Umfjöllun og viðtöl: Valur - ÍBV 32-26 | Þriðji sigur Valsmanna í röð Sigmar Sigfússon á Hlíðarenda skrifar 9. nóvember 2013 13:00 Mynd/Vilhelm Ólafur Stefánsson og lærisveinar hans í Val eru komnir á beinu brautina með þriðja sigur sinn í röð er þeir unnu ÍBV, 32-26, á heimavelli í 7. umferð Olís-deildarinnar í dag. Eyjamenn byrjuðu betur í leiknum og heimamenn áttu í vandræðum í sóknaleik sínum gegn vörn ÍBV. Hinn hávaxni leikmaður íBV, Magnús Stefánsson, spilaði fyrir framan vörnina og Valsmenn komust illa í gegn í upphafi. ÍBV náði mest fimm marka forystu áður en Valsmenn hrukku í gang. Finnur Ingi Stefánsson kom Valsmönnum yfir í fyrsta sinn á 18. mínútu, 8-7. Eftir það var leikurinn stál í stál en Valsmenn spiluðu þó betur fram að hálfleik. Staðan í hálfleik var 16-13 fyrir heimamenn. Þorgrímur Smári Ólafsson, leikmaður Vals, fékk að líta rauðaspjaldið fyrir að fara í Andra Heimi Friðriksson í aðdraganda hraðaupphlaups Eyjamanna. Harður dómur svo ekki sé minna sagt. Valsmenn héldu uppteknum hætti í síðari hálfleik og voru heilt yfir sterkari en Eyjamenn á flestum sviðum. Hlynur varði mikilvæga bolta fyrir Hlíðarendaliðið sem skilaði sér í hraðaupphlaupum. Línumaður Vals, Orri Freyr Gíslason, fékk brottvísun fyrir litlar sakir í upphafi síðari hálfleiks og aðra í kjölfarið fyrir mótmæli og þar með rautt spjald. Valsmenn léku því bróðurpart seinni hálfleiks án hans. Róbert Aron Hostert, landsliðsmaður ÍBV, fór meiddur af velli undir lok fyrri hálfleiks og tók ekki frekari þátt í leiknum. Það virtist vera mikil blóðtaka fyrir Lánlausa Eyjapilta sem náðu sér ekki á strik í dag. Valsmenn náðu mest sjö marka forystu í seinni hálfleik og sigurinn aldrei í hættu. Guðmundur Hólmar Helgason, skytta Valsmanna, átti stórleik og skoraði 13 mörk fyrir sitt lið í leiknum þar af fjögur úr vítum. Agnar Smári Jónsson, Valsmaðurinn í liði Eyjamanna var atkvæðamestur þar á bæ með sex mörk. Guðmundur Hólmar: Algjör liðssigur„Ég er mjög ánægður með þennan sigur, algjör liðssigur,“ sagði Guðmundur Hólmar Helgason, stórskytta Valsmanna, sem átti frábæran leik og skoraði 13 mörk, eftir leikinn. „Vörnin var góð hjá okkur en við vorum örlítið óheppnir í byrjun leiks og þeir refsuðu okkur með hraðaupphlaupum. Við spiluðuð nokkuð agaðan sóknaleik nema þá helst ég sem skaut mjög mikið á markið. En ég er fyrst og fremst sáttur með sigurinn hjá liðinu í heild,“ sagði Guðmundur. „Við lentum í vandræðum í sókninni í byrjun leiks gegn Magnúsi Stefánssyni. Hann er með rosalegan faðm og erfitt að senda boltann framhjá honum. Enda stal hann alveg fimm boltum. En við leystum það ágætlega fannst mér. Við fórum ekki í neitt panikk.“ „Við erum farnir að skilja Óla betur og hann okkur. Við erum að taka þetta í réttum skrefum finnst mér. Við ætluðum okkur of mikið í upphafi. Æfingarnar hjá honum eru flottar og eru að skila sér núna inn á vellinum. Við eigum mikið inni ennþá,“ sagði Akureyringurinn að lokum. Gunnar: Valsmenn voru sterkari við á öllum sviðum„Svona heilt yfir voru Valsmenn betri en við á öllum sviðum í dag. Við vorum að gera mikil mistök í sókninni. Allt of mikið af slæmum ákvörðunum sem skilaði sér í mörgum hraðaupphlaupum í bakið á okkur. Kannski var það of mikið fyrir suma að vera í fyrsta sinn í sjónvarpi,“ sagði Gunnar Magnússon, þjálfari Eyjamanna, ósáttur eftir leikinn. „Spennustigið var ef til vill of hátt og við vorum að gera mistök sem við erum ekki vanir að gera.“ „Það er samt skrýtið að tapa leik en samt að spila góða vörn. Það sem munaði á liðunum í dag fyrir utan þau mistök sem við gerðum var markvarslan. Hlynur og Lárus voru að taka nokkra mikilvæga bolta en okkar markmenn áttu ekki góðan dag. Ef við fáum ekki markvörslu á móti liði eins og Val þá vinnum við þá ekki hérna í Vodafonehöllinni,“ sagði Gunnar. „Það munar fyrir öll lið að missa leikmann eins og Róbert út. En samt sem áður erum við með leikmenn sem eiga að geta stigið upp í þannig aðstæðum. Þetta var tækifæri fyrir aðra að sýna sig en það gekk því miður ekki upp í dag,“ sagði Gunnar að lokum. Olís-deild karla Mest lesið Áhorfandi fékk sex milljónir fyrir ótrúlegt skot Fótbolti „Viðbjóðsleg“ frammistaða sem lætur stjóra missa starfið Enski boltinn Leikurinn ekki stöðvaður þó svo maður hafi dáið í stúkunni Enski boltinn Ten Hag verði ekki rekinn Enski boltinn „Væri gaman að spila við þá í hverri einustu viku” Íslenski boltinn Simeone kennir Courtois um ólætin Fótbolti Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Meistararnir finna alltaf leið til að vinna Sport Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira
Ólafur Stefánsson og lærisveinar hans í Val eru komnir á beinu brautina með þriðja sigur sinn í röð er þeir unnu ÍBV, 32-26, á heimavelli í 7. umferð Olís-deildarinnar í dag. Eyjamenn byrjuðu betur í leiknum og heimamenn áttu í vandræðum í sóknaleik sínum gegn vörn ÍBV. Hinn hávaxni leikmaður íBV, Magnús Stefánsson, spilaði fyrir framan vörnina og Valsmenn komust illa í gegn í upphafi. ÍBV náði mest fimm marka forystu áður en Valsmenn hrukku í gang. Finnur Ingi Stefánsson kom Valsmönnum yfir í fyrsta sinn á 18. mínútu, 8-7. Eftir það var leikurinn stál í stál en Valsmenn spiluðu þó betur fram að hálfleik. Staðan í hálfleik var 16-13 fyrir heimamenn. Þorgrímur Smári Ólafsson, leikmaður Vals, fékk að líta rauðaspjaldið fyrir að fara í Andra Heimi Friðriksson í aðdraganda hraðaupphlaups Eyjamanna. Harður dómur svo ekki sé minna sagt. Valsmenn héldu uppteknum hætti í síðari hálfleik og voru heilt yfir sterkari en Eyjamenn á flestum sviðum. Hlynur varði mikilvæga bolta fyrir Hlíðarendaliðið sem skilaði sér í hraðaupphlaupum. Línumaður Vals, Orri Freyr Gíslason, fékk brottvísun fyrir litlar sakir í upphafi síðari hálfleiks og aðra í kjölfarið fyrir mótmæli og þar með rautt spjald. Valsmenn léku því bróðurpart seinni hálfleiks án hans. Róbert Aron Hostert, landsliðsmaður ÍBV, fór meiddur af velli undir lok fyrri hálfleiks og tók ekki frekari þátt í leiknum. Það virtist vera mikil blóðtaka fyrir Lánlausa