Umfjöllun og viðtöl: Fram - Akureyri 23-28 Kristinn Páll Teitsson í Safamýrinni skrifar 27. september 2012 12:24 mynd/vilhelm Akureyringar unnu þægilegann 5 marka sigur á Fram í N1 deild karla í dag. Þeir náðu góðu forskoti strax um miðjan fyrri hálfleik og litu aldrei við eftir það. Fram sátu á botni N1 deildarinnar eftir 7 marka tap gegn Haukum í DB-Schenker höllinni á mánudaginn. Á sama tíma nældu Akureyringar sér í stig gegn FH á Akureyri,leiknum þar lauk 23-23 í opnunarleik mótsins. Jafnræði var með liðunum fyrstu mínútur leiksins og var staðan 4-4 eftir 12 mínútur. Þá tók við góður kafli gestanna þar sem þeir voru manni færri næstu fjórar mínútur en náðu samt að byggja upp fimm marka forskot í stöðunni 4-9. Einar Jónsson, þjálfari Framara tók þá leikhlé og vakti sína menn til lífsins sem náðu að saxa muninn niður í 3 mörk í hálfleik, 11-14. Gestirnir komu svo mun ákveðnari til leiks í seinni hálfleik og skoruðu sex af fyrstu sjö mörkum seinni hálfleiksins. Eftir það voru úrslitin aldrei spurning og þrátt fyrir ágætis áhlaup heimamanna þá náðu þeir aldrei að ógna forskoti gestanna af alvöru og lauk leiknum með öruggum 5 marka sigri. Bjarni Fritzsson var atkvæðamestur í liði Akureyringa með 11 mörk, þar af 4 úr víti. Í liði Framara voru Jón Arnar Jónsson og Jóhann Gunnar Einarsson markahæstir með fimm mörk hvor. Bjarni: Vorum harðákveðnir að mæta á fullu gasi„Þetta var frábært, við leiddum allan fyrri hálfleikinn og lítum bara ágætlega út. Við litum vel út bróðurpart leiksins í dag fyrir utan síðasta korterið," sagði Bjarni Fritzsson, annar þjálfara Akureyrar og leikmaður liðsins eftir leikinn. Akureyringar stungu Framara af á stuttum kafla í fyrri hálfleik þrátt fyrir að vera um tíma tveimur mönnum færri þegar á því stóð. „Það var auðvitað algjör snilld, fullt að gerast í vörninni og menn alveg á fullu í vörninni. Menn rosalega þéttir, það var alveg æðislegt." Bjarni var ánægður með viðbrögð sinna manna í upphafi seinni hálfleiks. „Við vorum alveg harðákveðnir á því að mæta á fullu gasi, við erum í mjög góðu standi líkamlega eins og sást og menn eiga ekkert að vera þreyttir. Við vorum ákveðnir að mæta agressívir í vörninni og keyra á þá á fullu." „Við erum með breiðann hóp og róterum vel, við treystum öllum sem eru á bekknum til að koma inná og skila góðu dagsstarfi." Akureyringar eru með þrjú stig eftir tvo leiki og virðast vera á góðri leið í upphafi móts. „Leikurinn á móti FH var ekkert sérstakur fannst mér. Mér fannst við spila vel í 45 mínútur hér í dag og það er fínt að vera kominn með þrjú stig eftir þessa leiki," sagði Bjarni. Daði: Mikið af einbeitingarskorti„Við misstum hausinn og vorum óskynsamir á tímabili, við gerðum sömu mistökin trekk í trekk og mikið um einbeitingarskort," sagði Daði Hafþórsson, aðstoðarþjálfari Fram eftir leikinn. Gestirnir keyrðu á Framara í seinni hálfleik og komust í 8 marka forskot fljótlega í seinni hálfleik. „Menn höfðu greinilega ekki karakter, vilja né þor til að koma inn í seinni hálfleik og taka á þessu. Við erum þremur undir í hálfleik og höfum alla burði til að gera þetta að leik en mætum hauslausir í seinni hálfleikinn og eftir það eigum við einfaldlega ekki möguleika," sagði Daði ómyrkur í máli. „Við skorum nokkur mörk og lögum aðeins stöðuna fyrir hálfleikinn en spiluðum ekki vel, við vorum bara mjög slakir." Jafnræði var með liðunum fyrstu mínútur leiksins en eftir það tóku gestirnir við sér. „Staðan var 1-1 mjög lengi og við fengum fín færi en skotin vildu ekki inn. Menn höfðu kannski ekki sjálfstraustið til að klára færin sem við fengum en það hlýtur að detta einhvertímann," sagði Daði eftir leikinn. Oddur: Þvílík stemming í liðinu í dag„Þetta var gríðarlega sterkt, við ætluðum að gera betur en á mánudaginn þegar okkur fannst eitthvað stemmingsleysi í liðinu," sagði Oddur Grétarsson, leikmaður Akureyrar eftir leikinn. „Þrátt fyrir að það var fullt hús á mánudaginn þá fannst okkur eitthvað vanta. Mér fannst okkur takast það fullkomnlega, það var þvílík stemming í liðinu og á bekknum og við skiluðum þremur stigum á erfiðum útivelli." Gestirnir náðu góðum kafla um miðjan fyrri hálfleikinn sem þeir héldu út leikinn. „Við spiluðum góða vörn, 3-2-1 vörnin var að smella betur en í seinasta leik. Hún skilar sér vel í hraðaupphlaupum fyrir mig og Bjarna og mér fannst bara allt virka vel í dag, markvarslan, vörnin og hraðaupphlaupin." „Þetta datt í smá rugl í lokin, þeir ná að koma þessu í fimm mörk og við missum Heimi útaf en við héldum áfram og náðum að klára þetta, mér fannst allir skila sínu hlutverki vel í dag," sagði Oddur. Olís-deild karla Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Áhorfandi fékk sex milljónir fyrir ótrúlegt skot Fótbolti Ólæti vörpuðu skugga á dramatískan borgarslag Fótbolti Dagskráin í dag: Stúkan tæklar stóru málin og Guðrún gæti orðið meistari Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn „Gleymist að við tókum líka Kjarnafæðisbikarinn og getum unnið þrefalt“ Sport Tap hjá Sverri í Aþenuslagnum Fótbolti Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira
Akureyringar unnu þægilegann 5 marka sigur á Fram í N1 deild karla í dag. Þeir náðu góðu forskoti strax um miðjan fyrri hálfleik og litu aldrei við eftir það. Fram sátu á botni N1 deildarinnar eftir 7 marka tap gegn Haukum í DB-Schenker höllinni á mánudaginn. Á sama tíma nældu Akureyringar sér í stig gegn FH á Akureyri,leiknum þar lauk 23-23 í opnunarleik mótsins. Jafnræði var með liðunum fyrstu mínútur leiksins og var staðan 4-4 eftir 12 mínútur. Þá tók við góður kafli gestanna þar sem þeir voru manni færri næstu fjórar mínútur en náðu samt að byggja upp fimm marka forskot í stöðunni 4-9. Einar Jónsson, þjálfari Framara tók þá leikhlé og vakti sína menn til lífsins sem náðu að saxa muninn niður í 3 mörk í hálfleik, 11-14. Gestirnir komu svo mun ákveðnari til leiks í seinni hálfleik og skoruðu sex af fyrstu sjö mörkum seinni hálfleiksins. Eftir það voru úrslitin aldrei spurning og þrátt fyrir ágætis áhlaup heimamanna þá náðu þeir aldrei að ógna forskoti gestanna af alvöru og lauk leiknum með öruggum 5 marka sigri. Bjarni Fritzsson var atkvæðamestur í liði Akureyringa með 11 mörk, þar af 4 úr víti. Í liði Framara voru Jón Arnar Jónsson og Jóhann Gunnar Einarsson markahæstir með fimm mörk hvor. Bjarni: Vorum harðákveðnir að mæta á fullu gasi„Þetta var frábært, við leiddum allan fyrri hálfleikinn og lítum bara ágætlega út. Við litum vel út bróðurpart leiksins í dag fyrir utan síðasta korterið," sagði Bjarni Fritzsson, annar þjálfara Akureyrar og leikmaður liðsins eftir leikinn. Akureyringar stungu Framara af á stuttum kafla í fyrri hálfleik þrátt fyrir að vera um tíma tveimur mönnum færri þegar á því stóð. „Það var auðvitað algjör snilld, fullt að gerast í vörninni og menn alveg á fullu í vörninni. Menn rosalega þéttir, það var alveg æðislegt." Bjarni var ánægður með viðbrögð sinna manna í upphafi seinni hálfleiks. „Við vorum alveg harðákveðnir á því að mæta á fullu gasi, við erum í mjög góðu standi líkamlega eins og sást og menn eiga ekkert að vera þreyttir. Við vorum ákveðnir að mæta agressívir í vörninni og keyra á þá á fullu." „Við erum með breiðann hóp og róterum vel, við treystum öllum sem eru á bekknum til að koma inná og skila góðu dagsstarfi." Akureyringar eru með þrjú stig eftir tvo leiki og virðast vera á góðri leið í upphafi móts. „Leikurinn á móti FH var ekkert sérstakur fannst mér. Mér fannst við spila vel í 45 mínútur hér í dag og það er fínt að vera kominn með þrjú stig eftir þessa leiki," sagði Bjarni. Daði: Mikið af einbeitingarskorti„Við misstum hausinn og vorum óskynsamir á tímabili, við gerðum sömu mistökin trekk í trekk og mikið um einbeitingarskort," sagði Daði Hafþórsson, aðstoðarþjálfari Fram eftir leikinn. Gestirnir keyrðu á Framara í seinni hálfleik og komust í 8 marka forskot fljótlega í seinni hálfleik. „Menn höfðu greinilega ekki karakter, vilja né þor til að koma inn í seinni hálfleik og taka á þessu. Við erum þremur undir í hálfleik og höfum alla burði til að gera þetta að leik en mætum hauslausir í seinni hálfleikinn og eftir það eigum við einfaldlega ekki möguleika," sagði Daði ómyrkur í máli. „Við skorum nokkur mörk og lögum aðeins stöðuna fyrir hálfleikinn en spiluðum ekki vel, við vorum bara mjög slakir." Jafnræði var með liðunum fyrstu mínútur leiksins en eftir það tóku gestirnir við sér. „Staðan var 1-1 mjög lengi og við fengum fín færi en skotin vildu ekki inn. Menn höfðu kannski ekki sjálfstraustið til að klára færin sem við fengum en það hlýtur að detta einhvertímann," sagði Daði eftir leikinn. Oddur: Þvílík stemming í liðinu í dag„Þetta var gríðarlega sterkt, við ætluðum að gera betur en á mánudaginn þegar okkur fannst eitthvað stemmingsleysi í liðinu," sagði Oddur Grétarsson, leikmaður Akureyrar eftir leikinn. „Þrátt fyrir að það var fullt hús á mánudaginn þá fannst okkur eitthvað vanta. Mér fannst okkur takast það fullkomnlega, það var þvílík stemming í liðinu og á bekknum og við skiluðum þremur stigum á erfiðum útivelli." Gestirnir náðu góðum kafla um miðjan fyrri hálfleikinn sem þeir héldu út leikinn. „Við spiluðum góða vörn, 3-2-1 vörnin var að smella betur en í seinasta leik. Hún skilar sér vel í hraðaupphlaupum fyrir mig og Bjarna og mér fannst bara allt virka vel í dag, markvarslan, vörnin og hraðaupphlaupin." „Þetta datt í smá rugl í lokin, þeir ná að koma þessu í fimm mörk og við missum Heimi útaf en við héldum áfram og náðum að klára þetta, mér fannst allir skila sínu hlutverki vel í dag," sagði Oddur.
Olís-deild karla Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Áhorfandi fékk sex milljónir fyrir ótrúlegt skot Fótbolti Ólæti vörpuðu skugga á dramatískan borgarslag Fótbolti Dagskráin í dag: Stúkan tæklar stóru málin og Guðrún gæti orðið meistari Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn „Gleymist að við tókum líka Kjarnafæðisbikarinn og getum unnið þrefalt“ Sport Tap hjá Sverri í Aþenuslagnum Fótbolti Fleiri fréttir Guðmundur og Arnór fögnuðu góðum sigri Greið leið fyrir Bjarka, Ómar og Gísla í undanúrslit HM Elliði Snær frábær í sigri Gummersbach Bjarki með átta gegn Brössum Tap gegn Tékkum í lokaleiknum Þorsteinn Leó fór hamförum „Varnarleikurinn var skelfilegur” FH á toppinn eftir sigur í Garðabæ „Komnir með miklu fleiri stig en ég átti von á“ Uppgjörið: Fram - Haukar 37-34 | Framarar gengu á lagið í síðari hálfleik Tíu marka sigur Íslands Viktor Gísli öflugur gegn PSG ÍBV og Grótta með sigra Andri Már spilaði stóran þátt í sigri Leipzig Töpuðu með ellefu í Tékklandi Haukur frábær í öruggum sigri Búkarest Sporting rúllaði yfir Veszprém Loks vann Valur leik Sigvaldi Björn magnaður í fyrsta sigri Kolstad HR og HSÍ taka höndum saman: „Engin meðalmennska hér, það er tekið á því“ Serbarnir fá aldrei aftur að dæma Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Sjá meira