Fangamörk frá árinu 1883 á bitum hússins Gunnþóra Gunnarsdóttir skrifar 18. júlí 2013 14:00 "Það þýðir ekki alltaf að sitja hjá og ætlast til að aðrir geri hlutina,“ segir Jens Garðar sem hefur gert húsið upp á eigin spýtur. „Ég hef verið að gera þetta hús upp, algerlega á eigin spýtur,“ segir Jens Garðar Helgason, framkvæmdastjóri útflutningsfyrirtækisins Fiskimið, um Dahlshús á Eskifirði sem nú hefur gengið í endurnýjun lífdaga. Hann kveðst hafa keypt það árið 2010. „Þetta er norskt síldarsjóhús byggt af Jóhanni Dahl síldarútgerðarmanni. Hann kom með það með sér frá Noregi 1880, setti það upp og var sjálfur hér með útgerð til 1883. Síðan gekk húsið kaupum og sölum, var notað sem fiskverkunarhús og um tíma sem sláturhús. Sá sem ég keypti það af er Hilmar Bjarnason, sem hafði átt það frá 1945. Hann er enn á lífi, fæddur 1916,“ upplýsir Jens. Jens hallast að því að húsið sé mun eldra en frá 1880. „Síldin hvarf frá Noregi um 1873 en þegar Norðmenn fréttu af fullum fjörðum hér af síld þá komu þeir. Ég held að Jóhann hafi tekið þetta hús niður úti í Noregi og flutt það hingað.“ Dahlshús er 90 fermetrar að grunnfleti en risið er stórt þannig að húsið er um 160 fermetrar í allt. En hvað kom Jens til að festa kaup á því? „Ég hef áhuga á þessum gömlu norsku húsum sem hér eru og útgerðarsögunni í kringum þau. Þegar Dahlshús var til sölu 2010 fannst mér að það yrði að bjarga því í sinni mynd og fór í þessa vegferð í samráði við Húsafriðunarnefnd. Við byggðum bara nýtt hús utan um gamla húsið. Settum nýja klæðningu og nýtt þak en að innan er húsið nákvæmlega eins og það var þegar það var reist. Það merkilega er að það hefur algerlega haldist óbreytt. Á bitunum eru fangamörk manna frá 1883 og 1889 og þau hafa alveg haldist.“Dahlshús er til hægri, fyrir miðju er Framkaupsstaður, reistur 1873, og vinstra megin er Salthúsið, síðar Víðissjóhús, reist 1880. Myndin er frá árinu 1907.Nú ætlar Jens að vígja húsið um helgina með listsýningu. „Hingað koma listamennirnir Árni Páll Jóhannsson og Kristján Guðmundsson með verk sín og Halldór B. Runólfsson, forstöðumaður Listasafns Íslands, ætlar að opna sýninguna. Við hugsum okkur að vera næstu árin með sýningar samtímamanna í Dahlshúsi. Svo vona ég að húsið finni sér eitthvert hlutverk hér í samfélaginu.“ Jens tekur fram að nú sé húsið ekki alveg eins og það á að sér, að innanverðu, því búið sé að hvítklæða veggi og setja upp flúorlýsingu að kröfu listamannanna. Fleiri norsk hús eru á Eskifirði, sum er búið að taka í gegn en nokkur eru enn óuppgerð. Spurður hvort hann sé að hugsa um að taka fleiri hús í fóstur svarar Jens: „Ætli ég reyni ekki að sleikja sárin eftir þetta ævintýri áður en ég fer að huga að fleirum. Kannski verður þetta framtak einhverjum hvatning til að taka að sér svona verkefni.“ Menning Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Eins og þruma úr heiðskíru lofti Lífið Kúltúrkettir landsins létu sig ekki vanta í Portið Menning Náði að sættast við bróður sinn fyrir andlátið Lífið Stjörnulífið: Skvísustælar við bakkann og áminning um óöryggi Lífið Fylgst með tímaskeiði í lífi konu sem greinist með krabbamein Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Ég hef verið að gera þetta hús upp, algerlega á eigin spýtur,“ segir Jens Garðar Helgason, framkvæmdastjóri útflutningsfyrirtækisins Fiskimið, um Dahlshús á Eskifirði sem nú hefur gengið í endurnýjun lífdaga. Hann kveðst hafa keypt það árið 2010. „Þetta er norskt síldarsjóhús byggt af Jóhanni Dahl síldarútgerðarmanni. Hann kom með það með sér frá Noregi 1880, setti það upp og var sjálfur hér með útgerð til 1883. Síðan gekk húsið kaupum og sölum, var notað sem fiskverkunarhús og um tíma sem sláturhús. Sá sem ég keypti það af er Hilmar Bjarnason, sem hafði átt það frá 1945. Hann er enn á lífi, fæddur 1916,“ upplýsir Jens. Jens hallast að því að húsið sé mun eldra en frá 1880. „Síldin hvarf frá Noregi um 1873 en þegar Norðmenn fréttu af fullum fjörðum hér af síld þá komu þeir. Ég held að Jóhann hafi tekið þetta hús niður úti í Noregi og flutt það hingað.“ Dahlshús er 90 fermetrar að grunnfleti en risið er stórt þannig að húsið er um 160 fermetrar í allt. En hvað kom Jens til að festa kaup á því? „Ég hef áhuga á þessum gömlu norsku húsum sem hér eru og útgerðarsögunni í kringum þau. Þegar Dahlshús var til sölu 2010 fannst mér að það yrði að bjarga því í sinni mynd og fór í þessa vegferð í samráði við Húsafriðunarnefnd. Við byggðum bara nýtt hús utan um gamla húsið. Settum nýja klæðningu og nýtt þak en að innan er húsið nákvæmlega eins og það var þegar það var reist. Það merkilega er að það hefur algerlega haldist óbreytt. Á bitunum eru fangamörk manna frá 1883 og 1889 og þau hafa alveg haldist.“Dahlshús er til hægri, fyrir miðju er Framkaupsstaður, reistur 1873, og vinstra megin er Salthúsið, síðar Víðissjóhús, reist 1880. Myndin er frá árinu 1907.Nú ætlar Jens að vígja húsið um helgina með listsýningu. „Hingað koma listamennirnir Árni Páll Jóhannsson og Kristján Guðmundsson með verk sín og Halldór B. Runólfsson, forstöðumaður Listasafns Íslands, ætlar að opna sýninguna. Við hugsum okkur að vera næstu árin með sýningar samtímamanna í Dahlshúsi. Svo vona ég að húsið finni sér eitthvert hlutverk hér í samfélaginu.“ Jens tekur fram að nú sé húsið ekki alveg eins og það á að sér, að innanverðu, því búið sé að hvítklæða veggi og setja upp flúorlýsingu að kröfu listamannanna. Fleiri norsk hús eru á Eskifirði, sum er búið að taka í gegn en nokkur eru enn óuppgerð. Spurður hvort hann sé að hugsa um að taka fleiri hús í fóstur svarar Jens: „Ætli ég reyni ekki að sleikja sárin eftir þetta ævintýri áður en ég fer að huga að fleirum. Kannski verður þetta framtak einhverjum hvatning til að taka að sér svona verkefni.“
Menning Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Eins og þruma úr heiðskíru lofti Lífið Kúltúrkettir landsins létu sig ekki vanta í Portið Menning Náði að sættast við bróður sinn fyrir andlátið Lífið Stjörnulífið: Skvísustælar við bakkann og áminning um óöryggi Lífið Fylgst með tímaskeiði í lífi konu sem greinist með krabbamein Lífið Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira