Umfjöllun og viðtöl: Fram - ÍR 23-26 | Nýliðarnir í úrslitakeppnina Kristinn Páll Teitsson skrifar 25. mars 2013 15:18 Mynd/Vilhelm ÍR-ingar bókuðu sæti sitt í úrslitakeppninni með þriggja marka sigri á Frömurum í Safamýrinni í kvöld. Spenna var allt fram á lokasekúndur leiksins þegar ÍR-ingar náðu að tryggja sigurinn. Fyrir leikinn sátu Framarar í þriðja sæti á meðan ÍR-ingar sátu í því fjórða. Gestirnir úr Breiðholtinu vissu að stig myndi duga til að gulltryggja sæti þeirra í úrslitakeppninni á meðan heimamenn vissu að sigur eða tap skipti ekki öllu, þriðja sætið væri þeirra. Í upphafi leiks var jafnræði með liðunum og náðu ungir leikmenn Framara að halda vel í gestina. Í stöðunni 6-4 vöknuðu ÍR-ingar hinsvegar til lífsins og unnu þeir það sem eftir leið hálfleiksins 8-3 og fóru með 3 marka forskot í hálfleik, 12-9. Það var allt annað að sjá til heimamanna í upphafi seinni hálfleiks, þeir byrjuðu á 5-1 rispu og voru komnir með forskotið þegar fimm mínútur voru búnar af seinni hálfleik. Við það virtust ÍR-ingar vakna aftur til lífsins og skiptust liðin á forskotinu allt fram að lokasekúndum leiksins þegar góður kafli ÍR-inga kláraði leikinn. Leiknum lauk með þriggja marka sigri ÍR og eru bæði liðin því á leið í úrslitakeppnina. ÍR-ingar sem eru nýliðar í deildinni geta verið ánægðir með frammistöðu sína í vetur en þeir eru ríkjandi bikarmeistarar og mæta Haukum í undanúrslitum í úrslitakeppninni á meðan Framarar mæta FH-ingum. Í liði Framara var Róbert Aron Hostert markahæstur með 6 mörk og bætti Stefán Darri Þórsson við 4 mörkum. Í liði ÍR var Björgvin Hólmgeirsson atkvæðamestur með 9 mörk ásamt því að Sturla Ásgeirsson, Davíð Georgsson og Guðni Már Kristinsson skoruðu 5 mörk hver. Bjarki: Þurftum að hafa fyrir þessu„Við ætluðum okkur í úrslitakeppnina og við komumst í hana en við þurftum að hafa fyrir því í dag,“ sagði Bjarki Sigurðsson, þjálfari ÍR eftir leikinn. „Þetta var hörkuleikur, það voru mörg mistök hjá báðum liðum og mér fannst við ekki vera að spila okkar besta leik,“ Skilaboðin fyrir kvöldið voru einföld fyrir ÍR-inga, jafntefli eða sigur í leiknum gulltryggði sæti í úrslitakeppninni. „Framarar eru með vel mannað lið og þeir gáfu okkur hörku leik hér í dag. Þótt að Siggi og Jói hafi ekki verið með í kvöld þá komu ungir og graðir strákar inn sem vildu sanna sig og þeir gerðu það vel í dag,“ „Við fórum með ágætis forskot inn í hálfleik en það var eins og við mættum ekki inn í seinni hálfleikinn. Við gerðum allt of mikið af tæknifeilum og við það komust Framarar á lagið og við byrjuðum að elta þá. Við náum ekki að tryggja sigurinn fyrr en á lokasekúndunum.“ ÍR-ingar eru nýliðar í deildinni en komust í úrslitakeppnina auk þess sem þeir unnu bikarmeistaratitilinn á fyrsta tímabili sínu í N1-deildinni. „Þetta er virkilega sætt fyrir félagið envið berum þess bót. Við erum með þrjá leikmenn meidda eftir þetta en við fáum núna ágætis tíma sem við getum vonandi nýtt vel.“ „Við settum okkur markmið fyrir mót að ná fjórða sætinu og við náðum því sem er auðvitað frábært. Við höfum aðeins fengið fimm stig á útivelli sem er auðvitað eitthvað sem við ætluðum að gera betur en það er gott að klára seinasta leikinn,“ sagði Bjarki. Einar: Ungu strákarnir stóðu sig vel„Við vorum í góðri stöðu að vinna þetta, einum fleiri þegar lítið er eftir. Við gefum aðeins eftir þá og töpum leiknum fyrir vikið,“ sagði Einar Jónsson, þjálfari Fram eftir leikinn. „Þetta datt svolítið fyrir þá á lokamínútunum þegar við vorum klaufar og skipti það sköpum en þetta var hörkuleikur allar 60 mínúturnar,“ Einar hvíldi nokkra leikmenn í leiknum og gaf ungum leikmönnum stórar mínútur sem stóðu sig vel. „Sumir voru ekki leikhæfir og ungu strákarnir stóðu sig vel í dag, sérstaklega Stefán Darri. Hann hefur verið að spila mikið með okkur í vetur og leyst það vel og leysti stöðuna sína vel í dag.“ „Það stefnir allt í það að Óli verði í banni fyrir að sparka í bolta eftir síðasta leik, ég vona að það sé í lagi með boltann og hann sé ekki sprunginn eða laskaður. Við þurftum að prófa nýja leikmenn í hægra hornið sem stóðu sig vel í dag.“ Þrátt fyrir að vera undir í hálfleik gáfu Framarar allt í seinni hálfleikinn og var spenna allt fram á lokasekúndurnar. „Það er flottur karakter í liðinu og menn börðu sig saman í hálfleik og komu flottir í seinni hálfleikinn. Við vorum slakir í fyrri hálfleik en það var allt annað að sjá til liðsins í seinni hálfleik sem var flottur,“ Framarar komust örugglega í úrslitakeppnina og skiptu úrslit kvöldsins engu máli um það. „Nú gefst okkur tími til að undirbúa okkur vel og endurnæra. Við þurfum að koma liðinu í stand fyrir þessa svakalegu úrslitakeppni sem er framundan,“ Einar var ekki í vafa þegar hann var spurður hvort besti tími ársins væri framundan. „Já, alveg klárlega. Maður bjóst kannski ekki við þessu fyrir tímabilið en það er okkar að njóta að vera komnir í þessa stöðu en að sama skapi reyna að fá sem mest út úr því,“ sagði Einar. Björgvin: Stefnan var sett á úrslitakeppnina„Þetta hafðist sem betur fer, við byrjuðum eins og vanalega seinni hálfleikinn skelfilega,“ sagði Björgvin Þór Hólmgeirsson, leikmaður ÍR eftir leikinn. „Við hefðum getað klárað þetta snemma í seinni eins og við ætluðum en í staðin komast þeir aftur inn í leikinn og fyrir vikið var þetta barningur fram á lokasekúndurnar.“ Framarar gáfu ÍR-ingum aldrei grið þrátt fyrir að úrslit kvöldsins skiptu þá engu. „Þegar menn hafa engu að tapa þá spila menn oft afslappaðari og allt virðist ganga upp,“ ÍR-ingar eru nýliðar í deildinni en eru á leiðinni í úrslitakeppnina. „Stefnan var sett á úrslitakeppnina og núna byrjar nýtt season. Við höfum tvær og hálfa viku áður en þetta byrjar. Við höfum ekki verið að sýna okkar rétta andlit eftir bikarkeppnina en við náum okkur vonandi aftur á skrið,“ sagði Björgvin. Olís-deild karla Mest lesið Áhorfandi fékk sex milljónir fyrir ótrúlegt skot Fótbolti „Viðbjóðsleg“ frammistaða sem lætur stjóra missa starfið Enski boltinn Leikurinn ekki stöðvaður þó svo maður hafi dáið í stúkunni Enski boltinn Ten Hag verði ekki rekinn Enski boltinn „Væri gaman að spila við þá í hverri einustu viku” Íslenski boltinn Simeone kennir Courtois um ólætin Fótbolti Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Meistararnir finna alltaf leið til að vinna Sport Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira
ÍR-ingar bókuðu sæti sitt í úrslitakeppninni með þriggja marka sigri á Frömurum í Safamýrinni í kvöld. Spenna var allt fram á lokasekúndur leiksins þegar ÍR-ingar náðu að tryggja sigurinn. Fyrir leikinn sátu Framarar í þriðja sæti á meðan ÍR-ingar sátu í því fjórða. Gestirnir úr Breiðholtinu vissu að stig myndi duga til að gulltryggja sæti þeirra í úrslitakeppninni á meðan heimamenn vissu að sigur eða tap skipti ekki öllu, þriðja sætið væri þeirra. Í upphafi leiks var jafnræði með liðunum og náðu ungir leikmenn Framara að halda vel í gestina. Í stöðunni 6-4 vöknuðu ÍR-ingar hinsvegar til lífsins og unnu þeir það sem eftir leið hálfleiksins 8-3 og fóru með 3 marka forskot í hálfleik, 12-9. Það var allt annað að sjá til heimamanna í upphafi seinni hálfleiks, þeir byrjuðu á 5-1 rispu og voru komnir með forskotið þegar fimm mínútur voru búnar af seinni hálfleik. Við það virtust ÍR-ingar vakna aftur til lífsins og skiptust liðin á forskotinu allt fram að lokasekúndum leiksins þegar góður kafli ÍR-inga kláraði leikinn. Leiknum lauk með þriggja marka sigri ÍR og eru bæði liðin því á leið í úrslitakeppnina. ÍR-ingar sem eru nýliðar í deildinni geta verið ánægðir með frammistöðu sína í vetur en þeir eru ríkjandi bikarmeistarar og mæta Haukum í undanúrslitum í úrslitakeppninni á meðan Framarar mæta FH-ingum. Í liði Framara var Róbert Aron Hostert markahæstur með 6 mörk og bætti Stefán Darri Þórsson við 4 mörkum. Í liði ÍR var Björgvin Hólmgeirsson atkvæðamestur með 9 mörk ásamt því að Sturla Ásgeirsson, Davíð Georgsson og Guðni Már Kristinsson skoruðu 5 mörk hver. Bjarki: Þurftum að hafa fyrir þessu„Við ætluðum okkur í úrslitakeppnina og við komumst í hana en við þurftum að hafa fyrir því í dag,“ sagði Bjarki Sigurðsson, þjálfari ÍR eftir leikinn. „Þetta var hörkuleikur, það voru mörg mistök hjá báðum liðum og mér fannst við ekki vera að spila okkar besta leik,“ Skilaboðin fyrir kvöldið voru einföld fyrir ÍR-inga, jafntefli eða sigur í leiknum gulltryggði sæti í úrslitakeppninni. „Framarar eru með vel mannað lið og þeir gáfu okkur hörku leik hér í dag. Þótt að Siggi og Jói hafi ekki verið með í kvöld þá komu ungir og graðir strákar inn sem vildu sanna sig og þeir gerðu það vel í dag,“ „Við fórum með ágætis forskot inn í hálfleik en það var eins og við mættum ekki inn í seinni hálfleikinn. Við gerðum allt of mikið af tæknifeilum og við það komust Framarar á lagið og við byrjuðum að elta þá. Við náum ekki að tryggja sigurinn fyrr en á lokasekúndunum.“ ÍR-ingar eru nýliðar í deildinni en komust í úrslitakeppnina auk þess sem þeir unnu bikarmeistaratitilinn á fyrsta tímabili sínu í N1-deildinni. „Þetta er virkilega sætt fyrir félagið envið berum þess bót. Við erum með þrjá leikmenn meidda eftir þetta en við fáum núna ágætis tíma sem við getum vonandi nýtt vel.“ „Við settum okkur markmið fyrir mót að ná fjórða sætinu og við náðum því sem er auðvitað frábært. Við höfum aðeins fengið fimm stig á útivelli sem er auðvitað eitthvað sem við ætluðum að gera betur en það er gott að klára seinasta leikinn,“ sagði Bjarki. Einar: Ungu strákarnir stóðu sig vel„Við vorum í góðri stöðu að vinna þetta, einum fleiri þegar lítið er eftir. Við gefum aðeins eftir þá og töpum leiknum fyrir vikið,“ sagði Einar Jónsson, þjálfari Fram eftir leikinn. „Þetta datt svolítið fyrir þá á lokamínútunum þegar við vorum klaufar og skipti það sköpum en þetta var hörkuleikur allar 60 mínúturnar,“ Einar hvíldi nokkra leikmenn í leiknum og gaf ungum leikmönnum stórar mínútur sem stóðu sig vel. „Sumir voru ekki leikhæfir og ungu strákarnir stóðu sig vel í dag, sérstaklega Stefán Darri. Hann hefur verið að spila mikið með okkur í vetur og leyst það vel og leysti stöðuna sína vel í dag.“ „Það stefnir allt í það að Óli verði í banni fyrir að sparka í bolta eftir síðasta leik, ég vona að það sé í lagi með boltann og hann sé ekki sprunginn eða laskaður. Við þurftum að prófa nýja leikmenn í hægra hornið sem stóðu sig vel í dag.“ Þrátt fyrir að vera undir í hálfleik gáfu Framarar allt í seinni hálfleikinn og var spenna allt fram á lokasekúndurnar. „Það er flottur karakter í liðinu og menn börðu sig saman í hálfleik og komu flottir í seinni hálfleikinn. Við vorum slakir í fyrri hálfleik en það var allt annað að sjá til liðsins í seinni hálfleik sem var flottur,“ Framarar komust örugglega í úrslitakeppnina og skiptu úrslit kvöldsins engu máli um það. „Nú gefst okkur tími til að undirbúa okkur vel og endurnæra. Við þurfum að koma liðinu í stand fyrir þessa svakalegu úrslitakeppni sem er framundan,“ Einar var ekki í vafa þegar hann var spurður hvort besti tími ársins væri framundan. „Já, alveg klárlega. Maður bjóst kannski ekki við þessu fyrir tímabilið en það er okkar að njóta að vera komnir í þessa stöðu en að sama skapi reyna að fá sem mest út úr því,“ sagði Einar. Björgvin: Stefnan var sett á úrslitakeppnina„Þetta hafðist sem betur fer, við byrjuðum eins og vanalega seinni hálfleikinn skelfilega,“ sagði Björgvin Þór Hólmgeirsson, leikmaður ÍR eftir leikinn. „Við hefðum getað klárað þetta snemma í seinni eins og við ætluðum en í staðin komast þeir aftur inn í leikinn og fyrir vikið var þetta barningur fram á lokasekúndurnar.“ Framarar gáfu ÍR-ingum aldrei grið þrátt fyrir að úrslit kvöldsins skiptu þá engu. „Þegar menn hafa engu að tapa þá spila menn oft afslappaðari og allt virðist ganga upp,“ ÍR-ingar eru nýliðar í deildinni en eru á leiðinni í úrslitakeppnina. „Stefnan var sett á úrslitakeppnina og núna byrjar nýtt season. Við höfum tvær og hálfa viku áður en þetta byrjar. Við höfum ekki verið að sýna okkar rétta andlit eftir bikarkeppnina en við náum okkur vonandi aftur á skrið,“ sagði Björgvin.
Olís-deild karla Mest lesið Áhorfandi fékk sex milljónir fyrir ótrúlegt skot Fótbolti „Viðbjóðsleg“ frammistaða sem lætur stjóra missa starfið Enski boltinn Leikurinn ekki stöðvaður þó svo maður hafi dáið í stúkunni Enski boltinn Ten Hag verði ekki rekinn Enski boltinn „Væri gaman að spila við þá í hverri einustu viku” Íslenski boltinn Simeone kennir Courtois um ólætin Fótbolti Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Meistararnir finna alltaf leið til að vinna Sport Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira