vel í kvöld og þegar 20 mínútur lifðu leiks voru Víkingar yfir, 16-17. En þá skellti Giedrius Morkunas í lás í marki Hauka sem unnu síðustu 20 mínútur leiksins 15-2. "Haukar eru með eitt besta lið landsins og við erum kannski brothættir. Það vantar einn okkar besta mann," sagði Ágúst og átti þar við Jóhann Reyni Gunnlaugsson sem verður frá í a.m.k. sex vikur vegna meiðsla. "Við vorum góðir í 40 mínútur og sýndum hvað við getum gert en síðustu 20 mínúturnar voru alltof slakar. Við þurfum að vera betri og fá framlag frá fleiri mönnum. Það voru alltof fáir að skora í kvöld og við vorum með lélega skotnýtingu. "Það var ekki eins og við værum að gera mikið af tæknifeilum heldur vorum við bara að skjóta mjög illa. Við þurfum að laga það," sagði Ágúst sem fannst tapið alltof stórt. "Við erum mjög ósáttir með að tapa með 12 mörkum í stað 6-8 marka. Við gáfum of mikið eftir," sagði Ágúst að lokum. Olís-deild karla Mest lesið Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Kolbeinn með glæsimark í sigri Gautaborgar Fótbolti Dagskráin í dag: Meistaradeild Evrópu og Bónus deild kvenna fer af stað Sport Hilmar Árni: Þurftum að vinna, gerðum það og svo bara næsti leikur Íslenski boltinn Ætla að sniðganga leikinn við Víking Fótbolti Dómarinn fyrrverandi segir Bruno hafa átt að fá gult Enski boltinn Heimamenn kláruðu dæmið í fyrri hálfleik Enski boltinn Lilja tognuð á ökkla og frá næsta mánuðinn Handbolti Fleiri fréttir Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Sjá meira
Haukar komust upp í 2. sæti Olís-deildar karla í handbolta eftir 31-19 stórsigur á nýliðum Víkings í kvöld. Framan af leik benti fátt til þess að Íslandsmeistararnir myndu vinna jafn öruggan sigur og raun bar vitni en þegar 20 mínútur voru eftir var staðan 16-17, Víkingum í vil. Þá skellti Giedrius Morkunas í lás í marki Hauka og dró vígtennurnar, endajaxlana og barnatennurnar úr sóknarmönnum gestanna sem skoruðu aðeins tvö mörk það sem eftir lifði leiks. Á meðan gerðu Haukar 15 mörk, mörg hver eftir hraðaupphlaup, og sigldu sigrinum örugglega í höfn. Morkunas varði alls 20 skot í kvöld, eða 69% þeirra skota sem hann fékk á sig. Og Litháinn náði þessum ótrúlegu tölum þrátt fyrir að hafa bara spilað í 45 mínútur. Adam Haukur Baumruk og Janus Daði Smárason voru í aðalhlutverkum í sóknarleik Hauka. Adam var heitur í kvöld og skoraði 10 mörk úr aðeins 12 skotum og Janus var með átta mörk, þar af tvö af vítalínunni. Víkingar, sem sitja í botnsæti deildarinnar, spiluðu fyrri hálfleikinn ljómandi vel, þá sérstaklega fyrstu 20 mínúturnar. Daníel Ingi Guðmundsson gaf tóninn í Víkingssókninni og skoraði fjögur af fyrstu fimm mörkum gestanna sem áttu auðvelt með að leysa vörn Hauka lengst af fyrri hálfleiks. Grétar Ari Guðjónsson byrjaði í marki Hauka en fann sig ekki. Sömu sögu var að segja af Magnúsi Erlendssyni í marki Víkinga en hann lifnaði heldur betur til lífsins um miðjan fyrri hálfleik og varði alls 11 skot (44%) í honum. Annars var það Karolis Stropus, Lithái í liði Víkingi, sem átti sviðið í fyrri hálfleik. Hann leit vel út gegn Val í síðustu umferð, í sínum fyrsta leik með Fossvogsliðinu, og hann var hreinlega óstöðvandi í kvöld. Stropus skoraði átta af 14 mörkum Víkinga í fyrri hálfleik, úr aðeins 11 skotum. Víkingar breyttu stöðunni úr 9-8 í 9-11 og náðu svo aftur tveggja marka forystu, 10-12, þegar Bjartur Guðmundsson skoraði fyrsta og eina mark í kvöld. En þá þéttu Haukar vörnina, Giedrius tók nokkur skot í markinu og þeir luku fyrri hálfleiknum á 4-2 spretti. Sóknarleikur Víkings gekk verr eftir því sem leið á fyrri hálfleikinn en Stropus virtist þó alltaf getað galdrað mörk fram úr erminni. Hann skoraði t.a.m. tvö síðustu mörk Víkinga í fyrri hálfleik, bæði eftir að sóknir liðsins voru komnar í öngstræti. Staðan var jöfn í hálfleik, 14-14. Víkingar héldu uppteknum hætti frá því í fyrri hálfleik og spiluðu áfram vel. En í stöðunni 16-17 hlupu þeir á vegg. Giedrius varði allt sem á markið kom og fyrir vikið fengu Haukar fullt af hraðaupphlaupum. Níu af 15 síðustu mörkum Hafnfirðinga komu eftir hraðaupphlaup, en hægri hornamaðurinn Brynjólfur Snær Brynjólfsson skoraði fimm þeirra. Haukar tóku Stropus fastari tökum í vörninni og neyddu örvhentu skyttur Víkings frekar til að skjóta með góðum árangri. Atli Karl Bachmann og Einar Gauti Ólafsson, hægri skyttur Víkings, voru aðeins með eitt mark í kvöld úr samtals 12 skotum. Eftir því sem lengra leið á seinni hálfleikinn urðu Víkingar örvæntingafyllri, hættu að horfa á markið og gátu litla björg sér veitt. Á endanum munaði 12 mörkum á liðunum, 31-19, en Haukar unnu seinni hálfleikinn 17-5.Adam Haukur: Þetta var keppni Litháanna Adam Haukur Baumruk brosti breitt eftir 12 marka sigur Hauka, 31-19, á Víkingum í kvöld. Fátt benti til stórsigurs Hafnfirðinga framan af leik en þegar 20 mínútur voru eftir að leiknum var staðan 16-17, Víkingum í vil. "Þetta leit ekki vel út í byrjun. Við vorum aftarlega í vörninni og nýi Litháinn hjá þeim (Karolis Stropus) komst alltof nálægt markinu og skoraði léttilega," sagði Adam en það var síðan annar Lithái, Giedrius Morkunas, markvörður Hauka, sem skellti í lás í seinni hálfleik og lagði grunninn að sigri Íslandsmeistaranna. "Við getum sagt að þetta hafi verið keppni Litháanna í dag," sagði Adam í léttum dúr. "Goggi kom sterkur inn, ég er sáttur með hann. Vörnin var betri í seinni hálfleik og þá fengum við hraðaupphlaupin," sagði Adam. Haukar spiluðu tvo Evrópuleiki um helgina og Adam sagðist hafa fundið fyrir þreytu undir lok leiksins í kvöld. "Ég fann ekki fyrir mikilli þreytu en lappirnar byrjuðu aðeins að þyngjast þegar það voru komnar 50 mínútur á klukkuna," sagði Adam sem átti flottan leik í kvöld og skoraði 10 mörk úr aðeins 12 skotum. "Ég fann mig ágætlega í sókninni en vörnin hefði getað verið betri á köflum. Þeir voru aftarlega í vörninni og ég fékk flugbrautina mína og náði að setja nokkur mörk," sagði Adam sem er að komast aftur á fulla ferð eftir meiðsli í upphafi tímabils. "Þetta er búið að ganga ágætlega, svona upp og niður, en ég er allur að koma til," sagði Adam að endingu.Ágúst: Alltof fáir að skora í kvöld "Við vorum virkilega góðir í 40 mínútur og þá sérstaklega í sókninni en svo hættum við að skora og varnarleikurinn var ekki nógu góður. Við töpuðum stöðunni maður á mann og vorum ekki nógu snöggir til baka. "Botninn datt bara úr þessu," sagði Ágúst Jóhannsson, þjálfari Víkings, eftir 12 marka tap fyrir Íslandsmeisturum Hauka í kvöld. Nýliðarnir spiluðum lengstum vel í kvöld og þegar 20 mínútur lifðu leiks voru Víkingar yfir, 16-17. En þá skellti Giedrius Morkunas í lás í marki Hauka sem unnu síðustu 20 mínútur leiksins 15-2. "Haukar eru með eitt besta lið landsins og við erum kannski brothættir. Það vantar einn okkar besta mann," sagði Ágúst og átti þar við Jóhann Reyni Gunnlaugsson sem verður frá í a.m.k. sex vikur vegna meiðsla. "Við vorum góðir í 40 mínútur og sýndum hvað við getum gert en síðustu 20 mínúturnar voru alltof slakar. Við þurfum að vera betri og fá framlag frá fleiri mönnum. Það voru alltof fáir að skora í kvöld og við vorum með lélega skotnýtingu. "Það var ekki eins og við værum að gera mikið af tæknifeilum heldur vorum við bara að skjóta mjög illa. Við þurfum að laga það," sagði Ágúst sem fannst tapið alltof stórt. "Við erum mjög ósáttir með að tapa með 12 mörkum í stað 6-8 marka. Við gáfum of mikið eftir," sagði Ágúst að lokum.
Olís-deild karla Mest lesið Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Brasilíski miðvörðurinn gríðarlega eftirsóttur Fótbolti Kolbeinn með glæsimark í sigri Gautaborgar Fótbolti Dagskráin í dag: Meistaradeild Evrópu og Bónus deild kvenna fer af stað Sport Hilmar Árni: Þurftum að vinna, gerðum það og svo bara næsti leikur Íslenski boltinn Ætla að sniðganga leikinn við Víking Fótbolti Dómarinn fyrrverandi segir Bruno hafa átt að fá gult Enski boltinn Heimamenn kláruðu dæmið í fyrri hálfleik Enski boltinn Lilja tognuð á ökkla og frá næsta mánuðinn Handbolti Fleiri fréttir Lilja tognuð á ökkla og frá næsta mánuðinn Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Sjá meira