Eyjapilta sem náðu sér ekki á strik í dag. Valsmenn náðu mest sjö marka forystu í seinni hálfleik og sigurinn aldrei í hættu. Guðmundur Hólmar Helgason, skytta Valsmanna, átti stórleik og skoraði 13 mörk fyrir sitt lið í leiknum þar af fjögur úr vítum. Agnar Smári Jónsson, Valsmaðurinn í liði Eyjamanna var atkvæðamestur þar á bæ með sex mörk. Guðmundur Hólmar: Algjör liðssigur„Ég er mjög ánægður með þennan sigur, algjör liðssigur,“ sagði Guðmundur Hólmar Helgason, stórskytta Valsmanna, sem átti frábæran leik og skoraði 13 mörk, eftir leikinn. „Vörnin var góð hjá okkur en við vorum örlítið óheppnir í byrjun leiks og þeir refsuðu okkur með hraðaupphlaupum. Við spiluðuð nokkuð agaðan sóknaleik nema þá helst ég sem skaut mjög mikið á markið. En ég er fyrst og fremst sáttur með sigurinn hjá liðinu í heild,“ sagði Guðmundur. „Við lentum í vandræðum í sókninni í byrjun leiks gegn Magnúsi Stefánssyni. Hann er með rosalegan faðm og erfitt að senda boltann framhjá honum. Enda stal hann alveg fimm boltum. En við leystum það ágætlega fannst mér. Við fórum ekki í neitt panikk.“ „Við erum farnir að skilja Óla betur og hann okkur. Við erum að taka þetta í réttum skrefum finnst mér. Við ætluðum okkur of mikið í upphafi. Æfingarnar hjá honum eru flottar og eru að skila sér núna inn á vellinum. Við eigum mikið inni ennþá,“ sagði Akureyringurinn að lokum. Gunnar: Valsmenn voru sterkari við á öllum sviðum„Svona heilt yfir voru Valsmenn betri en við á öllum sviðum í dag. Við vorum að gera mikil mistök í sókninni. Allt of mikið af slæmum ákvörðunum sem skilaði sér í mörgum hraðaupphlaupum í bakið á okkur. Kannski var það of mikið fyrir suma að vera í fyrsta sinn í sjónvarpi,“ sagði Gunnar Magnússon, þjálfari Eyjamanna, ósáttur eftir leikinn. „Spennustigið var ef til vill of hátt og við vorum að gera mistök sem við erum ekki vanir að gera.“ „Það er samt skrýtið að tapa leik en samt að spila góða vörn. Það sem munaði á liðunum í dag fyrir utan þau mistök sem við gerðum var markvarslan. Hlynur og Lárus voru að taka nokkra mikilvæga bolta en okkar markmenn áttu ekki góðan dag. Ef við fáum ekki markvörslu á móti liði eins og Val þá vinnum við þá ekki hérna í Vodafonehöllinni,“ sagði Gunnar. „Það munar fyrir öll lið að missa leikmann eins og Róbert út. En samt sem áður erum við með leikmenn sem eiga að geta stigið upp í þannig aðstæðum. Þetta var tækifæri fyrir aðra að sýna sig en það gekk því miður ekki upp í dag,“ sagði Gunnar að lokum.
Olís-deild karla Mest lesið Áhorfandi fékk sex milljónir fyrir ótrúlegt skot Fótbolti „Viðbjóðsleg“ frammistaða sem lætur stjóra missa starfið Enski boltinn Leikurinn ekki stöðvaður þó svo maður hafi dáið í stúkunni Enski boltinn Ten Hag verði ekki rekinn Enski boltinn „Væri gaman að spila við þá í hverri einustu viku” Íslenski boltinn Simeone kennir Courtois um ólætin Fótbolti Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Meistararnir finna alltaf leið til að vinna Sport Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira