Sváfum á verðinum Eiríkur Stefán Ásgeirsson skrifar 19. febrúar 2013 07:00 Aron Kristjánsson og lærisveinar hans í Haukum hafa tapað þremur leikjum í röð, bæði í deild og bikar. Haukar mæta Akureyringum á fimmtudagskvöldið.fréttablaðið/valli Eftir tíu sigurleiki í N1-deild karla í röð hafa Haukar skyndilega tapað þremur leikjum í röð í deild og bikar. Aron Kristjánsson, þjálfari liðsins, óttast ekki að liðið sé hrunið og segir að margt jákvætt hafi verið í gangi í síðasta leik þess. Hvorki hefur gengið né rekið hjá Haukum að undanförnu en eftir frábært gengi liðsins framan af vetri komu skyndilega þrír tapleikir á aðeins átta dögum. Liðið féll úr leik í bikarnum og átta stiga forysta liðsins í deildinni er skyndilega orðin fjögur stig. Aron Kristjánsson, þjálfari liðsins, segir að erfitt sé að benda á bara eina ástæðu fyrir þessu því margt hjálpist að. Meiðsli og mannabreytingar vega þungt en einnig hugarfar leikmanna. „Þetta mikla forskot sem við höfðum varð til þess að við sofnuðum aðeins á verðinum. Þegar það kom svo að því að spýta í lófana var leiðin aðeins lengri en menn héldu," sagði Aron í samtali við Fréttablaðið í gær.Vorum værukærir í desember Taphrinan hófst þegar erkifjendurnir í FH komu á Ásvelli um þarsíðustu helgi og slógu meistaraefnin í rot. Síðan tóku við tveir leikir gegn ÍR, þar af annar í bikarnum, sem töpuðust báðir. En Aron segir að hann hafi séð brotalöm á sínu liði strax í desember. „Við vorum orðnir værukærir þá en munurinn er sá að þá tókst okkur að klára leikina okkar," segir Aron, sem þurfti að skilja við liðið í janúar á meðan hann fór með íslenska landsliðið á HM í Spáni, þar sem hann er einnig landsliðsþjálfari. „Eftir HM kem ég heim og liðið er búið að æfa stíft, sérstaklega líkamlega. Við notuðum deildarbikarinn frekar sem undirbúning fyrir deildina og því var hann ekki hátt skrifaður hjá okkur. Svo þegar út í deildina var komið fengum við alvöru kjaftshögg gegn FH," segir Aron.Slæmt að missa Jón Þorbjörn Nokkuð hefur verið um meiðsli í herbúðum Hauka en fjarvera Jóns Þorbjörns Jóhannssonar hefur haft mikið að segja. Hann er með brotið rifbein. „Hann hefur verið okkar jafnbesti maður, bæði í vörn og sókn. Svo misstum við líka Stefán Rafn [Sigurmannsson til Rhein-Neckar Löwen] á sínum tíma, auk þess sem Elías Már Halldórsson hefur verið meiddur. Það hefur kvarnast mikið úr liðinu." Haukar hafa þó fengið sterkan „liðsstyrk" því Sigurbergur Sveinsson er loksins byrjaður að spila með liðinu á ný eftir langvarandi meiðsli. En hann hefur ekki fundið sig í fyrstu leikjunum sínum. „Það er þétt spilað og lítill tími til æfinga á milli leikja. Því verður hann að nota þessa fyrstu leiki til að koma sér í form. Það er erfitt að nota deildarleiki til að pússa liðið saman en ég hef ekki átt annarra kosta völ eftir vetrarfríið." Í lok janúar var tilkynnt að Patrekur Jóhannesson myndi taka við starfi Arons í sumar en þá mun sá síðarnefndi einbeita sér að störfum sínum hjá HSÍ. Aron telur ekki að sú tilkynning hafi breytt nokkru hjá sínum mönnum. „Hugarfarið í hópnum hefur verið mjög gott og ég tel ekki að þetta hafi breytt nokkru. Við vitum sjálfir best hvernig staðan er og hvað við þurfum að gera til að bæta hana. Leikurinn við ÍR á sunnudag var skref í rétta átt þó svo að hann hafi tapast. Við nýttum ekki dauðafærin en spilið var mun betra. Við megum ekki gleyma því að við erum í efsta sæti og menn þurfa að hugsa eins og þeir séu í toppliði. Það þýðir ekkert að fara á taugum þrátt fyrir nokkra tapleiki." Olís-deild karla Mest lesið Áhorfandi fékk sex milljónir fyrir ótrúlegt skot Fótbolti „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Leikurinn ekki stöðvaður þó svo maður hafi dáið í stúkunni Enski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Simeone kennir Courtois um ólætin Fótbolti Dagskráin í dag: Stúkan tæklar stóru málin og Guðrún gæti orðið meistari Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Ólæti vörpuðu skugga á dramatískan borgarslag Fótbolti Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira
Eftir tíu sigurleiki í N1-deild karla í röð hafa Haukar skyndilega tapað þremur leikjum í röð í deild og bikar. Aron Kristjánsson, þjálfari liðsins, óttast ekki að liðið sé hrunið og segir að margt jákvætt hafi verið í gangi í síðasta leik þess. Hvorki hefur gengið né rekið hjá Haukum að undanförnu en eftir frábært gengi liðsins framan af vetri komu skyndilega þrír tapleikir á aðeins átta dögum. Liðið féll úr leik í bikarnum og átta stiga forysta liðsins í deildinni er skyndilega orðin fjögur stig. Aron Kristjánsson, þjálfari liðsins, segir að erfitt sé að benda á bara eina ástæðu fyrir þessu því margt hjálpist að. Meiðsli og mannabreytingar vega þungt en einnig hugarfar leikmanna. „Þetta mikla forskot sem við höfðum varð til þess að við sofnuðum aðeins á verðinum. Þegar það kom svo að því að spýta í lófana var leiðin aðeins lengri en menn héldu," sagði Aron í samtali við Fréttablaðið í gær.Vorum værukærir í desember Taphrinan hófst þegar erkifjendurnir í FH komu á Ásvelli um þarsíðustu helgi og slógu meistaraefnin í rot. Síðan tóku við tveir leikir gegn ÍR, þar af annar í bikarnum, sem töpuðust báðir. En Aron segir að hann hafi séð brotalöm á sínu liði strax í desember. „Við vorum orðnir værukærir þá en munurinn er sá að þá tókst okkur að klára leikina okkar," segir Aron, sem þurfti að skilja við liðið í janúar á meðan hann fór með íslenska landsliðið á HM í Spáni, þar sem hann er einnig landsliðsþjálfari. „Eftir HM kem ég heim og liðið er búið að æfa stíft, sérstaklega líkamlega. Við notuðum deildarbikarinn frekar sem undirbúning fyrir deildina og því var hann ekki hátt skrifaður hjá okkur. Svo þegar út í deildina var komið fengum við alvöru kjaftshögg gegn FH," segir Aron.Slæmt að missa Jón Þorbjörn Nokkuð hefur verið um meiðsli í herbúðum Hauka en fjarvera Jóns Þorbjörns Jóhannssonar hefur haft mikið að segja. Hann er með brotið rifbein. „Hann hefur verið okkar jafnbesti maður, bæði í vörn og sókn. Svo misstum við líka Stefán Rafn [Sigurmannsson til Rhein-Neckar Löwen] á sínum tíma, auk þess sem Elías Már Halldórsson hefur verið meiddur. Það hefur kvarnast mikið úr liðinu." Haukar hafa þó fengið sterkan „liðsstyrk" því Sigurbergur Sveinsson er loksins byrjaður að spila með liðinu á ný eftir langvarandi meiðsli. En hann hefur ekki fundið sig í fyrstu leikjunum sínum. „Það er þétt spilað og lítill tími til æfinga á milli leikja. Því verður hann að nota þessa fyrstu leiki til að koma sér í form. Það er erfitt að nota deildarleiki til að pússa liðið saman en ég hef ekki átt annarra kosta völ eftir vetrarfríið." Í lok janúar var tilkynnt að Patrekur Jóhannesson myndi taka við starfi Arons í sumar en þá mun sá síðarnefndi einbeita sér að störfum sínum hjá HSÍ. Aron telur ekki að sú tilkynning hafi breytt nokkru hjá sínum mönnum. „Hugarfarið í hópnum hefur verið mjög gott og ég tel ekki að þetta hafi breytt nokkru. Við vitum sjálfir best hvernig staðan er og hvað við þurfum að gera til að bæta hana. Leikurinn við ÍR á sunnudag var skref í rétta átt þó svo að hann hafi tapast. Við nýttum ekki dauðafærin en spilið var mun betra. Við megum ekki gleyma því að við erum í efsta sæti og menn þurfa að hugsa eins og þeir séu í toppliði. Það þýðir ekkert að fara á taugum þrátt fyrir nokkra tapleiki."
Olís-deild karla Mest lesið Áhorfandi fékk sex milljónir fyrir ótrúlegt skot Fótbolti „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Leikurinn ekki stöðvaður þó svo maður hafi dáið í stúkunni Enski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Simeone kennir Courtois um ólætin Fótbolti Dagskráin í dag: Stúkan tæklar stóru málin og Guðrún gæti orðið meistari Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Ólæti vörpuðu skugga á dramatískan borgarslag Fótbolti Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira