Þyngdi sig fyrir hlutverk

Leikarinn Seth Rogen leikur í kvikmyndinni Neighbors ásamt þeim Zac Efron, Dave Franco og Ike Barinholtz.

Zac var verðlaunaður á MTV Movie-verðlaunahátíðinni fyrir stuttu fyrir að vera með afar föngulegan líkama. Þrátt fyrir það segist Seth ekki hafa fundið fyrir pressu um að létta sig fyrir hlutverkið í Neighbors en í myndinni rífur hann sig úr að ofan.

„Ég held að ég hafi reyndar þyngst fyrir hlutverkið. Ég vissi að andstæður væru mikilvægar í senunni og ég held að það hafi tekist vel,“ segir Seth en myndin er frumsýnd 9. maí.