Umfjöllun. viðtöl og myndir: Ísland - Þýskaland 17-22 | Þýska liðið númeri of stórt fyrir Stelpurnar okkar Ingvi Þór Sæmundsson skrifar 11. október 2015 18:00 Ísland tapaði með fimm marka mun, 17-22, fyrir Þýskalandi í undankeppni EM 2016 í handbolta í dag. Íslenska liðið hefur þar með tapað báðum leikjum sínum í riðli 7 í undankeppninni en á fimmtudaginn beið liðið lægri hlut fyrir Frakklandi á útivelli, 27-17.Pjetur Sigurðsson, ljósmyndari Vísis og Fréttablaðsins, var á leiknum í Vodafone-höllinni í dag og náði þessum skemmtilegu myndum hér fyrir ofan. Vandamál íslenska liðsins í dag var af svipuðum toga og gegn Frökkum en sóknarleikurinn var einfaldlega skelfilegur eins og 17 mörk skoruð gefa til kynna. Varnarleikurinn var fínn og Florentina Stanciu frábær í markinu og því var íslenska liðið inni í leiknum allt þar til á síðustu 10-15 mínútum. Þá sigu Þjóðverjar fram úr og lönduðu öruggum fimm marka sigri, 17-22. Íslenska liðið gat vel við unað að vera bara einu marki undir í hálfleik miðað við allt. Þýska liðið byrjaði leikinn mun betur og eftir 11 mínútna leik var staðan 2-7, þeim í vil. Sóknarleikur íslenska liðsins var álíka slakur og gegn Frökkum á fimmtudaginn. Boltinn gekk illa, það var lítið um árásir en þeim mun meira um tapaða bolta. Ógnunin utan af velli var lítil og íslenska liðinu gekk ekkert að opna hornin. En þrátt fyrir slæma stöðu hélt íslenska liðið haus og átti frábæran kafla um miðjan fyrri hálfleik þegar það skoraði fimm mörk í röð og jafnaði metin í 7-7. Þýska liðið náði vopnum sínum á ný og ef ekki hefði verið fyrir góða markvörslu Florentinu hefðu gestirnir farið með betri stöðu inn í hálfleikinn. Florentina varði alls 10 skot í fyrri hálfleik, eða 45% þeirra skota sem hún fékk á sig. Hafi sóknarleikur Íslands verið slakur í fyrri hálfleik þá var hann enn verri í þeim seinni. Íslenska liðið skoraði aðeins eitt mark á fyrstu 13 mínútum seinni hálfleik og það kom af vítalínunni. Clara Woltering varði eins og berserkur í markinu, alls 20 skot í leiknum, en skotin sem hún fékk á sig voru mörg hver ekkert sérstaklega krefjandi. En þrátt fyrir allt brasið á sóknarleiknum tókst þýska liðinu ekki að stinga það íslenska af. Florentina hélt áfram að verja af krafti og þá var sóknarleikur þeirra þýsku ekkert sérstakur. Ramune Pekarskyte, sem átti annars afleitan leik, minnkaði muninn í 14-17 þegar kortér var eftir en í stað þess að íslenska liðinu tækist að minnka muninn enn frekar gáfu Þjóðverjar í, skoruðu þrjú mörk í röð, náðu sex marka forystu, 14-20, og gengu þar með frá leiknum. Á endanum munaði fimm mörkum á liðunum, 17-22. Karen Knútsdóttir var markahæst í íslenska liðinu með fjögur mörk. Hún náði sér þó ekki á strik frekar en aðrir leikmenn Íslands í sókninni. Skotnýting liðsins var aðeins 35% sem er ekki vænlegt til árangurs gegn jafn sterkum andstæðingi og Þýskalandi. Florentina varði 18 skot í íslenska markinu, eða 46% þeirra skota sem hún fékk á sig.Ágúst: Sóknarleikurinn var ekki nógu vel útfærður Ágúst Jóhannsson, landsliðsþjálfari, sagði sóknarleik Íslands hafa orðið liðinu að falli í fimm marka tapi, 17-22, fyrir Þýskalandi í dag. "Sóknarleikurinn er bara ekki nægilega vel útfærður. Við spilum leikkerfin ekki nógu vel, fáum lítið af mörkum utan af velli, skotnýtingin var ekki góð og það veit ekki á gott," sagði Ágúst í samtali við Vísi eftir leik. Þrátt fyrir slakan sóknarleik var íslenska liðið inni í leiknum allt þar til 10-15 mínútur voru eftir. "Liðið barðist vel, það vantaði ekkert upp á það. Við vissum að við værum að spila við sterkt lið en ég hefði viljað sjá betri frammistöðu hjá mínu liði í dag," sagði Ágúst sem var þó nokkuð ánægður með varnarleikinn og frammistöðu Florentinu Stanciu í markinu en hún varði 18 skot í leiknum. "Það er alls ekki slæmt að halda þeim í 22 mörkum og Flora var virkilega góð en við þurfum að keyra betri hraðaupphlaup og refsa meira með þeim. Og svo þurfum við auðvitað að vera beittari í uppstilltum sóknarleik og þetta er eitthvað sem við þurfum að vinna betur í." Þrátt fyrir að íslenska liðið sé stigalaust eftir tvo fyrstu leikina í undankeppninni segir Ágúst að möguleikinn á að komast í lokakeppnina í Svíþjóð á næsta ári sé enn fyrir hendi. "Þetta gerir það að verkum að það verður erfitt að komast alla leið en það eru enn fjórir leikir eftir og við þurfum bara að reyna ná í góð úrslit á móti Sviss sem eru næstu andstæðingar," sagði landsliðsþjálfarinn að lokum.Sunna: Finnst við ekki lélegri en þetta lið Sunna Jónsdóttir átti fínan leik í íslensku vörninni gegn Þýskalandi í dag en hún var að vonum súr í broti eftir fimm marka tap, 17-22. "Þetta eru mikil vonbrigði og ótrúlega svekkjandi. Mér finnst við ekki lélegri en þetta lið. "En það segir sig sjálft að maður vinnur ekki marga leiki þegar maður skorar bara 17 mörk," sagði Sunna sem var þó nokkuð sátt með varnarleikinn enda skoraði þýska liðið aðeins 22 mörk. "Vörnin var allt í lagi og Flora var frábær í markinu og að fá á sig 22 mörk á oft að duga til sigurs. En við fáum ekki nógu mörg auðveld mörk úr hraðaupphlaupum og seinni bylgju." Sunna segir að íslenska liðið hefði mátt vera ákveðnara í sóknarleiknum og horfa meira á markið. "Við tókum aðeins fleiri skot fyrir utan en gegn Frakklandi sem er jákvætt, þótt þau hafi ekki verið að fara inn. Svo vorum við ekki nógu ákveðnar að fara á markið og fórum of mikið til hliðar," sagði Sunna að endingu.Ágúst Jóhannsson talar við stelpurnar.Vísir/PjeturSunna Jónsdóttir í vörninni í dag.Vísir/PjeturKaren Knútsdóttir í leiknum í kvöld.Vísir/Pjetur Íslenski handboltinn Handbolti Mest lesið Marlena vann Bakgarðshlaupið: „Ég hljóp bara“ Sport Sólveig keppti ólétt og á leið í þungunarrof Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Marlena er sigurvegari Bakgarðshlaupsins Sport Keane segir Arteta að taka lyfin sín Enski boltinn Refsing fyrir að blóta gæti flýtt fyrir því að Verstappen hætti Formúla 1 Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Ísland tapaði með fimm marka mun, 17-22, fyrir Þýskalandi í undankeppni EM 2016 í handbolta í dag. Íslenska liðið hefur þar með tapað báðum leikjum sínum í riðli 7 í undankeppninni en á fimmtudaginn beið liðið lægri hlut fyrir Frakklandi á útivelli, 27-17.Pjetur Sigurðsson, ljósmyndari Vísis og Fréttablaðsins, var á leiknum í Vodafone-höllinni í dag og náði þessum skemmtilegu myndum hér fyrir ofan. Vandamál íslenska liðsins í dag var af svipuðum toga og gegn Frökkum en sóknarleikurinn var einfaldlega skelfilegur eins og 17 mörk skoruð gefa til kynna. Varnarleikurinn var fínn og Florentina Stanciu frábær í markinu og því var íslenska liðið inni í leiknum allt þar til á síðustu 10-15 mínútum. Þá sigu Þjóðverjar fram úr og lönduðu öruggum fimm marka sigri, 17-22. Íslenska liðið gat vel við unað að vera bara einu marki undir í hálfleik miðað við allt. Þýska liðið byrjaði leikinn mun betur og eftir 11 mínútna leik var staðan 2-7, þeim í vil. Sóknarleikur íslenska liðsins var álíka slakur og gegn Frökkum á fimmtudaginn. Boltinn gekk illa, það var lítið um árásir en þeim mun meira um tapaða bolta. Ógnunin utan af velli var lítil og íslenska liðinu gekk ekkert að opna hornin. En þrátt fyrir slæma stöðu hélt íslenska liðið haus og átti frábæran kafla um miðjan fyrri hálfleik þegar það skoraði fimm mörk í röð og jafnaði metin í 7-7. Þýska liðið náði vopnum sínum á ný og ef ekki hefði verið fyrir góða markvörslu Florentinu hefðu gestirnir farið með betri stöðu inn í hálfleikinn. Florentina varði alls 10 skot í fyrri hálfleik, eða 45% þeirra skota sem hún fékk á sig. Hafi sóknarleikur Íslands verið slakur í fyrri hálfleik þá var hann enn verri í þeim seinni. Íslenska liðið skoraði aðeins eitt mark á fyrstu 13 mínútum seinni hálfleik og það kom af vítalínunni. Clara Woltering varði eins og berserkur í markinu, alls 20 skot í leiknum, en skotin sem hún fékk á sig voru mörg hver ekkert sérstaklega krefjandi. En þrátt fyrir allt brasið á sóknarleiknum tókst þýska liðinu ekki að stinga það íslenska af. Florentina hélt áfram að verja af krafti og þá var sóknarleikur þeirra þýsku ekkert sérstakur. Ramune Pekarskyte, sem átti annars afleitan leik, minnkaði muninn í 14-17 þegar kortér var eftir en í stað þess að íslenska liðinu tækist að minnka muninn enn frekar gáfu Þjóðverjar í, skoruðu þrjú mörk í röð, náðu sex marka forystu, 14-20, og gengu þar með frá leiknum. Á endanum munaði fimm mörkum á liðunum, 17-22. Karen Knútsdóttir var markahæst í íslenska liðinu með fjögur mörk. Hún náði sér þó ekki á strik frekar en aðrir leikmenn Íslands í sókninni. Skotnýting liðsins var aðeins 35% sem er ekki vænlegt til árangurs gegn jafn sterkum andstæðingi og Þýskalandi. Florentina varði 18 skot í íslenska markinu, eða 46% þeirra skota sem hún fékk á sig.Ágúst: Sóknarleikurinn var ekki nógu vel útfærður Ágúst Jóhannsson, landsliðsþjálfari, sagði sóknarleik Íslands hafa orðið liðinu að falli í fimm marka tapi, 17-22, fyrir Þýskalandi í dag. "Sóknarleikurinn er bara ekki nægilega vel útfærður. Við spilum leikkerfin ekki nógu vel, fáum lítið af mörkum utan af velli, skotnýtingin var ekki góð og það veit ekki á gott," sagði Ágúst í samtali við Vísi eftir leik. Þrátt fyrir slakan sóknarleik var íslenska liðið inni í leiknum allt þar til 10-15 mínútur voru eftir. "Liðið barðist vel, það vantaði ekkert upp á það. Við vissum að við værum að spila við sterkt lið en ég hefði viljað sjá betri frammistöðu hjá mínu liði í dag," sagði Ágúst sem var þó nokkuð ánægður með varnarleikinn og frammistöðu Florentinu Stanciu í markinu en hún varði 18 skot í leiknum. "Það er alls ekki slæmt að halda þeim í 22 mörkum og Flora var virkilega góð en við þurfum að keyra betri hraðaupphlaup og refsa meira með þeim. Og svo þurfum við auðvitað að vera beittari í uppstilltum sóknarleik og þetta er eitthvað sem við þurfum að vinna betur í." Þrátt fyrir að íslenska liðið sé stigalaust eftir tvo fyrstu leikina í undankeppninni segir Ágúst að möguleikinn á að komast í lokakeppnina í Svíþjóð á næsta ári sé enn fyrir hendi. "Þetta gerir það að verkum að það verður erfitt að komast alla leið en það eru enn fjórir leikir eftir og við þurfum bara að reyna ná í góð úrslit á móti Sviss sem eru næstu andstæðingar," sagði landsliðsþjálfarinn að lokum.Sunna: Finnst við ekki lélegri en þetta lið Sunna Jónsdóttir átti fínan leik í íslensku vörninni gegn Þýskalandi í dag en hún var að vonum súr í broti eftir fimm marka tap, 17-22. "Þetta eru mikil vonbrigði og ótrúlega svekkjandi. Mér finnst við ekki lélegri en þetta lið. "En það segir sig sjálft að maður vinnur ekki marga leiki þegar maður skorar bara 17 mörk," sagði Sunna sem var þó nokkuð sátt með varnarleikinn enda skoraði þýska liðið aðeins 22 mörk. "Vörnin var allt í lagi og Flora var frábær í markinu og að fá á sig 22 mörk á oft að duga til sigurs. En við fáum ekki nógu mörg auðveld mörk úr hraðaupphlaupum og seinni bylgju." Sunna segir að íslenska liðið hefði mátt vera ákveðnara í sóknarleiknum og horfa meira á markið. "Við tókum aðeins fleiri skot fyrir utan en gegn Frakklandi sem er jákvætt, þótt þau hafi ekki verið að fara inn. Svo vorum við ekki nógu ákveðnar að fara á markið og fórum of mikið til hliðar," sagði Sunna að endingu.Ágúst Jóhannsson talar við stelpurnar.Vísir/PjeturSunna Jónsdóttir í vörninni í dag.Vísir/PjeturKaren Knútsdóttir í leiknum í kvöld.Vísir/Pjetur
Íslenski handboltinn Handbolti Mest lesið Marlena vann Bakgarðshlaupið: „Ég hljóp bara“ Sport Sólveig keppti ólétt og á leið í þungunarrof Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Marlena er sigurvegari Bakgarðshlaupsins Sport Keane segir Arteta að taka lyfin sín Enski boltinn Refsing fyrir að blóta gæti flýtt fyrir því að Verstappen hætti Formúla 1 Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira