Klopp segir leikmanni sínum að halda kjafti

Jurgen Klopp, þjálfari Dortmund, er ekki ánægður með miðjumanninn Ivan Perisic sem kvartaði yfir þjálfaranum í króatískum sjónvarpsþætti.

Þar kvartaði Perisic yfir því að fá ekki nægan stuðning frá þjálfaranum sem þess utan gerði upp á milli leikmanna.

"Allir atvinnumenn eru ósáttir þegar þeir fá ekki að spila. Ef hann er ósáttur á hann samt að læra að halda kjafti. Það er farsælla fyrir hann," sagði Klopp en Dortmund ætlar sér að sekta leikmanninn fyrir ummælin.