Umfjöllun og viðtöl: Afturelding - Haukar 13-16 Benedikt Grétarsson í Mosfellsbæ skrifar 25. febrúar 2013 19:00 Það var engin hágæða sóknarleikur sem var boðið upp á í þriggja marka sigri Hauka á Aftureldingu, 16-13, á Varmá í kvöld í leik liðanna í 17. umferð N1 deildar karla í handbolta. Haukar náðu á ný sex stiga forskot á FH með þessum sigri þar sem að FH-ingar töpuðu fyrr í kvöld fyrir norðan. Afturelding var 12-11 yfir þegar tólf mínútur voru eftir en Mosfellingar skoruðu bara einu sinni framhjá Aroni Rafni Eðvarðssyni á lokamínútum leiksins, Haukar unnu síðustu tólf mínúturnar 5-1 og stigu eitt skref nær deildarmeistaratitlinum. Vængbrotið lið Aftureldingar barðist hetjulega gegn toppliði N1-deildarinnar í kvöld þegar Haukar komu í heimsókn en þurftu að lokum að játa sig sigraða, 13-16 í miklum baráttuleik þar sem markverðir liðanna fóru á kostum. Eflaust bjuggust flestir við því að efsta lið deildarinnar myndi rúlla yfir vængbrotið lið Aftureldingar en annað kom á daginn. Mosfellingar mættu til leiks vel stemmdir og spiluðu gríðarlega sterka vörn gegn hægri og fyrirsjáanlegri sókn Hauka. Fyrri hálfleikurinn var í járnum frá fyrstu mínútu. Liðin gerðu sig sek um mikið af klaufamistökum í sókninni og þau skot sem komust í gegnum vörnina, vörðu markverðirnir. Jafnt var á öllum tölum en líklega verða Haukar að teljast heppnir að fara með jafna stöðu inn í leikhléið, 7-7. Heimamenn voru að spila mun betur en voru óheppnir með skot sín, sem fóru ansi oft í tréverkið. Reyndir leikmenn Hauka virkuðu áhugalitlir og barátta Aftureldingar virtist koma þeim í opna skjöldu. Davíð Svansson, markvörður Aftureldingar, fór hamförum í fyrri hálfleik og varði 11 af 18 skotum sem rötuðu á markið. Það gerir 61% markvörslu, sem eru sjaldgæfar tölur í handbolta. Síðari hálfleikur spilaðist mjög svipað og sá fyrri. Sóknarleikur beggja liða var hreinlega pínlegur á að horfa og leikmenn gerðu sig seka um mjög barnaleg mistök. Varnarleikurinn var áfram í fyrirrúmi og markverðirnir héldu uppteknum hætti. Afturelding virtist vera að ná þéttingsföstu hreðjataki á slökum Haukum þegar um 13 mínútur voru til leiksloka. Heimamenn komust yfir með laglegu marki Hilmars Stefánssonar, 12-11 og öll stemming var þeirra megin. Reynsluleysi Mosfellinga skein hins vegar í gegn á lokakaflanum, þegar þeir glutruðu bltanum ítrekað í hendurnar á Haukum. Haukaliðið þakkaði óvæntan séns, vann lokakaflann 5-1 og vann að lokum þriggja marka sigur í þessum skrýtna handboltaleik, 13-16. Haukar eru í nokkurri lægð þessa dagana og sóknarleikur liðsins var skelfilegur í kvöld. Þó ber að hrósa varnarleik liðsins og Aron Rafn spilaði virkilega vel í markinu. Haukar verð engu að síður að fara í naflaskoðun fyrir næsta leik. Aron: Slakur handboltaleikurLandsliðs- og Haukaþjálfarinn hristi höfuðið eftir leik. „Þetta var einfaldlega slakur handboltaleikur. Vörnin og markvarslan var reyndar í góðu standi allan leikinn en við verðum að fara að fá meira frá skyttunum okkar í næstu leikjum." „Ég var svolítið hræddur við að menn myndu mæta værukærir í leikinn, sérstaklega eftir að þeir steinlágu í síðasta leik og sakna lykilmanna. Mér fannst vera fínn uppgangur í okkar sóknarleik í síðasta leik okkar gegn Akureyri en svo erum við út á þekju sóknarlega í kvöld." Aron Rafn Eðvarðsson átti góðan leik í marki Hauka og hefur nú spilað þrjá góða leiki í röð. „Aron verður einfaldlega að sýna stöðugleika ef hann ætlar sér eitthvað lengra með sinn feril. Menn verða ekki landsliðs- og atvinnumenn ef stöðugleikinn er ekki til staðar. Hann er búinn að spila vel í síðustu leikjum og það er virkilega ánægjulegt," sagði Aron. Reynir: Miklu betra hjá okkur en síðast.Markatala leiksins var í furðulegra lagi og Reynir Reynisson, þjálfari Aftureldingar, hafði orð á því beint eftir leik. „Þetta var pínu skrýtið allt saman og þetta voru bara eins og hálfleikstölur. Það var samt allt annað að sjá til liðsins en í síðasta leik og ég er ánægður með það.“ „Það vantaði smá klókindi og skynsemi í okkur undir lokin og svo var Aron Rafn að verja ansi vel í markinu hjá þeim.Þetta er stundum stöngin út og það var því miður þannig hjá okkur í dag. Ég verð samt að fá að hrósa mínum leikmönnum fyrir að rífa sig upp eftir útreiðina í Safamýri. Það er erfiðara en menn halda að rífa sig upp andlega eftir 19 marka tap,“ sagði Reynir að lokum. Elías Már: Vinnum aldrei HK með svona frammistöðuElías Már Halldórsson, hornamaður og skytta Hauka, var sammála því að leikurinn hafi verið frekar slakur. „Þessar lokatölur eru eins og eitthvað sem við sjáum í sjötta flokki. Þetta var bara rosalega dapurt og við spiluðum skelfilegan sóknarleik. Það vantar alla greddu í okkur og það er alveg sama hvert þú lítur í liðinu, menn eru bara á hælunum. Við tökum eitt skref fram á við gegn Akureyri en þrjú til baka í þessum leik“ Kristinn Guðmundsson, þjálfari HK, njósnaði um Haukana í kvöld og Elías er ekki í nokkrum vafa að Kristinn hafi verið sáttur við það sem hann sá. „Við vinnum aldrei HK með svona spilamennsku, það er nokkuð ljóst. Ef Kiddi fær svona frammistöðu á fimmtudaginn, þá er hann í góðum málum,“ sagði Elías brosandi að lokum. Olís-deild karla Mest lesið „Ljótasta tækling ársins komin í íslenska boltanum“ Íslenski boltinn Danski dómarinn aftur á börum af velli Handbolti Trump fékk gulllykil og sagði tollastríðið auka spennu fyrir HM Fótbolti David Raya bjargaði stigi á Old Trafford Enski boltinn Laglegt mark Alberts gegn Napoli sem vildi láta reka hann af velli Fótbolti Björgvin Páll strax kallaður aftur í landsliðið Handbolti Glódís úr leik í fyrsta sinn á ferlinum Fótbolti Svindlaði á öllum lyfjaprófum Sport Cucurella sendi Chelsea upp fyrir meistarana Enski boltinn „Vorum að passa okkur og hlupum ekki neitt“ Enski boltinn Fleiri fréttir Benedikt Gunnar kallaður inn í landsliðshópinn Stjarnan tryggði sér sæti í úrslitakeppninni Leik lokið: FH - Afturelding 34-29 | Heimamenn endurheimtu toppsætið Björgvin Páll strax kallaður aftur í landsliðið Danski dómarinn aftur á börum af velli Valur tímabundið á toppinn Gauti bjargaði stigi en ÍR færist fjær botninum Engir Íslendingar en samt ekkert vandamál hjá Melsungen í kvöld Elliði markahæstur í stórsigri Gummersbach Orri skoraði mark umferðarinnar í Meistaradeildinni Tekur hatt sinn ofan fyrir Söndru sem kveður Jóhannes Berg fer til Arnórs í Danmörku Ekki hættur í þjálfun Sænsku meistararnir fá Elínu inn sem fyrsta kost: „Mjög fínn kostur“ Landsleik Svía og Rúmena hætt eftir svakalegt samstuð leikmanna Haukur flottur í sigri á liði Gumma Gumm í Meistaradeildinni Elvar bjó til sjö mörk en liðið missti af sigri í lokin Gunnar kveður og Stefán tekur við Elín Rósa fullkomnar íslenska tríóið hjá þýska stórliðinu Draumadagar Elínar Klöru sem fer í atvinnumennsku Valsmenn skutu bikarmeistarana aftur niður á jörðina Mosfellingar hristu af sér bikarvonbrigðin með stórsigri Kristjan Örn fagnaði landsliðssæti með frábæran leik Sigvaldi með sex mörk og báðir bræðurnir skoruðu á móti Barcelona Nýjasti landsliðsmaðurinn fagnaði sætinu með hauskúpuleik „Þetta var bara núna eða aldrei“ Fetar í fótspor afa síns sem hann aldrei kynntist með landsliðinu „Ég var heitur og þegar maður er heitur á maður að negla á markið“ Botnliðin unnu bæði og eygja nú meiri von um að bjarga sér Uppgjörið: Haukar - FH 25-28 | FH með montréttinn eftir endurkomu í Hafnarfjarðarslagnum Sjá meira
Það var engin hágæða sóknarleikur sem var boðið upp á í þriggja marka sigri Hauka á Aftureldingu, 16-13, á Varmá í kvöld í leik liðanna í 17. umferð N1 deildar karla í handbolta. Haukar náðu á ný sex stiga forskot á FH með þessum sigri þar sem að FH-ingar töpuðu fyrr í kvöld fyrir norðan. Afturelding var 12-11 yfir þegar tólf mínútur voru eftir en Mosfellingar skoruðu bara einu sinni framhjá Aroni Rafni Eðvarðssyni á lokamínútum leiksins, Haukar unnu síðustu tólf mínúturnar 5-1 og stigu eitt skref nær deildarmeistaratitlinum. Vængbrotið lið Aftureldingar barðist hetjulega gegn toppliði N1-deildarinnar í kvöld þegar Haukar komu í heimsókn en þurftu að lokum að játa sig sigraða, 13-16 í miklum baráttuleik þar sem markverðir liðanna fóru á kostum. Eflaust bjuggust flestir við því að efsta lið deildarinnar myndi rúlla yfir vængbrotið lið Aftureldingar en annað kom á daginn. Mosfellingar mættu til leiks vel stemmdir og spiluðu gríðarlega sterka vörn gegn hægri og fyrirsjáanlegri sókn Hauka. Fyrri hálfleikurinn var í járnum frá fyrstu mínútu. Liðin gerðu sig sek um mikið af klaufamistökum í sókninni og þau skot sem komust í gegnum vörnina, vörðu markverðirnir. Jafnt var á öllum tölum en líklega verða Haukar að teljast heppnir að fara með jafna stöðu inn í leikhléið, 7-7. Heimamenn voru að spila mun betur en voru óheppnir með skot sín, sem fóru ansi oft í tréverkið. Reyndir leikmenn Hauka virkuðu áhugalitlir og barátta Aftureldingar virtist koma þeim í opna skjöldu. Davíð Svansson, markvörður Aftureldingar, fór hamförum í fyrri hálfleik og varði 11 af 18 skotum sem rötuðu á markið. Það gerir 61% markvörslu, sem eru sjaldgæfar tölur í handbolta. Síðari hálfleikur spilaðist mjög svipað og sá fyrri. Sóknarleikur beggja liða var hreinlega pínlegur á að horfa og leikmenn gerðu sig seka um mjög barnaleg mistök. Varnarleikurinn var áfram í fyrirrúmi og markverðirnir héldu uppteknum hætti. Afturelding virtist vera að ná þéttingsföstu hreðjataki á slökum Haukum þegar um 13 mínútur voru til leiksloka. Heimamenn komust yfir með laglegu marki Hilmars Stefánssonar, 12-11 og öll stemming var þeirra megin. Reynsluleysi Mosfellinga skein hins vegar í gegn á lokakaflanum, þegar þeir glutruðu bltanum ítrekað í hendurnar á Haukum. Haukaliðið þakkaði óvæntan séns, vann lokakaflann 5-1 og vann að lokum þriggja marka sigur í þessum skrýtna handboltaleik, 13-16. Haukar eru í nokkurri lægð þessa dagana og sóknarleikur liðsins var skelfilegur í kvöld. Þó ber að hrósa varnarleik liðsins og Aron Rafn spilaði virkilega vel í markinu. Haukar verð engu að síður að fara í naflaskoðun fyrir næsta leik. Aron: Slakur handboltaleikurLandsliðs- og Haukaþjálfarinn hristi höfuðið eftir leik. „Þetta var einfaldlega slakur handboltaleikur. Vörnin og markvarslan var reyndar í góðu standi allan leikinn en við verðum að fara að fá meira frá skyttunum okkar í næstu leikjum." „Ég var svolítið hræddur við að menn myndu mæta værukærir í leikinn, sérstaklega eftir að þeir steinlágu í síðasta leik og sakna lykilmanna. Mér fannst vera fínn uppgangur í okkar sóknarleik í síðasta leik okkar gegn Akureyri en svo erum við út á þekju sóknarlega í kvöld." Aron Rafn Eðvarðsson átti góðan leik í marki Hauka og hefur nú spilað þrjá góða leiki í röð. „Aron verður einfaldlega að sýna stöðugleika ef hann ætlar sér eitthvað lengra með sinn feril. Menn verða ekki landsliðs- og atvinnumenn ef stöðugleikinn er ekki til staðar. Hann er búinn að spila vel í síðustu leikjum og það er virkilega ánægjulegt," sagði Aron. Reynir: Miklu betra hjá okkur en síðast.Markatala leiksins var í furðulegra lagi og Reynir Reynisson, þjálfari Aftureldingar, hafði orð á því beint eftir leik. „Þetta var pínu skrýtið allt saman og þetta voru bara eins og hálfleikstölur. Það var samt allt annað að sjá til liðsins en í síðasta leik og ég er ánægður með það.“ „Það vantaði smá klókindi og skynsemi í okkur undir lokin og svo var Aron Rafn að verja ansi vel í markinu hjá þeim.Þetta er stundum stöngin út og það var því miður þannig hjá okkur í dag. Ég verð samt að fá að hrósa mínum leikmönnum fyrir að rífa sig upp eftir útreiðina í Safamýri. Það er erfiðara en menn halda að rífa sig upp andlega eftir 19 marka tap,“ sagði Reynir að lokum. Elías Már: Vinnum aldrei HK með svona frammistöðuElías Már Halldórsson, hornamaður og skytta Hauka, var sammála því að leikurinn hafi verið frekar slakur. „Þessar lokatölur eru eins og eitthvað sem við sjáum í sjötta flokki. Þetta var bara rosalega dapurt og við spiluðum skelfilegan sóknarleik. Það vantar alla greddu í okkur og það er alveg sama hvert þú lítur í liðinu, menn eru bara á hælunum. Við tökum eitt skref fram á við gegn Akureyri en þrjú til baka í þessum leik“ Kristinn Guðmundsson, þjálfari HK, njósnaði um Haukana í kvöld og Elías er ekki í nokkrum vafa að Kristinn hafi verið sáttur við það sem hann sá. „Við vinnum aldrei HK með svona spilamennsku, það er nokkuð ljóst. Ef Kiddi fær svona frammistöðu á fimmtudaginn, þá er hann í góðum málum,“ sagði Elías brosandi að lokum.
Olís-deild karla Mest lesið „Ljótasta tækling ársins komin í íslenska boltanum“ Íslenski boltinn Danski dómarinn aftur á börum af velli Handbolti Trump fékk gulllykil og sagði tollastríðið auka spennu fyrir HM Fótbolti David Raya bjargaði stigi á Old Trafford Enski boltinn Laglegt mark Alberts gegn Napoli sem vildi láta reka hann af velli Fótbolti Björgvin Páll strax kallaður aftur í landsliðið Handbolti Glódís úr leik í fyrsta sinn á ferlinum Fótbolti Svindlaði á öllum lyfjaprófum Sport Cucurella sendi Chelsea upp fyrir meistarana Enski boltinn „Vorum að passa okkur og hlupum ekki neitt“ Enski boltinn Fleiri fréttir Benedikt Gunnar kallaður inn í landsliðshópinn Stjarnan tryggði sér sæti í úrslitakeppninni Leik lokið: FH - Afturelding 34-29 | Heimamenn endurheimtu toppsætið Björgvin Páll strax kallaður aftur í landsliðið Danski dómarinn aftur á börum af velli Valur tímabundið á toppinn Gauti bjargaði stigi en ÍR færist fjær botninum Engir Íslendingar en samt ekkert vandamál hjá Melsungen í kvöld Elliði markahæstur í stórsigri Gummersbach Orri skoraði mark umferðarinnar í Meistaradeildinni Tekur hatt sinn ofan fyrir Söndru sem kveður Jóhannes Berg fer til Arnórs í Danmörku Ekki hættur í þjálfun Sænsku meistararnir fá Elínu inn sem fyrsta kost: „Mjög fínn kostur“ Landsleik Svía og Rúmena hætt eftir svakalegt samstuð leikmanna Haukur flottur í sigri á liði Gumma Gumm í Meistaradeildinni Elvar bjó til sjö mörk en liðið missti af sigri í lokin Gunnar kveður og Stefán tekur við Elín Rósa fullkomnar íslenska tríóið hjá þýska stórliðinu Draumadagar Elínar Klöru sem fer í atvinnumennsku Valsmenn skutu bikarmeistarana aftur niður á jörðina Mosfellingar hristu af sér bikarvonbrigðin með stórsigri Kristjan Örn fagnaði landsliðssæti með frábæran leik Sigvaldi með sex mörk og báðir bræðurnir skoruðu á móti Barcelona Nýjasti landsliðsmaðurinn fagnaði sætinu með hauskúpuleik „Þetta var bara núna eða aldrei“ Fetar í fótspor afa síns sem hann aldrei kynntist með landsliðinu „Ég var heitur og þegar maður er heitur á maður að negla á markið“ Botnliðin unnu bæði og eygja nú meiri von um að bjarga sér Uppgjörið: Haukar - FH 25-28 | FH með montréttinn eftir endurkomu í Hafnarfjarðarslagnum Sjá meira