Jóhannes leikstýrir þáttum um Ladda Freyr Bjarnason skrifar 5. mars 2013 06:00 Jóhannes Haukur Jóhannesson leikstýrir nýjum heimildarþáttum um Ladda sem verða sýndir í apríl. Leikarinn Jóhannes Haukur Jóhannesson leikstýrir nýjum heimildarþáttum um Ladda. Karl Ágúst Úlfsson og Sigurður Sigurjónsson koma einnig við sögu. Leikarinn Jóhannes Haukur Jóhannesson leikstýrir nýjum heimildarþáttum sem verða sýndir á Stöð 2 í apríl. Þar ræðir hann við kollega sína af eldri kynslóðinni, þá Ladda, Karl Ágúst Úlfsson og Sigurð Sigurjónsson sem standa á bak við einleikinn Laddi lengir lífið sem verður frumsýndur í Hörpu 5. apríl. Þar fá áhorfendur í fyrsta sinn að kynnast Ladda í eigin persónu. "Ég hef verið að vinna með þessum mönnum síðastliðin ár við mismunandi tækifæri. Nú síðast lékum við Laddi saman í Vesalingunum í Þjóðleikhúsinu. Það er svo hrikalega gaman og fáránlega áhugavert að tala við þessa menn um það sem snýr að okkar fagi og í raun um hvað sem er. Þeir hafa frá svo mörgu að segja, þeir hafa svo mikla reynslu og mér hefur þótt svo afskaplega vænt um að fá að eiga þessi samtöl við þessa menn," segir Jóhannes Haukur um þessa nýju þætti. Þeir verða að öllum líkindum þrír talsins og verður hver þeirra hálftíma langur. Áætlað er að sýna fyrsta þáttinn fyrir frumsýninguna á Laddi lengir lífið. Þetta verður fyrsta leikstjóraverkefni Jóhannesar Hauks síðan hann útskrifaðist sem leikari úr Listaháskólanum. "Þegar ég heyrði af þessu verkefni þeirra þriggja, datt mér í hug að reyna að fanga þessa stemningu sem ég upplifi með þeim og miðla henni til fólksins heima í stofu. Mér þótti áhugavert að Laddi væri í raun að byrja upp á nýtt í þessari sýningu, og styðst ekki við gömlu karakterana. Það er ekkert sjálfgefið að listamenn nenni að standa í því að finna sig upp á nýtt eftir sextugsaldurinn," segir hann. Jóhannes bætir við að verkefnið hafi aðeins undið upp á sig. "Við fórum t.d. á stúfana með Ladda þar sem hann var að prófa eitthvað af nýja efninu á uppistandssýningu hjá Mið-Íslandi. Við fengum að kynnast því hvernig eitt stykki einleikur með Ladda, bara nýtt efni, verður til," segir hann. "Þetta var með afbrigðum áhugaverð stúdía fyrir mig og ég er ekki í nokkrum vafa um að áhorfendur heima í stofu muni hafa gagn og gaman af." Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Eins og þruma úr heiðskíru lofti Lífið Móðir Whitney Houston látin Lífið Kúltúrkettir landsins létu sig ekki vanta í Portið Menning Sykursalur orðinn einn vinsælasti veislusalur Reykjavíkur Lífið samstarf Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Leikarinn Jóhannes Haukur Jóhannesson leikstýrir nýjum heimildarþáttum um Ladda. Karl Ágúst Úlfsson og Sigurður Sigurjónsson koma einnig við sögu. Leikarinn Jóhannes Haukur Jóhannesson leikstýrir nýjum heimildarþáttum sem verða sýndir á Stöð 2 í apríl. Þar ræðir hann við kollega sína af eldri kynslóðinni, þá Ladda, Karl Ágúst Úlfsson og Sigurð Sigurjónsson sem standa á bak við einleikinn Laddi lengir lífið sem verður frumsýndur í Hörpu 5. apríl. Þar fá áhorfendur í fyrsta sinn að kynnast Ladda í eigin persónu. "Ég hef verið að vinna með þessum mönnum síðastliðin ár við mismunandi tækifæri. Nú síðast lékum við Laddi saman í Vesalingunum í Þjóðleikhúsinu. Það er svo hrikalega gaman og fáránlega áhugavert að tala við þessa menn um það sem snýr að okkar fagi og í raun um hvað sem er. Þeir hafa frá svo mörgu að segja, þeir hafa svo mikla reynslu og mér hefur þótt svo afskaplega vænt um að fá að eiga þessi samtöl við þessa menn," segir Jóhannes Haukur um þessa nýju þætti. Þeir verða að öllum líkindum þrír talsins og verður hver þeirra hálftíma langur. Áætlað er að sýna fyrsta þáttinn fyrir frumsýninguna á Laddi lengir lífið. Þetta verður fyrsta leikstjóraverkefni Jóhannesar Hauks síðan hann útskrifaðist sem leikari úr Listaháskólanum. "Þegar ég heyrði af þessu verkefni þeirra þriggja, datt mér í hug að reyna að fanga þessa stemningu sem ég upplifi með þeim og miðla henni til fólksins heima í stofu. Mér þótti áhugavert að Laddi væri í raun að byrja upp á nýtt í þessari sýningu, og styðst ekki við gömlu karakterana. Það er ekkert sjálfgefið að listamenn nenni að standa í því að finna sig upp á nýtt eftir sextugsaldurinn," segir hann. Jóhannes bætir við að verkefnið hafi aðeins undið upp á sig. "Við fórum t.d. á stúfana með Ladda þar sem hann var að prófa eitthvað af nýja efninu á uppistandssýningu hjá Mið-Íslandi. Við fengum að kynnast því hvernig eitt stykki einleikur með Ladda, bara nýtt efni, verður til," segir hann. "Þetta var með afbrigðum áhugaverð stúdía fyrir mig og ég er ekki í nokkrum vafa um að áhorfendur heima í stofu muni hafa gagn og gaman af."
Menning Mest lesið Skilnaður handan við hornið hjá Kanye og Biöncu Lífið Kemur frá Sýrlandi og syngur á íslensku Tónlist Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Bergrún Íris og Kolbrún keyptu í Hafnarfirði Lífið Eins og þruma úr heiðskíru lofti Lífið Móðir Whitney Houston látin Lífið Kúltúrkettir landsins létu sig ekki vanta í Portið Menning Sykursalur orðinn einn vinsælasti veislusalur Reykjavíkur Lífið samstarf Fleiri fréttir Kúltúrkettir landsins létu sig ekki vanta í Portið „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira