Elvar áfram á Hlíðarenda

Elvar Friðriksson skrifaði í dag undir nýjan tveggja ára samning við handknattleiksdeild Vals.

Elvar, sem er 28 ára, er uppalinn Valsmaður og varð m.a. Íslandsmeistari með félaginu 2007.

Elvar kom aftur til Vals síðasta sumar eftir að hafa spilað erlendis með Hammarby í Svíþjóð og Lemvig í Danmörku.

Elvar skoraði 52 mörk í 19 deildarleikjum fyrir Val í vetur. Valsmenn urðu deildarmeistarar en féllu úr leik fyrir Haukum í undanúrslitum úrslitakeppninnar.